上海小籠皇

Open Now

Now Closed

記得半年前同閨蜜響呢度食過一間酸菜魚…川燒王……好好味～今日經過已經變咗上海舖，一問之下，原來只不過係轉咗名咋！！🤭🤣因為老闆想加多啲唔同嘅菜式～咁仲好啦！即係有川菜嘅底子，再加埋上海菜嘅新口味，咁點會唔試呢？？🤗🤗鎮江餚肉（$73）：個碟好精緻，好有fine dining嘅風味～佢啲餚肉做到皮肉相稱，夾埋啲豬腳凍，爽口彈牙！再點啲鎮江醋，非常之惹味開胃！係唔錯嘅前菜選擇！🤗松子魚（$178）：上枱好有睇頭，大大條～一睇就知師傅功夫到家！！😋👍🏻全條魚起曬骨淨係保留咗我最鍾意嘅脆卜卜魚鰭，加咗雜果，配埋糖醋汁，酸酸甜甜，十分開胃！！最重要係佢炸得好香脆，但係一啲都唔油膩，就算淋咗汁，啲肉都仲係外脆內嫩！！🥰🤗奶油腿用津白（$78）：比平時食嘅大碟，奶油好香濃，腿蓉用料非常足，而且真係有淡淡金華火腿嘅鹹香，十分好味！佢有樽裝豆漿、涼茶、汽水同茶餐廳飲品～因為佢嘅晚餐仲有啲一人香鍋，有好多唔同嘅辣度畀你選擇，食得辣嘢就梗係要飲啲清熱嘢啦…唔飲涼茶，仲可以飲啤酒，不過我啱啱好返，都係飲支雞骨草算啦！！店員非常週到，好好招呼，佢仲認得我之前嚟食過酸菜魚添～下次一定會再嚟！！🤣🤣🤭

今日經過花園街，再次幫襯上海小龍皇，因為呢間食肆乾淨，坐得舒服，服務都幾好，而且出品都唔錯,,除左有上海菜總有川菜呀，款式也非常之多，呢度服務員極力推介二人套餐，性價比高，超抵食🤪🤪🤪🤪

超級好食午餐，今日同朋友行街，經過呢間餐廳，入去食個lunch，叫左兩個客飯性價比高，還可以免費添飯，服務員態度，非常有禮貌，要水有水，總免費提供餐巾紙，😁😁😁下次總會再幫襯

係旺角揾食，真係諗唔到食乜好，見到呢間 “上海小籠皇” 嘩！午市套餐50幾蚊就有交易，好抵喎！有炒粉麵飯，又有飲品送，餓底仲可以追加小食，無理由唔入去試下。 我叫咗一碟上海排骨炒粗麵，飲熱咖啡，仲追加一個 涼拌泡椒魚皮， 好抵食👍上海排骨炒粗麵唔油膩，排骨有醃過。涼拌泡椒魚皮，好醒胃，好啱悶熱天氣食，怕辣就唔好食嗰條黃椒啦～會辣到high high。最後飲返杯回魂啡，滿足！飽飽～上海排骨炒粗麵😋 涼拌泡椒魚皮，怕辣就唔好食嗰條黃椒😝 估唔到杯熱咖啡都有港式風味🥹 飲完先記得影相🤣

今日去旺角買波鞋，買完波鞋有少少肚餓行過一間叫上海小籠皇，見到下午茶套餐＄46-＄52蚊有飯麵有小食有野飲，都幾扺食即刻行入去試吓，我叫左上海炒粗麵，小食叫紅油抄手飲熱咖啡。上海炒粗麵有醬香味濃郁，紅油抄手雲吞豬肉餡料新鲜，咖啡有茶餐廳水準，會再來幫襯。

我在旺角返工平時午飯都會嚟幫襯上海小籠皇，因為五十幾蚊有飯有餸有嘢飲味道好又低食，今日假期同老公行旺角專登黎試下食自選優惠套餐(二人)冷盤叫咗麻辣粉皮，非常開胃。 小菜叫咗秋葵豬腩肉，因為唔想食秋葵侍應好細心幫我轉咗萵筍👍招牌酸菜魚，魚片份量多口感爽滑啖啖肉，另外碗湯味道酸辣平均得宜魚有鮮味，薯粉又吸曬啲湯非常好味😋 干鍋叫咗牛肉片，排骨，湖南花菜，我哋揀咗香辣味道嘅bb辣， 牛肉嫩滑，排骨入味 ，菜花軟硬適中，干鍋爆得夠乾身非常惹味， 仲有兩個白飯兩杯嘢飲，飽飽😊

