金山海鮮酒家

Open Now

Now Closed

今日突然想食海鮮，就決定去佐敦『金山海鮮酒家』食！乳鴿咬落啖啖肉，炸得啱啱好，唔似出面食到果d咁干😋。聖子好新鮮，少少辣，好惹味，食到停唔到口😋。花枝片西蘭花🥦，花枝片爽口，可惜份量太少😋。椒鹽瀨尿蝦，大大隻，食落啖啖肉，椒鹽香口，食過翻尋味😋。蒜蓉粉絲扇貝，粉絲太少，但扇貝勁大隻，完全滿足口感😋。椒鹽白飯魚，呢餐唯一麻麻地既餸，白飯魚炸得好干搞到好硬，炸粉較多，唔夠味😖。鮑魚蒸得恰到好處，即使好厚肉，但都蒸得好好食，唔會「un」😋。豬潤啫啫雞好入味，d雞肉唔似出面果d好大嚿唔夠味，或者係雞頭雞尾，不夠份量唔多😋。香橙骨好特別，唔係周圍有得食，咬落啖啖肉，甜甜地😋。甜品係「蛋散」，超好食，唔會好甜，口感林林地似「馬仔」，👍🏻😋。侍應態度好，會主動加水、收碟，無黑面😃，野食唔錯，服務態度又好，真係好少酒家做到😆。

呢間店坐滿客人, walkin係無辨法有位的, 有一個肥少少的侍應招呼超到位, 今晚食得好開心.燒鵝皮又薄又脆, 有炭香, 肉質有咬口蒜茸蒸聖子聖子好大隻, 加好多粉絲同蒜茸一齊蒸, 再加豉熟油, 又食到聖子清甜又食到蒜茸的濃香味姜蔥炒蟹是一隻大肉蟹, 用姜蔥炒, 好香好野味什菇浸菜清甜酴酒焗蠔是美國蠔, 肉好大隻, 酒香味濃, 剛剛熟, 不會老豉汁炒蜆蜆好大隻, 豉汁味又濃, 超正蛋散-雖然是送的, 食落鬆化, 一D都五會求其

金山酒樓每幾個月都會幫襯一次，通常飲中午茶較多 （貪佢交通方便，食物質素合格），晚餐都有食過 。中午茶星期六較易搵位 ， 今次叫了：燒賣，蝦腸，魚蓉粥 ， 蒸大魚頭 ，蘿蔔糕，流沙奶皇飽，蛋散。講真，每次去都是為了食魚蓉粥及蛋散，魚蓉粥味道剛剛好，不太咸，另跟幾塊油炸鬼配搭蛋散，其實我不太喜愛食中式甜品，這個除外 ， 特別是油炸甜品，感覺好油膩。但這個……蛋散，第一次賞試後，完全改變觀感 ，不油膩，鬆脆，糖漿會淋上蛋散面，但不是太甜，還有就是炸的時間剛剛好……淺金黃色 ，每次叫都保持水準 。其他點心質素都是合格，不會覺得食完有重伏感覺 （平均 $110 價位計）。

好早前已訂位 ，但俾門口位置 ，其實係走朗位 ，在我背後人來人往 ，推推撞撞 ，根本是走火通道加枱 。另外等了一段時間有人黎招呼茶水 幾位職員圍在一起吹水。就算食物質素再好 ，也不再來。

今日同我地另外一個section嘅老闆食退休飯，我哋一行人去咗金山海鮮酒樓。我哋早幾日book枱，第一輪六點至八點半已經爆曬棚，所以就食第二輪八點半至收檔。我哋叫咗呢度出名嘅菜式例如小棠菜餅同燒鵝，另外亦叫咗燒乳鴿、君度酒排骨、呠酒桶蠔、蒸鮑魚、西芹炒石斑塊、椒鹽白飯魚等等。食物水準平均都非常之好，我特別鍾意個君度酒排骨，出邊個痞揸得非常香脆，個汁甜甜酸酸、大啲香橙味道，而且排骨肉質豐滿又有少少肥膏，非常香口，送飯一流。另外個椒鹽白飯魚，我哋encore叫咗兩碟。每條白飯魚都炸得非常之鬆脆，椒鹽味道又唔會太濃烈，微辣加埋我哋又有帶whiskey嚟飲，送住酒食停唔到口。食到最尾我哋問侍應有冇得送蛋散，佢話廚房已經收爐冇得即製新鮮嘅，只可以比碟現成貨。雖然嗰碟相對性冇咁香脆，但係都好香蛋味。總括而言，成餐飯都好味，啱晒一班人聚舊。

