259
5
0
| Restaurant: | Keisetsu |
|---|---|
| Offer: |
Dine and earn miles at this Cathay partner restaurant ! Dine at partner restaurants and earn up to HKD4 = 2 miles as a Cathay member. T&C apply. |
|
Terms & Details:
|
|
|
|
Video
3-min walk from Exit F1, Causeway Bay MTR Station
continue reading
Telephone
94738875
Opening Hours
Today
12:00 - 15:00
18:00 - 23:00
Mon - Sun
12:00 - 15:00
18:00 - 23:00
Above information is for reference only. Please check details with the restaurant.
About Reward Scheme
Offers
| Restaurant: | Keisetsu |
|---|---|
| Offer: | Dine at partner restaurants and earn up to HKD4 = 2 miles as a Cathay member. T&C apply. |
|
Terms & Details:
|
|
|
|
開學了，一定要和好友慶祝下。午餐時段來食日料最抵啦。呢間聽同事介紹嘅，不用思考太多，叫個“一人前”。🥢八寸頭盤好靚，有三樣食物。一是慢煮黑梅貝，辣味慢慢充盈口腔，黑梅貝好彈牙，好想食多d🤣。二是煙熏鴨胸，超級軟嫰。三是北海道粟米，第一次食水果粟米，粒粒爆汁，清甜，頗有粟米香味。🍣刺身三點白海膽鯛魚，鯛魚肉嫩魚味重，白海膽的柔軟和魚肉相得益彰。金槍魚，表面用備長炭炙燒，表面一層有點和牛口感，有些驚喜。泥貝，非常新鮮脆口，還帶著海水的清新。🍣壽司七貫1. 鰤魚：油脂豐富，搭配的豉油恰到好處。2. 劍魚腩：這款切得薄，表面炙燒過，又香又軟，有點愛上這種口感了3. 醬油漬吞拿魚➕芥末籽：醬油漬過讓鮮味更突出，微辣的芥末籽讓口感更加豐富。4. 托羅：熟成1-2星期，令肉質更加軟，有膠質，這是壽司七貫最大亮點了。5. 海膽壽司：誰懂這一口黃色的含金量！6. 牡丹蝦：看得到的新鮮，吃得到的鮮甜。7. 蔥吞拿魚腩➕三文魚籽杯： 蔥的香味與吞拿魚腩的油脂相得益彰，鮮艷的三文魚籽讓人回味無窮。🥩和牛舌➕枝豆蓉燒這道相貌不出眾，卻給我帶來驚喜。和牛舌的肉質極其柔嫩，搭配的枝豆蓉燒則增添了一份清新感。炭燒巨型30cm蒲燒鰻魚超級推薦，好大一條，味道接近我係日本食野生鰻魚的口感。碳香十足，肉質超細膩，最愛皮和肉中間那層脂肪，建議連皮一起食。🥄海鮮湯海鮮湯的鮮味讓人沉醉，剛吃完壽司，喝點暖暖的海鮮湯很舒服。🍨柚子雪糕好友不太喜歡這個，我覺得還可以，可以吃到一點冰渣和柚子肉，很濃的柚子香味，而絕不是工業味。整體而言，這個價位這樣一餐，吃到很多美味食材，還能有驚喜，果然要多多幫襯樓上鋪呀。🤭
continue reading
