金加利冰室 (Closed)

兩個人來鋸扒，這裡的醬汁比較特別，有芝士汁配上，淺黃色的芝士醬，味道不是太濃，比較淡口，來的牛扒很大塊😋，豬脾骨好好食，叫了羅宋湯，很濃郁，凍檸茶是 Lipton，是我喜歡的口味。

若以同類型的茶餐廳，這間茶餐廳的早餐的份量是比其他的份量為多，尤其是凍飲，那個凍飲明顯地比另外的餐廳都大。但食物的味道呢？若食物不好吃，那就算是大份都是多餘啦，幸好都是正常茶餐廳好準，榨菜肉絲米的肉絲比較淡口，不過因為有榨菜，所以一啖榨菜，一啖米粉已經可以食完整碗米粉。但那個咸牛肉炒蛋就真的有點求其，好像只是將咸牛肉倒落已煮好的炒蛋上面而已。這裡比較特別是枱面有一些辣醬的東西，加了少許，是麻辣味，少少已經好辣。另一個特別的地方是每張枱的枱面都用了色彩繽紛的花紋磁磚做裝修。這個早餐$42不算貴，但清潔程度真是一般，愛清潔的人要考慮考慮。

好耐冇去土瓜灣，今日放假約咗朋友一齊去土瓜灣行街買嘢。行到攰，想搵個地方坐下，見到附近有間金加利冰室。今日星期日人較多，等咗大約5分鐘才有位。見到餐牌有好多選擇，又可以自由配搭。（1）炸雞脾+菠蘿碎蛋沙律+熱咖啡。炸雞脾咬落都幾Juice ，碎蛋放在生菜上面幾特別，熱咖啡好香好濃。（2）熱狗飽+田園沙律菜+熱檸水。熱狗飽內有一片生菜，咬落去有啲爽脆，跟其他餐廳唔同的。田園沙律菜內有多種沙律菜和粟米粒，加埋醬汁都幾好食，熱檸水跟普通茶餐廳冇分別。

記得這間金加利冰室在九龍灣都見過好耐，原來土瓜灣這邊這間金加利一直都未關，看看它的餐牌，除了意粉、焗飯、咖喱，亦都有飯及常餐，不過如果以這種中低價餐廳，吃過常餐一定會蝕本，因此我在不太飽的時候來吃咖喱配法包。這兒的咖哩都算係OK，都說味道不太差，這個法包屬長條狀，質地亦都頗可口，用來點咖喱汁，不太硬，吸汁剛好.牛舌份量不太少，都算是厚切大塊，不過味道較普通，始終較味皇那些極厚切煎香的差一點，沉在汁內難免沒那麽強鑊氣。飲品其實茶味都不太差，不過夠大杯，飲完都有非常之飽肚的感覺。

忙完終於可以寫返食評啦😌今日要介紹吓家姐仔考試週食早餐𝗵𝗲𝗮𝗵𝗲𝗮等既茶餐廳🍴金嘉利出晒名係碟碟大大份..佢既早餐可以話食完飽到晏就都唔洗食🤣.🍳#鹹牛肉炒蛋🥯#奶油脆脆豬🌶仲有鎮店之寶～#自家製辣菜脯🥒..🍜沙嗲牛肉通心粉𝗵𝗸𝗱$𝟯𝟵 （配鹹牛肉炒蛋或餐包）沙嗲牛肉普普通通,但係加埋鎮店之寶～辣菜脯🥒即刻成碗野唔同晒🤣🤣係為咗辣菜脯而嚟‼️嗜辣🌶會覺得好正😌怕辣建議加少少🤏另有唔辣🙏🏼鹹牛肉炒蛋平時既早餐好少會有，有鹹香味，但就油咗𝗱! .🍜羅宋湯通心粉 𝗵𝗸𝗱$𝟯𝟵喺屋企式嘅羅宋湯！都係果句平平冇奇，但加咗自家製辣菜脯就唔同咗🤣 題外話杯凍檸茶飲大杯到🥤.(+$𝟴 邪惡花生奶醬多🍞）呢個花生奶醬𝗱醬簡直係多到漏晒出嚟😱唔係平時出手勁慳咁，仲係粒粒花生🥜 必叫⭐️⭐️⭐️⭐️.(+$𝟱奶油脆脆豬🥯）另一必叫就係奶油脆脆豬⭐️⭐️⭐️⭐️焗到超級脆卜卜✨曾經有個家長因太脆而𠝹損咗個嘴😂同樣𝗱醬都係漏晒出嚟，唔快田食到幾𝗹𝗲𝗶 Hea😂..今次足足食咗2次先寫,都成3年冇食想睇下係咪同以前一樣都係𝗸𝗲𝗲𝗽到水準💓疫情後好多夥計都換咗，落單係慢咗，但係味道冇差，冇網上面寫得咁差～疫情好多小店都企唔穩，俾𝗱時

