Video
6-min walk from Exit E, Kwai Hing MTR Station
continue reading
Telephone
92256676
Opening Hours
Today
10:30 - 19:00
Mon
10:30 - 19:00
Tue
10:30 - 17:00
Wed
10:30 - 19:00
Thu
10:30 - 17:00
Fri - Sun
10:30 - 19:00
Public Holiday
10:30 - 19:00
Public Holiday Eve
10:30 - 19:00
Above information is for reference only. Please check details with the restaurant.
《好味推介 - 肯尼海鮮》早排招待朋友去我工作室坐下傾下計，晚餐我地就決定叫少少到會番上黎食🤓今次我地又係叫左肯尼海鮮既麻辣食品、一份細既火山卷同埋一份生蠔拼盤😎十分豐富，兩至三個人食就啱啱好了💁🏻♀️氣仙町生蠔拼盤 $128生蠔拼盤一共有六隻大大隻生蠔🦪入口海水味重，肉身滑溜而且蠔味濃，可以配埋肯尼海鮮配備既三文魚子同酸汁食用，食落會更多層次感💁🏻♀️日本鰻魚魚蓉火山卷 $98呢個聽講係新出既產品，呢個火山卷入面其實有三款卷物，呑拿魚蓉卷、鰻魚卷同埋蟹柳沙律卷，賣相十分精美，我個人覺得個醋飯其實做得十分不錯，唔會太過酸，同啲配菜既口味十分合拍🤓而三款入面我最喜歡就係鰻魚卷啦，個鰻魚汁十分濃郁令人好開胃💁🏻♀️麻辣無骨鳳爪 $48之前食過佢地既麻辣鮑魚後覺得幾好味，今次就試下其他既麻辣涼拌菜式，鳳爪去左骨後啖啖肉，咸香味十足，就算牙力唔夠都絕對食到，送酒一流💁🏻♀️麻辣雞腎 $48雞腎同樣係用左招牌既麻辣醬，其實食落唔太辣，反而係個香油味好重好香辣油味，雞腎切片的比較容易入口，唔會太韌，食落都幾香軟架💁🏻♀️麻辣豬耳 $58最後一款我就揀左豬耳，呢款我係買黎比我屋企人的，個豬耳處理得幾好唔會有陣腥味，咬落爽脆有口感，而軟骨位置都整得好入味，啱曬一大班人飲酒時佐酒呀😉
continue reading
過開黎葵涌做野，在肯尼海鮮訂了一些壽司生蠔產品，收工過黎拎，一袋過包得乾淨企理，帶返屋企慢慢嘆下。☺️🙌🏼🍣🦪壽司到會set （H)($106)，肯尼海鮮提供多款壽司到會組合的選擇，店內還有駐場的壽司師傅製作新鮮的手握壽司。我選購的壽司組合包括有三文魚、北寄貝、油甘魚、魷魚、蟹籽、蔥花吞拿魚蓉、螢光魷魚、螺肉，每款各2件，款款新鮮，排列整齊，外賣包裝企理、價錢抵食。🍣🤤日本帶子三文魚火山卷（$98），這款是網頁上推介的新產品，火山卷的賣相澎湃，卷物包住蟹柳、青瓜，鋪在卷物上面分別是三文魚配甜滑沙律醬和帆立貝配粒粒蟹籽，每款卷物都味道豐富。火山中央的部份，就是卷物配帆立貝撈了濃郁的沙律醬、蟹柳，再用火槍燒過，由外食到內夠哂好食。🦀🥒🍙🔥日本氣仙町生蠔拼盤 n3（$128），每隻生蠔都好大隻，約100g重一隻，差不多有手掌的長度，這個價錢可以買到半打生蠔絕對抵食，蠔肉的蠔身扁平肥美，入口細嫩，鮮甜度及滑溜程度十足，這款蠔的海水味道唔會好濃。店家加了菊花、附上三文魚籽作為點綴，令賣相更加似在居酒屋食到的質素，其性價比很高。🦪😍🫶🏻上次食過麻辣牛舌之後，好掛住肯尼海鮮的自家製麻辣汁的味道。今次再食過返尋味，選了其他麻辣產品。剩返嘅麻辣汁仲可以煮餸、撈粉絲煲用得。🌶️😙麻辣貢丸（$42），貢丸每粒都開半，令麻辣汁浸在貢丸裡更入味，用牙籤一督就食得，食用方便。🍢🌶️麻辣豬耳（$58），豬耳每條切得長長幼幼，入口好爽口，加入麻辣原素，味道更加辣得過癮。🐷🌶️麻辣無骨的鳳爪（$48），去哂骨的鳳爪，咀嚼起來幾Q彈，膠質豐富。麻辣風味嘅鳳爪第一次食，確係幾創新，充滿新鮮感。🐥🌶️
continue reading
