Kung Fu Dim Sum (Closed)

之前以優惠價買左現金券, 所以就過黎試下~ 點心款式唔算多 蝦餃皇 - 皮薄, 蝦新鮮, 亦都算大隻~ :) 燒賣皇 - 原隻蝦係頂頂, 味道唔錯~ 酥皮焗杏汁包 - 係墨西哥包, 個皮夠脆, 但入面既杏汁甜左d... 碧綠帶子腸 - 腸粉夠滑, 帶子每條得兩小粒, 淡而無味... :( 鮑魚滑雞粥 - 無乜料既粥... 豉汁排骨煲仔飯 - 不過不失, 排骨味道尚可~ 濃湯北京水餃 - 水餃皮實在太薄, 爛晒... 入面係韮菜, 所以幾濃味~ 蒜香鮮蝦長春卷 - 入面係蝦膠, 要趁熱食, 唔錯! 鳳凰煎糯米雞 - 無乜料, 只係煎左, 味道不外如是... 濃湯魚肚鮮竹卷 - 好細條, 幾清淡, 都ok~…Read More

入去食的時候，餐牌、環境都不錯但上菜的等侯時間超長，食完一樣點心，隔十幾分鐘先上另一碟我地食晒所有野，等左好耐都未上最後一樣紅油炒手同佢地再講話漏單隔左一陣先上朋友一食落口，入面仲要係冰凍既！！同呀姐話唔熟叫佢再整過，態度已經唔好再拎過黎既時候，得返四隻（原來計埋凍個兩隻應該有五至六隻）再望下 D餃子，個皮變到勁硬，食落去陣味已經變到奇奇怪怪，問個呀姐，佢話師父係再煮返熱，但一睇就知放係微波爐翻熱，最後決定同佢地講退左呢樣野，埋單個時個經理仲黑口黑面，明明是餐廳的食物有問題，但要俾面色客人睇以後不會再光顧！…Read More

