52
2
1
3-min walk from Exit A, Shek Mun MTR Station continue reading
Telephone
36194394
Introduction
It used wooden and black colour to decorate the restaurant with Japanese style. The executive chef is with ample experience. Almost ingredients come from Japan freshly and directly. A whole day menu, sashimi platter is tasty and both of the quality and proportion is great. continue reading
Opening Hours
Today
12:00 - 15:00
18:00 - 23:00
Mon - Sun
12:00 - 15:00
18:00 - 23:00
Payment Methods
Visa Master Cash AE
Number of Seats
50
Other Info
Online Reservation
Alcoholic Drinks
Parking Details
Phone Reservation
Reward Dining Points
10% Service Charge
About Reward Scheme
Review (61)
Level4 2019-11-24
11 views
星期天來到石門,本來想先去附近取包裹,但一出A出口便看到一個大大banner,心想既然都有點餓,便決定先吃個lunch進內看到有9張四人枱,下午2時進內,以為lunch 時間已過,但位置八成滿,幸好還剩下一張枱。Lunch menu 有刺身定食刺身定食的刺身分別有磯煮鮑魚、吞拿魚腩、油甘魚、鯛魚、三文魚、劍魚和甜蝦,配上沙律、麵豉湯、滑嫩蒸蛋和飯。刺身新鮮又鮮甜,個人特別欣賞牡丹蝦。而劍魚、油甘魚和吞拿魚腩特別肥美,入口即溶除了Menu上的選擇,廚師推介當然是必選之一鯛魚刺身薄切伴土佐啫喱: 肉質爽脆,點上淡淡像柚子蜜的醬特別夾,更顯鯛魚的鮮味和甜味不要點壽司豉油,因為壽司豉油反而會掩蓋了刺身的甜味。吞拿魚頭頂肉刺身,屬於矜貴部位,每條只有兩片,果然沒有令人失望,口感較滑和肥美,而且魚味濃。這裏的串燒都很入味,卻不會過鹹,串燒肉嫩多汁仍能保留肉汁,不會燒得過乾。由左至右分別是串燒牛舌、鹽燒荔枝豬肉串和汁燒免治雞肉軟骨串。厚切牛舌特別爽口。而豬肉串夾住荔枝令荔枝的汁和清新的香味滲入豬肉,中和油膩的感覺,意想不到地夾。最後更送上雪糕糯米糍作為甜品。 continue reading
(The above review is the personal opinion of a user which does not represent OpenRice's point of view.)
Level4 2019-11-20
350 views
好耐無食過日本野喇,心血來潮好想食,不過平時好少黎沙田,所以要朋友帶我去覓食店員很親切有禮,坐底不久,便很主動介紹精選推介軟殼蟹手卷朋友的愛好隻軟殼蟹好完整,食到底都仲有的,唔會只流於表面北寄貝壽司+炙燒平目邊壽司原來平目邊就係我平時好鍾意食既左口魚邊口感好細滑朋友第一次食都讚口不絕一件壽司仲要有兩塊左口魚添架海鰻壽司唔係間間都有海鰻壽司食架,平時多數都係河鰻為主,河鰻肉質較爽彈,而海鰻令肉質較軟綿綿,口感會滑啲兩種我都好鍾意食不過海鰻壽司比較少餐廳有三文魚刺身係三文魚腩黎架,好肥美蕃茄牛油果沙律鹽燒豬腩肉串+日本雞腎豬腩肉燒得岩岩好,唔會好鞋日本雞腎超好味雖然較為細粒,但真正的日本雞腎就係咁細粒的,口感超爽脆,一啲都唔硬而且雞既味道好突出汁燒免治雞肉軟骨串味道較為濃味,應該係汁燒份量多左既關係,但也不錯的鹽燒三文魚鮫呢個超好食,燒到外脆內滑三文魚既油份令肉質更juicy甜品:雪米糍我地兩個食左咁多野每人都係$260咋 continue reading
(The above review is the personal opinion of a user which does not represent OpenRice's point of view.)
Level4 2019-11-16
328 views
今次就朋友去了石門站附近嘅寿司店食飯,真係朋友懂得搵食,這裡有個非常抵食套餐,而用料十分足料之外,口味亦十分好味!感覺就好似食緊omakase咁,九款類型食物,先上蟹籽沙律,沙律上面放滿了脆口嘅蟹籽,青瓜絲配埋蟹柳絲一齊入口,作為今餐嘅清新開始!甜酒煮螺,螺肉十分入味,入口軟熟香甜,十分好味!接住就係刺身五點,一次過上了吞拿魚、三文魚、油甘魚、牡丹蝦、白身魚伴海膽,每樣兩件,入口刺身新鮮肥美,絕對唔夠!好彩再來壽司三點,帆立貝、縞鰺、劍魚三點壽司大大件,入口都新鮮好味!而比較好味嘅縞鰺嘅肉質細緻爽口帶油份,味道甜美,感覺唔錯!再來天婦羅四點,紫蘇葉、日本番薯、日本南瓜、魷魚都炸得好香脆,粉薄而且唔會覺得油膩, 魷魚炸得好香口軟熟,正!燒物鹽燒吞拿魚魚顎,呢個燒得十分香滑,入口魚肉肥美嫩滑!接近尾聲還有個黑松露三文魚斧飯,店員先將斧飯上枱,待一回開蓋將黑松露同三文魚肉同飯攪勻,幫忙分碗上,飯身煙韌彈牙,加埋香濃嘅黑松露同肥美三文魚肉,入口十分滿足!當然還有碗大蜆清湯,蜆肉清甜,湯底清新,完全將今餐嘅肥美清新一下!最後送上跟餐嘅雪米糍,作為一個完結!以呢個價錢二人份,絕對超值吸引!差點忘了呢個優惠! continue reading
(The above review is the personal opinion of a user which does not represent OpenRice's point of view.)