皮蛋海蜇~特別之處係加入左子薑令皮蛋嘅香味更上一層樓，呢個時候再夾一啖海蜇簡直令人胃口大開係每次去酒樓食飯前菜嘅必選。蜜汁叉燒王~菜如其名係叉燒界嘅傳奇之作，咬落半肥瘦碳燒嘅口感加上淡淡嘅蜜汁香味，使人喺短短5分鐘內將全碟清空一件不留。芝麻蝦餅~圓轆轆嘅蝦餅賣相可愛配合粒粒嘅芝麻香已經令人口水直流，再配合伴碟嘅沙律醬咬落外脆內軟嘅口感，實在係一家大細晚飯嘅好選擇。沙嗲肥牛煲~用鐵煲裝住嘅沙嗲肥牛煲將肥牛同金菇結合得天衣無縫，其中加入新元素芽菜令整道菜式變得美味非常用以拌飯實在一流。

金山貴為街坊飯堂，定期梗要黎幫襯下。上兩個月天氣仲熱果時真係好焗，私下問老友伙記原來大廈中央冷氣頂唔順一幢樓有五間火鍋店，啲冷氣俾人分薄哂，怪不得，不過好彩我多口問，原來12月頭會裝修，免得我白行一趟。早幾日知道裝修完，梗係上去支持下，發現大致格局無變，不過換過啲燈，翻新過，仲凍到我抽筋，聽啲伙記話全場啲冷氣換過哂，好得多了！各位上黎記得帶多件衫，有啲凍。味道都係保持正常發揮，無乜走樣，平日黎好啲，唔洗等咁耐位

昨晚一家人12個， 諗住黎呢間老字號食晚飯， 試試所謂傳統小菜， 誰不知上到去坐底無耐先發現全酒樓無冷氣， 只靠幾部新買嘅冷風機， 最後d員工才說冷氣壞左， 兩個星期後就會休息大修。 我唔會再幫襯呢間不顧自己品牌，只睇生意，不理顧客死活嘅酒樓大家呢幾個星期千萬唔好去， 我就已經被焗親中左感冒， 你可以話我身體差， 但自己諗啦， 無外來空氣流通嘅酒樓會係點

返到嚟香港約咗爸爸，同佢食餐飯，同老人家食飯佢哋多數都冇乜所謂，但係重點係中菜， 仲要係好食嘅中菜亦都好耐冇食過砵酒焗生蠔所以就諗起不如去金山食啦記得好多年前第一次去吳松街舊舖食嘅時候 當我食到呢個菜嘅時候實在係驚為天人 實在太好味當晚訂好枱，一坐低 就開始點餸 同往時一樣都係點到成枱都係爸爸話想食砵仔焗魚腸，一個好傳統嘅餸。。。但係絕對唔係我杯茶不過見佢食得津津有味，相信有番咁上下水準砵酒焗生蠔 當然 沒有令我失望沙薑雞腳亦都係一個不可以不點嘅小食 簡直係回味無窮豉汁炒聖子， 豉油皇乾煎蝦碌， 魚滑浸白菜仔 生炒骨， 樣樣都好平均， 份量亦都啱啱好。去親呢啲老字號食飯總有一個特點就係夥記動作快， 上菜嘅時間仲快如果想食小炒海鮮油尖旺嚟講金山都係一個好嘅嘅選擇

來過兩次，對上一次已經覺得一般，地方淺窄，服務人員態度一般，可以接受，佐敦區價錢唔算貴，今次再來就食到一肚氣，我們食八點半，去到發覺冷氣不足，向服務人員查詢，回答中央冷氣壞了，我明白大家都唔想，結果我們一路食一路抹汗，味道一般，服務態度唔洗講，有都唔會好，以後都唔會再來，貼錢買難受，最嬲到就係，見到D人走得7788，居然感覺到有中央冷氣，咁嘅服務，邊度有得同佢比，呢間所謂洒家，實在令人失望，希望有所改善，唔洗其他食客食到一肚氣順帶一提，佢個蛋散可以去試試，唔係咩都唔得嘅

