Video
3-min walk from Exit A3, Choi Hung MTR Station
continue reading
Opening Hours
Mon - Sun
06:30 - 22:00
Above information is for reference only. Please check details with the restaurant.
果日去食野 等左成個鐘都無野食 催左三次都無人理 系咁話跟緊 態度極差 俾面色食客體 上餐速度在乎你是否常客 奶茶本來跟餐送 但系個飯等得太耐 所以無要到 唸住埋單走 點知矩中要收多我17蚊奶茶錢 離丁曬譜 真心建議大家唔好去呢間垃圾餐廳食野啦 真心講句呢間其實呢間野都衰唔曬 考慮到客人感受 收錢速度夠快 我唸因為唔想客人企太耐 驚客人攰
continue reading
茶記西多士從來都係下午茶既不二之選，簡簡單單既西多士，真係可以帶黎一整日既快樂架！西多士炸得唔油膩，個人較中意炸耐啲（會有啲炸左既碎可以食）,但岩啲想食無咁熱氣既人。牛油比既量可以多啲，唯有落多啲蜜糖加重個味~ 入面面包都軟熟，但花生醬唔夠多所以中規中舉啦！，反而今次要讚既係友人食既炸雞脾配薯條！！！！！（食左好多趕唔切影相）我食左啖，個皮簡直令人驚嘆！！係完全好似食薯片咁好脆，但雞脾皮下無咩肥膏，所以好塊皮係又薄又脆但一啲都唔油膩，由於岩岩炸好，入面既肉仲係熱辣辣架！！加埋肉質嫩滑唔鞋口，我係咁食搞到個朋友無得食咁濟哈哈哈（已經唔記得自己有個西多士咯）！熱氣到爆不過有咩所謂先
continue reading
彩虹、坪石、牛池灣，加埋彩雲。這一個同西貢息息相關的地區都有好多年的歷史了。在飲食上，這一區夠舊，而且又沒有多加翻新，所以老店這一家野，一直存在著。平日，我喜歡在牛池灣找食，是日，我不走遠，因為我早已經有一個好目標讓我去重新探索他的今昔，而這一個就是坪石邨的老茶記，《金華茶餐廳》。地方，咁多年來都是一樣，沒有更新，沒有修改，當然，也沒有維修過。卡位有點破爛，就咁用塊膠布貼住就算，所以我每一次來都會說，這《金華茶餐廳》，是殘舊不是懷舊。從卡位看得出殘，在餐廳樓頂也秈得出殘，好人地講一句，這一個地方，是名符其實的老，是真正的古早味道。早餐，我會食麵，兩次早餐來都食麵。第一次重來，我就叫了一客沙爹牛肉腸仔煎蛋麵。沙爹很多汁，把極普通的麵湯點綴起來，令到我食的每一口麵又好，肉又好，腸仔又好，蛋都好，都充滿沙爹香，不錯。另一日的早餐，沒有沙爹，我要了午餐肉、五香肉丁同一隻令人開心的煎蛋。普通的湯底，幸有五香肉丁的幫助，所以都不會覺味道太淡。只是餐肉能再煎香少少就 perfect。呢碟野，6年苧架啦，當年的我，來時是午餐，我就叫了一個鰻魚炒飯，因為炒飯當中有鰻魚肉粒，所以食落非常之香口，感覺可以。老店的奶茶，我是充滿著期望的。的確，這一杯色香味俱全的奶茶，完全沒有令我失望，是老店應有的經驗累積水準。說環境，的確係完全的不開心，因為有一次來，成半間舖滴水，又唔通知人，我行到成鞋水先知......幸好，早餐麵足夠令我叫開心呢。
continue reading
今日來到彩虹站坪石村鑽石樓地下茶記，因為要食個午飯。個場橫裝好陳舊。個電視都只係20吋。點咗個雜綿紫菜海鮮湯飯加熱奶茶。個海鮮湯飯好大碗。湯味好淡。雖然加咗紫， 但係都係好淡味。材料充足。有蝦同火腿絲。加埋D飯一齊食，好滋味。杯奶茶只算合格。因為上得太早，到我飲個陣已經凍哂。
continue reading
香港人，有時真係好需要一杯濃香奶茶。有時，會為咗一杯奶茶而專登撘車去一個你平時唔會去嘅地方。更重要嘅係，香港地，飲奶茶除咗飲佢個味，仲要飲間嘅歷史。當日小弟練完龍舟，朋友知道我除咗咖啡就係鍾意飲奶茶，話有間係彩虹好vintage 好有味道，咁就事不直遲，即飛車到此一遊。但因為小弟食咗嘢，明明想叫個香港人至愛嘅常餐，但諗諗吓，都係算啦，叫杯熱奶茶算啦。其實一杯奶茶，都冇乜得好講。佢啲茶濃，香，撞落去好滑，係老香港feel。但重點係，飲佢嘅人情味。小弟唔熟呢區，真係唔知除咗MTR仲可以撘咩車走，但時間又有多，諗住撘巴士可以慢慢坐，慢活吓。 比著平時茶記，你問啲伙計，邊有人理你。呢度啲叔叔，知你唔識路，慢慢教，慢慢傾。呢啲咪就係細個見到自己公公/爺爺同樓下茶餐廳吹水嘅情景囉。所以我覺得呢啲地方，唔係食佢啲嘢咁簡單，仲要食佢嘅情。
continue reading