Kumamoto Café (Closed)

位於官塘apm商場地庫層，可愛嘅熊本熊主題餐廳，內內外外都有好多公仔，食物飲品都係熊本熊樣甜品，布甸，口感一流咖喱蛋包飯，日式甜咖嘛，用藝士整圖案，打咭影相一流🤣…Read More

少女小孩都喜歡的可愛熊本先生主題, 一入到去就充滿可愛的味道。午餐叫左個滑蛋咖哩飯同一個朱古力香蕉蛋糕。滑蛋咖哩飯就係日式甜咖哩, 同個次薯蛋頭主題餐廳一樣味....因為係同一間野..哈哈..朱古力香蕉蛋糕個蛋糕係熊你頭形, 好得意, 不過就好粗下, 最鐘意食佢個軟雪糕,又香又滑~黎呢度主要影下相, 味道就唔好太高要求啦~…Read More

於觀塘apm一田超市內有間人見人愛的主題Cafe。Cafe的座位不多, 以白色作主調, 有田園小白屋氣氛。門口有巨型Kumamon，絕佳的影相位。Cafe 晚上經常大排長龍, 但平日的下午茶時段, 竟然沒有客人。店員給我及B女最安座於Cafe內唯一的圓形梳化椅。Cafe 內每個位置都佈滿的Kumamon的物品, 如海報、餐具以至座位坐墊，絶對是女生及小朋友的天堂。B女見到立即熊抱著及咀咀牠。打開餐牌，所有食物都有Kumamon可愛的嘜頭。食物方面選擇不太多，食物由Izumi Kitchen主理, 以日式咖喱、漢堡奄列、吉列豬扒為主打。這裏的食材講究，所用的米、雞蛋、蔬果、豬肉、牛奶、生果都是由熊本產地直送。價錢不算太便宜，但對粉絲們來說應該問題不大, 絕對願意潮聖。吉列豬扒漢堡包$99食具當然印上kumamon的嘜頭, 而且漢堡包的做型竟然是熊的臉, 雖然像真度一般, 但總算有驚喜! 另外有薯條及水果, 賣相可愛好像兒童餐。突然覺得自己年輕了廿年!漢堡包有片厚身的蕃茄, 咬下去又甜又多汁。生菜只有一片, 比較小家。麵包微暖, 烘得不太香脆。主角吉列豬扒外皮炸得脆, 但炸得有點過火而且炸粉厚了點。肉質比較實而且肉汁欠奉。真的用上熊本來的豬肉嗎?反而漢堡包棄用蕃茄汁, 改用蛋黄醬並且加入新鮮蛋粒, 塗在下面的麵包上。這食物能夠增加口感而且食物健康。薯條是連皮而且似是原個薯仔切出來。另外, 這薯條熱辣辣, 但不似太炸, 好似焗香了 。這食物比較健康。旁邊有鮮甜多汁的車厘茄及一片橙, 另這下午茶變得更健康。士多啤梨牛奶$25這裡沒有提供下午茶餐, 要加$25才有杯飲品。初初以為這杯士多啤梨牛奶是有士多啤梨味打成的牛奶。原來是放了好多士多啤梨肉並沉底的, 牛奶不是鮮奶, 味道偏甜的奶類製品。一邊飲一邊吸啜到甜甜的士多啤梨肉。食物質素一般, 價錢不太大衆化, 為的只是牠, 潮聖一次已經足夠…Read More

