Kozy Okonomi-yaki Teppan-yaki

Open Now

Now Closed

朋友熱烈推薦多時，今次慶祝生日🎂終於有機會試吓呢間比較親民嘅鐵板燒🔥。職員👩🏼‍💼同日本籍🇯🇵師傅👨🏻‍🍳都一樣咁友善，同顧客打成一片。食物方面，食材好新鮮，無花巧嘢，賣相平平穩穩，但味道係滿有驚喜，不用擔心。記得打電話☎️訂枱，真係滿座到一個點，唔好諗住僥倖有枱，因為實在非常爆滿🤓———————————————————————————🎌A4和牛柳🐮💬非常之好味，油份充足，半生熟啱啱好。用麵包🍞墊住唔會令牛質火速過熟，而且麵包更會烘到香脆，加埋醬汁啪埋入口勁滿足😋.🎌燒大蝦🦐💬一隻大蝦脫去蝦殼，燒到好香口同肉質彈牙。最重要係連蝦頭都會燒到好正，連埋蝦膏，仲有一排排嘅蝦腳仲會燒到變成脆片，全部都可以放得入口，非常出色😋.🎌燒蠔🦪、蟶子🐚💬海鮮仲有幾款選擇，其中廣島蠔，外脆內軟，十分juicy💦，愛蠔者必點；另外蟶子用醬汁燒到好有咬口同彈牙，一樣咁好食😋.🎌牛舌🐮👅、雞腎🐔💬呢兩款都係常客，夠鑊氣又夠咬口，配上野菜同芽菜🥬，中和一下為後續作好準備😋.🎌大阪燒配炒麵🍜💬大阪燒變成生日蛋糕🎂，多謝🙏🏼。大阪燒好厚，有多層次嘅組合，再加埋炒麵在底，中間煙肉煎到勁脆，不過好飽肚😋.🎌芝士玉子🧀🥚💬玉

呢間係朋友特登揀嘅日式居酒屋同我慶祝生日飯 佢成間鋪啲風格同日式居酒屋啲裝修都好似，不過佢多咗個鐵板留喺面前即叫即整 而且啲師傅都係日本人 我見到好多香港人都有上去食啲特色嘅居酒料理🤩🤩🤩👉🏻 啤酒🍻 ($38)💓💓💓💓💓日本啲生啤果然係唔同啲👍🏻啲泡泡勁滑打出嚟入口順滑 我同朋友都忍唔住飲多幾杯🤓同埋佢呢個杯size幾好 因為我驚啤酒擺得耐，如果太多嘅話會太熱唔夠凍冇咁好飲 但係呢個份量啱啱好幾啖一杯，價錢都算抵過其他餐廳👉🏻鐵板八爪魚 ($88) 💓💓💓💓💓呢個八爪魚，佢比觸鬚嘅部位俾我哋。食落完全都唔韌，反而好彈牙。同埋佢加咗少少海鹽炒 好鹹香又易送酒。以往喺出面食到啲八爪魚都係好韌，但呢間反而改觀咗我對八爪魚。🤩🤩🤩份量都夠多。👉🏻帶子 ($98) 💓💓💓💓呢個帶子食落去完全唔覺得係急凍嘅味道 反而佢鐵板燒到佢好鮮甜 同埋肉質都比較結實 師傅工架十足 不過呢個價錢有少少略貴🥲👉🏻蝦 ($98) 💓💓💓💓💓呢個鐵板蝦個口感真係超好 勁彈牙爽甜之餘，同埋佢連埋個殼都可以食冇諗過佢用鐵板可以將個蝦啲殼整到咁脆 忍唔住連個殼都食埋 加上佢加咗少少類似椒鹽嘅粉 更加惹味 個蝦嘅size

幫襯左呢度都超過十年早幾年好難訂位 而家易左訂位 所以可以多啲黎食👍 食物質素咁多年都保持到有三個廚師全部都係即場整食物係要啲時間等 見到佢爆單都唔會貪快就起貨呢樣野好值得讚不過建議唔等得既就自己諗過先去啦個人最喜歡蝦 同白子 牛腸都好好食連平時唔鍾意食內臟既我都同老公爭食😂 仲有呢度既牛筋煮好入味基本上所有食物都好好送酒無咩邊樣唔好食最後想講服務我又唔覺得服務好似樓下講到咁差正常服務水平我無試過有咩奇怪同特別既要求又唔會食得特別慢交唔到枱

