金記冰室 (Closed)

你無睇錯Title, 對, 香港人既我被日本人介紹食菠蘿包近排識左個日本人香港迷 (好喜歡香港文化, 成日會飛來香港玩既日本人), 佢每次來香港都會去唔同冰室食菠蘿油. 我問佢覺得邊間最好食, 佢話 "好多間都好好食, 其中一間最好食既係金記 (西營盤個間)"  坦白講, 作為香港人既我其實一次金記都無去過. 所以點都想試下某日4時來到金記, 但菠蘿包已經賣哂, 咁就試下個迷你焗豬飯焗豬即叫即做, 需時, 等了約15分鐘, 我成日話寧願等也絕對唔想食整定既野, 所以等是絕對ok!! 聽說呢間金記是舊金記搬過來的第一間店, 咁應該是總店? 我喜歡他有舊60/70年代風格得來, 所有野都好企理. 焗豬到!! 果然即叫即做熱辣辣!!!  先食一啖飯, 用長身的香米, 有蛋既炒飯底! 飯好乾身粒粒分明! 我好怕其他焗豬飯太多汁或飯係霖到一舊野, 粒粒分明的炒飯我已經加佢好多分!   拌以汁再食一啖, 佢既汁好香蕃茄味, 也食到新鮮既蕃茄蓉, 酸酸甜甜剛剛好!汁既量都好好! 唔好少到d飯唔夠汁, 也不會多到 "水浸" 咁!  豬扒醃得入味, 有肉汁, 唔會太乾也不會太肥, 加埋蕃茄汁真係好夾另外

Ordered baked rice with seafood and pork. Sadly, got gastroenteritis the next day. And it was not delicious by the way. Also ordered milk tea, it was just so so. The soup for the day tastes too bad. Totally no idea where it came from. Not recommended.

去開西環做嘢，求其入間餐廳食嘢，估唔到入咗黎金記。聽人講返，原來呢度係筲箕灣後搬遷的第一間金記，大多部保留咗以前舊店的特式！唔怪得咁有風味啦～～呢度啲嘢都幾懷舊下！用個啲舊式既樽做糖樽，又幾得意喎！個干炒牛河，好鬼有火喉！大大碟之餘，牛肉都好多，又夠嫩滑。最正係個汁濃咸適中，每一條河粉都沾晒汁，食起上黎唔會一咸一淡咁！師父都好手勢喎！仲有個焗豬，即叫即焗，係要啲時間，但係又值得一等。因為個蕃茄汁好夠濃味，食起上黎好夠味！豬扒夠晒鬆化，好食過個啲乜乜一哥豬多多聲啦～～

今日下就唔洗返工，去接老婆收工，順便係佢公司附近間金記食埋晚飯，其實我自己本身好鍾意d懷舊冰室，野食又好食，價錢又合理。我地2個都點左是日晚餐煎蓮藕餅飯，有三塊厚厚的蓮藕餅，呢個蓮藕餅好好食，它用左蓮藕粒同豬肉搓成餅狀之後，再煎到金黃香口，入面的蓮藕粒更增加左爽口的咬感，送飯一流，附有菜芯，有菜有肉好健康。跟餐有仲有中湯/西湯送，我選擇左中湯，老婆就鍾意西湯，中湯係老火湯，湯料十足，煲到好清甜，簡單又好味的一餐。

不在香港长大又不是中秋节前往的笔者，比较感兴趣的是农夫包。内里是番茄焗鱼排饭，外面是面包。鱼排饭算普通范围之内的好吃，面包很脆，但是焦苦，如果面包脆脆的但还能保有面包的甜味就更棒了！