之前去日本既鬆弛熊cafe，老實講真係為賣相可愛而去，而且聽聞好似期間限定咁過一排就冇，所以同朋友去左，不過除左靚係唔好食既。(爆)今晚就去左apm一田超市側既熊本熊cafe，聽說開業時排隊等食，唔知係咪熱潮冷卻，我係唔洗等之餘仲有好多位剩，店舖細細有可愛熊本熊陪坐，坐得還可以但冷氣太細，好熱啊！打開menu冇乜選擇，望多眼原來係by izumi kitchen，我都諗左好耐先點餐，因為樣樣都唔算吸引，只係揀賣相而已。千辛萬苦揀左杯梳打特飲，冇得叫少甜，可愛logo杯成為賣點，梳打上軟雪糕要讚，好香濃牛奶味好滑，綠色梳打味道似波子汽水，但偏甜喔！主食方面有炸蝦沙律+漢堡扒+煎蛋，當然主角係熊本熊白飯啦！女生們見到一定瘋狂地相機食先，而且唔捨得整爛佢塊面添 (笑)。不過樣就有啦！內涵就...一般，漢堡扒好林好多水咁，完全冇肉類應有既彈性，碟上其他野係正常食物囉。另一個set入面一樣係熊本熊白飯主角，加上炸餃子，牛肉卷，獅子狗伴住，比漢堡扒好好多，係一份正常但味道普通既set，所以好難講出食物有咩特別啦！最後係set入面既甜品，揀左白玉雪糕，識我既人都知我好中意食白玉，煙煙unun又彈彈既咬口最岩我，果然好彈啊吓，加上濃味牛奶軟雪糕+甜度適中既紅豆，簡直係坐晚既重點好味「第一位」。如果要咁既價錢食咁普通質素既定食，的確係有點偏貴，所以潮聖一次試過就算啦！聽聞遲d會改主題，可能會有唔同既卡通人物，呢個我都好期待啊！…Read More

食完晚飯行咗陣，好似差少少嘢咁，無錯，係未食甜品呀；經過Kumamoto Cafe，不如試下吧。第一次來這間cafe，感覺不錯，空間感大；差不多每張枱也有一隻Kumamoto，一個人嚟食都唔會寂寞喔。點咗呢個香蕉蛋糕配雪糕，個名唔係好記得，都幾好食，不過雪糕溶得快。仲有呢個雪芭，牛奶味香濃。有機會會再返去試正餐，哈哈。…Read More

點解開左咁耐都無試過呢?家因間鋪頭超細，行過都唔想入，但老公今日竟然話無乜人想試下，好啦即本入去試下啦其實本身唔係咁鐘意隻熊，但入到去好有氣氛，周圍都係熊本熊，感覺好得意，每一張枱都有一隻熊公仔或者有個熊cushion陪住你食飯，而且d野食都有熊本熊個樣，真係卡娃依呢~~he好啦睇下有乜野食先，其實款式都算多，好多野都想試，最後同老公揀左。。。炸海鮮便當~炸魚柳，炸蝦，炸帶子，味道ok，唔會太流，個熊仔飯好得，個樣加分加分，味道都唔錯麵豉湯~便當跟既湯，一般麵鼓湯味道炸豬扒拉麵~豬扒鬆脆，有肉汁，啖啖肉，好好味，但拉麵就好一般，同759果d包裝麵，自己煮果d拉麵一樣味道 最後橙汁 + 烏龍茶， 好滿足呀~~😋雖然價錢我覺得貴左d, 但食物質數過得去，加上賣相同氣氛，值得一試哦~~…Read More

之前睇旅遊書介紹而得知呢間餐廳之後就一直想試下 我係跟套餐咁叫野食既 套餐可選一杯野飲或者湯，另外一個主菜同甜品 當然只係細細杯個啲 餐廳另外仲有啲Wuffle 熱香餅類甜品 本身係諗住食完套餐叫個wuffle既 不過因為太飽啦 就無再叫 我自己就叫左個咖哩豬扒飯同行友人就叫左個炸雞飯 （好似係？-_-）咖哩飯黎講 我自己建議唔食得辣既就唔好叫 因為都真係幾辣 友人試左啖就不停飲水（利申，朋友唔食得辣）另外豬扒落得太多粉 味道一般啦 但個炒蛋不得不贊，有啲似茶餐廳早餐個種感覺 感覺個蛋有機會落左奶炒 對奶敏感既朋友最好食前問一問:) 不過點解我隻熊係白色既？好似其他咁加塊紫菜係面豬登度，個樣會好睇啲友人個個炸雞飯我都有試左幾啖，好似普通飯咁囉 無乜驚喜  總之就係好普通:)我地兩個都係叫左湯無叫野飲，個湯係粟米湯 （唔記得影相）唔似自己煲既粟米湯 似759個啲:( 不過其實幾好飲 都係飲味精姐。。之後到甜品，我地又係叫埋一樣既野 叫左燉蛋 對於鍾意食甜既我黎講 係好好味！埋單好似係三百幾四百蚊 唔太記得啦 因為唔係即時打既評價。 上餐既速度都幾快 同埋店入面真係好多野熊本熊…Read More