食點心對香港人唔單止喺一種菜式選擇，更喺一種高興相聚嘅飲食文化，尤其一大棚人一齊去飲茶，想點就點，寧捨無拘束，輕鬆又自在，叫滿一枱點心，有大有細，夠晒陣勢，令人睇得暢快，食得開懷！依家點心專門店開得多的是，無分早晚，咩時候都可以食點心，今晚，又再跟老友嚟試菜並開懷一番，有講有笑嘆點心，選址就晌中港城平台嘅「功夫點心」，好多人都話佢位置隔涉、偏僻唔顯眼，哈哈，對小弟而言，就啱啱相反，因為小弟喺西鐵線居民，由中港城行5分鐘就到西鐵柯士甸站，搭兩個站就返到美孚:)！以往所去過嘅點心專門店都比較窄小，但估唔到功夫點心內在環境除咗裝潢雅致外，空間非常寬敞闊落，配合牆邊多組屏風鏡飾，襯以柔和燈光，讓人感覺不侷限，挺舒服:)！雖然處於尖沙咀區，取價亦算合理，茗茶每位收$6（要加一）。點心紙有趣、有心思，成本武林小秘笈咁樣，打開列晒所以點心款式及單價，一共有40多款，中英對照方便外籍人士，種類分為各式蒸點、黃金煎炸、即拉腸粉、生滾粥、煲仔飯、湯麵、其他、原盅燉湯、甜品及飲品，部分紅圈喺「功夫推介」，可稍加留意。如果啲種類改為招式名，例如：蒸點改為「神籠出蒸」，生滾粥改為「滾滾如來」（可能有啲夾硬），但就抵死得多；仲有就喺點心紙注明點心即叫即蒸，故製作需時（約10-15分鐘），據了解店方所有出品都喺自家製，絕對唔用來貨，目的就只喺為要保持質素。原盅燉湯 $38:):):)由於兩款燉湯都實在太正，雖然晌點心紙內位列尾角，又無列為「功夫推介」，但都想首要介紹佢哋，因為確喺值得推介！ 鮮人參燉土雞 瑤柱淮山雞腳燉螺頭兩款燉湯都好得，據介紹喺以原盅蒸燉成4粒鐘，所以絕對夠火喉，再者，稍稍撈起湯渣，足見真材實料無欺場，配以古色古香嘅紫砂茶壺盛湯，既典雅，又耐熱:)。好睇唔好食喺無用架，但前者「鮮人參燉土雞」參味強勁，未飲都聞到，湯色清澈不俗，味道帶甘，清甜不膩；後者「瑤柱淮山雞腳燉螺頭」同樣貨真價實，瑤柱、淮山、雞腳、螺肉盡見，湯味比燉土雞更鮮甜，濃而不俗，是晚驚喜！各式蒸點（$18-$28） 功夫筍尖蝦餃皇 $9/隻（兩隻起）：叫得蝦餃皇，蝦嘅用料自然唔怠慢，以緬甸蝦做餡，蝦肉夠大夠多唔手軟，口感幾鮮爽，餃皮晶瑩夠薄身，軟韌唔黏牙:)。 蟹子香菇燒賣皇 $9/隻（兩隻起）：燒賣皇本身不俗，豬肉打得鬆化，內裡又加有蝦肉，蟹籽咬落啪啪聲，要挑剔個人覺得香菇味未夠突出啫。 懷舊綿香馬拉糕 $18：馬拉糕獨立個別咁做，所以呈半球體，且預先一開六，方便食用。口感確實鬆軟，原來師傅將粉糰先後發酵3日，所以有此效果，此外，味道清香唔錯:)！ 翡翠帶子鳳眼餃 $28：屬最貴嘅蒸點，少少蟹籽做點綴，鳳眼外型頗悅目，餃皮軟綿煙韌，翡翠用上西芹，口感清爽，加埋蝦仁、帶子，故然鮮味好食:)。黃金煎炸（$18-$28） 酥皮香麻蘿蔔餅 $25：餅身炸得金黃有光澤，外皮香脆酥麻，滿滿芝麻香，再咬入啲帶點柔韌。好可惜蘿蔔餡略為少，且蘿蔔味亦未夠鮮明，作為「功夫推介」，感覺未如期望:(。 蒜香鮮蝦長春卷 $22：長長嘅春卷以香檳杯盛載，春卷咬落唔油又香脆，雖然內裡蝦膠唔太多，但蒜香十足喎！ 鳳凰煎糯米雞 $25：依個煎糯米雞稱得店內創意招牌，見好多食評都有讚，所以點可以錯過。糯米雞喺晌中央工場預先做成半製成品，即叫即以慢火推煎，口感有趣，既有焦香脆口，又有糯米嘅煙韌，餡料就跟同食平常嘅糯米雞咁，不愧喺店內最受歡迎嘅點心。即拉腸粉（$24-$28）腸粉一共有4款：碧綠帶子、韮菜原隻鮮蝦、翡翠叉燒及特級金菇牛肉腸，店方安排了後兩者。 翡翠叉燒腸 $24 特級金菇牛肉腸 $24腸粉皮拉得都夠薄，但唔算好滑溜，但餡料落得無欺場，翠玉瓜搭叉燒稍為大路啲，反而個金菇配牛肉幾特別。生滾粥（$32）、煲仔飯（$29）、湯麵（$38）類都無叫，因為感覺太飽肚，難以試到更多點心款式。晌甜品之前，再試埋兩款其他類別。其他類別（$24-$34）「其他」就等同雜項，難以分類所以擺埋一齊，價格幅度亦比較闊，由最平嘅紅油抄手、濃湯北京水餃賣$24，到最貴嘅上湯雲吞雞及荷葉飯賣$34。 鮑汁鳳爪 $32：一份約有5隻左右，以鮑汁嚟扣鳳爪，當然鮑汁味喺賣點，鳳爪非常入味，又夠晒軟腍，唔錯唔錯！ 鮑片雞粒糙米荷葉飯 $34：荷葉飯唔會太大份，三幾個人夾份食唔怕食唔晒，飯粒帶有少少荷香，店家強調荷葉絕對唔會翻用，最得歡心喺加入埋少量紅米嚟做，更感健康；配合埋鮑片、雞粒，比起點煲仔飯有特色得多。甜品（$18-$20）雖然喺點心專門店，唔喺糖水鋪，都有4款甜品供應，小弟實屬嗜甜之人，自不然大貪啲一次過想試晒4款啦，反正個肚已經預晒位食甜品架喇。 雪沙香芒卷 $20：直接啲講，就喺香芒糯米糍，雪白嘅糯米糍外皮沾滿椰絲，大大塊芒果厚肉包在其中，睇落已經好吸引。一啖過成件放入口，感覺冰涼，又一口椰香，跟住就喺芒果嘅鮮甜，泰國芒果然正呀:)！ 紅映菊花卷 $18：齋睇名點都估唔到喺咩，但一上枱，啊！原來喺咁，酒樓常見嘅「菲林」芝麻卷嘅菊花版，入口先知原來喺熱食，真喺驚喜再驚喜，菊花味極之突出，感覺清幽，又無過甜，怪不得大家都佢評價甚高:)。 鮮芒果布甸 $20：外表猶如平凡嘅芒果布甸，但亮點食落你就知，內裡非常多新鮮芒果肉，香甜味美:)。 蜂蜜脆蛋散 $18：雖則蛋香味唔算好重，但脆口度無庸置疑，又唔黏牙，蘸上蜂蜜更添甜潤。總結一下，點心整體味道不俗，部分款式有驚喜，如燉湯、煎糯米雞、甜品，當然亦有啲喺大路貨式，普普通通，但總要照顧一吓唔同人嘅需要。作為止一止食點心癮，功夫點心大可列入try list都食得過，況且佢哋分店唔少，港九新界都有。希望店方晌品質上繼續努力，不斷提升質素，使出更多真功夫！…Read More