星期一早上在牙科醫院洗完牙，首要食餐好，善待自己，來金記試下呢間傳統名牌茶記。裝修特別老香港情壞，餐牌都用乒乓球拍做，最後附以漫畫及相片來講故事。午餐大概$42-49，包湯丶餐茶及主菜。湯一般，馳名絲襪奶茶名不虛傳，杯身夠厚，又有香港景色作杯身圖案，既有特色又保溫，奶茶有濃濃茶香茶味，茶和奶的比例拿掐準成度高，奶茶的確入口香醇幼滑。滑蛋叉燒其貌不揚看似平凡，味道卻不得了，滑蛋呈蛋花液體狀，半點不油膩，蛋味濃郁香滑，非常好伴飯，感覺健康清新，叉燒全瘦卻不嚡口。五香肉丁飯同樣有驚喜，飯粒分明飽滿，炒得乾身不油膩，五香味特出非常醒胃。整體非常滿意。

幾年前試過正街金記，太太和我均覺味道一般，座位超窄，之後一直沒再光顧，直至西環店新開張再試，裝修設計懷舊，可有童年回憶, 座位上較正街舒適得多，見位疑似老闆在場打點，侍應們當然很落力地跑來跑去招呼客人，雖然常餐收費較貴，但猪潤又爽又滑，整件牛油多士金黃色很吸引，奶茶夠滑，算抵消了收費貴的理由，隔個星期再去，味道明顯下降，金黃色的多士消失了，少量牛油主要搽在中間位置，麵的湯底味道相對也下降，四圍看找出理由原來老闆這次不在場監督; 因居住在附近，味道尚可及價錢較合理的泰尚，嚐囍經常幫襯，太興，上海姥姥等已很厭倦，高级西餐廳收費貴也不能常光顧，沒有選擇下唯有間歇性去幫襯，上個月家人叫了個廈門抄米，米粉明顯未煮淋便上碟，經理很禮貌的道歉並重新抄過一碟，昨日再試咖哩牛腩飯，因女兒吃不多，三個人order兩個餐，侍應叔叔好醒目不但主動拿來一個小碗更幫我添加白飯，但很可惜牛腩超咸，只能勉強吃下牛腩，咖哩汁只能加極少量在白飯上，慶幸的是干抄牛河算抄得不錯，牛肉好滑好淋，整體來說厨房仍有待改善，但見經理及侍應較以往禮貌，未知是否太興集團在附近開了間文華冰室搶了生意，明顯地顧客較以往少呢

這類舊式茶記而家少之又少, 咁啱路經此地, 便來懷舊一番.佢地係左右2間舖位, 但中間係無打通嘅, 入去有小圓枱及卡位, 裝修改翻新過, 好光猛, 而格局都保持住舊有方式, 我今次坐卡位, 2個人坐一邊都OK, 仲可以擺到袋. 餐牌係乒乓波板外形, 而內容好有條理, 分晒類今次食咗菠蘿飽同奶多, 仲飲咗奶茶及鴛鴦菠蘿飽好正, 好鬆, 好香, 個飽好軟, 完全係童年時食到嘅一樣.奶多嘅煉奶就少咗D, 下次再來食我一定要佢多奶, 而鴛鴦及奶茶都好香好滑, 鴛鴦好有奶味及咖啡味, 唔會俾其中一方搶咗味, 奶茶好滑, 茶底唔會"刧", 超正.最後補多幾張舖內擺設嘅相先.... 

金記冰室2013重新開業，轉眼三年，已有3間分店。今天剛巧來到西環，當然要拜會一下總店啦~ 金光閃閃的招牌非常醒目，離遠已經見到。 推開門，彷如進了時光機，來到70年代的景緻。翠綠色的桌椅加瓷磚地，還有手寫餐牌，重回舊時光。 餐牌是乒乓球拍，懷舊之中帶點玩味。 炒貴刁 $49 - ★★★☆☆  炒貴刁夠鑊氣、蠻乾身，材料亦蠻豐富。 微辣，不吃辣的朋友也可接受。加$3就有杯凍奶茶。茶味蠻香濃、幼滑，還不錯。 咖哩豬扒撈公仔麵 $38 - ★★★☆☆  咖哩很有港式風味，香濃至極，非常合我心意。 公仔麵硬度適中，與濃郁咖哩蠻配合。但太杰身，很難撈至均勻。 豬扒肉不太厚，但蠻鬆軟。 整體來說也蠻稱心。感謝老闆承傳金記冰室，讓年輕一輩繼續嚐到這種老味道。