約左8點半，8點15分上到去，見bar枱冇晒，要坐枱，諗住問下如果我晏少少8點半做完一輪上黎會唔會有機會可以有bar枱坐，點知好出名既女侍應答我你要等到11點😂咁種語氣真係冇得頂野食-雞扒：咸-牛舌：咸-蠔：咸-芝士蛋：咸-炒飯：咸-水：10蚊一杯/18蚊一枝 自問飲唔起🙏🏻價錢還可以，兩個人食600蚊，其他野食唔記得了，不過都係咸架喇，唔係好試到其他味環境-頭頂有盞燈，極刺眼-長期有機器運作聲聽到耳鳴-空氣唔流通即係又嘈又焗服務-聽到10蚊一杯水已經冇心機食-上菜又慢，又催催催

嘢食正常水準發揮，已幫襯多年，但係服務有待改善！店員態度奇差, 以後唔會再幫襯，差到嘢食未到令我哋都埋單走人，因為店員的態度實在令人難以接受，貼錢買難受！如果一間食店食物幾好但係啲服務咁差都冇用！！

餐廳位於銅鑼灣，位置非常方便，喺地鐵站行幾分鐘就到。餐廳係由日本廚師打理，可以睇到廚師煮嘢技術好純熟，煮嘢亦都好專心同用心。餐單有好多唔同嘢食可以叫，全部都係即叫即整，如果預先預約可以坐bar臺，望住廚師預備食物。芝士蛋奄列廚師將蛋煮得啱啱好，食嗰陣時熱辣辣仲有蛋汁，入邊嘅芝士溶化之後可以拉絲，係必食之選。華味鳥雞扒廚師將雞扒煎得好香脆，調味恰到好處大阪燒可以自行選擇加配料入大阪燒入邊。我哋選擇咗加牛筋入去。日式炒烏冬炒烏冬大大份，加埋新鮮蔬菜，烏冬煮得好煙韌，啲蔬菜又炒得好爽脆，好滿足。

Repeat customer because of their food and professional chef but the most recent visit was so bad, felt the need to let future customers know what they are in for. Food is decent as usual, served hot (whether you are at bar or table), cooked with utmost care but really it’s the service team who ruined the evening. Their most appalling behaviour was when after passing us the bill (not to mention, we cleared it right away), the waitress (there is only one high pitched sounding one) told us to leave

.[🇭🇰香港- 銅鑼灣 ].🔻之前都有介紹過性價比超高嘅鐵板燒! 今期時令menu仲有燒白子😍📸1️⃣ 泡菜豚肉大阪燒2️⃣ 燒白子3️⃣ 芝士蛋奄列4️⃣ 帶子5️⃣ 牛舌.🔻🍽 Kozy Okonomi-yaki Teppan-yaki📌 地址: 銅鑼灣軒尼詩道499號永光商業大廈9樓

我敢話香港現時最好食肆，食物好服務好出菜快，好耐冇來但水準如一，蝦非常入味，同個醬好夾，吾肥，大阪燒冇野講好味，日本水準，價錢亦算合理，地方細冇計香港地貴，但入桌安排很好，服務員令你感覺舒服。

Kimchi $30Chanja Fishintestine w Kimchi $38Pickled Cucumber $20Shrimp $98Scallop Scallop $98Mategai Jacknife Clam $98Cheese Omelette $48Ox Tongue $68Hormone Beef Large Intestine $68Beer $38Barley shochu horsetail Glass $40Seasonal Sake Junmai GinjoOkonomiyakitomato roast porkFried Pork UdonThis store never disappointsservice is goodThe quality of the food is excellentThe atmosphere was pleasantThe last time he visited was last July.I didn't expect the two chefs to remember my name.Thank youyour

Kozy 最正係開到兩點，簡直係 OT 完放鬆下既好去處（香港人大家都做過黎生💀）佢哋既海鮮唔貴而且質素都好好， flexible 可以幫你按人頭調節返啲海鮮數量，nice~ 好欣賞隻蝦唔只啲肉食得🍤 佢哋連個蝦殼都會壓做脆脆比你，有心思～鹿兒島黑豬腩扒，牛胸腹肉都勁有水準！連伴碟既薯蓉同隻蛋都配合得好好，食得好滿足～除咗大阪燒之外，奄列炒麵（加芝士！🧀）都係必食之選～由兩位日本師傅主理，但店員都識中文可以放心落單無難度，坐 bar 檯會開心好多～book 位既時候記得要預留～ (p.s. 喺網上見到好多 review 話啲樓面既服務好有問題，慶幸光顧當日無咁既情況～希望啲問題只係個別事件)