之前都幫襯過肯尼好幾次，無論係海鮮，定係刺身壽司都非常不錯，家人都食得出同一般壽司外賣有分別，所以一直有回購。上星期熱辣辣唔想出街，於是又叫外賣。可惜，質素已不復再…. 😮💨首先，刺身壽司黎到已經唔凍，更莫講話要如佢落單時所講要回溫1小時先至食得，食落唔夠新鮮，尤其而家天氣咁熱，感覺不太良好。另外，刺身亦比較乾身，唔夠肥美。最差係個鰻魚飯，完全唔好食，仲要有啲腥😣以後似乎又少咗個選擇😢而家咁多人北上食嘢，香港嘅餐廳同外賣真係要維持好質素，先至可以留住客人。
continue reading
屋企搞Party 外賣到會有啲咩好選擇，我哋就揀咗成日都幫襯嘅「肯尼海鮮」，而且成日有不定期優惠，多年來食物水準質素一樣都係咁高，而且依家天氣熱辣辣，大家都想食啲清涼嘅嘢，屋企人全部都鍾意食日本嘢，例如刺身、壽司、生蠔之類嘅嘢，肯尼海鮮就最耍家，而且依家食物品種好多元化，韓國醬油蟹、醬油蝦、酒醉系列、甜品乜都有，一站式搞掂晒，真係超方便🫶我哋今日五大兩小家人聚會，睇吓叫咗啲咩食先食物內容有生又熟，完全大人小朋友都可以兼顧到👍▪️法國莉莎達斯生蠔拼盤 （8隻） $ 186法國莉莎達斯 La Very Specail ，口感層次分明, 先是一段海水咸味，之後甜味再慢慢滲出，回甘味長久，配上三文魚籽更鮮味▪️日本奧山馬糞海膽 $ 399海膽一向係肯尼海鮮最熱賣貨品，有多款不同品種選擇，真係好快賣晒，我今次買嘅呢一隻都非常唔錯，味道甘香又Creamy ▪️刺身盛拼盤 Set P $ 282有六款分別係，帶子刺身、魷魚刺身 、油甘魚刺身、劍魚刺身 、三文魚刺身 、阿根廷赤蝦，款款大大件，新鮮又肥美▪️兔兔壽司拼盤30件 $ 188今期仲有特價只要$120唔叫對唔住自己🤣小朋友見到兔兔壽司拼盤，超級鍾意，而且壽司口味又啱佢哋，開心開心壽司好豐富，有小白兔、加洲卷 、蟹籽軍艦 螺肉軍艦 、中華沙律軍艦 、炙燒玉子壽司 、炙燒蟹柳壽司 、炙燒鰻魚壽司 、玉子小卷 、青瓜小卷 ▪️壽司到會set J (輕量版) 20貫 $ 208雖然話輕量版，但絕對份量十足，分別有油甘魚花之戀、三文魚花之戀、油甘魚、三文魚、大蝦三文魚籽、帶子三文魚籽、鰻魚，伴件都好大件▪️️雜錦腐皮壽司六件 $ 75腐皮船超大件，有六款好有創意餡料，三文魚沙律、大蝦、鰻魚、帶子拼黑松露醬、甜蛋飛魚籽、蟹籽沙律飛魚籽，喜歡腐皮帶點點甜味，配上不同嘅餡料，一鹹一甜幾好味▪️鮟鱇魚乾壽司四件 $ 58鮟鱇魚乾份量都幾多，入口油潤甘香，咬兩啖就喺嘴裏面溶化，超正▪️加州卷 $ 53小朋友之選，我就鍾意加啲海膽或者刺身喺面一齊食，變成自己喜歡嘅創意壽司▪️紫菜杯 $ 48呢個紫菜花花杯真係正，可以放上自己心愛嘅壽司、刺身、海膽，拎起嚟又方便，尤其係小朋友，加咗呢個香脆紫菜杯，話覺得啲壽司特別好食😂▪️韓國醬油蟹1.2 KG $ 168超級抵食，蟹膏滿滿，鮮嫩蟹肉，甜美醬油，鹹鮮可口，配上一口紫菜白飯，鮮味無窮▪️無激素酒醉鴨舌 $ 127鴨舌肥大厚肉肉又爽脆，酒味好香濃，一口接一口不停食，喜歡嘅人就會好喜歡▪️日式枝豆 $ 28餐前小食點可以冇枝豆，大人小朋友都咁啱食▪️日本3.6 奶凍 $ 21 ～ $ 29甜品時間，用上日本3.6牛奶造成嘅奶凍，入口軟滑，奶香十足，滑溜creamy，配搭不同口味，多種層次，一試愛上，我哋因為唔食榴槤，所以點咗其他四款口味🥭芒果奶凍🍠紫薯香芋麻糬奶凍🧊冰糖雪燕奶凍🍯蜂蜜桃膠奶凍
continue reading
专门做外送海鮮店，產品都比較多元化，買左好多翻屋企食，晚餐同平時零嘴又搞定了，野生池魚刺身，日本直送，池魚脂肪結實，肉質肥嫩，鮮甜；罐裝牛舌、鴨舌都好食，麻辣牛舌好惹味，香辣麻，停唔到口，鴨舌帶花雕酒香味，有埋枸杞係入邊，一度覺得正在食緊“健康食品”，哈哈哈，朱古力牛乳麻薯！今日最佳，糯糯嘰嘰，每一粒麻薯都被可可粉包住，點Oreo脆脆食，一下食曬。
continue reading