Video
Exit C3, Mong Kok MTR Station, Exit E1, Mong Kok MTR Station, Exit B, Mong Kok East MTR Station
continue reading
Telephone
28702116
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
暑假就快結束，緊係要把握時間同囡囡出去食好西！今日我哋就去咗朗豪坊一間「霸王 · 烤鴨 · 小館」食烤鴨，重點係——免加一服務費！免茶位！仲有免費鴨骨湯任飲！ 性價比超高。餐廳主打京川滬菜系，集結北京烤鴨、川味麻辣同上海點心於一爐，款式多樣。裝修以杏啡色調為主，空間寬敞，有卡座同圓桌，風格簡約雅緻，好適合同家人朋友聚餐。而且位於旺角朗豪坊商場，地點超方便！北京烤鴨主角北京烤鴨絕對是全場焦點！採用傳統掛爐烤鴨工藝，嚴選肥嫩鴨胚，以果木烘烤，鴨皮金黃鬆脆，入口油香濃郁，油脂感豐富卻一點不膩。餅皮厚薄適中，即叫即蒸，包裹京蔥絲、青瓜、沙糖、山楂條，再蘸上鴨醬，一口咬落去，層次極豐富！鮮雜果蝦球蝦球份量十足，每隻蝦都彈牙鮮甜，搭配新鮮水果如火龍果、藍莓和士多啤梨，酸甜清新的果香完美中和了蝦球的濃郁京城燜紅燒肉肥瘦相間的肉質入口即化，燜得軟糯入味，醬汁濃郁而不過鹹，配飯一流！
continue reading
🩷地點好方便，旺角中心～❤️有張靚枱，好鍾意睇街景食飯🤣🧡一入嚟已經有廚師喺度準備片皮鴨，即刻試左！果然好酥脆，而且鴨肉份量都唔少，仲可以追加配菜！薄餅仲有油紙分隔開，唔會黐埋一齊好貼心👍🏻配山楂條一流！💛有免費嘅鴨骨湯飲🤣好好味😋有鴨肉同埋有冬瓜！無限追加！佢應片咗好多隻鴨先有咁多鴨骨😂💚免服務費免+1，而且仲有一壺靚茶🤩🩵哈哈，放工食臭豆腐，正！佢嘅豆腐炸得外脆內軟，上枱即食非常熱辣辣！💙鍋燒酥羊腩，外皮脆卜卜，但因為有羊油，又唔會太乾太柴！💜檸香酸辣手撕雞反而唔係太突出到酸辣
continue reading
首先一坐低就有壼茶, 帶有果香唔係一般中式茶，個人好鍾意同好驚喜烤鴨夠大份, 鴨肉嫩得嚟唔會太瘦太柴(烤鴨肥啲先好食), 配料足(麵醬，青瓜，山楂條，蔥白)，餅皮夠多, 仲有好多鴨皮，非常脆點少少砂糖食一流豬油炒飯香而唔會太油膩，裏面有唔少脆哨令味道畫龍點睛鍋包肉炸漿夠脆夠薄身，調味夠香口但汁可以再多啲仲叫左一杯飲品，朋友聚會三個人埋單500我覺得以餐廳環境, 地點，菜式同食物質素綜合嚟睇呢個價錢好抵，會帶屋企人再訪
continue reading
夜晚跟朋友一共四人到旺角朗豪坊食片皮鴨，星期三晚上8:00排隊不到10分鐘就有位，估唔到店員都幾有禮貌同笑容，值得一讚，環境座位舒適😊一共點了7個餸，首先點了4碗湯（因為免費的🤭但數量有限）片皮鴨必食$188，一份都夠4人份量，皮燒得幾靚不會太油，肉唔會切得太厚👍🏻反而魚香茄子有驚喜，佢每一條茄子都有少少脆脆地，幾特別嘅做法，醬汁同平時有啲唔同，有少少酸酸地好似糖醋咁，送飯一流其他餸菜都正常水準，不過士多啤梨咕嚕肉就一般般4人最後埋單$840，平均每人$210都算合理抵食嘅
continue reading
最近同朋友行經朗豪坊，見到「霸王 · 烤鴨 · 小館」門口標明免茶錢免加一，呢類餐廳喺香港真係好少見！睇埋餐牌，所有食物都好平民價，2個人決定試下，點知一試就真係覺得唔錯！片皮鴨一上枱就已經好吸睛！鴨皮賣相脆卜卜，食落去真係脆口又香，鴨肉嫩滑唔乾柴，仲配埋山楂條包住嚟食，感覺好開胃，超正！最細心係下面有個熱水保溫座，鴨餅同鴨肉都保持住暖暖的，唔會凍得快，食到最後都一樣美味👍🏻食到最後有啲濟，但可以免費茶飲黎解油膩感～另外，鴨肉湯好鮮甜一定要叫，可以免費飲添，暖笠笠好解渴。整體份量夠飽，2個人食晒都好滿足！呢間小館真係CP值唔錯！片皮鴨唔錯，服務貼心，無任何附加收費，埋單$188，仲無限食飯時間，食得舒服又唔趕。下次一定再黎試其他菜式，推介畀鍾意烤鴨嘅朋友可以試試～
continue reading