Level4 2019-11-10
284 views
平時比較少去石門站,通常都係有電器要維修嘅時候,一般都會順便食個飯。今日就經過一間日本料理嘅門口,比抵食二人餐吸引著。店內裝飾以原木色為主,環境衛生又舒服,睇介紹知道 chef 曾任灣仔萬麗酒店松菱和食部主管,相信出品有一定水準。坐下來店員推介先 Like Facebook 送啤酒,如果不用想太多就可以食一個豪華的二人餐,因為餐內各款食物都好啱口味。另外再加點店內的推介特色美食,那就Perfect了!《燒帆立貝柱博多》$48這個真心推介,一份有兩件,鮮甜的北海道帆立貝燒到半熟,再夾上特別脆脆的白飯魚苗乾,用紫菜包起食,陣陣香氣兼且口感豐富,大讚!《磯燒海膽翡翠螺 》$50磯燒北海道海膽十分奢侈呢!入口即化味鮮甜,再加上加拿大翡翠螺,彈牙有囗感!《鹽燒荔枝豬肉串》荔枝豬肉串入口香濃軟滑,用豬肉包住荔枝一起燒,一啖入口清甜又有層次!《串燒雞翼》$28燒雞翼佐酒一流,雞翼外脆內嫩又多肉汁。《刺身五點》品嚐完一連串香口的前菜小食,吃日本料理又怎能夠少了刺身呢!漂亮的擺盤,增加了進食的胃口。牡丹蝦、白身魚伴海膽、吞拿魚、油甘魚、三文魚。這裏的牡丹蝦特別鮮甜,加上蝦膏入口時囗感有層次!吞拿魚可以話係當時得令,新鮮甜美又無筋。《帆立貝壽司》帆立貝肥美肉厚,壽司飯粒粒飽滿。總括而言,金石壽司價錢親民又可以食到咁高質素嘅日本料理真係開心大發現呀! continue reading
(The above review is the personal opinion of a user which does not represent OpenRice's point of view.)
好久沒有到沙田閒逛搵食 除左新城市大圍馬鞍山其實石門都有不少好選擇 好友係石門搵食時搵到呢間日本小店 裝潢以木色及黑色為主 牆上掛有多幅畫作 頗有日系風情感覺 雖然舖面不算大 不過坐位間空間感足夠 坐得舒適唔會迫夾   望望餐牌 款式齊全 由壽司手卷到燒物串燒都有  除左特定菜式 仲有不少廚師推介 十分周到三文魚/北寄貝壽司 三文魚刺身係厚切 大大塊頗新鮮 質素好高 一口咬落油脂甘香可口 北寄貝味道有點似象拔蚌 新鮮味美 口感回饋都很不俗 八爪魚刺身 雖然相比三文魚同北寄貝來得薄身一點 不過仍無損口感 爽口彈牙 鮮味十足 配合海帶一併食用更添大海鮮味 牛油果蕃茄沙律 蔬菜新鮮爽脆清甜 配上帶點酸酸甜甜既蕃茄  口感清新之餘亦可增進胃口 作為開胃前菜甚為不俗 沙律仲加入左牛油果粒 配以和風黑醋汁 味道討好  令整個沙律鮮味度提升不少 軟殼蟹反卷 份量十足 賣相亦十足不俗 雖然白飯外露 不過飯粒沒有四散 黏度不俗 軟殼蟹是新鮮即炸 食落香酥脆口 外脆內軟 配合新鮮混醋既飯團 一口一啖 基本上不用沾什麼醬汁都已經好好吃 鹽燒荔枝豬肉串 荔枝味清甜多汁 配合豬肉甘香 加上肉汁豐富 雙重口感 食落juicy唔違和亦唔覺油膩 串燒牛舌 味道調得不俗 牛舌夠厚身亦非常有咬口 爽脆可口 燒得唔乾身 實在令人有意外驚喜 燒多春魚 燒得外層香脆脆身 食落唔乾唔硬身 沾上新鮮檸檬汁 中和左油膩感 蒲燒鰻魚飯 大大盒份量十足 鰻魚厚身肥美啖啖肉 燒得甘香香口鮮甜 魚質油脂豐腴 醬汁味美飯旁有數位漬物酸瓜 配合鰻魚飯進食 口感層次特別豐富  餐廳最後仲送上小甜點 呢一餐又食到捧著肚子離開了 continue reading
(The above review is the personal opinion of a user which does not represent OpenRice's point of view.)