📍#銅鑼灣 #鐵板燒 呢間鐵板燒真心有質素 經濟實惠！有日本師父喺你面前燒！地點方便，喺銅鑼灣SOGO附近！（但原先去錯左永光中心😂）👅：🌟🌟🌟🌟🌟好食！好多款式選擇，牛肉海鮮大阪燒炒麵奄列etc!!! 💺：🌟🌟🌟坐bar枱對住塊鐵板有啲熱，唔坐bar枱有啲密！但我都會揀bar枱，睇住師父煮先有食鐵板燒feel!😂💸：🌟🌟🌟🌟🌟 每人飲左兩杯酒人款消費先～$350！酒水都好平！highball / 提子加燒酎都係$40咋！#foodie #hongkong #hkig #hkiger #hkigers #foodiehk #hongkongfoodie #foodlover #foodporn #foodig #hkeat #hongkonger #feedme #teppanyaki #cbayfood

話說朋友話依間鐵板燒唔錯， 於是就一齊去啦，叫完野食，我諗住拎枝水放係檯，執下袋，個極無禮貌既長髮女侍應衝埋嚟話你唔可以係度飲水！我話我岩岩放係檯面咋喎，佢話如果你要飲，要比錢，因為佢呢度有水買係唔可以飲帶黎既水！老實講我梅酒都叫左兩杯，而且我冇打算飲水樽入面既水丫！已經勁嬲因為佢態度好x差！條氣唔順，比我見到格離檯家人有兩個700ml 既水樽，我就叫個女侍應黎，我話點解佢地就可以放檯面可以飲？個女侍應話因為佢既水係冇牌子，我真係笑咗喇，佢話佢冇權管人地，即係有牌子既水就唔可以，用水樽既水就可以？我話咁我搣左招紙囉！咁未冇問題囉？佢話我地睇個樽，出面買既就唔得，我係屋企斟架喎d水！佢勁串話你冇其他嘢啦麻，我要招呼客人，咁叫你經理黎囉，佢話冇經理我地呢度！經理黎仲好笑話因為好多西客都偷偷地飲，佢地同事上過好多次勸告都唔聽，我話咁其他客唔係我，你作為服務行業將其他客人既唔愉快經歷投放係我身上面，你覺得咁樣對我公平咩？當然最後都係廢up, 因為講完都係冇用！但大家真係冇必要貼紙受氣，又唔係特別好食，野食又慢，又淡！

朋友長期介紹呢間係銅鑼灣嘅Teppan-yaki, 經網上訂座提早5分鐘到, 店員就示意要門外等, 過咗十分鐘好奇問下仲要等幾耐, 然後反問我地做乜唔入去, 未食先體驗打折扣, 好彩食物質素真係好好燒羊奶芝士 - 見到黑板有就試試佢, 外層非常香脆, 加埋蜜糖中和鹹味, 非常好食牛胸腹肉 - 非常濃郁牛味, 肉質軟腍好juicy, 加埋蛋黃汁更滑白子 - 都係限定時令菜式, 表面帶少少焦香內裡軟綿creamy, 惹味冇魚腥鹽燒牛腸 / 牛舌 - 不得不讚師傅對火候同調味既掌握, 呢碟牛腸唔會過鹹唔會韌, 體現到功力日式奄列炒麵 - 加咗魷魚更加有咬口, 蛋香包實炒麵, 加埋醬汁食到停唔到口豚肉大阪燒 - 鬆軟有厚度, 夾雜蛋香麵粉香, 非常高質都只係68蚊, 難怪每枱必叫 要鬧既仲有啤酒杯洗得唔乾淨🙈係仲有好多空枱, 店員不停有意冇意催我地交枱, 夾起最後一舊就立即收碟, 入座同餐牌都冇提過2小時用餐, 服務體驗呢部分好扣分, 浪費師傅用心烹飪既成果

呢間嘢係咪完全冇人管理？定係reception係老闆每次打電話過去，好似爭佢錢咁，我知道120分鐘食飯時間，但係唔使講幾次囉Reception條女人串過碼頭咕喱以為自己係澳牛？係咪平時壓力大要發洩喺啲客人身上？其實銅鑼灣仲有好多選擇，唔係要俾錢買難受食飯，仲要睇你面口，雖然唔係顧客大晒，但係都唔使咁串呢間嘢一世Blacklist服務差到咁真係會令好多人卻步就係因為服務態度差，浪費晒日本師傅嘅心機 ！