過橋麵檔

Open Now

Now Closed

每次經過門口都好多人排隊。起初以為食車仔麵主打，後來發覺原來最出名嘅係霸王雞。剛好一次早上十二點前經過，竟然無需要等位，當時即刻入去食早午餐。見到餐牌有輕盈版，平兩蚊之餘仲包野飲。一問店員情況下話只少三分之一既份量。出於好奇心底下一於嘗試一下份量夠竟有幾多，發覺都係幾舊之差，唔係大胃王都可以選擇。味道上霸王雞的確好有雞味，唔會有雪味。醬汁調味剛剛好，唔會死鹹，表面有一埋炸蒜+蔥花，配上醬油絕對惹味。絕對可以翻食。

【嫩滑霸王雞🍛配料+份量十足】間野叫過橋麵檔，唔係主打麵食，而係雞。佢有鹹雞、霸王雞、豉油雞、巴辣雞多種選擇，我就揀左openrice 熱門 top choice - 霸王雞。(比個like支持下啦)Overall👍- 切雞燒味種而言，佢既雞比出面燒味店既雞既多料同出色- 但未至於好濃味，重口味既人唔會覺得驚艷。你可以想象佢係茶記燒味type，可以隔兩三日食一次既港式菜式- 推薦會係因為佢大大碟，雞肉嫩(唔會Un)，上面topping夠味，又有芽菜白菜______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作霸王雞菜飯 (💝7.5/10)- 霸王雞份量好大(好相信大部份女仔都食唔曬)，上面鋪滿蔥絲、乾蒜粒同適量指天椒我喜歡咬走雞皮時品味一下雞油香，再夾少少蔥蒜同一兩粒指天椒，一次過放入口。細味雞油香，同嫩滑口感，加上清新爽口既清蔥同微辣(真係好BB BB辣，唔

過去7-8年，每星期最少幫襯一次。但11月初再去，已經強制使用安心出行。永別了 過橋麵檔；永別了 霸王雞菜飯。我唔會再黎食。希望更加多既香港人了解，再自己決定是否需要幫襯。想當年，我家姐帶去食，真心好好食。每星期都例牌霸王雞菜飯，食極唔厭。有fd黎元朗，我都會推介黎食雞飯。然後唔知第4-5年先發覺，加8$可以轉脾。可惜，私隱同良心上不容許我再食。法例都未強制使用安心出行，餐廳自行先強制。一世唔會再食

今日同老公特登揸車返元朗拎嘢夜晚路經當然係去食返個過橋麵檔嘅霸王雞喺九龍好少呢類咁多蔥嘅雞飯食而且仲要配菜飯，個菜飯勁靚啲菜唔會霉哂，可能因為佢哋真係太旺成日都要企喺門口排隊！ 但係真心個咖喱值得一讚，唔係螢光咖喱！ 咖喱入面又有青瓜好正！

一班同行難得約齊到元朗食飯，小妹今日跟隨大隊來到這家「過橋麵檔」食午飯。店舖比較親民好地道，不過疫情期都算有空間。🥢例牌咸雞行家極力推介話這裡咸雞菜飯好好食，咁我就順從民意試吓，賣相又真的幾吸引，皮光肉滑入口咸咸香香好有雞味，不過胸位有點鞋。🥢椒鹽豬扒飯椒鹽炸出的豬扒特別吸引，香氣惹味入口鬆化可口，加上蔥花更提升香氣，另外我欣賞菜飯😍，咸咸地有少少豬扒油特別好味。👍☕️跟餐有杯飲品，我要消膩叫了熱檸檬水。😋

睇OpenRice食評及YouTube介紹，尼間麵檔號出名係食雞，講到咁好食！滿懷歡喜去試佢個新鮮雞！點知又係中伏！真係雞如其名！鹹雞！咸到你唔信嘅雞，＄113（例牌）咁有信心收人呢個價錢出品應該唔會差掛？可惜可惜真係好咸，肉又靭，咸到博命飲水！滷水三拼，都係咸，但叫得滷水預咗你咸，大腸鵝腸不過不失，鹹豬腳好鹹好靭！咕嚕肉：非常一般，真係唔知點講凍檸茶走甜，色澤味道一般唯一要讚呢間舖頭：侍應服務非常之體貼，小館來講有咁熱情已經非常之好！

