41
41
19
Telephone
29830554
Opening Hours
Today
08:00 - 16:00
Mon
Closed
Tue - Fri
08:00 - 16:00
Sat - Sun
08:00 - 16:30
Payment Methods
Alipay Cash Octopus WeChat Pay
Number of Seats
40
Other Info
Phone Reservation
TV Broadcast
Signature Dishes
吉列朱排公仔麵 蝦多士
Review (120)
每逢假日,香港最熱門、最多遊人的離島一定係長洲及南丫島 ⋯⋯ 今時今日的大嶼山已經不再是30幾年前的大嶼山,多了港鐵東涌線、赤鱲角國際機場及東涌新市鎮後,再稱呼大嶼山為離島已經不合時宜。至於另外一個離島坪洲,同樣有不少居住人口,甚至有公共屋村、居屋、市政大樓及公共圖書館,相比起長洲及南丫島,則肯定是最寧靜及最民風淳樸的離島,皆因坪洲渡假設施及旅遊景點匱乏,不會如其他離島般,每逢週末便變得異常喧鬧,是真真正正與世無爭的小島。亦因為太過平淡,記憶中,上一次去坪洲應該是三十幾年前了!今日因為參加了一個坪洲親子導覽團,終於再次踏足坪洲,亦趁着這個機會,記下了第一篇坪洲的餐廳食評。雖然心底裏明白最多遊客擁着排隊的餐廳,未必是真真正正好味道的餐廳 ⋯⋯ 但總覺得唔去幫襯一次,就好像沒有去過當地遊覽。所以,上午的親子導覽團完結後,最後還是揀了「祺森冰室」醫肚。在坪洲竟然完全碰不到一個操普通話的中國人,反而外籍人士就碰到了幾個。根據導覽團領隊(坪洲出生的原居民)介紹,原來坪洲也有少量外籍人士居民。從餐廳門口人龍的衣着推斷,好明顯全部都是非坪洲居民香港人;反而對面及斜對面的兩間殘舊冰室及茶餐廳,雖然唔算太多人幫襯,但就好明顯全部都是坪洲居民。冰室於1970年開業,是一楝樓高兩層、上居下舖的建築物;從外觀及內隴的裝修估計,幾年前應該曾經裝修翻新。典型一間港式小冰室,茶水吧兼開放式小廚房在冰室最入處,左右兩旁是四人卡座;但細小得如此規模的冰室,香港也不多見。由於太多客人,部分卡座旁邊加設了二座位小餐枱,空間變得更狹窄。牆上白板寫了幾款是日精選粉麵飯。不過到這裏光顧的客人,尤其是遊客,全部焦點都會放在各款全日套餐,尤其是馳名坪洲(至少對於坪洲居民以外的香港人來説)的小吃蝦多士。全部全日套餐包飲品一杯,凍飲加 $3。香煎豬扒出前一丁($45)一如其名,就是豉油湯底味出前一丁配一件煎豬扒。出前一丁淥麵時間明顯過長,麵條太過腍身。煎豬扒表面煎得金黃,又剪成四條,方便客人進食;味道不過不失,屬於正常茶餐廳質素。名物蝦多士(4件)($45)每件脹卜卜,本來賣相都幾吸引,但顏色金黃中有點偏深啡,應該是火喉太猛或者炸多士時間過久。餐牌強調新鮮海蝦制作,本來滿懷希望,一口咬下去 ⋯⋯ 表層及墊底多士的確鬆脆兼香口,但蝦膠餡料太少太稀,完全食唔到任何蝦膠的鮮甜彈牙、更加沒有一顆半粒的原隻蝦肉,即使蝦毛也沒有,只能勉強品嚐到少少蝦味,但餡料實在太稀身,感覺有如食蝦味麵粉糊。之後睇睇OpenRice 的其他食評,部份食家真的食到了原隻鮮蝦;莫非今天運氣不佳?抑或蝦多士質素唔平均?吉列豬扒三文治($40)賣相非常差,只是兩件薄薄的白麵包,內層塗上少少沙律醬,餡料就是兩片薄蕃茄及一塊吉列豬扒。白麵包唔夠軟綿綿、亦欠缺彈性,有點似隔夜麵包。以這個價錢,吉列豬扒較為薄身也可以理解;不過,表面的麵包糠唔夠香脆,咬落去豬扒亦略嫌太乾,既然同煎豬扒都是同一樣的食材,煎豬扒就比較好味一些了。出品質素同普通一間街坊茶餐廳沒有分別,唔覺有什麼特色或者特別出眾之處。至於每枱客人例牌會落單的名物蝦多士,經過親身驗證,可以幾肯定講一句名大於實、絕對談不上非常好食,也有一點失望。其實,導覽團領隊(坪洲出生的原居民)之前已經講過,他當年還是小孩子時候,大約30年前吧,「祺森冰室」根本沒有蝦多士 ⋯⋯ 照此推論,蝦多士並非真正坪洲名物?! continue reading
(The above review is the personal opinion of a user which does not represent OpenRice's point of view.)
