功夫點心

Open Now

Now Closed

行完嘉頓山去附近搵野食， 夜媽媽好多餐廳都關左， 呢間望入去仲好多人，所以就入座啦。入面都幾大幾多位， 咁我地就坐入面兩人位， 等左一陣就叫野食， 個侍應話已經係last order, 要一次過落， 冇得再加單了。我地兩人叫左兩粒燒賣兩粒蝦餃， 再叫多碟叉燒腸同埋排骨。D 野食好快到， 亦都好夠熱D 侍應呀姐D 態度都OK, 發現落錯單， 好爽快就改返岩。我地其實仲叫左碟野， 不過冇哂果陣，冇通知下自動幫我地轉左粉果 ....... 要自己同侍應問先知

今日母親節～間間食店都大排長龍～咁岩經過尼間功夫點心又咁岩仲有一張枱～同男朋友諗都唔諗直接入去啦緊係（我地入左去之後人龍就出現啦😂）講返間點心先～其實都唔錯既我地叫左燒賣$9/一粒（兩粒起）好大粒～蝦係爽口既鳳凰煎糯米雞$24，幾得意既做法～用薄薄既蛋漿去煎香糯米蝦餃$9/一粒（兩粒起）一樣蝦係爽既蒜香排骨$23，本人覺得蒜太多牛肉球$19，不過不失 菜苗餃$24，尼個菜苗好多好正～粒粒都飽滿既😋小籠包$24，尼個就差d皮比較厚同無湯汁

今日原本只係想去深水埗玩具街行下，買下小禮物比呀女同學仔，因為過兩日開生日會，人哋專程過來慶祝，當然要有小禮物收下先開心，絕對唔可以比人空手而回。點知係深水埗港鐵站撞到妹妹及妹夫，佢地話去飲茶，仲話呢好正架，所以就一齊去咗飲茶。總括來說，現場環境衛生，餐具清潔，服務員態度十好。食物都很有水準，另外想起了太近太子的添好運，嗰度D點心又係好好味既。今次第一次食煎糯米雞，咁樣整呢食真係未試過，又的確係好食，另外仲有一個推介係流心奶皇包，而家多咗地方有呢個包，但黎到呢度食真係要食下，不過食之前要開個洞涼一涼先，唔係會燙到咀巴，裏面個流沙心好熱，正正正。來到呢度，呢兩個點心一家要食。

老媽想食點心，行去附近功夫點心午膳，卻換來不善對待。問心講，功夫食物品質已是行貨，食物一般，諗住食一盅兩件但換得一肚氣，繼而服務態度極差，排隊攞飛非常混亂，管理不善，仲要惡言相向（駁咀），不知所為，不會再幫襯。就以推薦點心灌湯餃而言，皮厚、湯咸，有些像味精湯。腐皮卷亦油淋淋，似用油浸，不是煎或炸。食到一口油。

功夫點心在香港似乎愈開愈多分店。今天到深水埗買完東西已是下午二時多，途經功夫點心店，於是我們二人便打算入內醫肚。人座後竟然發現原來由下午二時三十分至五時三十分惠顧，一律有八折優惠。餐牌內選擇頗多，有各式蒸點、黃金煎炸、即拉腸粉、生滾粥、原盅燉湯，湯麵、甜品、飲品及其他。瑤柱鮮蝦菜苗餃 (折後$19.2）一籠三隻，澄麵包著豐富餡料：繼有脆綠豆苗、爽口蝦肉和一點瑤柱絲。吃起來感覺清爽，餃皮不會粘口。黃金流沙包兩個 (折後$14.4）一籠一個包，看起內並沒有特別，但一口咬下，便有橙黃色的流沙沖出來，鹹蛋和奶皇味不會過濃或甜。鳳凰煎糯米雞 （折後$19.2）這個人氣推介點心現在很難在其他酒樓吃到的，所以不可錯過。外脆內軟，非常討人。外面煎脆了的糯米增添了蛋香。糯米雞內的餡料不多，但味道已足夠。陳村粉蒸鳳爪排骨 （折後$26.4）陳村粉頗厚，沾上了鳳爪排骨的豉汁味會好吃些。排骨醃得恰到好處，鳳爪亦不硬。我們二人結脹才是八十七元正，已包茶錢，下午茶打八折確實化算。

價錢黎講唔貴, 但好多點心味道都好一般個燉湯好似飲緊味精水. $26個流沙包即蒸的, 係幾好食, 同真係做到流心效果. 但個籠真係好污糟, 應該上一手食完無洗過就拎去蒸.個籠有其他點心既殘渣. 有上一手既包, 仲有鼓汁鳳爪, 仲有D不知明既東西.個燒賣好好食, 本身唔唔鐘意食燒賣, 但佢個燒賣係幾好食.蝦蛟2粒都一夾即散, 失敗.另外坐位非常擠迫, 感覺俾人困左籠入面食野待應方便非常好, 雖然好多人, 好繁忙, 但都有求必應

食物質素一般， 但服務完全唔得， 進去前是正常服務， 但當你差不多食完時便會係咁趕你走。 除了從前葵芳的銀龍有這特別服務外， 呢間都有這樣的服務， 完全當食客是用完即棄， 唔會再有下次幫親

年初二既夜晚八點幾，無人等緊位，五個人等左5到10分鐘到，呢間既點心都唔算貴，叫左十幾樣野，$37X幾蚊，叫左3個飯，櫻花蝦肉餅飯，臘腸糯米飯，煎糯米雞幾特別，好似公仔點心糯米雞中間既料，應該係攪爛左既雞肉來流沙奶王包好大個，同埋真係流心架間野幾特別，幾有心思，點心紙好似成本功夫薄甘樣，點心方面都有唔小特別點心，雖然野食唔係話真係好多，但係呢間係志在有特色既野心，重有甜品，不過無食到

今天來到深水埗買聖誕禮物比小朋友，行到肚餓就找了這間《功夫》點心店，這裡提供的點心種類也很多，只是位置不太好座，但點心來到也是熱辣辣的，味道也是不錯，茶方面是比不上洒樓飲茶的，但四個人食到飽也不用$200也真是很抵!