元朗有兩間過橋，本來食開馬會個間，待應都唔係本地人，但好好禮貌，所以都幾中意食。之後搬左去咗呢間食，待應都係華人。第一次去，有個疑似係老闆既男人，待應都好好禮貌，臨走個男人重問聲岩唔岩食，真係幾驚喜，非常滿意。今日樓面全部係姐姐，我埋單時俾520蚊，應收119，個收銀找錢俾我時都唔係好肯定咁好慢咁抽左4張一百蚊俾我，我當下都真係以為佢找多左，所以我好細聲問下我朋友係咪岩數。點知個呀姐勁大反應話:唔係呀嘛，咁都要計？跟住後面有另一個呀姐勁大聲咁話: 你俾500蚊咁咪找381囉！其實全程我都無同啲呀姐對答過，但係佢地就大反應到鬧翻我轉頭。乜呢間野興鬧客既咩？我唔係要求你哋要做到顧客永遠是對的，但至少都保持應有既禮貌掛？！加上我又無話你錯，咁大聲為乜？唔會再食下次！

成日嚟元朗都會好想食過橋麵檔😂最鍾意食佢個霸王雞菜飯🔥咁多年味道都不變，而且份量都一樣咁多賣相都好靚，最鍾意佢爆多蔥絲而且仲有炸蒜同指天椒，真係非常之惹味😍😍加上佢嘅雞件肉質都幾好食雖然餐廳大多數都係用冰鮮雞，但係價錢同份量咁抵真係冇投訴啦！👏🏻👏🏻👏🏻😉😉奉勸大家一定要加錢轉菜飯因為佢哋嘅菜飯都好好食，而且份量都幾多菜既比例都唔少😍😍男朋友男朋友今次仲叫咗鰻魚炒飯食添♥️♥️估都估唔到佢嘅炒飯都一樣咁好食💁🏻‍♀️鰻魚份量係切件嘅，但份量都唔少㗎😱炒飯好香口，炒到飯粒粒分明非常之推介！！好食😋

這店歷史悠久，至少也有廿年吧。老爸最愛光顧，以往也常帶我來。那時年少無知，明明是賣雞的，問他為何稱呼作麵檔呢？自幼心中便改了一個花名予它叫「過期雞檔」。長大後，麵檔繼續還是賣雞的。究竟實情它有否麵賣？自己未有深究，亦不太清楚，反正習慣了錢包豐裕便點選較貴採用新鮮雞做的鹹雞；錢根緊張就便宜一點選擇用冰鮮雞作的霸王雞。餐牌多年來甚少變化，大部分顧客都是先點選雞款、再加菜飯及飲品一杯。生意隆盛，基本由午至晚都大排長龍。五年前，於元朗區再展鴻圖，拓展分店。但坦白說自己還是喜歡去老店，始終有份歸屬感。【霸王雞菜飯】周五晚市禁令下，門外摩肩接踵。內裡企檔玻璃櫥窗仍是掛滿油黃色澤的雞隻，生意像不受疫情影響般。回家開啟飯盒，與堂食毫無分別，不論是飯還是雞件都份量甚大，足夠二人享用。菜飯飯粒光澤明亮，是正統制作方法。先利用雞隻多餘油脂放進飯煲內同煮，另起爐鑊爆香金華火腿，加水煮熟一切粒小棠菜將飯加入撈勻。「過期雞檔」米飯與菜粒比例接近一比一，錯覺是健康像吃掉幾顆小棠菜般，但實情是制作油飯需用頗多油份才能攪拌及使讓菜粒黏著米飯的。霸王雞，即相似用豉油拌吃白切雞的食法。「過期雞檔」外賣雞件擺盆與堂吃相同，以

