勝旨炸豚拉麵 (Closed)

首先，我住和工作都在大角咀，還要在你鋪附近，開了半年我都唔知這鋪的存在，你點好食都冇用，在路口放下易拉架啦~!黑蒜叉燒拉麵，第一次食都係剔晒標準來試。當場食完好滿足，湯可以飲晒，冇味精。唯獨是葱不好，不是好葱，有青味~ 來貨不好的話，唔落好過~~~ 或者考慮用日本的脫水葱可能還好~以香港的標準來說，這算是有水準的正式日本拉麵。回味後有以下補充，我絕對不是拉麵專家，我只以個人感覺同日本的拉麵比評。是個人的挑剔回應，但我強調這拉麵以香港來說已經係好有水準的> 麵身稍欠煙UN，掛油唔掛湯，如果麵是夠新鮮和優質的話，應該會有麵味，但麵未去到這地步，我覺得掛湯不掛油會好一些，這樣麵會有湯帶起味道> 叉燒算有肉味，始終新鮮度就沒有辦法的了> 湯底遍鹹蓋了湯底香味，這可能是為香港人而調節了... 是日沒有半熟蛋... 下次我一定要有, 對我來說沒有半熟蛋真係好可惜~~~

食過依間兩次第一次食黑蒜叉燒拉麵，因為鐘意黑蒜，所以今次試左黑蒜豬扒拉麵。湯底其實都幾好味，濃濃的黑蒜味，無味精，飲晒D湯都唔會覺得口乾 面又唔會好淋，食到最尾都無一pat野的情況出現 不過，叉燒﹠豬扒 都真係無咩味，個人覺得叉燒好少少，至少有肉味 豬扒雖然炸得OK，但真係咩味都無，如果無左沙律醬，我唸我都未必會食得晒D豬扒 蛋呢... 就真係涷的，加＄10要隻蛋就真係唔需要啦 整體來講，都會再幫襯，因為真係唔係D質素ok的小店執笠，希望租金不要再加落去啦

住在附近, 一直在找些特式小店食東西, 聽過這家店的評價不錯, 於是抽空去食了. 一坐低, 侍應便問我們有沒有來過, 然後講解如何點菜. 這個是原味的普通叉燒拉麵, 比較普通, 叉燒幾 "林". 湯底雖然是普通原味, 但感覺沒有味精, 有點香濃.這個是黑蒜豬扒拉麵, 味道感覺得特別, 而且也比較濃. 豬扒炸得不錯, 不會很乾身, 挺juicy原本打算加蛋, 但可惜當時 (7點多) 已經賣完了 份量方面因為第一次到這店, 所以沒有額外加, 我覺得叉燒和豬扒的份量有點少,

星期日一個人去開大角咀, 經過呢度見度門口幾靚就入左去試, 坐低後侍應比左杯水同張MENU我, 介紹完一倫我填左個黑蒜叉燒拉麵+隻半熟玉子點知道半熟玉子賣晒 七點半度姐就賣晒, 算啦照點左個黑蒜叉燒拉麵配適中軟硬既麵.五分鐘度碗拉麵到啦賣相方面值得一讚個黑蒜好似黑蒜油丁麵禁另外有塊紫菜, 有D筍同木耳先試左啖湯 個黑蒜非常鮮味, 豬骨湯食得出係用真材實料豬骨等材料做成既, 厚厚既感覺飲落好正. 另外有兩片算大算厚既叉燒, 肥瘦恰到好處, 有調味食落都幾甘香, 至於個麵, 幾爽口每食一啖拉麵都想飲一啖湯因為配埋個湯味道非常好味, 好濃好creamy既豬骨湯, 味道濃而不重, 充滿日本拉麵風味食完埋單有九折$63蚊總結: 一碗高水準既拉麵, 一定會返嚟再食

