佳記甜品 (Moved) New Location

未入過元朗食佳記B仔涼粉的人不能說去過元朗，以前細個踩單車經過元朗係一定會去食，一大碗B仔涼粉足夠四個人食有餘，當年好像還是要五十多元，現在一碗都$81，雖然內裡生果是平價貨，但每款生果都從來不酸，多年來質量一直維持，認真底讚。材料離不開西瓜、涼粉、哈蜜瓜、椰果、大樹菠蘿、桃、荔枝、荔枝、海底椰、蜜瓜、香蕉、蘆薈等.....每一款生果都好新鮮、份量不會時多時少。但環境很差、很迫、幾乎面貼面，員工態度一般，如果可以開一間環境好一點，價錢貴點都不介意去。

每次入到元朗無論做啲咩，行程總是少不了B仔🤣。今次都唔例外，睇完向日葵花田之後。唸到既第一件事就係去食翻個甜品B仔雞尖，雖然宜家出面周街都有類似既。但唔知點解總係覺得元朗既最好食 可能呢啲就係情懷🤷🏻‍♂️雞尖有啲辣，夏天既話陪西瓜汁一流， 因為甜啊除左雞尖，個人覺得佳記必食既係涼粉 軟硬度適中，夏天食加埋冰，冰爽宜人，仲可以清熱解暑

好耐無去元朗食b仔喇,前日山長水遠去到元朗,緊係要去下潮聖喇😚😚行到又新街,已經見到有好多小食,一個又一個咁叫你埋黎睇埋黎揀,覺得自己好似大爺咁🙈去到b仔門口都照舊大排延席,不過今次同朋友諗住早d出番去睇戲,所以都係諗住快快脆食完走🙈叫左芒果pancake同埋b仔雞翼尖,今次小妹想主打講b仔雞翼尖,之前方間已經流出左b仔雞翼尖既食譜,都有幾位朋友煮過比小妹食,佢地都話好易整,以今次食正宗既b仔雞翼尖呢?感覺大不如前lu,講真係好大份,但係無以前咁好食,一般般der

每次家庭聚會，有老人家，又有小朋友，差唔多有二十幾人，無論BBQ，或者開party，打完邊爐都好，每次都怕佢地會食唔包，所以一定會喺佳記預先買定兩兜B仔涼粉放定係雪櫃！😌元朗共有兩間！雞亦尖亦是必買的，不過有時會太過辣，所以要食埋甜品先可解辣！芒果同榴槤班戟，都是真材實料，而且榴槤亦經常賣哂！最後，買左兩盒，本人偏愛配西米露，加上淡奶另上，可隨個人喜好加添！全是新鮮水果，飯後甜品來説，一盒足夠五人同享！😋😋

聽啲fd 個個都話好食，就由九龍灣過度黎元朗，真係超遠，本身以為好好味，第一次食就叫左B仔涼粉同雞翼尖，啲水果超級難食，啲西瓜臭加，啲木瓜未熟加，難食到爆咯，伏到貼地

元朗的B仔涼粉是非常出名,很多人我會揸車來食😁我對上一次已經是三年前了到了今天我再次來品嚐，門口非常方便,車可以拍正門口,不怕抄牌🤣亦可以坐路邊!但是我等位等了接近40分鐘😪雙腳已很攰了😢到我坐下的時候好像中了六合彩一樣！食物，甜品選擇非常多！ 但是我不覺得有什麼出色我叫了西瓜冰西瓜雖然爽口，冰凍但是不甜，帶不出西瓜的清香味😢另外豬皮魚蛋也沒有什麼特別😊我加了一點咖喱汁😁咖喱非常辣，香噴噴😋係好味！蒜香雞翼尖非常辣，我吃了兩隻雞翼尖便停口了😆太水皮😂

黎元朗點可以唔食b仔呀，話曬哩間野都超級無敵出名喔，梗係要來打下卡啦！今次仲特登楂車入去食。雞翼尖真係好吸引呀，辣辣地，煮得好林，蒜香味十足，難怪會上癮！對雞翼尖簡直念念不忘呀！楊枝甘露消暑又解熱，有芒果汁同埋西米柚子，其他糖水朋友都話OK，好味，掂呀！食到唔停得口既雞翼尖再來一份，夠辣又夠入味，上台既時候仲熱辣辣，入口既溶，成個口都充滿左骨膠原，超級值得一試噶！腸仔都唔差噶，小朋友食完仲話要再來一串添！

黎元朗點可以唔食B仔,三個人黎剛好三個都係榴槤愛好者~因此叫了榴槤PANCAKE入面好多CREAM ,好大塊榴槤肉,正!另外,叫左個雜果西米露有西瓜.MANGO,密瓜等等~椰汁味好香,水果好甜~整體:普通OK LA