北京文青先生回港數天，一班朋友遂約了飯聚，最後選擇了尖沙咀的功夫點心。功夫點心位在中港城，不過位置相當隱秘，結果好幾位朋友也差點迷路了。安頓過後，由食量最大的V先生剔點心就最好了！據V先生所講，蝦餃、燒賣是續粒計算的，感覺十分矜貴，究竟是否物有所值？功夫筍尖蝦餃皇蝦餃是比一般的要大粒，蝦餃賣相不俗，不過吃起來蝦餃有點糊口，鮮蝦的餡料亦偏少，欠块鮮味，有點大而無當的感覺，似乎和身價不成正比！蟹子香菇燒賣皇燒賣也是比一般的大只，攞放得東倒西歪，感覺有點馬虎。豬肉切成小粒，並不是肉丸或免治狀，頗有嚼勁。加上頗有菇香，感覺其實有點兒貢丸的似曾相識感，味道不俗。鳳凰煎糯米雞作為MOS Burger死忠的V先生，第一眼見到這糯米雞時就說像極了珍珠堡，表面煎成金黃，內裡夾著糯米雞的餡料，吃起來既香脆又有新意，朋友們似乎頗為欣賞。懷舊綿香馬拉糕馬拉糕呈深啡色的半球體，而且剛剛好放在蒸籠內，感覺有趣又美觀，預先切開了六件，可見份量也比一般的多。吃起來十分鬆軟香甜，令人很有衝動想一吃再吃的。懷舊麻茸包麻茸包是V先生最愛，一籠三只，沒有往昔包上一點作標註，吃起來，包身鬆軟，餡料不算細滑，不過我和黑貓先生只覺麻茸香味一般，不過V先生說以他的經驗，這裡算做的不錯了。灌湯小籠包小籠包一籠三只，可賣相真的有夠差的，驟眼看，小籠包就是番蒸過的樣子，表面已經有些硬塊，朋友吃過後也遙遙頭的。布拉滑腸粉我比較喜歡吃素腸粉，做的好就可以更能品嚐到腸粉的米香。賣相還算不俗，不過吃起來同樣是現時腸粉的通病，粉漿當中下了澄麵，賣相是好看了，可惜犠牲了腸粉的軟滑特質，吃起來既爽且硬，而且米香微弱，食味可說十分普通。鮮百合叉燒腸餡料眾多，賣相十分飽滿，若非名稱，老實說實在不知道有鮮百合這回事；其實鮮百合和叉燒搭調嗎？腸粉皮很薄，縱然與布拉腸用上同一粉漿，相對也較軟嫩，而且叉燒餡料十分豐富，還算不錯吃的。北菰綿花雞綿花雞賣相不俗，魚肚如假包換，沒有以豬皮代之，盡吸雞肉油香，相當好吃，雞件選位也夠嫩滑，頗有肉香，味道不俗。濃湯魚肚鮮竹卷鮮竹卷一向油膩，可這裡就專門針對這個作出改善，用上濃湯，即時令本應十分肥膩的鮮竹卷清淡了許多，湯汁與鮮竹卷味道搭調，食味相當不錯，魚肚吸收了濃湯，吃起來也很棒。鮮蝦豆苗餃鮮蝦豆苗餃賣相似乎比一般的少，餃皮吃起來頗厚，用上豆苗，感覺清新，可惜餡料相對偏少，感覺上吃來不夠滿足。V先生食量驚人，在點心已叫得七七八八的情況下，只能點兩客煲仔飯了。腊腸滑雞煲仔飯煲仔飯份量不多，但餡料十足，雞肉鋪滿飯面，還有兩块腊腸。兩块腊腸貨色一般是可以預期的，但還不算太差，雞肉軟嫩，甚有肉香，加上略有適量油脂，米飯吸收過後更香更好吃。豉汁排骨煲仔飯排骨配上幾块青豆，賣相頗為亮眼，排骨不比滑雞遜色，份量也多，吃起來，排骨頗為新鮮，肉味不俗，值得一讚是肥瘦適中，不會吃到滿口是油或是無肉可吃，同樣的，排骨夠多，飯也吸收了點肉香，不錯吃，不過朋友們略嫌不夠豉汁，個人覺得清淡一點反而更好吧！擂沙湯丸吃過點心，總想吃點甜的，點了擂沙湯丸，可送上來時真的把我嚇呆了。一碟三粒的擂沙湯丸全部穿了露餡，這樣子當然不可能收貨吧？向店員反映要求更換，結果店員的回覆是，湯丸皮十分軟糯，因此再換也是穿的！這樣的答案放諸四海也令人難以接受吧？作為客人，失望之餘，也只能要求取消，這絕對是最大的敗筆。功夫點心裝潢大量用上木色的傢具，店子頗有中式的格調，侍應人手不多，當店內較為繁忙時，服務上似乎有點勉強，不過整體大致良好，食物方面，水準大致良好，但亦有如擂沙湯丸般令人惶恐的，著實有必要多加留意，消費每人不到一百個大洋，大家也都滿意；不過店子位處中港城平台，就如秘密練功，人流不多，加上附近亦有類近的精品點心店，確實要好好修繕，方能突圍而出。Berlin…Read More