點了一個黑蒜油炸豬排拉麵加一隻旦拉麵是博多風的,沒吃過的人可能會不習慣濃豬骨湯底+幼麵好老實講我吃個時真係唔記得左自己叫的係黑蒜油口味,因為d蒜味真係好少...麵身是叫了硬的,出來時試第一口真的是比較硬身,對口味,可以過了2~3分鐘,d麵已經林左,變成適中,感覺上問題應該係湯太熱始終博多風的湯頭油,膠質都比較重,保溫能力係一絕的湯底的豬骨味,濃度都不錯好,而且也沒有其他人說的飲後口渴同太油太咸飲唔曬的問題炸豬排是即叫即炸的,是比出面大多數餐廳好,最少佢真係金黃色,熱.脆,又無油益味,不過肉味欠佳,可能單食唔會,不過配一個重豬骨味的拉麵,同一把口吃,真係,想食到有味都...............有難度個別問題(我個塊炸得比較硬身糖芯旦無而係一個小地雷,十蚊一次可二次就再見啦原來一隻旦都可以有"三及第" 外層熱,夠入味,硬身,中間d旦白有半熟的,個旦黃....樓下早餐A隻太陽旦個種味囉重要係凍...如果拉麵台風的半熟旦係15蚊一隻,e隻,6蚊一隻就差不多,人地個旦黃真係玻璃色,夾得起最後,水 檸味太重,可能我去個時係下午茶時間,d水留耐左d檸味出曬啦,真係有d似咁緊檸水走糖

大家好!2013年第一篇食評.首先恭祝大家新年快樂!不知我2013年最後一篇會否也選此店?日式拉麵店熱潮依然熱烈.勝旨炸豚拉麵作為大角咀首間日式拉麵店.坦白說我在光顧前期望不大.環境只可容納十多人設計簡單..牆上有幾幅東洋畫作裝飾.還有幾盞燈射住,簡直是燈火通明,而坐位以黑色為主.高枱和4個卡位.我三時才到場.現場只有我一人.當然沒有壓迫感.枱上調味料.我估計是現成貸.什有港式影子.還有一瓶檸檬水.味道正常的.服務員亦相當友善.有介紹食物.主動同我閒聊,也有問我意見..而食物選擇亦不多,豚旨普通义燒拉麵,原味.黑蒜,辣味.勝旨.炸豬扒同樣有呢三種味道.飲品只有可樂供應.對於本地人經營的拉麵店.我評價會寬鬆首先說呢碗拉麵不足之處.第一個弊病.熱度不足.只屬微暖.大家如果想吃拉麵保暖一定失望.蛋其實做得不錯.蛋黃做到啫喱狀,而黃也香甜.但奇怪地為何用甜醬油?我第一啖吃,味道有點像吃糖般甜...是我吃日式拉麵.首次吃到的味道..總之好怪.义燒同樣地用了甜醬油,义燒像糖般甜,更怪..而且肉質欠決鬆化.無脂肪,不會有肥膏香味,而且來貸肯定不是日本豚肉.種肉味只像平時街市買的豬肉,肉味相當淡薄.欠

大角咀櫻桃街、埃華街一帶食肆林立，這家拉麵店卻位處較靜的富多來邨商場外圍，地理上有點輸蝕，但食物質素良好，實在值得向各位推介。拉麵：根據店員描述，該店所用的拉麵均由日本博多直送到港。與坊間的粗身黃拉麵相比，這款博多拉麵含水量較高，所以麵條較柔軟、幼身及呈白色；雖然沒有黃拉麵般有嚼勁，但好處是沒有鹼水味及耐浸，不會輕易餬掉。湯底：有豚骨、黑蒜或赤(辣)口味。湯底非常濃郁，骨膠原豐富，絕對不是用拉麵香清油沖製而成的！如果可吃辣，可點選赤(辣)湯底，比較惹味。炸豚 (炸豬扒)：新鮮的麵包糠 + 肉質鮮嫩的豬扒 + 時間控制得宜；火侯剛剛好，不會炸得太熟、太硬，而且沒有雪藏味。服務：態度良好，服侍周到。總評：店內可點選的食物不多，只有叉燒拉麵及炸豚拉麵，最多可另加雞蛋、叉燒或炸豚，連飲品都只有清水或可樂，但君不見許多日本出色的食店，都只賣幾款拿手小菜嗎？重點是要讓食客感受廚師在烹調每樣食物時所花的心思。真正喜愛食物、尊重食物的宗旨，就是要做到「貴精不貴多」！