Level3 2019-08-27
20 views
Weekend去好少人去嘅坪洲行吓…食個Tea呢間冰室喺坪洲永安街,好多年歷史枱枱櫈櫈磚磚瓦瓦都有歲月痕跡食物方面最馳名係三角蝦多士,以前聽電台聽過出名奄尖嘅DJ蘇施黃食過都話好正蝦多士一份有4件,好足料!原隻蝦肉包喺多士入面,咬落表皮酥脆,入面就啖啖爽口蝦肉食蝦多士蘸沙律醬更正!食碗通粉個湯底都有雞湯味,食唔到有味精/胡椒粉雞翼就外脆內嫩,油炸後雞皮好酥脆,入面就保持嫩滑雞翼嘅水份鎖緊咗,油炸時無流失水份所以香口得嚟肉質仲好軟嫩平常紅豆冰食得多今次試試佢款Tiramisu味紅豆冰!啜入口Tiramisu蛋糕味超濃粒粒紅豆都好大粒真係名副其實粒粒紅豆冰勺一匙紅豆>再啜一口>只係獨欠雪糕球如果再加一球雪糕,3者喺口中融合就Perfect池啦! continue reading
(The above review is the personal opinion of a user which does not represent OpenRice's point of view.)
Level3 2019-08-03
44 views
難得入到黎坪洲,點可以唔試下名物蝦多士呢黎之前我都有諗到底有幾巴閉,可以稱得上坪洲名物同家人叫左份蝦多士黎share,炸得有d黑,脹卜卜,但係食落去,其實同其他餐廳嘅蝦多士,我諗唔到有咩過人之處,仲要唔係賣得平,味道一般,稱不上名物,更加唔需要排隊黎食另外我叫左份咸牛肉炒蛋三文治,呢個同其他茶餐廳都係差唔多,幾足料 continue reading
(The above review is the personal opinion of a user which does not represent OpenRice's point of view.)
Level2 2019-06-25
92 views
因為好天, 所以今日來到坪洲玩下。去到這間人氣蝦多士茶餐廳, 當然要叫個蝦多士食下。到達時已經滿座, 所以我們在餐廳外面打卡。不過我們只有兩個人, 所以沒等多久就有位了。蝦多士 ($45)蝦多士炸得稍為燶了些, 味道正常, 但沒有驚喜的感覺, 悶左少少菠蘿冰 ($26)本來以為是菠蘿汁做成的, 但實質味道卻像是7喜加上菠蘿肉, 有些奇怪, 味道很淡, 這個不太推薦。整體來說, 是一間普普通通的茶餐廳, 蝦多士正正常常, 不算難食, 但不至於很好吃。 continue reading
(The above review is the personal opinion of a user which does not represent OpenRice's point of view.)
Level2 2019-06-08
105 views
難得假期可以去遠的行下坪洲以前讀書時候黎過之後都未黎過,同印象中有的距離比以前熱鬧好多咁遠黎到梗係試下出名既蝦多士睇住地圖唔太難揾好快就揾到到達門口唔太多人舖頭細細唔太多位兩個人會易入的超過2位就比較難安排入座但整體黎講都好快有位一入座梗係叫招牌既奶茶紅豆冰和蝦多士蝦多士炸得香脆,唔油膩每件都有蝦但饀料唔太多味道不錯可以一試奶茶紅豆冰較出色奶茶香濃仲叫左咖喱吉列豬排飯呢個冇影相呢間炸物唔錯咖喱和豬排分開上炸豬排香脆唔乾但咖喱就麻麻試埋佢tiramisu 味紅豆冰味道唔錯真係有tiramisu 味😆幾得意但對比之下我都係鐘意奶茶紅豆冰多的 continue reading
(The above review is the personal opinion of a user which does not represent OpenRice's point of view.)