入到元朗。。。而度出左名超級超級無敵多野食當然要周圍食下啦yeah ~~~而間野其實我成日食。。。但每次都食同一樣野Hahaha 雞翼尖啊感覺上而加好似細碟左好多！不過味道都一樣 都仲係咁好食！！辣辣麻麻咁為左無嘆辣專登買來解辣哈哈其實自己麻麻地食辣， 但雞尖真係食到停唔到口椰果涼粉 好好食！！椰果超級甜耶 涼粉又好食 good ah

元朗最出名嘅B仔涼粉，除卻涼粉，還有很多其他甜品吃今次選了芒果卷及鮮雜果西米露。夜麻麻都須要等位勁多人。真係高朋滿座，還有勁多外賣。芒果卷，糯米卷包着一舊好大芒果，勁重芒果味。鮮雜果西米露，生果勁新鮮，數量及款式也多。唔怪之得咁多人食，下次可再幫襯。

去到元朗一定會必食嘅佳記！平時同朋友就算係shatin都係會特登揸車入去食。因為呢度嘅雞翼尖真係好上引，太好味了！就算平時唔食辣嘅朋友仔，都會忍唔住一齊食豬皮都好正！榴槤卷-勁多榴槤餡囉好冇建議四人先好叫，因為都幾大份，食一件到夠皮！每次都會叫嘅芒果涼粉-特別在嘅芒果汁用飲筒啜，再食涼粉！佳記嘅甜品除咗好食而且係一定足料夠甜！熱食都好好食，搵唔到一個唔再黎食嘅理由

本身我住好遠，入到黎元朗食完晚飯飽飽的！但都特登要食多一次b仔！🙈好耐無食！好掛住佢的雞翼尖！估吾到佢依家人流甘多 又出左名都重keep到甘入味甘好食！🤤👍🏻另外 我重點左個西米露！ 份量都大，舊舊芒果又甜又大粒！好低食！

元朗不嬲都出名多好野食，但其實好多次來到都係忍唔住要去食B仔，真係好似毒癮咁😆☠️而且我估好多來B仔的常客都會有一條自己的list去食D咩，而我呢，就一定例牌雞翼尖加西瓜涼風撈，風雨不改😎😎有時再餓D既，就加D其他小食，好似腸粉、陳皮魚旦都唔錯! 呢日睇完戲有D口痕又未話好肚餓，諗諗下又係去左B仔食B仔而家都有學問，咪以為舊B (教育路) 係original好食D，其實最近去過兩三次舊B，都真係冇新B (又新街) 咁好食。只係講雞翼尖，舊B又唔辣又唔入味，而且D姐姐態度好麻麻，上次我地食雞翼尖想一人要多一隻碗佢都唔肯畀，救命。而新B就真係好多人，長時間都多人排，排堂食又有、外賣又有，不過通常都唔駛等好耐既 (8點後去另計)。是日5點幾去到，不是peak hours，所以好彩一去到就搵多兩個位坐低，叫左雞翼尖、西瓜汁、西瓜🍉涼粉撈、同埋一客糖不甩。雞翼尖就梗係香辣啦，蒜香不過太過濃但又入哂味，難怪會上癮!! 👹👹不過由於真係好辣，所以我一定點D西瓜類既解辣。我特別推介西瓜涼粉撈，因為佢一開始係冰夠哂凍，之後慢慢食慢慢融變汁又得，冇咁快變熱! 而且有D涼粉解辣都唔錯架，B仔既涼粉甘草味夠香，

住在元朗，一定會聽過b仔涼粉，但其實住客都知道其實b仔最好食的不是糖水，而是它的蒜香雞翼尖。每次行過都忍唔住要買一份雞翼尖回家慢慢品嘗，食唔到辣既我次次都會食到一身汗又流晒眼水鼻水，但由於實在太惹味，喊住都會繼續食埋佢

夜晚去食，之前都食過。冇話特別好唔好食， 係近我地幾個friend先去， 去到入去已經屈你坐去死位，但明明大把位。。。點解要咁做? ok， 算數。睇左陣餐牌想叫野， 個阿姐自動行開，但明明又係冇乜客，攪咩ar。。。語氣好冷漠，塊面仲好黑，搞到我哋食得超級唔開心。之後再叫佢過黎，想叫芒果西米露，問佢呢個天時芒果掂唔掂，問左一句，個阿姐又自動行開左，又想點ar，最後求鬼其左個腸粉食算。賺錢唔係問題，但唔需要令人哋唔開心囉！大佬呀 食糖水唔係真係為咗個糖水嫁？你估你啲糖水好平好抵食？貼錢俾我都唔再去