奇趣餅家

Open Now

Now Closed

好少鋪頭仲有賣傳統中式糕點，即使有都好難搵到好食。呢間奇趣餅家由細食到大，最愛紅豆餅、香蕉糕。日日新鮮製造，賣完再整，風雨不改，人情味就係呢d啦。鎮店之寶一定係紅豆餅，有時遇著咁岩新鮮出爐，熱騰騰仲好味。糯米皮超級煙韌，紅豆甜度適中。我最高紀錄一次食3個。記得由初初$2，加價加到今時今日$4，百物騰貴，不過寧願佢加價都唔想佢執笠，出面搵唔返呢種味道。經過的話不妨買半打返屋企，特別老一輩一定喜歡！😊

搭正七月十五嚟，打算買月餅，點知要下午4點後先可能出爐，特地走到旺角嚟，唔想空手走，見有新嘢未試過，就買咗個公仔餅食下原來無餡的，感覺好似食緊大塊硬曲奇，但唔係鬆軟的，甜甜地咁，印上唔同嘅公仔形狀，用嚟tum小朋友就買啦😝

每次到花園街經過奇趣，必買個燒餅嚟食下。最中意無餡燒餅$3 ,朋友要紅豆燒餅 $4今次仲買左公仔餅$5有幾款公仔。幾得意但我地覺得唔太岩食鮑魚酥 $5幾香酥，唔錯！香蕉糕 $4？ $3？ 唔記得左😂不過都係唔岩食總結都係燒餅最好

又到一個禮拜中最放松嘅一日，休息我呢個吃貨就只會周圍去穩食，不過今日去奇趣買餅都系純屬偶然，去穩個朋友，然后試下可唔可以抄近路，無意中發現原嚟奇趣就系呢度，路過就唔好錯過。老字號餅店裝修都好簡單，但好有親切感，門口擺滿左各種各樣嘅餅，自己鐘意就叫店員幫你打包。紅豆餅新鮮出爐，$18五個，紅豆餅比較干身，少油，低脂健康D，但油少就會比較硬身，唔甜唔會膩。蛋撻仔個樣好得意，都幾酥香，味道幾好，光酥餅都系細細一個，系買比阿媽食嘅，光酥餅真系好松軟，仲有淡淡奶香味，阿媽至愛。椰撻有小小甜，食多左會覺得有少少滯。

以前友人介紹食過，覺得好好味。琴日經過一定要買黎回味$4一個，不斷新鮮出焗，所以食落都係熱辣辣，正。個皮有一片脆嘅，個薄脆皮入面就好軟熟，口感超級正 食到中間位嘅表皮仲有啲烘香芝麻粒，整到成個餅好香!紅豆蓉嘅味道都控制得好好，唔會過甜，亦夠紅豆味。不過係完全蓉，有啲粒粒我會中意啲。整體都好正，不過覺得比以前薄左。

奇趣餅家其實我也不知道為何光顧了這間店舖本身是我跟我媽說想吃雞蛋仔但不知為何她以為我想買糕點她說這間很出名於是問我買不買雖然我不知何解會有此誤會但問我買不買當然又會想嘗嘗於是就買了還即場吃起來後來我媽還是帶我去買了雞蛋仔帶我去了奇趣餅家的原因不知是不是怕我會因遍尋不果而吵鬧起來= =’’所以就找了間店來敷衍住我先香蕉糕★☆☆☆☆香蕉味好香但太甜了吃時可以咬到一粒粒糖很大的一條大滿足比澳門那些大條很多很多但我大姐吃了後說很後悔吃了因為太甜了真的太太太甜了澳門鉅記的好吃很多沒那麼甜不過就比較細條而且香港分店沒得買應該是因為不能存放太久的緣故紅豆燒餅★★★★(★☆)我們去到時碰巧紅豆燒餅剛剛新鮮出爐熱辣辣見很多人排隊買於是也買了5個這個比我想像中好吃甜度剛剛好表面的芝蔴很香紅豆餡少少甜挺好吃皮煙煙韌韌好像米糕咁最欣賞它的質感而且不是太甜伴着茶或者不夠甜但就咁吃很好吃

從小一直捧場至今，但近年水準每況愈下，雞蛋糕口感非常乾，香蕉糕不再香濃，豆沙燒餅亦愈來愈油膩。唯有蛋撻仔和椰撻仔還好。然而今天特登去買撻仔時，竟遭辱罵持住大肚婆粗身大細來要求膠袋！！好過份！！食品水準和員工態度都不要得，非常失望！！以後唔會再幫襯！！