香港近這幾年，越開越多這種點心專門店不分早午晚，都可以食到點心位於中港城的分店，我也是第一次來店裡很寬敞，座得也很舒服功夫筍尖蝦餃皇 $9/隻 (兩隻起)餃皮軟軟的而且很有彈性，蝦肉爽脆有鮮味很好吃!蟹子香菇燒賣皇$9/隻 (兩隻起)這好好吃喔! 裡頭的蝦子很有彈性又大尾~~肉餡不柴帶有湯汁翡翠帶子鳳眼餃 $28裡面包了帶子及西芹，味道很清新蒜香鮮蝦長春卷 $22春卷每次上酒樓我都最愛點，這裡的春卷細細長長的裡面更有不少蝦肉，很香脆很好食瑤柱淮山雞腳燉螺頭湯 ($38)用一個紫砂茶壺盛載，不說還以為是功夫茶了湯頭很清，濃而不膩，而且一點都不油..不錯吶鳳凰煎糯米雞 $25外皮打上雞蛋來煎，很香脆而且充滿蛋香三重口感的糯米雞實在好特別呢酥皮香麻蘿蔔糕 $25外層脆酥酥脆脆..但裡面粉有點過厚了..而且只有少許的蘿蔔絲懷舊綿香馬拉糕 $18這個勝在不會太甜，但不夠綿食完點心，又來到甜點時間 雪沙香芒卷$17糯米皮帶微微椰汁香味..配上大大顆的芒果肉..GOOD~鮮芒果布甸 $20每一口都有芒果肉，份量十足蜂蜜脆蛋散 $18蛋散很酥酥脆脆的，沾上糖漿後味道會更好了副本紅映菊光卷 $18清甜，菊花味香，而且這個是熱食的而且不會太甜膩，有夠特別，我很喜歡了最後還是要謝謝公關，店家跟食友的邀請又是讓我挺著大肚子走的一晚囉，真的食很飽呢 …Read More

早前收到食家朋友的邀請去了尖沙咀的功夫點心試食，真是非常多謝mjqueen7e及connie，更加多謝公關及餐廳方面的安排。地方位於中港城的平台，位置都是比較偏僻都不是明顯，餐廳環境勝在不是好吵都幾寧靜，平時飲茶去酒樓都是比較吵鬧，如果想同朋友聊天飲茶，此餐廳都是不錯選擇，地方又夠光猛寬敞，同時餐廳用的枱椅都是木紋的，給人的感覺都好祥和舒適，而且椅子後面還寫上<功夫>二字，正是真正代表餐廳的名<功夫>。 :) 餐廳用的菜單的樣子是一本功夫秘笈般，都幾得意，都有四十幾款點心選擇，款式都不少，分別有<各式蒸點>、<黃金煎炸>、<即拉腸粉>、<生滾粥>、<煲仔飯>、<湯類>、<原盅燉湯>及<其他>的類別而且更有一些甜品及汽水飲品。公關人員都好細心，已經為我們一班食家安排及點了一些點心給我們。更為我們準備了不少本店的招牌點心。 點心紙注明點心即叫即蒸需時大約10-15分鐘，這是大廚的堅持。更是令我們可享盡新鮮熱辣的食品，真是好感謝你們。用的點心都是自家工場，絕不是外來貨，食物安全又是好衛生。功夫尖蝦餃皇---蝦肉有兩粒都好大隻而且來自緬甸，本店用緬甸蝦因為緬甸水質比較好，蝦肉都好大粒又新鮮。蝦餃皮更是晶瑩剔透，而且煙韌彈牙都夠薄身。個外型圓碌碌都幾得意。蟹子香菇燒賣皇---熬辣辣又散發陣陣的菇香味更是肉味都好鮮又Juicy ，更上蟹籽咬落拍拍聲，增加了口感。蒜香鮮蝦長春卷---蝦肉晤是太足，但都爽口，食落都好香脆晤油膩，有點蒜香味，蘸上沙律汁也是不錯。翡翠帶子鳳眼餃---  蝦肉爽口彈牙，帶子肉都好大粒又冇雪味，西芹、帶子粒和蝦肉饀料都好足，咬落個餃皮都煙韌又太厚身，味道都好清新又鮮甜。 懷舊馬拉糕---都幾有蛋香，糕身都好鬆軟又不會太甜膩。酥皮香麻蘿蔔餅---個皮好酥香鬆脆，好多一條條的蘿蔔絲，而且人手切條，保持了豐富的咬口，更是好juicy ，食落好有咬口，個外皮真是炸好脆而內裡食落反而好鬆軟。包上散滿白及黑芝麻，好香芝麻味，食落都好香脆可是嫌蘿蔔絲少了一些。鳳凰煎糯米雞---日常吃到的蒸法的糯米雞，今次嘗試用了煎的煮法都幾特別。而且用了個蛋漿煎過，更可以令糯米黏著不會太散，食落卜卜聲都好脆口之後食落的糯米飯都好煙韌，食落好有層次，咀嚼時都沒太多油滲出，不足的是饀料不是好多。瑤柱淮山雞腳燉螺頭----  紫砂茶壺盛裝著湯水，更是可以耐熱點，飲用時可以倒落茶杯，又可以隔渣，飲用都好方便。每個湯原盅燉都要4小時以上，真是夠晒火喉，個湯可讚之處是晤油膩，飲落都不會好口渴，湯味濃都好足料，又有瑤柱粒、雞腳、螺肉、淮山......飲落都好鮮又甘甜。可是另一款湯是鮮人參燉土雞的人參味較淡口了少許，個湯不是濃味，味道一般，比較清了一些。翡翠叉燒腸---腸粉皮拉得夠薄身， 叉燒肉勝在不會好肥，嫌個腸粉不算好滑溜，水準一般。灌湯小籠包---個小籠包的皮太厚，而且湯汁晤夠，肉味都不是太鮮。鮑汁鳳爪---  好有鮑汁的味道，鳳爪夠腍又入味。鮑片雞粒糙米荷葉飯---  如果想食得健康，此荷葉飯也是不錯的選擇，油份少，食落都有荷葉香，糙米都是好香軟，雞粒又足，個飯都夠乾身。 芒果布甸--- 個芒果布甸好香滑，中間好多粒粒的芒果肉，好香甜美味，入口滑溜。蜂蜜脆蛋散 --- 蛋散蘸上一些蜜糖汁更是脆口香甜，入口鬆脆，如果加多些蜜糖汁又可以淋上蛋散上面，相信更是美味。雪沙香芒卷--- 個皮都不會太厚，芒果都好香甜又不會酸，甜度適中，入口啖啖椰絲香。整體上皮薄餡靚，更是吸引了我這個芒果迷。紅映菊花卷---好像飲緊菊花茶般，花味濃郁，甜而不膩又清香。今次的試食真是好開心，食物水準大部份都不錯，服務都好nice ，又常常幫我們加茶水。真是好多謝食家朋友及食店方面的邀請。:)…Read More

