Video
Above information is for reference only. Please check details with the restaurant.
熊夫婦都非常愛飲椰汁, 因為椰子全身都是寶 椰汁是清涼解暑的好飲料,有消暑、生津止渴利水等功效。椰子肉具有補益脾胃、殺蟲消疳之功效；椰子油能保護皮膚免受陽光的傷害, 所以椰子也常被當美容保養的聖品。 椰汁及椰肉含水量蛋白質、果糖、葡萄糖、蔗糖、脂肪、維他命B1、維他命E、維他命C、鉀、鈣、鎂等, 能夠有效地補充人體的營養成分及提高身體的抗病能力。 喺網上找到資料講關於椰子在「本草綱目」的記載：“椰子甘，平，無毒，益氣，治風，食之不饑，令人面澤。椰子漿，甘，溫，無毒，止消渴，塗頭，益發令黑，治吐血水腫，去風熱。”中醫認為椰肉味甘、性平, 具有補益脾胃、殺蟲消疳之功效; 椰子漿味甘、性溫, 有生津、利水等功能。當脾虛倦怠、食欲不振、四肢乏力時, 將椰肉切碎成小塊, 加入適量的雞肉和糯米, 蒸熟後服食會有較好的療效。 此外椰子油、椰子殼、椰樹根皮等也有一定的藥用功能。熊夫婦食完濃味嘅牛腩牛什就當然想找點清涼潤喉之物來清清味蕾, 水當然最好但淡茂茂, 汽水太甜又無益, 台茶呢排飲得多, 還是選擇椰汁最妥當 鋪頭職員是位ニ十歲出頭的小妮子, 待客態度友善, 熊媽俾低十九個大洋就到小妮子把椰汁倒入樽。 咦...好似少咗d步驟嘅??? 熊媽見其他分店職員都會把黑白奶倒入裝有椰汁的攪拌器裏攪攪, 再提高好似拉茶咁拉d椰汁入樽內。 算把啦~ 可能各人手法有異收到樽椰汁, 擰開蓋, 飲啖......噢! 大鑊 滿口花奶味...根本無椰子味, 更唔好諗那些油潤的椰油味, 温度凍囉但唔算冰極(以往飲過有碎冰嫁), 以為係自己口味問題, 但熊爸都飲唔出椰汁來 樽飲品應該都有椰子成份, 因為飲盡喺樽底是食到有嚡口的椰絲呢!
continue reading
今日經過見有間椰汁大王,好耐都無飲過,於是買咗杯大既來飲,邊飲邊行去荃廣食下午茶!之前飲過好好味~好香椰子味,好多碎冰,好正,好似細個飲既椰汁咁,但個日係呢間買,有少少失望!雖然好香椰子味,但係少咗碎冰,感覺無咁凍,差少少!
continue reading
有一日我去荃灣回程時買的.我本來都係想飲珍珠奶茶,可惜台茶店人頭湧湧.得椰汁大王無人. 價錢我覺得貴的10元只有一小杯..椰汁大王的椰汁係比較好.至少不會太甜.食到椰肉..製成方法.係水...椰肉加黑白淡奶...味道很香.且滑.但呢次俾ok的原因.我呢次感覺不到有椰肉.而奶的成份重手左.我二日後都會去荃灣.我應該仲會買一杯飲.希望有改善
continue reading
筆者從少到大都是住在荃灣, 連讀中小學都係, 細個果陣, 係昌泰街有一間賣果汁既鋪頭, 一放學就好想飲, 可惜細個總係無錢買...椰汁大王既出現, 令到筆者呢位椰汁迷非常高興, 雖然我已經唔多記得小時候既椰汁係甚麼味道...先講味道, 大大話話我都已經飲過十次八次, 我同意樓下食友講, 有時係無咁好味, 不過始終唔係機器造出黎, 好難話次次都一樣, 不過整體而言, 佢都十分保持到某程度上既水準同出面既椰汁比, 佢係比較有椰味, 你唔會覺係飲緊糖水, 有時仲有椰肉添, 而且佢用碎冰, 唔會飲到最後覺得好稀 價錢真係比出面貴, 不過路德圍其實有唔少好食既野, 所以筆者都仲會間唔時買一杯之後去路德圍搵食既
continue reading
放工去搭車經過,,附近有2間賣椰汁既,,當然去間多人排隊啦,,其實係旺角已經飲過,,再飲,,細杯,,$10,,唔係過甜arm arm好,,好新鮮,,清甜,,飲到d椰(肉?),,個staff都好有禮貌,,good唯一improve可能碎冰可以再碎d,,
continue reading