「螢雪」日本料理位於銅鑼灣亨環，主打Omakase，一直以來非常多好評，師傅專業、食材時令，而且依家套餐仲做緊半價優惠，好抵食，今日和友人去朝聖一下，現場所見平日都差唔多客滿，就知道呢度幾有口碑和水準👍🌟 Omakase $ 728 （原價 $ 1480一人前）▪️前菜 ✨慢煮黑梅貝～口感煙韌、味道甜香、非常入味✨鴨胸配藍莓醬燒汁~肉質非常軟嫩✨北海道粟米~而家係最當造，所以非常清甜▪️刺身三點🐠熟成大吞拿魚腩～入口肥美甘香，魚肉熟成過之後肉質更加充滿油香🌟燒帆立貝～外層焦香，內裡鮮味滿滿🐟真鯛魚配海膽～淡口味嘅真鯛魚肉質煙煙韌韌，配合鮮味香濃嘅海膽，美味滿分▪️壽司七貫 🍣秋刀魚｜當造季節的秋刀魚香濃嘅味道更加突出，肉質非常新鮮🍣劍魚腩｜用咗和哥山備長炭去燒，魚嘅表面充滿炭香，魚油豐富🍣赤身醬油漬｜好濃味嘅吞拿魚，配上芥辣籽更加提升鮮味🍣赤雲丹｜油潤、甘香、Creamy就是好食🍣燒拖羅｜肥美到不得了，入口魚油滿瀉🍣牡丹蝦配蝦頭膏｜蝦的鮮香、蝦頭的濃郁，兩者就在在口裡爆發🍣拖羅蓉筋子杯 ｜除了鮮味、充滿吞拿魚蓉的油香，和筋子爆開的甜美，真係好食到一個極點🎣▪️炭燒巨型30cm蒲燒鰻魚主菜有三款可以選擇，我比較偏好鰻魚，而且仲要見到係炭燒巨型，一上枱真係份量十足，燒得焦香肉質軟腍又肥美，鰻魚醬汁味道恰到好處，沾上山椒粉更可以帶出鰻魚的香氣🥣▪️吸物 ｜海鮮清湯食飽晒飲返一碗海鮮清湯，清甜溫暖又飽肚🍨▪️甘物｜曲奇雲呢拿雪糕最後甜品時間，食一口自己喜歡嘅雪糕口味，非常滿足的一頓午餐
continue reading
放11日AL 又未有得✈️住做咩好呢？咪就係約🐢🍯去食反個lunch 先啦🤭今次就去左銅鑼灣呢間高質日本壽司料理餐廳吧枱位置可以望住師傅整壽司而呢間既lunch set 都相當抵食食材好新鮮，而人均消費只係～$500難怪我地食左兩個鐘個場都係keep住坐滿人啦😝我地分別揀選左兩款 Lunch Set都會有前菜，前菜係墨魚（墨魚少少辣，好開胃) & 豆腐野菜沙律(豆腐好滑溜）我就食Toro, Minced Toro, Sea Urchin $480係中拖羅、拖羅蓉、海膽，海膽份量十足😍勁鮮甜，中拖羅好新鮮油香四溢，配埋有菇粒同紫菜碎既飯一齊食，好有日本既味道😍而🐢🍯就食11 pieces + Hand Roll $498每件壽司刺身都新鮮厚切，份量十足食完之後每份lunch set仲有魚湯蒸蛋配櫻花蝦 & 海鮮清湯滑溜既蒸蛋用上魚湯去蒸更加鮮味最後食埋個柚子雪葩酸酸甜甜好清新😍令成餐飯變得好完美🤭螢雪（銅鑼灣）📍銅鑼灣渣甸街66號亨環7樓
continue reading
《螢雪 - 銅鑼灣》最近試左幾間感覺不錯既日式餐廳，其中一間就係我想試好耐、位於渣甸街既Omakase 螢雪🤓成日見人地介紹，自己就係第一次食🥸Lunch menu 既Omakase好抵食，人均唔洗$500就食得到11件壽司加手卷 set🥰入面仲有埋前菜、茶碗蒸、熱湯同甜品添呀😍當日係星期六既下午，幾乎全個餐廳都坐滿曬人，可見呢度的確係間人氣既日式餐廳呢前菜💁🏻♀️沙律及汁煮牛舌前菜係口味清新既柚子醋汁沙律菜🥗最適合比我開開胃，酸酸地易入口，再配埋煮到淋曬既汁煮牛舌，口感香甜好味壽司💁🏻♀️真鯛 師傅用左真鯛既魚春曬乾再炒香，就好似製作烏魚子既做法去整，再放喺鯛魚壽司上面，魚春食落有少少似咸蛋黃既味道，咸香微脆，真鯛魚肉結實，好有口感💁🏻♀️石垣鯛 呢件壽司味道清新，用左青柚子皮提味，好有夏日既感覺💁🏻♀️墨魚 新鮮既墨魚壽司個質感係好似蒟蒻咁煙煙韌韌的，有種黏糯既感覺，食落微甜的🥰上面放左一大片鹽水紫海膽，味道甘香💁🏻♀️鮫魚 又名左口魚，係我日常好喜歡食既壽司🫶🏻壽司飯入面加左蔥花，所以多左份清新既蔥香味，上面放左肝醬同魚春，係一件比較重油花同味道濃郁既壽司💁🏻♀️粒貝壽司師傅話要睇貝類係咪新鮮，睇佢啲肌肉識唔識收縮就知道啦，次次食omakase最鍾意就係睇壽司師傅拍打啲貝類，睇住佢哋縮埋一舊真係好得意🤓當然食落係十分爽脆有口感，好新鮮呢💁🏻♀️鮮帶子 