成日聽人推介呢間金山酒樓決定一試佢嘅晚餐入到去其實同普通茶樓樣貌差不多好特別嘅係會免費贈送一碟蛋散😜🌟銀山砵酒焗鱔球 $98上台嘅時候仲火喉十足😍已經聞到流哂口水😝😜食落非常香脆鱔肉亦好新鮮👍👍😋酒味唔算好濃 所以食落唔會苦整體黎講真係好得👍👍😋😋好食到想再encore !🌟海味銀絲雜菜煲 $73雜菜都有好多種 小棠菜 荷蘭豆 生菜 芥蘭。。。海味亦好足料咁嘅價錢當然唔好期待有花膠鮑魚但都有魷魚 蝦米 同各種菇類湯底非常鮮味 不是只有味精的鹹味值得一讚👍份量亦多到兩個人都食唔哂😂

有同事介紹呢間金山食晚飯，出名有獲氣，好食，我緊係要去試下啦. 我地總共叫左8樣野，加個湯。雖然我冇幫啲湯影到相，但係金山啲湯出名清甜，我叫左個螺頭湯，螺頭湯落足料，有螺頭、花膠、等等配料，非常滋補，味道清甜。推介!!招牌雲英雞：雖然不太大隻，但很有雞味!燒鵝：很多肉，唔"蘇"，OK!黃金蝦：好大隻，可以連殼食，用咸蛋黃煎炸出黎，好好味!砵酒焗桶蠔：蠔好大隻，啲汁配合得好好!上湯焗龍蝦：經理很細心怕我地食芝士會好"漏"，所以建議我地用上湯，都係非常之出色~~炒聖子：又係好大隻，炒得好野味~斑鰭：要打電話留呢個部位，肉質特別紮實，又滑最後有蛋散送，飽到飛起~~

呢到第二次黎，之前五個人食，覺得好好食，所以今次一行十人，再黎呢到食野。今次環境超濟迫，全場無冷氣，開左D風扇，一邊食一邊流汗。今次無散叫, 叫左個套餐，有魚有龍蝦有羹有雞，最後都有個蛋散送。今次簡單D講就無樣好食，最好味都係個蛋散，鬆脆好味，最差係個炸蝦多士拼炸海棠菜，兩個都炸得過左火。總括黎講係唔合格，而下次亦唔會再叫餐，不過仍然會再比多次機會，因為之前散叫係好美味既，而散叫價錢合理，今次每人要OVER300元，實在不值。

搵嘢食，要睇心情睇飯腳，有時遇着開心好玩的飯腳，想貼地，食得麻甩，街坊界酒樓亦有不少選擇。 「金山」位於美食光譜高度集中的佐敦，地理上方便，分散於港九新界的朋友算就腳，價錢也公允。 今餐以燒味拼盤拉開序幕，「燒味雙併」$108 主打的海鮮部份，先來的有「蝦醬通菜鮮魷」$83 中式做法就是夠鑊氣，材料不複雜，廚師在猛火前的拋鑊動作下，帶出小炒獨有的香，也未必在普通家中能做到的效果。蝦醬與通菜自然是絶配，魷魚新鮮，經蝦醬洗禮，熱騰騰香氣中冒出兩種精練的鮮味。 「銀山砵酒焗桶蠔」$130 桶蠔用錫紙封邊，錫紙辣手，揭開就是熱烘烘的焗蠔。蠔不算大隻，口感還不錯，以惹味主導，先嗅到酒香，一口咬下去，蠔汁全都咇出來。 「英國蟶子王」$276 / 兩隻 大大碟看上來先聲奪人。以豉汁炒香，蟶子王本身大條爽口肉厚，調味卻略鹹，師傅可以輕手點，或者吃的時候扒多口飯，飲多啖酒。 在海鮮酒家，一個大魚缸養着這麼多鮑魚，不試一隻有點對不住自己，點了大連飽魚 (每隻$28)，也可點貴一級的每隻 ($58)，豐儉由人。 鮑魚以甜豉油及陳皮蒸，個頭較小，煙韌彈牙有嚼頭，算抵食合理。 「瑤柱琵琶豆腐」$8

經朋友介紹第一次幫襯，最大路嘅酒家裝修，平易近人。傳聞海鮮好掂，當然要試啦！首先清蒸鮑魚（肉質鮮美，正）椒鹽瀬尿蝦（新鮮彈牙）豉油王鬼花蝦（味道剛剛好，䜴油味非常香。手指都食埋）清蒸班頭腩（班肉好厚好彈）䰷炸墨魚餅，唔係賣廣告，食到而家都好好味（炸得有香口，碟上冇多餘嘅油）麵醬炒唐生菜（麵醬略少，油較多）最後仲送上招牌蛋散（炸得非常鬆化！果然名不虛傳👍🏻)整體食物質素平均，要彈的喺上菜大快，快到食唔切（凍晒）有待改善