To be honest I did not have a good impression of Kung Fu dim sum because the food at the North Point branch was not that good, but this visit changed my opinion and there are more choices at the TST branch.Heres what we tried: ★☆★☆★☆★☆★☆★☆★☆★☆★☆★☆★☆★Scallop and shrimp dumplingIn these dumplings I liked the crunch in it, because it contained Chinese celery which has a strong grassy taste to balance the scallop and shrimp.★☆★☆★☆★☆★☆★☆★☆★☆★☆★☆★☆★Prawn dumplingThe good thing about these prawn dumplings is that you order by the number of dumplings you want and they do not come in the standard portion of fours.★☆★☆★☆★☆★☆★☆★☆★☆★☆★☆★☆★Stewed conch with yam and chicken leg:Before the pots of soup came, they gave out cups which I thought were tea cups.The soup comes in a pot that looks like a tea pot.Inside the pot, it was loaded with ingredients used for the soup.We tried two soups, this was my favourite because the ginseng one did not taste strong enough.The stewed conch soup was definately delicious, it was oil free and clear that you could taste the conch and chicken strongly.There were so much ingredients in the pot. ★☆★☆★☆★☆★☆★☆★☆★☆★☆★☆★☆★Crispy sticky rice with chicken:The crispy sticky rice was creative, it reminded me of riceburgers.Here they use fresh chicken in the middle so it was nice.It tastes like pan fried wrapped glutinous rice with chicken and the crispy rice give its more depth.★☆★☆★☆★☆★☆★☆★☆★☆★☆★☆★☆★Chicken and sliced abalone with red rice in lotus leaf:This was my favourite! I will be back for this!!It contains red rice which is healthy and the texture of the rice is not too coarse or dry.Each grain of rice was deliciously flavoured with abalone. ★☆★☆★☆★☆★☆★☆★☆★☆★☆★☆★☆★Chicken feet in abalone sauceThis was another favourite of mine, I will be back for this again.They were soft gelatinous chicken feet in delicious abalone sauce.★☆★☆★☆★☆★☆★☆★☆★☆★☆★☆★☆★Rice rolls:There were two rice rolls we tried, beef and enoki mushrooms and BBQ.Both of them were wrapped in delicately thin rice roll sheets which were silky and smooth. ★☆★☆★☆★☆★☆★☆★☆★☆★☆★☆★☆★Sweet egg twist with honeyThe great thing about these egg twists was that the honey was served separately and the egg twists did not have any oily odour.★☆★☆★☆★☆★☆★☆★☆★☆★☆★☆★☆★Prawn spring rolls:They were like thin long straws which were crispy with delicious prawn inside.★☆★☆★☆★☆★☆★☆★☆★☆★☆★☆★☆★Malay sponge cake:Usually I avoid this but here it was soft, fluffy and the sweetness was just right.★☆★☆★☆★☆★☆★☆★☆★☆★☆★☆★☆★I will be back soon for the rice wrapped in lotus leaves, soup and the abalone sauce chicken feet!…Read More