間唔中就會過嚟食下早餐因為揸住架車依度門口就係錶位 實在係幾方便但係而家食好似越嚟越差咁羅宋湯通粉其實淨係賣相我都真係麻麻哋 好影響食慾配搭嘅餐包同埋煎蛋腸仔不過不失啦沙嗲牛肉意粉其實以前都有食過覺得 唔係咁樣而且而家食嘅時候每一條意粉都好油呢個只不過係一個早餐 好油膩嘅感覺食到大半就唔想食 而我鍾意過嚟呢度最主要嘅目的之一就係可以個奶油豬以前嘅奶油豬皮脆暖粒粒 真係好滋味依家一上就已經凍哂 完全冇晒以前嘅感覺🥲

麻甩專員今次成為食辣專員，係土瓜灣搵到一間懷舊餐廳試食下專員想講以前經過過餐廳真係唔起眼，但早排有經過內部翻身換過晒d檯櫈感覺新鮮左今次專員去食lunch叫左巴辣咖哩羊腩配飯巴辣咖哩有得選擇特辣/大辣/小辣，叫左款小辣試下先加杯凍檸茶 再包多一碗栗米湯/羅宋湯份巴辣咖哩香味十足，咖哩香料份量足夠小辣既程度有刺激感，味道上唔係淨係得辣椒味既死辣，但未至於辣到要一啖飯一啖水嘅程度咖哩食得出有黑胡椒,肉桂味,茴香,洋蔥,薑黃,同埋生磨薑，每一啖都充斥住唔同既香料味係口腔另外羊腩份量大概有6舊左右再配以幾舊薯仔，以一個午餐嘅份量簡直係超量羊腩採用帶骨崩沙羊腩，肉質細嫩而且唔肥，連埋咖哩一齊食就算食晒都唔會覺得有油膩感-------麻甩專員評分區-------店內環境: 8/10食物外觀: 8/10 食物味道: 10/10   整體分數: 9/10   翻食指數: 9/10 

經過是但搵間茶記坐下, 2個人叫咗2個餐加咗飲品凍紅豆咖啡同茶走, 老實講冇乜要求亦冇乜期望。到嗰杯紅豆咖啡到咗，攪攪下想飲啖之際眼尾見到粒有翼嘅野<並唔係redbull>, 竟然係發現咗搵紅豆做掩飾嘅烏蠅, 叫阿姐行埋嚟,佢cc然咁話:嘩...乜咁大隻?我同水吧講下先...就拎走咗杯野我即刻叫佢唔好拎走杯野等我同隻烏蠅selfie下..但阿姐不以為然，可能呢嘅只係小case, 總之大家日後想幫襯佢哋就睇清楚先放入口喇By the way, 茶走係冇乜都走晒嘅。完

香港竟然有一種視野咁廣闊咁識食嘅老細開一間咁好嘅冰室淨係睇一睇個餐牌已經知道各種食物任君選擇新鮮配搭嘅不同套餐完全滿足到為食饞嘴不容易滿足嘅食客先介紹一下我哋食嘅東西可以話係茶餐廳入面嘅經典配搭成全日早餐沙嗲牛麵又好食豬扒薯餅蛋火腿樣樣精美另外一個牛角包腸仔松露雞蛋全部都係高品質係時候帶大家睇吓個餐牌竟然有四合一五合一六合一六神合體咁樣形式嘅套餐比大家選擇每一樣嘢都咁出色咁有特色咁多配搭唔係每一間茶餐廳都有㗎唔係講笑每次去到都可以放上唔同嘅東西

今日同老婆訓醒後打算落街食個下午茶，我老婆之前睇過多數食評偏好又未食過於是決定入去試下。睇餐牌上嘅食物都係一般茶記食物但改到啲名好似好吸引咁！咁我老婆叫左個..1.羅宋湯通粉配鹹牛肉炒蛋同餐包同一杯紅豆冰:羅宋湯不過不失，個蛋炒到老過我阿嫲，個餐包濕betbet都唔知係咪擺到出晒水攞出黎比人食，杯紅豆冰淡而無味..都算，冰得3幾粒飲落暖暖地都幾神奇！2.炸薯條雞翼餐同一杯熱奶茶:薯條好林，佢比個枝茄汁點落啲味怪怪地咁，食左幾條就無食！個炸雞翼咸到阿媽都唔認得！我本人本身叫左..3.沙爹牛通粉配鹹牛肉炒蛋同餐包同一杯熱奶茶:個沙牛通一上枱已經唔吸引又心存不妙，無色水唔香，食落口出晒事..啲牛肉酸得黎食得出沙爹無味，於是向侍應提出換過第二樣..換左碟最穩陣嘅五香肉丁麵..誰不知個麵重硬過我條命，肉丁身為罐頭食品都可以無味，個炒蛋同上重老過我阿嫲！總結呢餐真係狗也不吃...122蚊埋單比齊數個收銀重要話我地比小2蚊。。我唔明一間咁頂級難食嘅舖頭點解重會有咁多好評同埋生存到，好心唔識整野食無心煮就唔好做廚或者開舖。。最後成肚火落肚！完。