今日行旺角途經上海小籠皇見入邊環境幾靚，同埋俾宣傳照片上面嘅食物吸引入去，中間有個小插曲，突然聽見有個職員講上錯菜，我即刻見到隔籬枱個食客已經夾緊碟回鍋肉，收銀講上錯菜，食客先放低啱先夾起嘅菜，佢即刻拎起碟菜返入廚房，轉頭拎返碟回鍋肉同個白飯俾另一台客聽見該台客即刻講人哋夾過仲俾佢，聽見收銀員講頭先個碟冇辣椒呢碟有辣椒，其實回鍋肉點會冇辣椒佢講唔係同一碟可能仲有說服力見到咁嘅情況下次唔會再幫襯最後食完覺得食物一般但見到員工衛生意識薄弱，大失所望！

我叫左個4餸嘅乾鍋懷疑係個薯仔絲壞左我食完個半鐘嘔左幾次🤮🤮腹瀉左5日都未好🤢仲要發燒加發冷左兩日醫生話係腸胃炎 係食物有菌🤢我食呢間餐廳前後都無食其他野一食完就唔舒服，搭搭下車就嘔我睇完醫生證實左係腸胃炎後即刻打比餐廳反映結果佢哋態度差劣😡話一定唔關佢哋事，完全不負責任，仲好惡死我都試過唔好彩食到啲唔乾淨嘅餐廳但至少啲餐廳都肯負責任，食到顧客腸胃炎又有曬證據，賠償餐飯嗰百幾蚊都合理但佢哋態度非常差劣，仲cut線我工都返唔到，腸胃炎咗三日都仲未好呢間餐廳嘅衛生程度真係…🤦🏻‍♀️想幫襯嘅真係要三思，係咪值得

今日由油麻地行去旺角搵地方食午餐，如果要食經濟中餐都系茶餐廳，但都系$60以上，經過哩間上海菜館，雖然細過茶餐廳，但座位寬敞過大部分茶餐廳，燈光感覺舒服，又靚過傳統的上海鋪，午餐價錢有部分便宜過茶餐廳，仲一定系即炒，梗系試哩間啦！有卡位雖然清潔緊，但都有禮貌咁叫我等，另外要熱水有熱水，無黑面。香港就系要哩d有進步。叫左兩個餐都5,6分鐘就有銀芽炒鱔糊($66)3分— 哩個肯定茶餐廳無啦！所以可以加分— 分量幾夠，包括銀芽和鱔魚— 味道同以前上海鋪差不多— 可惜鱔魚無乜鱔味黑醋排骨($58)— 排骨幾脆同真系新鮮同熱辣辣— 黑醋味放系檯都搵到— 排骨都好鬆吾硬。餐茶鴛鴦就真系吾得啦，得個苦味。

🧡 一開始睇個名以為主要係食上海菜同小籠包😆 點知睇真啲餐牌原來仲有川菜選擇！仲有好吸引嘅二人餐😍 二人餐好多款式揀，於是就諗住試吓😁🧡 二人餐價錢 $318 已經包咗 冷盤, 小菜, 招牌菜, 自選干鍋, 兩碗白飯, 同埋兩杯飲品👍🏼🧡 冷盤揀咗比較少食嘅鹽水鴨。推薦推薦！肉質結實，非常入味！😍🧡 小菜都有八款揀，又有選擇困難症啦！最後揀咗京蔥爆牛肉。牛肉每一塊都均勻沾滿了醬汁，青蔥夾牛肉都好好食😋🧡 招牌菜就揀左酸菜魚~ 另外仲見到有水煮牛蛙😳, 麻辣雞煲, 香辣小龍蝦🦞等選擇酸菜魚都好大煲，湯底酸辣平衡得宜，魚肉鮮嫩🤩另外仲有芽菜，萵筍, 寬粉等配菜好夠食😁🧡 食咗咁多仲可以有個自選干鍋！自選鍋底包括香辣/麻辣/孜然/蔥爆。我同🐼都唔係好食啦所以就揀咗蔥爆~ 如果揀辣嘅話仲有唔同辣度可以揀，包括BB/小/中/大/好X辣！酸菜魚我就揀咗BB辣，對我嚟講已經足夠🤣餸菜方面有三十幾款比你揀！可以揀三款~我哋最後揀咗豬頸肉, 四季豆, 蟹柳。炒得好有鑊氣，調味適中，配白飯食一流！🧡 飲品就要咗兩杯檸水 🍋 🧡 二人餐食得好滿足！飽飽😚

上海小籠皇 (旺角)旺角花園街3-5號鴻威大廈地下9號舖。番鄉下之前諗住同媽咪食餐飯，方便大家就揀左旺角啦，媽咪早左出街去左行Aeon，好景條街大把野食，所以就求其係嗰條街揀左間餐廳。花雕醉雞（$73）前菜食左花雕醉雞，雞件滑滑又重酒味，唔錯呀。晚市一人干鍋套餐（$98）$98可以揀4款餸，食材選擇有好多，有肉類、海鮮、蔬菜，呢d乾鍋辣辣地炒埋一碟衰極有限，用黎送個白飯就正正子。銀芽炒鱔糊（$110）呢個要讚，媽咪成日話買黃鱔唔平，呢度大大碟俾得多鱔，d鱔切得夠厚，兩個人食得好滿足。#gpigmk