星期日喺新年期間去奧海城Shopping, 稔起個Friend提過勝旨拉麵唔錯, 就係奧海城對面就入去試一試。 可能因為近奧海城又星期日，好多一家大細, 店內有三張檯都坐滿,另一邊Bar檯都坐左四五個人,店內約有二十個座位左右,細細間都幾有日本居酒屋Feel 大約等左五分鐘左右個waitress幫我執好張Bar檯比我,坐低後個waitress比左杯水我同介紹店內拉麵，態度非常之有善,我點左一個叫''豚旨''既豚骨叉燒拉麵.等左約七八分鐘碗拉麵到啦, 碗拉麵有紫菜,筍,木耳,蔥買相真係值得一讚! 講講個湯先夠晒濃, 好濃好滑,唔會過咸...正! 再咬咬塊叉燒,塊叉燒食落都幾香幾夠味同有口感絕對唔係白晒晒嗰種 最後試埋個麵我點左硬身D,麵身係白雪雪比較幼細同直身,唔喺一般黃色捲捲似公仔麵嗰種,咬落煙煙韌韌超有口感, 之後唔駛講喇成碗食晒. 最驚喜係埋單發現原來係有九折$58蚊總括嚟講..超正 成個感覺同味道好有我去日本食拉麵嗰Feel,另外我聞到隔離枱叫左個黑蒜味都好香好吸引, 下次一定會返嚟試吓.

據知大角咀都開了一間拉麵店, 當然要來一下試試質素! 而且見openrice只有好評, 應該算係好吧!但本人黎過後才發覺食評有點出入......... 期望愈大,失望愈大! 厘度有份「勝旨」及「豚旨」! 「勝旨」就係炸豬扒拉麵, 「豚旨」就係平時常見既叉燒拉麵!與友人各點了一個「豚骨叉燒拉麵」及「黑蒜叉燒拉麵」！厘個其實豬骨湯味係好濃，亦都好油！愈食會愈咸！根本湯係冇可能飲得晒！之後既黑蒜當然會比普通湯更油！店員話有墨魚汁，但我feel唔到！都係有滯既感覺！至於塊叉燒，肉多，脂肪好少，不均勻，但都屬於淋身！都ok! 我最不喜歡就係厘隻流心蛋！每碗麵都係冇蛋提供，咁就加十蚊叫一隻試下！睇外表正正常常，個外層都係好有味道，一咬落去亦都好流心。但味道有如吃普通街市買既雞蛋一樣，生蛋黃既味道！我完全覺得自己食緊生雞蛋！非常難食！完全做唔到日本拉麵流心蛋既感覺！眼見個黃咁黃，唔橙色既都知出事！ 難食！另外，食到口渴，飲杯凍水啦！d水係檸檬水！仲要係好濃烈既檸檬味！變左好似飲洗潔精！水都冇得飲，好辛苦！我覺得厘碗拉麵好港式！完全唔似日本既拉麵，所以覺得收費偏貴！雖然而家新開有九折，但都七十幾，我寧

今日我第一次帶阿仔同老公一齊到勝旨試佢地嘅拉麵. 我住奥海城嘅同事一家大细之前去試過，佢全家超like👍👍👍原味豬骨湯跟炸豚同叉燒拉麵！我今日就order咗個黑蒜湯底跟炸䐁，老公同阿仔就order原味湯底。我嘅黑蒜比個爆Like👍👍👍佢，真係而家都重係回味無貧，意由未😚😚😚😋😋😋，Why??? 因湯底真係真才實料🐷🐷🐷湯每口都係濃香滑溜。而炸豚外脆內軟，D肉超moist，一D都唔乾，用嚟點炸豚嘅汁又非常配，正！食完麵飲原湯後個口非常之黏，勁多骨膠原😘😘😘😋😋😋😋,我下次會試下佢嘅＂紅＂湯, 因為今次見到其他客人點左，睇落去好次好正！不得不提佢嘅温泉蛋，好流心😍😍😘😘, 一路＂曙＂住碗麵，啜住隻流心蛋，再飲一口湯，真係超開心同超滿👍👍👍💖💖💖

其實在兩個星期之前已經發現大角咀新開了這間'勝旨炸豚拉麵'.感覺好吸引^_^所以今日得閒就專程來了！首先店員先端上點菜紙，看著只有兩款拉麵，而勝旨炸豚是寫上no1當然要試這個啦！我選了豚骨濃湯，麵軟硬度適中，不要蔥，加半熟蛋。等了大約十分鐘，先來了炸豬扒，碟上還配上沙律醬，老闆並示意拉麵來緊，炸豬扒的炸粉很薄身，食落肉質也相當不錯。拉麵也隨即上枱，但好想講啲湯真係好夠熱，第一啖就已經熱到條利都(吾知點講)..總知就好熱+_+！渴底濃郁，幼拉麵都ok，重點係隻半熟蛋，半熟程度一流 無得頂（＾∇＾）老闆也不斷加水又拎紙巾，感覺細心！👍意見：不要蔥的我令拉麵有點單調，可以加點粟米或野菜當配菜，會令口感更豐富！ 同埋檸檬水有點怪~_~;還是有茶選擇比較好。。整體都很不錯，新開張還有9折優惠！下次再來！😝