呢間餐廳以前座位好舊，現在翻新咗，當堂光猛咗整潔咗，亦感覺闊落坐得舒服。食物不是食評講的咁差喎，我反而覺得ok呀，食物種類都算多，尤其是扒餐，自選2款$88, 份量夠大，黑椒汁跟我哋平時食既唔同，佢比較稀少少，唔系杰撻撻果種，雖然稀少少但黑椒味夠之餘，感覺好似自己屋企整，唔咸👍。奶醬多，估唔到花生醬多到呢😁真係俾得好多。奶油脆脆豬，夠脆夠奶油🤣。唔少得緊系咖喱啦，咖喱真係好食，要咗中辣，中辣既辣度啱啱好👍👍👍飯都食多咗🤣。**仲有仲有，必食自製麻辣菜甫醬，上次買咗，真係堅辣，筆少少要來撈飯，正。呢個真心推介。仲有，我有問佢哋既姐姐，如果扒餐要咖喱汁得唔得，佢哋態度好好，有傾有講，真係好似街坊傾偈咁😁😁（咖喱汁系要加錢）。總括來說，我哋都好滿意👍

好似話裝修過嚟，跟住就入去試吓。座位方面，其實坐得好舒服，因為兩個人可以安排到一個類似四人座位嘅枱，坐得幾闊。早餐選擇十分之多，中式西式都有，沙律等等，不過價錢就比較貴。叫咗一個五香肉丁通粉($39)加到牛油方包($1)腸仔煎熟蛋+ 冬檸茶($3)。五香肉丁通粉，個湯底好淡，接近冇味，個通粉特別漲大，我鍾意食啲比較細粒啲嘅通粉。五香肉丁都OK正常發揮。個牛油多士係厚多士嚟嘅，食飽飽。但係覺得佢可以再脆多少少。朋友叫左奶油豬，呢個真係要成讚下， 十分十分之趣，好好味！比牛油多士出色太多了！其實整體來講，佢嘅份量係比較多嘅，所以價錢就比較貴。但係對於一啲普通食量、女士來講，要收呢個價錢食大份量的食物，就比較不太化算。但是還是可以再幫襯的。

唔知食咩就入咗呢間，我地四個人坐六人檯，menu 都幾多選擇，焗飯，粉麵……都有，姐姐落單好有心機，唔似一般茶記趕頭趕命。一般餐都跟蒜蓉多士，湯, 飲品同甜品超讚蔥油雞扒飯 ～70超讚係佢餐牌寫，唔係我自己加🤣，蔥油好好食，餸飯係一流，雞扒份量好多，煎得都幾香。百搭鐵板雙拼 ～82個漢堡好似個拳頭咁大，吉列豬扒好似只係細我塊面少少，其實兩個人都夠真係超抵食。叫姐姐幫我地影相好好笑容，姐姐話攞甜品俾我地，我話唔使了，份量太大食唔晒，佢話下次可以叫小飯，服務態度無得頂👍👍，少見嘅街坊人情味。

來到土瓜灣，吃甚麽好？這間餐廳是我爸爸從小在我還是小學的時候就差不多一個禮拜也會來三四次的餐廳我也慢慢看著它的變化，就是食品也慢慢多元化（從以前比較主要是吃扒餐/咖喱飯，現在多了很多別的元素，像甚麽雞腿飯，還有韓式飯/麵餐）看一下餐牌，我點了一個牛排套餐（它是比普通的晚餐貴一點點，但是鐵板上還有可以自己配搭，就是要牛排豬排雞排這樣）附送餐湯（我點紅湯），蒜蓉包脆脆的，雖然蒜蓉味不是很香濃這個是牛排香腸煎蛋飯配蒜蓉汁（配菜就是椰菜和三色豆）整體圖來一張我是這個黑椒牛排，香腸(多汁)底下還有一些薯條跟配菜（雖然中間的薯條會軟掉，但是也是OK的）另外加了錢要了一個飯（好似系$8??）最後還有甜品我選了蛋糕（因為有大菜糕，另外有時候會是啫哩）

呢條街多嘢食就梗架啦，至於食邊間，真係好難選擇。以往都幫襯過佐敦及牛頭角金加里，感覺良好，所以今日試吓。作為本地茶餐夾雜西餐餐廳，他們的選擇算多元化，有扒，全餐，湯粉麵，焗飯。二人叫了咖哩牛腩及泡菜雲吞湯飯。咖哩雖然點了少辣，但出來味道算是中辣。牛腩份量多，但略為鞋口。泡菜雲吞湯原鍋上，泡菜味不算濃，湯內有玉子豆腐，雲吞內有蝦，算有誠意，整體味道及辣道啱我口味。其間試了放於桌上的菜脯，小匙量，試了一下，超辣。飯後終於對金加里這招牌多點了解，他們應該是以咖喱為主打。好辣者可以一試。