92
13
11
9-min walk from Exit A3, Exhibition Centre Station; 集成中心旁邊
continue reading
Telephone
25710913
Introduction
A family owned restaurant, Kin's Kitchen first opened in 2011 and has since been serving Guangdong-style food. The speciality dishes here include drunken abalone, steamed ocean garoupa and Kin's smoked chicken. The menu also has a special order section that required advance order.
continue reading
Opening Hours
Today
12:00 - 15:00
18:00 - 22:00
Mon - Sun
12:00 - 15:00
18:00 - 22:00
About Reward Scheme
Recommended Dishes
RELATED ARTICLES
慶祝生日約咗朋友嚟食留家廚房，本身約夜晚，但又停晚市堂食，唯有改食午市變咗飲茶。餐牌上選擇都好多，第一次嚟所以嗌咗啲招牌菜留家煙燻雞同太史戈渣。叉燒都係招牌菜，我哋都好有興趣，但侍應只答一句「而家無喎」。唔知係嗰日賣晒，還是午市無供應，唔明佢咩意思…首先上枱嘅係留家煙燻雞，一上枱就聞到好香煙燻味食落帶煙燻味嘅滷水非常香。雞皮薄，脂肪唔會太多，雞肉嫩滑，就連雞胸位都好滑完全唔鞋用上新鮮雞所以有埋雞肝同雞腎，雞肝甘香，雞腎爽口，兩樣都好食另一招牌菜 - 太史戈渣，以高湯加雞蛋再上粉炸成，係個好花功夫嘅菜式。食時加啲白砂糖喺面，表面酥脆，味道好似玉子豆腐，同樣口感滑溜，但就多咗高湯嘅味道。苔條九肚魚粉漿夠薄，炸得非常酥脆，而且唔油膩內裡九肚魚嫩滑鮮味，帶點海苔嘅香味。炸到金黃色嘅蝦多士賣相好靚，食落多士酥脆唔油膩，蝦肉鮮味有彈性星期日限定嘅三色帶子餃造型精緻，表面橙色係蟹籽，黃色綠色分別係粟米同菜粒。內餡除咗有帶子仲有蝦肉，蝦味比帶子味道更突出。火鴨絲腸粉皮厚薄適中，中間夾住好多火鴨絲，好足料芋角比起一般無咁油膩，內餡芋泥綿密，好好味鳳凰煎米雞係煎嘅糯米雞，表面煎到微燶，口感同煲仔飯飯焦相似，鍾意食飯焦嘅會好鍾意呢個！炒飯粒粒分明有鑊氣炒貴刁都同樣有鑊氣，而且唔會過份油膩。整體嚟講食物有水準質素高，環境亦坐得舒服。唯一係侍應服務好有進步空間！我本身對服務都算無乜要求，喺香港食呢啲幾百蚊一餐都唔會求有咩特別好服務，做到基本嘢就得，但個別侍應連基本都做唔到，希望餐廳可以改善下。
continue reading
讚1 部份嘢食的確係好味 豉油街雞香得入味 腐乳牛有肉香又鬆軟 第一刀夠爽口 海角仔都扣得入味 唔係四圍見到既嘢食水準2 環境幾舒服 老闆啱嘴型彈1 部份手工菜係令人失望 戈渣唔夠熱係不能接受 中腸釀番薯好有創意 但大腸過瘦 完全無油香滲入番薯到 兩個味唔夾呢
continue reading
難得有餐廳主打用本地食材，心思思好耐想試，終於比我早三星期book到。一去到門口，呀部長好醉心如「煲電話粥」。點解我會知？因為聽佢傾計嘅對話同語氣，絕唔係同客人對答，似同女朋友咁款。我企喺門口，佢無望過我同理過我，等咗2-3分鐘，先有裡面啲侍應行過見到我。唔係酒樓應有嘅服務態度。食物一般，招牌雞啲肉偏un同埋層皮好厚，可能我偏愛食淋肉啲，同埋唔鍾意咁厚皮，唔太識欣賞。其他菜式不過不失，唯獨蛋白炒飯炒得好，炒到粒粒分明，可以添食。啲侍應都係趕人走feel，無問我地仲食唔食野就陸續收晒我哋啲餐具，差在未收埋枱布。不過佢中途有自動幫我地換碟，隻碟仲要係暖，哩個位加分。到埋單走果陣，部長都係好忙咁企喺到做吉祥物，見啲客走都唔識講句「多謝晒」/「再見」。其他做細嘅更加唔會，上面果件都咁嘅樣，下面啲人又會好服務得去邊。加上哩間餐廳本身都好難book，好唔休做，都無緣再食。
continue reading
今次同埋一樣咁鍾意食中菜嘅 foodie朋友 去左一向口碑載道嘅留家廚房💛！留家叉燒 🐖 以豬嘅脢頭嘴部位製作，水準的確拍得住某幾間星級中菜餐廳。叉燒嘅肉質夠腍而不會過實，燶邊位置非常正正，其他位置鬆化易咬，蜜味醃製得剛剛適中，不會過甜。絕對係qualify為留家嘅招牌菜。杏汁菜膽燉白肺 🐽 🫁🍲一拎起🥄就知非常足料，潤一潤、補一補，啖啖都嚐到香濃嘅杏仁味道😌留家煙燻雞 🐓 ，經玫瑰露及豉油醃製後，再煙燻，一上菜就聞到陣陣香味，鮮雞皮薄肉滑，但個人認為整得再入味啲會更加好食🥴最後壓軸出場嘅係蔥油拌竹升麵 🍜 嘩！條條都非常彈牙，亦冇乜鹼水味，再加上惹味的蔥油，教我如何不愛它？😌📍 留家廚房灣仔軒尼詩道 314-324 號 W Square 5 樓全層
continue reading
光顧留家廚房，一定要有準備，由於全部都係心機菜，所以訂位嘅時候已經訂埋菜式。鎮店之寶留家煙燻雞，據稱用足 100 日大嘅靚雞先以鹵汁浸熟，再用片糖，甘蔗同乾玫瑰花蕾煙燻而成，平時最鍾意食煙燻食物嘅我當然覺得勁正，一放入口就聞到朕煙燻香味🤤。另一樣我覺得好好食嘅係留家叉燒，據稱係採用較為罕有嘅梅頭咀，並以廖孖記醬料醃製，即叫即燒，肥瘦均勻，蜜汁香甜肉味濃，仲有我最鍾意嘅燶邊，💯分。蝦子柚皮平時好少食，今次一食又係愛上，兩大塊柚皮炆得好腍，差啲入口即溶，據聞係用金華火腿鮮雞湯炆，難怪咁入味；芡汁口感偏稠，入面有我最鍾意嘅蝦籽，好正。冬瓜盅又係我嘅至愛，用料豐富，湯汁鮮甜，飲一碗其實唔係好夠喉😂。梅菜蒸芥膽又係第一次食，重點係鹹香嘅梅菜，芥膽反而變咗配角。最後係製作勁需時嘅太史戈渣，呢個原本係北京街頭小吃，主要以上湯，雞蛋同粟粉製成，食落味道有啲似玉子豆腐，幾特別，但唔算得上好好食。值得一提係呢度嘅白飯，同伴話係用好貴嘅日本電飯煲煮，特別好味，我唔係飯控，其實唔太食得出個分別😂。
continue reading