下班後和先生及兒子們到家附近晚膳,原來有一間新開的拉面店,我們決定試試.真是值得一讚!湯很濃,不愛味精的我愛上了這個濃濃的豬骨湯底,很香! 回家後完全沒有口乾的感覺! 豬扖味道很好!連兒子的小牙齒也吃得下,很鬆軟,很有肉汁! 食評人兒子對那半熟蛋更是讚不絕口!服務員態度很好,裝修雖然簡單卻很整潔!除可點COKE之外,唯一美中不足的是,沒有我習慣了的暖水,因為只提供檸檬清水.

今日的午餐突然想食好點，又想試新餐廳，openrice新餐廳中又有 "勝旨炸豚拉麵" 的份，今天的目標就是她！店不大，大概只可以容納15、16人，裝修好舒服。桌上都有放著水瓶，瓶中的水付著檸檬，連水都有放心思，就知道此店絕不"求其"。點餐紙只有叉燒拉麵及炸豚拉麵兩種選擇，湯底有三款選擇，再加上湯的濃度、麵的軟硬度，油及蔥的多少也可以選擇，雖然選擇不多，自由度的大感覺上較以客為本。我選了叉燒拉麵黑蒜湯底、濃湯、要香油、麵的軟硬適中、要蔥，麵送來時全部符合紙上的要求，讚！整碗拉麵很足料，黑蒜夠多，湯底也黑黑的。叉燒肥了少許，雖然不太健康，不過很好味。拉麵較幼，少許像上海麵。拉麵很重要的是湯底，湯味夠濃，喝得出真的不是求其弄出來的湯底，最後差不多被我喝光。(真正的日本拉麵應該要喝光湯底才是)需要讚一下我朋友叫的半熟蛋，蛋是整隻去殼浸在拉麵湯中，打開蛋後蛋黃就流出來，蛋黃的生熟程度差不多是perfect，廚房好功夫！服務很周到，會問我們食物好食嗎? 感覺上他們是老闆及老闆娘，雖然我沒有確認。很滿意的一餐，我會再來！

還記得早兩星期日 , 11.11 那天 , 狗狗行山日完結後 ,跟旅遊巴一齊返到黎大角咀 , 路過見到呢間拉面店 ,當日仲未開業 , 於是走過就算 , 直到近日見到 openrice餐廳動態中我常出沒地點 , 大角咀o既最新餐廳提示就係呢間o係大角咀富多來地下 , o個日見到o既勝旨炸豚拉面大角咀o既食店 , 一向多到不行 , 奇怪的是已到左拉面潮o既尾聲卻一直未有高水準o既拉面店降落大角咀 , 勝旨炸豚成了開荒牛小店門面不大 , 用上木門框o既趙門 , 頂上數盞射燈照住招牌打開趙門 , 店內環境以紅黑兩色為主 , 配上深棕色木紋餐桌 , 卡座有四張 , 左手邊有一列滿有日本面館特式o既高架座設紅色牆上簡單的掛上幾幅具洋風o既畫 , 不隆重亦不浮誇 , 全店用上射燈 , 好光猛 , 但都幾熱 , 難免冷氣都要開得大一點小店新將期內 , 只有兩款拉面 , 店員先行解釋點餐方法 , 點餐紙上圖文並茂 , 簡單易明 , 枱號一欄 , 店員會話你知點填面類分別係豚旨 = 叉燒拉面 , 勝旨則是店名說明的炸豚拉面自選湯底有三種 , 豚骨 , 黑蒜以及赤 ( 辣 ) , 濃度同樣有三個層次其他o既

呢間舖位置唔起眼，路過見到新開，舖細細，但勝在企理，決定試試！一坐低老闆就熱情招呼，又介紹拉麵湯底絕無味精，可以按自己喜好選擇濃度，但拉麵款式唔算多，得豚肉，炸豚兩款（老闆話係舖頭特色，用靚豚肉做材料，好味唔使多款式）我選擇左炸豚拉麵，湯底要濃+糖心蛋。炸豚同碗麵分開上，賣相平平，但睇得出湯底用長時間熬制。食落味道比味千集團好得多，豚肉炸得剛剛好，濃湯底好有味，飲完個湯咀唇會黏黏地，好正！但略厭份量少，要飲埋湯先剛剛好。最值得留意係隻糖心蛋，一個字，甜！唔捨得一啖食晒。整體滿意。下次會再食！