20
3
5
2-min walk from Exit A, Tai Wai MTR Station continue reading
Telephone
2691 6726
2601 2982
Opening Hours
Mon.-Sun. 11:00-14:30, 18:00-22:30
Payment Method
Cash
Review (32)
Level2 2017-02-05
438 views
新年同屋企人開年,近近地係附近食,港興其實都食過好多次,一間老字號飯店,分分鐘過我呢好在6點鐘早去到,否則就冇位喇,好多book哂位霸王大肥雞本身隻雞已經好夠咸同好滑,上面啲薑蔥都好香口但如果連雞食就會好咸,所以我薑蔥送飯,好食蜜汁燒脆鱔好香脆,肉質爽口,好好食金銀蛋豆苗好咸好咸好咸,食左一啖我就冇再食過喇 豉汁蒸鱔鱔肉質都係爽口富油香,但係我覺得個豉汁偏咸,我個人鍾意食燒果款多啲客家豆腐睇落好深色都驚好咸,但係食落又唔會,豆腐釀左啲肉碎去炸,味道都ok銀杏豬肚湯好淡口,唔夠甜,但都算多豬肚,麻麻地店舖只收現金,食飯記得帶定多啲現金喇 continue reading
(The above review is the personal opinion of an user which does not represent OpenRice's point of view.)
Level4 2016-08-28
1688 views
大飯店…..聽落己知是老派食店吧, 有時老派才食到傳統手藝的。鹽焗雞 ($248)雞的皮下脂肪唔算厚, 雞肉剛剛熟, 又滑又鹹香, 好食。 咕嚕肉 ($98)酸度比坊間的強勁, I like it 個人覺得咕嚕肉酸度應比甜度強些, 汁才正, 酸中帶少許甜、辣、鹹, 一層薄薄粉漿包住半肥瘦猪肉, 炸完還有肉汁的, 絕不像坊間的硬死實實。八寶鴨 ($288)食過好多間老字號的八寶鴨eg 蓮香樓/蓮香居/吳師父等等, 全部煮法不是焗便是蒸的, 這裡卻是原隻炸的, 鴨內的餡料大至上差不多, 都係糯米、栗子、豆類及花生等, 港興的餡料比較做得乾身, 所以食落感覺無咁油膩, 味道也較清淡些, 少少醬油的鹹香, 好吃網油蠔豉卷 ($148)第一次食的傳統手工菜, 用猪網油包住新鮮猪肉膠, 猪肉膠內再入蠔豉才炸。師父好了得, 猪網油蠔豉卷上檯好乾身, 完全無油淋淋感覺, 鬆香到不得了, 猪肉膠蠔豉餡還有見得到的肉汁, 肉膠相信己調味, 我連沙律醬也沒點, 必試菜式青瓜炒猪肚 ($118)個個以為食緊鮮魷, 我話一入口…口感肯定唔係鮮魷啦, 應該係猪或腰猪心之類的猪內臟, 問完老闆….錯晒, 原來係新鮮猪肚, 我地問點解猪肚咁爽滑, 同平時食的很不同, 佢話係只用猪肚某一小部份, anyway 呢碟野的確炒得好食, 青瓜爽口跟同樣爽脆滑口的猪肚很 match, 炒得好惹味。如果你唔介意無裝修的老牌大飯店, 10個人食左11個餸菜, 又冬瓜盅又魚頭豆腐煲, 埋單每人 $199, 仲要啲野食整體真係幾好食, 係菜有菜味, 魚有魚味架, 佢地一啲都無偷工減料, 連青瓜也應該用鹽”乸”過才拿去炒, 這樣才夠爽口, 老牌大飯店值得支持。 continue reading
(The above review is the personal opinion of an user which does not represent OpenRice's point of view.)
Level1 2016-01-02
2307 views
一行七人吃晚飯,好耐冇食過客家菜,見除夕晚難揾位,經過見到很多空枱,於是便走進醫肚先,叫了5個餸,由於沒帶電話,所以相片欠奉:1. 梅菜扣肉~不是熱辣辣的端上枱,好像是微波爐番叮出來咁,一口咬下感覺肉很乾很〝鞋〞,有冇攪錯,扣肉都乾身 , 梅菜偏甜要來撈飯食都ok2. 鹽焗雞~雞很肥很滑但沒雞味,要點多d沙薑粉才有味,叫了一隻雞,夠哂大碟,是晚菜式之中已是味道稍好的一道菜  3. 東江豆腐煲~自己在家也能做到的菜色,用煲仔上,湯底淡淡的,好似打邊爐咁將白菜+豆腐用湯滾熟4. 蠔皇腐卷~生菜做底再加一粒一粒的用肉和腐付做成的腐卷,再打個蠔油做的茨汁,腐皮不脆肉冇味,蠔油汁太濃味,個人覺得不合口味  5. 蒜蓉菜芯~普通的家常小炒,最冇機會出錯的菜式 continue reading
(The above review is the personal opinion of an user which does not represent OpenRice's point of view.)