平時食帶子都係食佢新鮮軟糯嘅口感，但係呢度就用咗好不同嘅方法製作，先用和歌山既木材燒熱備長炭再微微炭烤帶子，肉嘅表面有焦香嘅味道，而裏面仲係保持住軟滑嘅質感，口感特別💁🏻♀️醬油漬呑拿魚 喺吞拿魚入面，我一向最鍾意就係食肥美多油份嘅大拖羅，不過原來醬油漬過嘅吞拿魚赤身都係好好食的，經過醬油漬之後魚肉本身嘅腥味會冇咗，肉質仲會變得好柔軟，味道帶鮮甜😍而吞拿魚赤身上面落咗芥末籽作調味，少少刺激，但係入口嘅口感就更多層次💁🏻♀️海膽壽司師傅似乎唔係好肉痛啲海膽😬一件壽司上面放咁多海膽肉令人食指大動😍只需要配上師傅特製嘅醬油一啖放入口就已經令人滿足😎食完個口腔仲滿滿海膽嘅鮮味💁🏻♀️椿魚 樁魚嘅肉質好柔軟，而且味道甘醇，配上京都wasabi 漬作為調味，更加帶出到魚肉嘅甜味同埋有少少刺激味蕾嘅感覺💁🏻♀️牡丹蝦同樣地係十分創新嘅做法，師傅將牡丹蝦肉同埋蝦膏壓碎，整成他他嘅狀態，但係又唔會好似肉醬咁絲滑，反而保留咗蝦肉嘅質感💁🏻♀️呑拿魚蓉紫蘇葉手卷嚟到結尾，師傅用咗吞拿魚蓉手卷為呢一餐畫上一個句號，手卷入邊除咗紫蘇葉嘅味道之外，放咗青瓜更加係神來之筆，軟滑嘅吞拿魚蓉配埋爽脆嘅青瓜，仲有脆卜卜嘅紫菜，成件事都好圓滿💁🏻♀️櫻花蝦魚湯蒸蛋及味噌湯食完晒所有壽司之後，店員就拎埋最後嘅熱食俾我哋，好少食到加入魚湯製作嘅蒸蛋，成哥蒸蛋都充滿着海鮮同魚肉嘅香氣，仲有蜆肉、白果、魚肉等嘅食材喺入面，口感豐富得來味道仲好多層次，而佢嘅味噌湯睇落平平無奇，但係飲落就知道用咗好多材料熬製，鮮甜美味，飲完非常暖胃，再食埋最尾嘅柚子雪葩😉成餐飯食得好飽仲好滿足
continue reading
端午節一連三日的長假期，真正可以好好的放輕鬆，從繁重的工作放鬆一下，long weekend當然要搵D好嘢食，立即約朋友，然後就搵咗銅鑼灣呢間高質壽司店品嚐一下午餐，餐廳位置方便，銅鑼灣港鐵站一出行3分鐘就到，非常方便，而且座位寬敞，主要都是吧枱位置，可以直接欣常師傅的手藝，另有包廂，要同朋友或客戶傾計都絕對無問題~星期六的午餐時段都陸續有客人到來，果然大家都好熟路十一貫壽司+手卷lunch set($498/人)🌟前菜：豆腐野菜沙律、柱候牛舌先來一個開胃前菜，豆腐野菜沙律夠清新，而牛舌非常的軟淋入味，好好食🌟十一貫壽司🔺真鯛真鯛肉質細緻有彈性，食落新鮮清甜，加上少許柚子皮，吃時更清新🔺右口魚壽司平時都是食左口魚，今次係右口魚，其實都屬比目魚，都是油分豐富的白身魚，加上炙燒過的裙邊，更加甘香肥美😋🔺石垣鯛肉質爽脆有彈性，味道清新鮮味🔺魷魚海膽魷魚+海膽，配搭頗為新鮮，兩種截然不同的口感加在一起又很不錯，海膽鮮甜，配上清脆爽滑的魷魚，配上鮮甜海膽，味道很夾。🔺帆立貝再來帆立貝壽司，帆立貝厚身啖啖肉，有口感又鮮味，師傅加上少許柚子，味道更清新。🔺池魚相對濃味的白身魚，油脂豐厚，味道甘甜，口感清爽🔺平政肉質細緻，口感滑嫩，油脂豐富 🔺赤身醬油漬赤身味濃，口感油潤軟滑，用上醬油漬方法去處理，味道更濃郁鮮味，加上芥末籽，清新解膩。🔺北海道紫海膽北海道紫海膽，味道清甜，鮮中帶清，配少許生紫菜醬，味道更提鮮，滿腔鮮味，大滿足🔺米糠漬鯖魚米糠漬鯖魚是傳統保存魚類的醃製法，經米糖醃製，鯖魚味道更甘甜，魚味更濃郁，而且肉質更緊緻🔺燒吞拿魚鮫位魚鮫位置油脂更豐富，燒過後更甘香，非常味美🌟蔥拖羅手卷最後是蔥拖羅蓉手卷，魚香油香滿載，內裏還加入紫蘇葉，味道更濃郁，再另外加上燒玉子，完美落幕。🌟吸物：魚湯蒸蛋、櫻花蝦平時使用高湯的蒸蛋已經好鮮味，這次是用上魚湯，鮮味倍升，再加點櫻花增加鹹鮮味，又滑又好食🌟海鮮清湯🌟曲奇雪糕
continue reading