自從好耐之前經過知道有呢間cafe,我女就好想試，上次睇完戲已經收左工，今日去完街見時間尚早就專登去一去觀塘探下Kumamoto.去到walk in,已經8成位滿左，店內有兩款餐椅，一款係卡位，每個位都有一隻kumamoto，而一般坐位都會有一個kymamoto cushion.好彩我地入去仲有一個卡位，我女好開心咁坐低左，店舖雖然唔大但係環境唔錯，有bb chair方便小朋友，唯一缺點就係餐款唔太多。我選左一個咖喱同一個炸雞便當(其實我覺得佢menu內ga漢堡飽同pancake更吸引‥不過晚餐時間都係選返飯類)上餐幾快，職員好好禮貎，炒蛋好滑同有蛋香。不過飯唔夠熱。本來如果飯夠熱，表面啲cheese溶左就會幾好食‥可惜‥啲飯真係好失敗，又乾。小朋友食得好辛苦。炸雞炸到好硬，所以我女食唔到‥咖喱又有少少辣，唔啱小朋友食。跟餐有飲品，叫左橙汁，另外再加杯咖啡。咖啡好香好滑，但係勸各位先試左先再決定落唔落糖，因為本身都會有甜味。橙汁較失望，一飲就知係菓x先生。但個杯無咩特式。甜品可以選雪榚/布甸/雪榚丸子。我要左雪榚同布甸，雪榚好香奶味又唔甜，布甸夠滑唔甜。唯一失望係盛戴餐具比想像中普通。雪樣插左隻kumamoto紙公仔，而布甸就一般布甸牛奶樽，個蓋印左隻kumamoto。…Read More

There were not much to choose from on the menu so we ordered the best looking one which are the beef and chicken combo. The presentation of both dishes were amazing. The beef tasted alright, just like the normal burger meat. The rice were hard, there was no sauce which makes the rice very hard to chew. The chicken with rice tasted much better because the sauce of the chicken was good and I love the mush potato.  The environment was nice but the place was a bit crowded.…Read More

朋友大喜愛熊本熊, 排隊時著小人去買東西, 到的時候急call, 小人怕誤時, 趕緊付錢趕到。吉列豬扒套餐, 豬扒及薯條都不夠脆, 很油; 而整份餐應該說是温度不足。漢堡包的形狀是想做到熊本熊的模樣吧; 無奈小人左看右看, 都覺得像Paul Frank多過熊本熊囉, 最慘的是連朋友也認同… -_-#拉麵套餐, 水準已是不堪一提: 湯底頗濁, 麵質過腍, 蛋和义燒皆欠其香味。放一大塊熊面在湯麵上, 又不是能提升甚麼香味或食味, 除了說是粉絲朋友的鍾愛外, 小人實不欲多言; 以小人來說寧願加多兩塊紫菜, 身為熊粉絲的朋友著實有點失望。熊本咖啡啡味甚淡, 奶又不香, 最可憐的是熊樣歪來歪去, 就像是水吧手震震弄出來似的, 形神俱差。等位超久, 味道麻麻, 食物造型似乎難以滿足粉絲的要求, 倒不如努力在食物質數上, 又或是吃夠多少錢換一個熊本公仔更實際。…Read More

初初開一直想黎食, 但排長龍所以廢事; 今日路過諗唔到食乜所以黎望一望, 已唔洗排隊~雖然我唔係Kumamon fans, 但入到黎都好開心狂影相~叫咗個漢堡扒餐同拉麵餐~ 漢堡扒餐連龍蝦湯, 湯同漢堡扒味道普通, 因我好怕洋蔥, 個漢堡扒好多洋蔥, 所以阿妹食哂, 另外個set連甜品叫咗個布丁~個拉麵ok好味~ 蛋好味, 麵軟硬適中~ 個set飲品加錢轉咗green tea latte, 都ok好味~總括黎係食個開心感覺多過個食物, 誠意可嘉~…Read More

同朋友都好中意熊本熊，所以約埋朋友一齊去朝聖，朋友早收工做先頭部隊去排隊，6點半開始排到七點40分左右高到我地。入到去個位就已經有大大隻kumamo等緊我地^_^同朋友一人叫左一個SET，為左隻杯就再叫多左個雪糕！講下個湯先，味道一般同普通西餐廳D例湯一樣，主菜嘅漢堡扒大大塊份量以一個女仔黎講係會食吾晒，餐飲嘅蘋果汁吾太甜飲得出係100%蘋果汁！最後嘅甜品布丁略嫌焦糖吾夠不過就奶味十足，而額外ORDER嘅雪糕就夠曬幼滑！生果都新鮮！美中不足嘅係叫雪糕送嘅杯原來係蘋果汁個款杯...…Read More

