Karui Bento

之前一直都無留意呢間食店，以為係炸物。直到我要跟營養師餐單後，就俾我搵到。上環區少有的健康營養外賣飯盒，鍾意超級多菜😃如果多D紅米會更好。今次試鯖魚，好味唔腥。我會繼續幫襯😁😁…Read More

返工有時想食健康啲嘅外賣就會揀呢間，都食過唔少次，品質穩定而且快趣有得攞，我喺公司用QR code 落單，前後5分鐘內就已經有得攞✌🏻今次叫照燒雞扒飯多菜，雞扒份量好足，最後仲食唔曬添，上面加咗好多芝麻好香口。鍾意佢可以揀多菜唔洗加錢，啲菜都好多款 ，椰菜、西蘭花、花椰菜、菇同紅蘿蔔，有啲雞油味好香而且煮得唔會太淋爽爽地咁，唔覺唔覺就食曬。飯方面係紅米飯，建議咬爛啲先吞，唔好睇佢好細盒咁，個底全部都係飯！仲有半隻蛋，用醬油浸過，送飯一流🤌🏻…Read More

今晚OT唔想煮諗住買個快飯，點知有驚喜平時中午都見到有人排隊，夜晚就冇乜人，大概等咗五至十分鐘就有得拎。但係以健康餐嚟講都算幾好食。鹽燒鯖魚配野菜便當 （$78）賣相都唔錯，有大量椰菜花，菜同飯比例係一比一，條鯖魚都好大條，應該係連埋檸檬一齊煮，所以唔使特登唧檸檬汁都有少少酸味。菜就同期望一樣係冇乜味，條魚煎得幾香口，又大大條，感覺幾抵。不過有少少骨同少少鱗，如果想啖啖肉嘅話呢個餐就爭啲。溏心蛋正常發揮。份量嚟講都夠飽，不過個人比較鍾意食飯，同埋啲菜冇乜味，食落會寡啲。但係以健康餐嚟講都算幾好食。…Read More

早排食完飯走去周圍行，入咗無限極廣場上咗2樓，發現呢間外賣便當，營養好似好好好均衡，好夠蛋白質咁，就走去試佢有好多個選擇揀，又有雞、有魚、有牛、有豬，有成10幾款選擇，我最終揀咗食牛，因叫完外賣，等咗幾分鐘，就有得拎。揀好多餐都係七十零蚊，加兩蚊又有嘢飲。第一次叫呢個外賣，返到公司一打開，有驚喜！ ！ ！蔬菜顏色好新鮮，肉嘅份量好夠，下邊亦都係一個紅米飯，好健康，最重要係有我最愛嘅辣椒。呢個價錢係屬於健康兩餸飯之選，即刻將佢放入名單，可以經常去幫襯…Read More

其實呢間已經食過好多次，今日心血來潮寫下食評。自從第一次朋友介紹照燒雞扒配野菜便當($78)，我就每一次都係食呢一個，今日先試另一款泰式咖喱雞配野菜便當($78)。便當整體嚟講份量都好足夠，基本上係唔會食得晒啲飯，建議女仔可以叫少飯。首先，啲飯加咗紅米，感覺好健康，雞扒唔會太肥，而且味道夠足，真心好食。野菜份量基本上係便當嘅一半，有不同種類的菜。但今日食嘅泰式咖喱雞就一般，雞肉夠淋，但味道較淡，而且今日嘅飯比較濕。下次都係繼續食返雞扒飯…Read More