Video
3-min walk from Exit B6, Ngau Tau Kok MTR Station
continue reading
Opening Hours
Mon - Sun
07:00 - 21:00
Above information is for reference only. Please check details with the restaurant.
Recommended Dishes
不知道金記的兩餸飯係由樓上的酒樓(駟馬拖車潮洲菜)提供定金記自己處理返。超级高質素，從沒有食過2餸飯既出品好像酒樓的味道，蒸肉餅有大量銀魚仔係面，蒸魚都好出色，仲有冮搖柱節瓜，咖喱都幾辣好足味，口水鷄未有機會試，但隔離位哥哥話自己日日都食佢。每個餐贈送例湯/纸盒飲品。而且職員姐姐好好人，又有禮貌。可惜，今天(14号5月25年)是他們最後的一天。非常不捨。為何香港有質素的東西不停流失。希望厨房大佬有機會睇到呢份食評，多謝。
continue reading
因為貪方便快捷，一直都有keep 住食金記。仲記得兩年前，第一次食，佢嘅出品係正常水平，亦因為咁開始左，係附近又趕時間就習慣性地揀佢。直到大約半年前開始覺得佢愈做愈差，去到今次竟然連餐記最撚手嘅雜扒飯都可以失手到咁，睇嚟係時候脫離金記快飯行列了。今次點左佢今期新出品-金記雜扒炒飯。炒飯正常，但雜扒出曬事，首先係有小忽雞扒，乾過牛肉乾嘅牛肉，兩小半條乾到龜裂嘅腸仔，最正常兩小塊午餐肉，同半塊連骨嘅豬扒，即係得小小肉痴住果隻。成件事好奇怪，每樣都係唔完整一塊，寧願佢俾小一兩樣餸，正正常常俾塊完整。另外，乾得離譜嘅牛肉直情係咬唔入，點解咁都可以出俾客🥲送嘅例湯亦唔知點解好大陣豬騷味。另外，餐廳一d 角落亦不時有小昆蟲出現。餐具有飯汁污跡亦係常態。待應叔叔姐姐，態度亦屬一般以下。整體嚟講，真係愈做愈差，失望。
continue reading
話說附近冇乜茶餐廳，唯有去金記。首先，入到去個地已經跣吓跣吓油淋淋，諗住茶餐廳都差唔多係咁就算啦。跟住冇服務: 問啲姐姐攞個杯斟水都指手畫腳，跟住用QR code落單叫咗份西多士。刀叉都係要自己喺櫃桶度攞，但冇一隻刀或者叉係冇飯粒或者飯汁黐住，又油淋淋。跟住又等咗20分鐘問阿姐可唔可以跟下單，啲阿姐敷衍了事之後就走咗。前後問咗兩三次，都好似同空氣溝通咁。跟住再等多10分鐘，依然懶理不理。茶餐廳一份西多士都要等成30幾分鐘，誇唔誇張啲？ 最嬲嘅係，結果去收銀講你個西多太耐我唔等啦，佢仲追問你坐喺邊。 態度極其囂張！ 香港而家生意好好咩？點解可以對顧客態度咁差？ 而家會有人打劫你個西多士嗎？未食已經一肚氣，以後唔會再去任何一間金記，貼錢買難受。
continue reading
話說今晚同朋友去咗金記冰室，首先嗌咗個招牌生髀，配朗朗嘅雪糕，真係食落口感幾有層次：外皮嘅脆香配上嫩滑雞肉，真係正到彈👍！仲有個獨特嘅金粒西多，分開嘅糖漿我就隨意加咗啲，美嘢呀，雪糕令西多提升咗個水平，一流！再來講下嗰南乳大蝦盛，簡直似食緊盆菜咁，料多得嚟又鮮，每一啖都係滿足，個味道正宗得滯👌。呢啲材料，每款都咁入味，真係食得津津有味！飲品部分，個雪糕紅豆冰冷喉又解膩，仲有隱約嘅椰香，添上面頭嗰層雪糕，真係完美嘅組合！至於熱嘅蛋白杏仁茶，呢個寒天熱飲，啱晒啫喱般滑溜嘅口感，滿滿杏仁味，冬天飲真係暖笠笠嘅。食完嗰晚，行出金記冰室，成個人都飽漲漲。如果你想找一個味道佳又有親民感覺嘅飯店，金記冰室肯定係你嘅首選！諗住下次仲要再嚟，試埋其他嘅美食呢！🍴🥤👏
continue reading
今日路過試下, 叫咗個牛腩河粉, 啲牛腩係煲到爛曬,好似湯渣咁,跟住個仔食咗魚蛋湯,啲魚蛋係冇味嘅, 都唔知係咩嚟, 咁難食都可以做得住, 真奇怪!不會再幫襯! 杯凍咖啡酸嘅, 奶茶还可以.環境槽冷氣唔夠非常熱.
continue reading