Level3 2015-06-02
2548 views
原來呢間嘢喺大圍已經有廿幾年歷史,但住喺大圍嘅我由細到大都未幫襯過,係呢幾年偶然機會下先去試下,一試之下我就加佢入我嘅開飯名單之一,間唔中諗唔到食咩好,就會去呢度,貪佢易搵位,又唔怕迫唔怕吵。雖然我唔係客瓜人,但都幾欣賞客家菜嘅風味,好似鹽焗雞、釀豆腐...呢度嘅客家菜簡簡單單又有,巧手啲好似八寶鴨又有。今次我哋人少少都係食餐家常便飯,喜歡呢度餸菜能保留原汁原味,冇咩味精,碟頭又夠大件,不錯嘅家常菜,但係價錢就貴咗少少。晚上7點幾嚟到,唔駛等位,只有幾張枱有人,其實佢仲有二樓,都係星期六日人多先至要開埋。侍應服務唔錯,仲有個後生嘅男仔好有禮貌,似係揸fit人。其實我覺得呢間嘢幾好食呀,雖然裝修仲保留傳統特式,但環境乾淨企理,唔明點解晚飯時間都咁靜嘅我最愛食鹽焗雞,咸味剛剛好,有點黃油,但雞又唔肥,雞肉咸香軟滑推介菜式酒糟炒油麥菜,甜甜哋又有少少酒香,平凡嘅材料,造出不平凡嘅味道,客家菜嘅精髓椒鹽焗鮮魷,炸得乾身唔油唔過火,又夠香脆鯇魚丸豆腐煲,好傳統嘅菜式,但出面已經好少食到,但唔係咁鍾意鯇魚丸嘅口感,粉粉地咁,唔似鯪魚球嘅彈牙 continue reading
(The above review is the personal opinion of an user which does not represent OpenRice's point of view.)
Level4 2015-04-06
2061 views
阿媽想食客家嘅鹹雞,早兩個禮拜想去旺角間好出名嘅客家連鎖店,六點半去到都排哂隊,結果去唔成。今日工人放假,又搵客家菜。汲取經驗,搵一間近又可訂座最好。結果去咗M先生地頭大圍。佢話食過兩次,個人唔鍾意,但伯有係客家人話係傳統味道,咁我梗係博下自己粒食神啦。打去嗰陣有個阿伯聽電話,應該有啲撞聾,要重複講,反應慢啲,但冇炒錯我個饒舌嘅電話號碼👍去到唔夠七點已接近全滿,個個都團團轉好忙,結果我哋上咗樓上自己搵咗張4人枱。原來訂位都冇乜用…純粹憑感覺叫啲有👍嘅,總共4樣。落咗單等咗15分鐘都未上餸,我開始擔心漏單。但阿媽話咁多人梗要耐啲。最後20分鐘嘅時候嚟咗個腐乳通菜,好大碟,而且幾夠鑊氣,腐乳食得出唔會得鹹味或酒味,整體味道好,只係啲芡唔太勻有啲一嚿嚿半透明gel爭啲。然後過多15分鐘,陸續相隔5分鐘就嚟埋啲餸。阿媽就話:“你啲蠔豉卷、蛋角、釀豆腐、鹽焗雞全部要即刻做,梗係耐啦!”-又好似係噃😅阿姐都話個蠔豉卷係即刻包即刻炸。個網油蠔豉卷,原來係將啲豬肉、土魷、蠔豉、馬蹄、蘿蔔切哂粒,跟住包網油炸,極燙口,外皮鬆脆,濃味嘢,好正!仲要有6大件,每人兩嚿好滿足😋😋😋鹽焗雞,胸位都多汁唔嚡,有淡淡鹹味,點埋個沙薑粉,完全係細個食嘅客家飯店味道😋😋😋手剁豬肉煎釀豆腐浸客家蛋角,啲涵肯定手剁,基本上同個蠔豉卷涵一樣除咗冇蠔豉。蛋角好有蛋味,而且好大件。釀豆腐又係客家手法,响豆腐面輕輕篤個窿仔,塞入適量嘅涵。湯底用津菜黃豆煮,而且落咗好多芫荽,味道又係好熟悉😋😋😋埋單嗰陣,老闆問我點解唔食酒糟油麥,我話阿媽今晚唔想食。食緊中途佢行過提我哋要襯熱食個蠔豉卷,仲話有個客試過自隊一碟加多個餸都冇打包。中間阿姐雖然忙但一見冇水就主動加,服務抵讚👍個人覺得呢度啲嘢食粗中有細,味道質素高班過間連鎖店!我下次要搵埋親戚嚟食香酥八寶鴨! continue reading
(The above review is the personal opinion of an user which does not represent OpenRice's point of view.)