夜晚9點幾 晚飯都食完 突然有位朋友打黎話岩岩係大陸落左黎咁我同老公當然陪下佢去食下野啦!!因為我同老公都已經食過晚飯 所以選擇飲夜茶咁岩屋企附近開左間就去試一試啦~可能因為夜晚9點幾 所以人流唔多 位都好闊服務員好快就帶我入去坐呢間點心都好多選擇 仲有潡湯飲初初黎到個時見到好淡色 心諗唔通好難飲 好淡味?點知第一口出奇地哇然 好好味wo好快其他點心都開始黎啦流沙包好好味 非常流沙 但要$9一個 叫兩個就黎兩籠朋友食 佢話肉餅比較粉 唔見意試砂鍋雲吞雞 雲吞厚皮 雞有D老 個湯好好飲酥皮叉燒包 熱烘烘 非常好味 外酥內軟咸水角 呢個非常推介 即叫即炸 又熱又多涵 正呀燒賣都勁好味 但又係9蚊一粒 比較下真係有D貴總括黎講 味道真係唔錯 但價錢就有點貴 夜晚搵野食 都會在黎既~

有時間中想食下點心當一餐，又可以係昵到食下，以前由佢一間鋪食到而家租埋隔離鋪，地方大左好多，無之前甘迫，食物品質都無差左，都保持到水凖算係吳錯。點心即叫即做，出黎都係熱辣辣，腸粉——-皮不算太薄，如果再簿D仲滑仲好————-食，🦐都好大隻，好味😋🐔腳——-炆得夠林入味😋蘿蔔糕——面頭煎得都夠，味道都ok，加埋—————甜辣醬食仲好味😋其他食物無影，但都屬於好食😉服務一般，不過不失，以昵區黎講都算合格keep住食物質素同不太差的服務，我都會繼續幫襯😜😜😜😜

功夫點心周圍都有, 不過一直都未食過, 原來都OK喎! 茶錢$5位, 可以揀茶, 午市好似無加一, 3個人食左$150。菜苗餃:皮好薄好彈牙, 好多料, 蝦肉都唔少, 調味幾好。綿花雞:呢個幾抵食, 好大件雞, 綿花都有兩大條, 底下芋頭好粉!蝦腸:皮薄, 每條有2大隻蝦, 不過有D雪味, 都正常既黃金流沙包:因為最少叫兩個, 原來係咁大個, 入面真係流沙, 正呀!!!酥皮叉燒包:以為係雪山 叉燒包, 原來係波羅叉燒包, 即刻扣左分, 呢個好麻麻, 食唔晒。生煎安格斯牛肉餅:料比較少, 不過煎得幾脆。

少人一齊食，但又好想飲茶，點解決？去點心鋪囉，平靚正，等位又快宜間功夫點心原來都好多分店喎，茶錢$5位。最有趣的是奶皇包一個個咁嗌，不過兩件起。一上到泥，哇！哈哈哈，咁大個既，一籠就係一大個。仲要真流心嫁，好過癮跟住個菜苗餃都攞滿分，同蝦腸一樣，隻蝦都係大大隻好食棉花雞有2大舊滑雞，下面隱藏左4-5舊芋頭嫁棉花都入味，索唒啲汁食到宜度都幾滿足的，但係試左個新式野，安格斯牛肉餅，真係失望又油，牛肉又少，仲要不好味，no good！再泥一個酥皮叉燒包。宜個等左好耐先泥。本身期待係雪山個種，點知係波羅包。都無問題既，但真係幾難食波羅包都做不到一般水準，啲包又好似面粉未熟咁，俾啲汁浸到爛爛地既感覺。bad食左一啖就放低了～整體而言，係不俗的三個人食到飽，每人$50

兩個人7:00到,入面5成full左,一坐低就姐姐好主動問飲咩茶~首先,叫左個飯打低先,姑姑滑雞飯d雞好滑可以整到一cc 錦食,飯好林好入味,可惜得4隻太少!奶黃包,做到流心,夠熱!好味!蝦好大粒,好彈牙!pig 加蝦既肉好夠,好彈牙!正!

小編又嚟到深水埗搵食喇~ 本來想去阿皇后嗰到食嘅… 點知… 剛巧又滿座~ 小編是一向對於等位開飯嘅樣事情都係麻麻嘅… 所以今次唯有去另外一間開飯喇~😂入到去地方都幾唔算太迫，沖完壺茶🍵，就開始點餐了。等咗一陣啲點心就到喇~ 有蝦嘅點心，裡面入面啲蝦係成隻喺入面，好彈牙㗎~ 仲有好耐冇食嘅灌湯蛟，裡面都好多料，青口、蝦、魚翅、墨魚、雞肉…等。小編食灌湯蛟呢個記憶，只是有兒時媽媽帶埋弟弟，三個一齊去宇宙商場附近啲酒樓，食過嘅記憶。各樣食物都好好味，而蠔油花菇鮮雞煲，味道有點似啫啫雞幾香幾惹味~😋