曾聽人說過：麥當勞代表美國人，而上茶樓則代表香港人。其實香港人向來喜愛嘆一盅兩件，尤其是近年點心專門店愈開愈多，嘆茶吃點心的地方和時間，已經唔再局限於酒樓及早午時段，甚至晚飯時間，與一大班朋友相約去吃蝦餃、燒賣，亦視作等閒之事。筆者早前就有幸獲得邀請，與幾位食友一起到這家「功夫點心」一試店裡出品，在此先要向幾位市場部公關及店方說聲多謝。其實「功夫點心」這品牌對筆者來說，絕不陌生，因為公司附近也有一間，而且亦是我和同事的飯堂之一，不過座落於中港城的分店，卻是首次到訪。原來這裡店面比起北角分店要寬敞得多。至於裝潢，仍以木紋色澤為主調，配合牆身的燈飾、刻上「功夫」字眼的椅背與及餐具等，給人整潔舒服的感覺。原來這間點心專門店，近年都發展得非常之快，由早兩年的天后總店，到近日的油麻地分店，已共有六家，生意滔滔，證明店裡出品，頗受食客歡迎。也翻閱一吓店裡這份設計成武林秘笈的餐牌，其實點心選擇絕不比酒樓少，屈指一數，共分成九大類別，當中包括：各式蒸點、黃金煎炸、即拉腸粉、生滾粥、煲仔飯、湯麵、原盅燉湯、甜品及其他類別等。由於公關早已為我們安排及打點一切，所以大家亦無須煩惱揀選點心款式，安心等吃。先來兩客原盅燉湯，鮮人參燉土雞 ($38)、瑤柱淮山雞腳燉螺頭 ($38)，每款均以一個紫砂茶壺盛載。其實兩款湯底，味道都唔錯，雖然色澤清澈見底，但入口清而不寡、濃而不俗，甘香味美，而且湯料非常豐富，飲完一啖已停不了口，絕對是驚喜之作。翡翠帶子鳳眼餃 ($28)，餃皮雖然唔算特薄，不過造形仿如鳳眼般，修長嬌小，而且內裡放了滿滿的西芹、帶子粒和蝦肉，吃起來嚼勁十足、鮮香味美。功夫筍尖蝦餃皇和蟹子香菇燒賣皇，以逐隻計算，每隻 $9，雖然每次最少要 order 兩隻，但感覺上很有彈性。前者外皮不會太薄而黏牙，入口蝦肉索索聲，足見爽口彈牙，而以蝦肉和豬肉打成的燒賣，亦算鮮香討好，食味不俗。蒜香鮮蝦長春卷 ($22)，春卷皮炸得夠脆，入口不油不膩，雖然稍嫌內裡蝦肉不多，但咬落蒜香味濃，水準亦相當不錯。由於相片篇幅所限，請各位繼續收看下篇…Read More

承接上篇鳳凰煎糯米雞 ($25)，是筆者至愛點心之一，其實這款點心的做法有點似日式奄列，由於糯米雞面層以雞蛋煎過，薄薄的蛋漿令糯米雞外形緊貼又唔鬆散，加上帶點焦香的口感，配合糯米雞內裡十足的餡料，吃起來既香口又夠特色。另一款炸物，圓鼓鼓的酥皮香麻蘿蔔餅 ($25)，面頭鋪滿勁量芝麻，賣相極佳。記得這款點心，筆者亦曾在北角店吃過，以中式麵包皮包著白蘿蔔和金華火腿絲，充滿京滬口味，可惜這晚的蘿蔔餅，皮厚餡少又油膩，有待改善。灌湯小籠包 ($22)，外皮有點厚，香味欠奉，而且肉餡和湯汁亦不多。其實到這些點心店吃小籠包，亦不要抱太高期望，製作小籠包向來講求師傅的巧妙手藝，要做到皮薄、汁多、味鮮，絕非易事。懷舊綿香馬拉糕 ($18)，其實做馬拉糕，重點在於要夠鬆軟，而這裡的馬拉糕，聽說師傅會先將麵糰發酵一天才蒸，所以造出來糕身，特別軟綿煙韌，口感鬆軟。鮑汁鳳爪 ($32)，鳳爪肉質飽滿，尤其以是當中掌心的一小撮肉，腍身入味，而且加入了鮑汁扣成，啖啖矜貴誘人。特級金菇牛肉腸 ($24) 及翡翠叉燒腸 ($24)，筆者向來對吃腸粉的興趣也不濃，當然「金峰」的香口炸兩腸和「合益泰」的超滑溜腸粉除外，幸好這兩碟腸粉，外皮尚算軟糯，不過粉皮過厚，餡料又唔算特別出色，整體味道只屬中規中距。鮑片雞粒糙米荷葉飯 ($34) 是食友 SSG 的至愛，還說為了這款點心，會特意再來捧場。荷葉飯相信大家一定有吃過，但加入了糙米的荷葉飯，既有調節腸胃功能之效，亦可消除暑氣，配合鮑片雞粒，清淡又健康。甜品方面，共有四款選擇，貪心地全掃了回來。先試這款雪沙香芒卷 ($20)，其實是呈卷狀的芒果糯米滋，糯米滋外皮煙韌，入口帶椰香，而內裡芒果肉亦夠大塊甜美，水準一流。蜂蜜脆蛋散 ($18)，入口不太甜膩和黏牙，咬落香脆鬆化，不過就略嫌雞蛋香味不濃，個人建議把蘸點的糖漿換上麥芽糖，相信吃起來更有風味。鮮芒果布甸 ($20)，質感滑溜，味道又不會過甜，而且內裡盡是芒果肉，吃起來載滿幽幽果香，甜美好吃。紅映菊花卷 ($18)，初頭端上檯時，第一個感覺就是變了色的芝麻卷，原來這客與芝麻卷外形相若的懷舊菲林筒，是以菊花汁製作，而且由於是熱食的關係，感覺蠻特別，加上咬落帶陣陣濃郁的菊花香，甜美好吃，值得推介。數一數，這晚點心連甜品，共吃了 18 款之多，不過原來還沒掃勻全個餐牌的點心，有空會再來品嚐尚未試的款式，在此再次謝謝店方的邀請。…Read More