以前經過呢間鋪頭，去3次就撞正3次都係休息日，真係好黑仔。而家開足7日，唔會再話冇得食，會唔開心！除咗最出名嘅雞飯之外，呢度仲有啲滷味、車仔麵、仲有小菜客飯。唔想食雞嘅話，可以食個小炒王或者醉豬手又得！係屯元天長大嘅人，一定識得呢間鋪頭，所以唔需要介紹。舖頭一眼睇晒就係咁大，所以撞正午餐時間真係可能要排隊㗎！冇辦法啦，二人一枱，大家唯有耐心等候！我最中意食嘅喺個菜飯，冇辦法喇而家週圍附近都冇菜飯食。就算有嘅話，當夾啲飯上嚟嘅時候，菜同飯係分離。中意食霸王雞，係因為有勁多葱絲，大大嚿雞肉又滑又飽肚，$5x仲想點?!有錢想食豪啲，更係要用食新鮮雞整嘅鹹雞喇，仲有埋啲雞什，幾正吖！不過今日同事請客，我試咗鹽水鵝。唔知係我太耐冇食呢啲滷味野，我覺得好好食噃，隻鵝同隻雞一樣滑嘟嘟，沾汁食好開胃！今日報告完畢！

某日仲有晚市堂食嘅時候去左元朗食過橋麵檔，好耐無食過，原來宜家d湯唔跟餐，要散叫，佢地嘅湯真係老火湯，足料無味精！不過今次因為有其他餸想食，所以最後我地都係無叫到湯飲；叫左一碟車仔餸，豬紅、豬耳都幾好，係牛柏葉就麻麻地，無咩味黑椒牛柳炒烏冬大大碟，黑椒多，都有少少辣，都係以前食開嘅味😋咸雞菜飯，叫左半隻雞；好好彩，我地叫完之後就無啦賣哂咸雞喇，係最後一份，正因為咁所以我地覺得佢比多左我地，份量大過半隻雞😋😋

朋友啱啱生左個 b， 呢日我就入大西北探b + 食薑醋 😋。上去朋友屋企前要醫下肚先，係佢屋企附近見到呢間過橋麵檔，個招牌紅噹噹咁得意，就去試下。打開餐牌見到好多選擇都唔知叫咩好， 侍應姐姐見我咁迷惘， 就過黎指點我迷準。😂佢強烈推介我食咸雞飯， 話係用新鮮雞整，好鮮味同冰鮮雞好唔同，食過會返唔到轉頭。咸雞飯一黎到，就知姐姐介紹無錯。雞皮好有光澤油香，雞肉充滿彈性，肉味濃郁， 一食就知冰鮮雞無得比， 根本無需要沾任何醬料就已經好好食， 如果沾醬，我仲覺得破壞左雞肉本身既鮮味tim。不過元朗對我黎講真係太遠， 唔係成日有機會食到，如果下次再黎，想試下霸王雞😋😋😋。

兩個人叫左半隻霸王雞 睇落好大份 完全唔似得半隻 下面有好多芽菜 好足料雖然下面好多芽菜 但啲雞真係好多 兩個人食都已經好夠 佢有飯餐既 但次次黎都係就咁叫半隻雞食第一次黎既時候 見上網有人介紹咸檸7 所以叫左黎試 啲杯側邊有鹽 要唔用飲管飲 一路食雞一路飲杯咸檸7佢5點半先開始晚市所以5點半前就會有條人龍排係出邊，一到5點半就全部人一齊入一齊點餐 所以廚房一次要煮好多 等食既時間就會相對耐少少

係車房林立既街道，點會估到遇到熟悉既店鋪名出現係眼前，佢就係過橋麵檔（我先前食過另一間分店）。今次食Tea Time，價錢比午市平10幾蚊左右。香辣豬頸肉炒出前一丁 $42賣相同招牌差唔多，豬頸肉有些厚度， 幾有咬口。麵底用辣椒咁炒非常惹味。唔記得講－－店員上菜時另外奉上辣椒醬，但我覺得夠味，所以無落了。

對於一個很小機會會踏足既地方，知道有機會入嚟一定要做下資料蒐集有乜好食😋⋯⋯發現夜晚成9:30入黎都已經坐左8-9成人。打開個menu, 全部都係雞。最終揀左個好受歡迎嘅霸王試吓佢，友人叫左豉油雞。配埋款菜飯同飲品先係幾十蚊..性價比不俗。雞件多肉嫩滑，醬汁很好送飯。啖啖既菜飯剛好抵消肉既肥膩😊滿足❤️