28
4
1
Opening Hours
Today
12:00 - 17:00
Mon - Sat
12:00 - 17:00
Sun
Closed
1304 views
觀塘區工廠大廈有很多樓上食肆，質素參差，到底那一間才是優質抵食之選，真的要試過才知道。最近小女兒愛上了吃烏冬，碰巧在《OpenRice》無意中發現了駱駝漆大廈樓上竟然有一間烏冬專門店，決定摸上門一探「鰹うどん」虛實。典型觀塘工廠大廈食肆格局，門面沒有任何裝修，只有一對閉上了的木門。如果不是餐廳門口對上牆身有一個小招牌、以及門邊放了大大個易拉架宣傳海報；在長長的工廠大廈通道一端，根本沒有可能注意到原來通道的另一端竟然有餐廳食肆。部份觀塘工廈內的餐廳室內裝修美輪美奐，同正常地舖或商場內的餐廳沒有分別，當然，亦有不少工廈餐廳與以前的工廠飯堂如出一轍；「鰹うどん」是後者。雖然沒有覯靚裝修，四邊牆壁卻貼滿了海報，介紹各款烏冬美食、以及日本四國地區香川縣著名景點金多比羅宮周邊的讚岐烏冬麵老店。其中一堵牆壁貼上了讚岐烏冬的傳統製作過程（圖文並茂、全日文），其中當然少不了用腳踩麵粉糰！當然，今時今日講究衛生，即使部份日本老店仍然堅持全人手製作烏冬，已經沒有了這個腳踩麵粉糰程序。日本很多地區都有出產烏冬，各有自家特色。其中以群馬縣的水澤烏冬、秋田縣的稻庭烏冬及香川縣的讚岐烏冬名氣最大。曾經在日本群馬縣及秋田縣分別食過最地道的水澤烏冬及稻庭烏冬，印象中兩種烏冬的粗幼及質感有所不同。「鰹うどん」賣讚岐烏冬，未曾到過香川縣品嚐當地烏冬名店，很難評判「鰹うどん」的讚岐烏冬是否正宗，只能憑個人對於日本烏冬的認知去作出判斷。沒有正式餐牌，只是一張張過膠A5尺寸照片，並附加文字簡單介紹各款烏冬的特色及味道。客人可以按喜好，選擇不同款式的烏冬、配搭不同款式的食材，價錢由 $68 至 $158。以工廠大廈內的餐廳標準來說，加上只是相對平價的烏冬麵，定價相當進取。好多年前食烏冬只愛食熱湯烏冬，近年口味轉變了，偏愛冷烏冬。竹簾烏冬(冷) 配骨付雞（$76）是非常正宗的冷烏冬食法。一小份擺放整齊、略為纏繞在一起的冷烏冬放在竹簾上，可有效隔走用冰塊過冷河後、殘留在烏冬表面的水氣，並有一小杯用鰹魚昆布熬煮的清湯配搭烏冬專用醬油炮製而成的醬汁，再配上薑蓉、蔥花、新鮮即磨山葵蓉及芝麻等配料。將所有配料與醬汁混和之後，拿起小杯；夾起一箸烏冬，浸在醬汁內，隨即放入口中。雖然烏冬不能掛上稀醬汁，但將小杯靠向口唇邊，即浸即食仍然可以沾上不少醬汁。味道香甜帶鹹、又有薑汁甜辣、兼有山葵辛辣。鍾意食冷烏冬的原因，就是更能品嚐到烏冬的彈牙及柔韌性；「鰹うどん」的讚岐烏冬就完全可以做到靚烏冬的重點，質素拍得住日本當地老店出品。骨付雞用秘製香料醃制，半煎半炸；雞皮香脆、唔肥膩，雞肉亦非常惹味。醬油烏冬(冷) 配金菇牛肉卷（$86）同樣係冷食烏冬，但就預先在碗底內放下了適量牡蠣醬油，屬於半湯汁烏冬；配料有唐辛子、蔥花、海帶、蘿蔔蓉及一角鮮檸檬。