說到飲茶，只會聯想到酒樓，推著車仔那種；再黎開始便是酒樓劃紙仔叫點心；再慢慢演變到現在不用到酒樓也可品嚐到點心的店鋪形式陸續出現。其實是滿好的，起碼不用再在酒樓排隊數小時先可飲啖茶歎個包，就算買外賣也方便多了!這次有幸得到店方的邀請，來到尖沙咀中間城內的功夫點心試試他們的點心，與一眾食友渡過了愉快的一晚，在此先行謝謝! 中港城的位置就在西鐵柯士甸站行過去會較在尖沙咀地鐵行過去快! 功夫點心就在最上層，點內的環境寬敞，都用上木製的餐桌，餐具和椅背上也印上「功夫」兩字；點心紙也做成武功秘笈般，十分有趣!坐下後，我們先點了一壺鐵觀音。公關部先為我們準備了一些點心，據說這裡的點心都是即叫即蒸，也是自家製的，絕不是外來貨，誠意十足。翡翠帶子鳳眼餃 $28光看樣子這鳳眼餃的外型還滿像"鳳眼"的，內裡包了帶子及西芹，西芹味較突出。不過不愛西芹的人可能會略為怕怕，愛吃的人應該會感挺清新。蒜香鮮蝦長春卷 $22炸得熱辣辣又脆身的長春卷，內裡包了不少蝦肉，沾些沙律醬一同吃，滋味無窮，抵受不了的香口感，忍不住一條接一條!功夫筍尖蝦餃皇 $9/隻 (兩隻起)蝦餃做得還算晶瑩剔透，內裡藏了不少原隻蝦肉，蝦肉爽脆彈牙，岩晒愛吃蝦的小妹!鮮人參燉土雞 $38不同分店盛載這燉湯的可能也有不同，北角的是用燉盅，而這間分店便選用這甚有中國特色的茶壺載著，茶壺外邊印了金色的文字和圖案，古色古香，份外吸引。打開蓋子看看，可見內裡十分足料。接著把蓋子蓋好，便可像沖茶般把湯沖到這杯子上。入口味道甘香，不油膩，很怕人參味的小妹也抵受得了，好渴!灌湯小籠包 $22一籠三隻的小籠包，略嫌外皮較厚，內裡的豬肉更沒什麼味道，而且爆汁效果欠奉，較為失色。懷舊綿香馬拉糕 $18海綿蛋糕般的口感，其實感覺就是普通馬拉糕。鳳凰煎糯米雞 $25煎過的糯米雞，小妹真係第一次食! 原來製作過程滿繁複，需時約三個工作天。略煎後的糯米雞帶著金黃色的外層，糯米飯飯粒食落脆脆的，內裡就是糯米雞的材料，整體還滿特別。酥皮香麻蘿蔔糕 $25這份量足夠4人享用，金黃色的渾圓外型，外層鋪上了滿滿的芝麻；第一口食落麵質外層脆酥酥脆脆的，帶著芝麻香，帶卻有點油，內裡有點像炸饅頭的質感。本身看到這蘿蔔糕還以為切開後會看到滿滿的蘿蔔絲，但卻驚見內裡只有少量，有點失望。翡翠叉燒腸 $24 及 特級金菇牛肉腸 $24腸粉的外皮晶瑩，但略嫌未夠薄身不夠滑，兩者在味道上均只屬味道，沒什特別。試完點心後，又是甜品時間嚕!鮮芒果布甸 $20同樣份量不少，內裡大方的佈滿芒果肉，每口都十分鮮甜，按不住一口接一口，芒果迷必試!雪沙香芒卷 $20香芒卷外層鋪滿上椰絲，薄薄的糯米滋外皮食落煙煙軔軔，內裡的芒果肉份量十足且很鮮甜，很不錯咧!蜂蜜脆蛋散 $18蛋散很薄很輕身，咬落十分鬆脆，沾上糖漿後鹹甜的味道倍加惹味。紅映菊光卷 $18端上桌時已聞到濃濃的菊花香，滿像菊花茶的味道。先試一啖，想不到原來是熱的，還以為這甜品是凍食，所以有一點驚訝 (笑)! 這歇黃色的卷從側面看，是一層層的卷起來，就像相機菲林般。咬落很煙軔且不甜膩，很喜歡帶著陣陣菊花香的味道，是很清新又特別的一道甜品。…Read More