難得來到西環開工 梗係要試吓聞名不如見面既金記冰室啦 (我自己住西貢 好遠😵) 去嗰陣仲係六點 仲係下午茶時間 所以非常抵食 叫咗一個雪菜肉絲炆米 同埋聽D人講 話熱咖啡好飲 所以都叫咗一杯試吓雪菜肉絲炆米非常好 用料十足 而且一啲都唔油！我覺得好食得來健康 係好多茶餐廳同埋冰室 都做唔到嘅嘢 但係呢度完全符合我嘅口味！咖啡都非常香 唔會好似其他cheap 咖啡咁有浸酸味

侍應落單覆單就大大聲話無問題，點知就一錯再錯同一杯熱飲變凍飲上兩次。入單哥哥再三確認order 左咩飲品，但又遲遲打唔到單出黎，向侍應追杯夜飲仲要大大聲俾佢兇：「你張單呢，無單點同你跟」。另一d侍應就走黎走去，滿場飛大聲嗌：「等陣，等陣而家好忙」，現場聽到每檯都錯單漏野。到埋單都係未出到單，要同收銀由頭講一次食左乜老店只賣回憶同味道都真係說服唔到我去第二次

下午茶點咗個鮮牛肉套餐，多士味道外脆內軟，牛肉出前一叮普通，但服務態度超差，3點前既時間店內唔多人，但坐低10分鐘都冇人理！最後要超大聲叫點野食先過黎望下，menu都要自己去櫃台攞，店內伙記明明望到我都扮望唔到

同朋友去開附近，下午茶時段正愁去邊食，我提議揀左金記一定冇中伏啦~平時返工只去灣仔果間金記lunch，呢邊第一次來，水準一樣掂，而且都近地鐵站，食完返去好方便大家都冇食lunch,叫左幾樣一齊食，全部比想像中大份，幾抵! 奄列蛋同火腿比其他茶記足料好多，啖啖有火腿海鮮烏冬係我們至愛，好快掃清! 好多蝦同鱿鱼呀!出面食小炒至怕麵多餸少，呢碟幾正，份量足夠誠意，而且唔會太油膩味精，食完冇乜口乾，炒得好均衡入味，goodgood ar薯條都好大份，又香又脆，好有薯味，唔會太粉，美中不足係隻脾老左d哈哈沙律我一向唔食，不過我frd話夠新鮮喎，信佢啦XD豬扒好大塊，唔會出面咁有大條骨，煎得好香，又軟~食完不妨欣賞下牆身d海報，好搞鬼，睇得出落過心思，香港人都一定會心微笑ww另外，值得一提，卡位夠多，岩晒傾緊食野，唔會嘈，非常好w

坐低就話咩都有，等左成五分鐘冇人理，侍應掛住玩手機，終於收銀行過話要咩，叫兩個菠蘿油，一句話冇呀，一早賣晒呀，態度十分惡劣，忿而起身走人，不知所謂，唔會再幫襯。

如果以一个集团来经营，就应该有一个完善的品质管制规范。如果食品質素不好，客人亦不會自動上門。沙嗲牛包($28)，牛肉夠腍，能夾埋個包食就覺得談口了，成件事就只有"飽肚"兩個字。Q版西多餐($36)西多油淋淋，蛋汁只是薄薄的一浸，蛋香欠奉。炸雞翼變了卤水鸡翼，概念上是不錯的，但何解滷水雞翼會這麼油。擺明懷舊餐廳，紅豆冰用膠杯，扣晒分啦。見收銀姐姐猛守住個門口拉客，不如搞好啲出品仲好啦。