湯汁分量唔算多，唔會將烏冬浸至軟身，食落去的口感同竹簾烏冬(冷)差不多，同樣彈牙、柔韌、有嚼勁，不過就較為濕潤。牡蠣醬油味道更為濃郁，亦有點點蠔汁鮮味，沾一點蘿蔔蓉同吃，好味道。即場製作的金菇牛肉卷，採用美國肥牛片；雖然並非高質美國牛肉，但煎得香口，再配上典型日式略帶甜味的鹹醬油醬汁，亦非常可口。天婦羅（$51）撇除了顏色稍為偏白，其實賣相非常接近正宗日本天婦羅店；憑表面也可以感受到天婦羅脆漿薄身、香脆，亦完全沒有油膩滴油的情況。五件天婦羅分別是蝦、沙𩺬、多春魚、冬菇及番薯。一啖咬落去，果然每一件天婦羅都非常鬆脆，材料亦新鮮；唯獨炸天婦羅的油質素唔理想，有幾明顯的油膉味，相當嚴重地影響了天婦羅的整體質素。餐廳亦有搞讚岐手打烏冬班，吸引、好想報名，但想深一層，就算學識了、也不會購買麵粉、擂棒、木砧板等材料及工具，然後在家裏定期自家製作手打烏冬；最終放棄了，反而有興趣外賣餐廳製作的新鮮手打烏冬（$28/一份）。
continue reading
雞肉烏冬 50HKD如圖 你見到其實送就得一舊雞扒煎得有啲太乾無乜雞味，可能下午茶只喺呢個quality溫泉蛋喺唔錯嘅 最好味喺個湯真係有超級濃郁嘅鰹魚味大家可以考慮叫小食如果唔喺其實我(女仔)食完絕對唔夠飽同上，50HKD喺得呢碗，一條吉列蝦再加10萬噸麺可能物價膨脹喺工廠大廈租都貴好難afford到俾客人食多少少送反而小吃嘅分量比較充足24HKD有六粒金菇肥牛啲sauce好正 焗得啱啱好唔會好乾
continue reading
一排無黎 佢搬左個大d既鋪位 平日lunchtime 最好打去book位 因為都幾full 如果想食佢既紫菜烏東都要留定 個個好hit好快就無哂佢店入面主要係木色既設計 好有日本既感覺 坐得幾舒服 佢會俾個茶你飲 個茶味幾特別幾好飲我就比較鐘意粗身烏東 叫左個粗竹簾烏東配骨付雞 🌸 再加左10幾蚊配個糖心蛋 烏東非常煙un滑順 食得好滿足 份量好夠 佢既冷麵醬配左d wasabi芝麻等等 好清新 😆 骨付雞其實即係雞脾 非常推介 佢整得好入味 外面香酥 入面林 而又保留左d肉汁 juicy juicy 糖心蛋佢唔係話太多調味 唔似拉麵個種 食落比較fresh朋友們試左紫菜烏東 佢麵身幼d 但勁在同樣有個咬口 但食落又唔太覺好種紫菜味 魚我就無試 見個樣都幾好 朋友都話好食佢好似仲有手打烏東workshop 好想去
continue reading
今日收工黎好耐冇食既鰹烏冬，黎到門口都要等一陣位，原來鋪頭轉左隔離，大間左好多！今日太多人 😆 好在好快有位，但要坐好近門口...有少少熱！但都可以既，工廈要食美食，又唔係嘆 🤪好多野都賣哂，剩粗烏冬咋！我叫左凍既半湯粗烏冬配骨付雞。個烏冬都真係好彈牙，麵粉味好香，配個濃既木魚湯，真係好正！個雞脾都真係大愛！唔細隻，雞味濃，又入味！脆皮令人一口接一口！今日我地仲叫左個 飛魚子鰹魚汁豆腐，凍凍地，好開胃！除左鰹魚汁，個底仲有青瓜，豆腐既豆味好重，正！
continue reading