上次屯門等好久，反而尖沙咀冇乜人，可能是星期六中午吧遊客還較多蝦餃少食多滋味，又是一人一只，皮薄，蝦多，惟蝦明顯有點乾乾的感覺，乾得是沒甚水份:(蝦腸可能較蝦餃還佳少許，腸粉皮不薄，亦不算滑溜，但蝦又是乾乾的，與蝦餃用的是相同的蝦，太乾了，實太沒趣:(山竹牛肉上一次覺得很鮮嫩又富牛肉香這次只覺有點兒粉粉的，又沒甚牛肉香似乎唐記包點的牛肉更美味雲吞雞都不太小鍋的，內裏還有4顆雲吞雲吞最少較蝦腸蝦餃內的蝦多汁，內裏的肉，含量蝦較少，但多汁，吃起來較可口湯都挺濃，少許肥，但女朋友仔一概不喝雞，其實雪雞也是常識吧，有雞翼雞槌，我已覺得很好了雲吞雞$3x, 蝦膠$2x, 雲吞雞抵好多煎糯米雞:)這是精選不會因為煎香了就偷工減料入面盡是少許菇，肉，醬料，多得都要溢出這兒煎的比屯門更透切、更香口、更爽脆總括而言，我認為屯門店好吃多了…Read More

可能細個或工作成日都飲茶，所以搞搞下變左唔多鐘意，食飯...有太多選擇嘛！今日破例主動約朋友來吃點心，是要還飯債(雖然最後朋友點都要夾番錢)！位於尖少咀中港城二樓平台既功夫點心，還以為會有好多人到來歎一盅兩件，點知啲吉枱多到冇朋友，近乎想坐邊都得，怪不得我地遲到都冇人催啦！餐廳地方尚算寬敞，可能樓底較低，所以沒有裝假天花遮住啲喉，牆上既燈幾靚，點心紙設計都幾特別，個封面成本秘笈咁，貫徹功夫既主題。點心好大路，叉燒包﹑麻茸包﹑原個馬拉糕﹑逐粒叫既蝦餃燒賣(2件起)﹑鳳爪(有柱候醬及鮑汁揀)﹑各式腸粉等，亦有煲仔飯，飯夠乾身，我地點既排骨冇肥肉，味道不錯！較有特色既點心冇乜，但有少人整既煎糯米雞﹑蝦春卷。其中後者好味！4個人叫左差不多20碟點心，埋單$480有找，唔算好貴。食物未至於話超得，但好味過深水埗名店呀！有茶癮想夜晚食點心既都唔錯既，食完仲可以過隔離搭夜船過大海添呀！…Read More

今日係中港城做完野, 就同同事找地方食飯, 原來中港城開左禁多食肆, 諗左一陣, 最後揀左食個名好勁既功夫點心試下! 餐廳環境幾好, 下午客唔太多人!我地三個人叫左8樣野, 超飽!…Read More

行街行到攰,記得上次冇啦啦行過中港城食過泰閣,記得對面有間功夫點心,上次睇過下menu 目到有個個燉湯.我好鍾意飲湯, 特別中湯,於是果日4點幾同朋友睇完鴨仔,就行過去中港城飲湯.先叫左壺"普浬"呢個係剔剔字=menu我地叫左兩個湯: 海底椰川貝燉鱷魚湯好吸引,整哂d湯料出泥食好得意,佢整到好似茶壺湯咁樣:)瑤柱准山雞腳燉螺頭湯:)好足料好濃味!!!有驚喜!!!yumyum!!!!!!好surprise.我以為係用碗裝咖咋.原來用個茶壺!!下次會再泥飲!!!nicenice!!!!d staff又好快幫我地加熱水.…Read More

下午茶時間, 因行到好攰, 搵個地方休息, 但又唔太肚餓, 我提意來這店飲茶.完全唔洗等位, 人客都不多 因唔太肚餓, 只叫了3個點心...可以續粒叫(2隻起), 一人一粒 :)蝦多肉少, 感覺好真材實料, 適合不太愛肥豬肉的人吃芝麻面係幾香脆, 但個面全是油........ :( 連帶底個包包腍哂.......包多, 餡少......... 可能油淋淋.. 好肥膩........3大舊雞肉, 嫩滑, 棉花索哂汁/油... 冬菇腍, 不過不失…Read More