從中學起,,每逢補習,經過會買塊燒餅醫下肚~~又近年則愛上它的合桃酥~其他店做的好似總差一點點~可惜新年前經過幾次都只買賀年食品,,,暫停供應合桃酥~近日再經過又有得賣啦~~合桃酥很喜歡它入口鬆化~~有少少極幼的合桃粒,,而且油香十足~~一食就停唔到口XDD食哂成塊有少少漏~但非常滿足呢~

有聞此店獲米芝蓮推介，一於試試此人氣小店。紅豆燒餅： 果然非同凡響，燒餅熱辣辣，香軟煙靭，絶不油膩。紅豆饀非常香滑香甜，加上面的芝麻粒，十分香口，是我食過最好的豆沙燒餅！嚤囉酥：是坊間少有的傳統小吃。酥皮脆脆地帶旦香，饀料軟林富芝麻香，非常不錯！合桃酥： 大大件大滿足，非常鬆脆香囗，有旦香之餘又脆囗，好像中式曲奇餅！難怪每次經過都人來人往，原來這老店的傳統餅食水準咁高而價錢非常實惠！我下次一定要再試試其他款支持下！

向來都是逢星期天才回家的小妹，在中午突然收到一條信息，見到好多枱上放滿一堆小吃，原來媽媽在旺角逛街時買了很多東西，二話不說，馬上打電話回家告訴她今晚回家吃飯。只介紹兩款小妹喜歡的給大家。＊＊＊＊＊＊＊＊＊＊＊＊＊＊＊＊＊＊＊＊香蕉糕－大大件，入口即溶的感覺實在太美妙了只可惜是次的香蕉糕略為過甜光酥餅－一口一粒，入口鬆軟又不失煙韌韌的口感很喜歡這個一口光酥餅＊＊＊＊＊＊＊＊＊＊＊＊＊＊＊＊＊＊＊＊Miss F

I was having lunch with my friends at Mongkok and since i was around Fa Yuen Street, i dropped by Kee Tsui to buy some pastry back. Nestled in the heart of Mong Kok, Kee Tsui Cake Shop is undeniably one of my favourite pastry shop in Hong Kong. Just a small stall set up along the bustling Fa Yuen Street, Kee Tsui Cake Shop is not only frequented by Hong Kongers but also, many of the foreign tourists who have stumbled upon this hidden gem while wandering around the street. Having visited the stal

旺角行完街街去搵阿女，唸住買啲小食一齊食！呢間中式榚點一直係我家嘅愛店！傳統白底紅字招牌，零裝修！用竹筲箕盛載榚點！店內會一直出榚點，款式好多，佢嘅豆沙燒餅我最鍾意，$17/5個，買時攞上手仲係熱，賣相平實！好足料！外皮好煙韌，豆沙唔太甜，幾滑！重要唔知點解即日食當然煙韌，但放耐咗依然軟身（其他店唔可以第二日食，會硬晒）面頭嘅芝麻脆口！增加口感！店員阿姐超爽手，我要分一個獨立入袋都無問題！能夠做咗咁多年依舊人氣！簡單就是美！

得知米芝蓮高度評價佢嘅鷄仔餅，行經咪買半斤$25（以前$40斤）試吓，攞上手凍冰冰（唔係新鮮出爐），個皮軟淋淋，網友話饀料芝蔴、花生、杏仁..但我食唔到喎，只有肥豬肉，我認為鷄仔餅要皮脆內軟，要有𡁻口才合格，奇趣餅冡老闆真的要多謝米芝蓮了！

來到花園街買一些小食來食，就來到老店「奇趣餅家」買餅來食。今次沒有買平時喜歡食的豆沙餅來食，因為之前的午餐食得太飽，所以只是買了一袋小光酥餅來食，小光酥大細適合一嗒一個，食落有一些的微甜，軟綿綿的口感咬落十分之鬆軟，不過食完之後需要飲一些的水才能易些吞下，感覺特別。其實這店很多的食物都試過，希望下一次的午餐食得不太飽時買豆沙餅來食。

黎到旺角花園街成條街差唔多每個人 手上都拎住奇趣餅家既燒餅一路行一路食 行行下發口癢就更係要食膠袋有種古早風味 份外更覺老餅家感覺拎上手仲係暖暖的豆沙燒餅 $4 $17/5燒餅上灑上芝麻 擺埋鼻孔芝麻香挺濃的在軟軟煙韌上  令燒餅香口不少燒餅外型偏偏的 一層薄薄豆沙夾在兩層薄薄煙韌燒餅間少少豆沙已經夠顯著甜 襯上糯米沉實甜甜密密有嚼口另外見到冇餡料燒餅 其實只配芝麻應該都幾香口但對甜要求高既自己都係下次先試