每次剄APM必見呢間 cafe 排長龍，終於有機會下午放假，一於去試下！下午四點幾，人唔多，一去到就有位，正！兩個人點了兩杯飲品加一份甜品，侍應告知每人需點一份餐，或消費每人80元！吓？入座時冇講！餐牌上又唔覺有寫（可能字太细），不過佢地都好好人，我地差幾蚊佢地都通融！好唔好食就真系各人口味唔同，個人認為窩夫唔夠脆口，不喜！梳打特飲，滿滿一杯冰，飲兩口已經見底，好彩軟雪糕夠香喜歡熊本熊的人一定喜歡這 cafe。我？到此一遊就好了………Read More

這幾日終於有時間清番以前的食文 《2015 年 1 月》 這日去開觀塘，就去試下想試好耐的熊本熊餐廳 門口有好大隻的九州熊本縣吉祥物 ... 熊本熊 Kumamon 歡迎我們 唔想排長龍 ... 就要避開人多的時間囉 !!! 我們揀了星期六上午 11:30am ... 剛開店無耐，不太多人 ... 一去到就安排入坐 我們張椅有個 Kumamon cushion ... 但隔離枱竟然有大大個 Kumamon 陪住食 ~~Kumamon 餐墊好 cutie ... 四款都咁靚 Kumamon 是熊本縣幸福部長 ... 專責推廣慼本縣生產的優質食材 餐牌所有菜式都有 Kumamon 熊 ... so cute儍爸點了 Kumamon Set ... 太陽蛋炸雞內飯 + 蘋果汁 + 蛋奶布丁 HK$138用紫菜及芝士整成的 Kumamon 面 ... 好得意呀 !!! 飲品可揀橙汁 / 蘋汁 / 烏龍茶 ... 我們揀了蘋果汁 甜品 ... 蛋奶布丁 ... 仲可以揀迷你軟雪糕或雪糕白玉 我點了 ... 草莓朱古力蛋糕配迷你軟滑雪糕 $79Kumamon 嘜頭的朱古力蛋糕 ... so cute ... 真是可愛唔捨得食朱古力蛋糕裡面仲有士多啤梨的 用熊本牛奶製的雪糕真是好香滑+$25 有杯 Kumanon 特飲 ... 我杯朱古力咖啡也有可愛的 Kumamon 嘜頭囡囡的 ... 日式紅豆奶油熱香餅配軟滑雪糕 HK$69熱香餅的賣相好似簡單了點 ... +$25 配了杯朱古力特飲食物選揀不多，而且每人有每低消費額 HK$80但是周圍都是 Kumamon 的蹤影，蠻開心的 連電視都播緊 Kumamon ...Kumamon fans 還可以在隔離的 Kumamon 專賣櫃檯選購一些紀念品 ... ** 以上分享是以我的口味、喜好及情況作出分享及感受，合用 / 一試與否請自行決定 …Read More

當初鐘意KUMAMON，佢係香港都未咁多人認識，為左見下佢，唯有飛去熊本，亦因為佢，愛上九州呢個地方~~今時唔同往日，香港都好易搵到佢既商品喇~雖然之前都有同其他餐廳CROSSOVER過，但今次呢度時間比較長，而且真正以KUMAMON為主題，做粉絲又點可以唔去呢?由當初排兩個鐘，到而家唔洗排都食到，我已經食左N次喇~~問心，食物唔係真係美味到一定要黎試，但見到肥嘟嘟既熊樣，你又點忍得口呢????大部分既食物都試過，我自己比較鐘意食漢堡，感覺無其他食物咁乾，熱香餅好味，但我自己覺得最最最令我深印象一定係個雪糕!!奶味重，質感同普通雪糕唔同，我非常鐘意，每次一定要叫黎食~!!除左食，當然就係同KUMAMON狂影相喇~~如果你地想同其他公仔影相，可以同侍應講架，佢地會幫你調番黎，唔洗唔好意思，佢地好好人!( 不過漏單一定要追，我試過漏到最後差唔多收舖先整到比我，追左3、4次，雖然個侍應好誠心道歉，我都無鬧佢，但真係好浪費時間)…Read More