最近我去了一間主打上海菜的餐廳，我見佢地原來將軍澳都有分店～餐廳環境乾淨，光明闊落，坐得唔舒服，晚餐時段唔洗排隊，餐廳服務員態度熱情，staff會介紹晚餐有咩好食，幾好人。青瓜海哲：清爽開胃前菜～餐廳搭配了特製的海哲醬汁。好酸爽，青瓜口感爽脆，而醬汁則帶有少少的酸甜味，我幾鐘意食青瓜，又低卡😆健康酸菜魚：酸菜魚係上海菜的經典菜之一，正常水平，整體唔錯，魚肉多汁，因為我怕太辣，叫左少少辣，配搭左酸菜的酸味和微辣的口感，好有層次感。酸菜酸度岩岩好，唔會話過於刺激，正常水平～3. 糖醋排骨：餐廳的糖醋排骨都幾唔錯，排骨炸得少少脆，外層包裹著甜酸的糖醋醬汁，連埋汁一齊食都幾惹味，排骨唔會好乾，肉質鮮嫩，唔錯～

經過見到呢間舖滿座，價錢又幾抵，仲有二人套場，即刻入去試下🤣🤣1️⃣ 冰鎮話梅骨 $98這道冰鎮話梅骨上菜個陣話梅骨仲係熱辣辣，用咗冰係底做冰鎮處理，肉質鮮嫩，食落非常開胃😌2️⃣ 砂鍋雲吞雞（例）$118砂鍋雲吞雞這以砂鍋烹調，裡面包含著鮮嫩的雲吞和雞肉，份量十足，仲有超大隻雞髀🍗3️⃣ 黃金糍粑（4件） $20這份黃金糍粑有4件，超抵食，食落口感煙靭，配上紅糖調味比平時嘅苦少少，食落無咁甜🙌🏻

二人套餐冷盤x 小菜 x 招牌菜 x 干鍋 x 白飯 x 飲品套餐好抵食，選擇同份量都好多😍冷盤揀左涼拌黑木耳，少許蒜粒同麻油調味，開胃惹味孜然排骨排骨細細粒可以一口一粒，炸香嘅排骨香而不膩，孜然同辣椒嘅香味更加令人食唔停口🐷招牌菜 - 酸菜魚酸菜魚魚片份量多，口感爽滑，而且唔算多骨啖啖肉🐟另外湯頭味道酸辣平衡得宜，既飲到酸菜同辣椒嘅香味，又有魚嘅鮮甜👍🏻更有好多芽菜同薯粉索晒啲湯，非常惹味自選干鍋 - 土豆絲 x 萵筍 x 肥腸 （bb辣）干鍋辣度可以自由選擇，朋友唔太食得辣所以揀左bb辣，呢個辣度好輕鬆，食開譚仔嘅朋友一定食到🤣🌶️肥腸先經油炸逼出過多脂肪，加上辣椒嘅調味令入口完全唔膻，另外萵筍爽甜，土豆絲索晒干鍋嘅醬料，非常惹味好X大杯凍檸檬茶 +$20不得不提係餐廳嘅【好X大杯】系列，咖啡奶茶檸茶檸水都可以叫，真係好X大杯🤣如果食得太辣可以飲咁大杯凍飲就舒服晒🧊📌上海小籠皇 (旺角)地址：旺角花園街3-5號鴻威大廈地下9號舖評語食物多選擇，性價比高店員友善🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkf

今日放工同媽咪去咗好景拎嘢，喺嗰度行咗陣都有啲肚餓，就去咗附近搵嘢食👅見到一間新開嘅川菜加上海嘢，八卦吓望吓Menu，店員好熱情咁出嚟介紹個餐牌，覺得幾吸引跟住就入去食吓👅我朋友比較鍾意食上海嘢，我哋就決定叫上海嘢食🤣🐔 香麻炸雞翼（三隻) $28單骨炸雞翼正！好容易食👅每隻都炸到酥脆金黃，食落去雞肉鮮嫩，性價比好高🤪🍲上海炒年糕 $80年糕炒得啱啱好，有彈牙嘅口感😋配料都好豐富，有菜同埋肉絲，炒得好香，絕對推薦✨✨🐟 糖醋魚塊 $88絕對適合鍾意酸甜口味嘅人😍啱啱上菜食落係脆卜卜！外脆內嫩！加埋啲糖醋醬汁同埋粒粒桃，超級開胃🤟🏿🥬奶油腿茸津白 $78津白煮得啱啱好，唔會太腍又唔會太硬，保持蔬菜嘅爽脆口感，腿茸有少少咸香味🤟🏿加埋奶油嘅濃郁香味，層次豐富✨💕總括嚟講呢一餐廳啲嘢食好好食，個價錢平均嚟講都係幾十蚊一碟，份量唔少，好抵食🤣 店員姐姐都係keep住熱情，會推薦啲菜式✨餐飯都食得好開心👅一定會再嚟幫襯💕