加多娜天然酵母手作麵包店

Open Now

Now Closed

今日食完飯 下午茶時間經過加多娜麵包店之前搭巴士經過見到好多人嚟呢間買終於有機會過嚟試下 入面見到好多款式最後揀咗朱古力麻糬包 同埋原味麻糬包兩款都好好食 用料足夠 朱古力味好濃

～嘉多娜天然酵母手作麵包店 ~.法式麵包布甸(原味) $15 9/10買過幾次呢個法式布甸麵包，每次去都一樣排晒長龍，唔知係咪我自己記錯咗定係佢改咗時間，以為16:00出爐點知原來係16:30，最後足足排咗50分鐘，估計開售嘅時間人龍有成50個人排隊😳.每日16:30新鮮出爐‼️只有一輪‼️原味只有300個‼️抹茶紅豆味只有150個‼️每人限買total四個‼️因為個人不太喜歡紅豆，所以都係全部買晒原味🙈.我已經係第四次買黎食，法式麵包布甸可以熱食(用焗爐170度焗2分鐘)、凍食(放入雪櫃)或者就咁室溫食！三樣我都試過！當然三種食法都好味！我自己就最鍾意室溫食，但係食嘅時候要非常小心，因為佢係流心嘅布甸，咬落會爆餡‼️所以最好買返屋企慢慢食😂布甸超級滑👍好有蛋香味👍麵包整得好煙韌好鐘意🥰如果熱食麵包就會比較鬆脆啲，布甸更加流心啲‼️$15一個我覺得一啲都唔貴，所以性價比同回頭率都非常高👍😊.😋食物質素：9/10😍打卡指數：8/10👍環境服務：7/10💰性價比：8/10👏🏻回頭率：9/10.地址📍嘉多娜天然酵母手作麵包店 (油麻地)油麻地碧街54號地下(油麻地站A2出口，步行約1分鐘)Mon - Su

## 食評：油麻地加多娜餅店的紅豆餅今日喺油麻地加多娜餅店，原本想買老婆餅，但最終卻俾咗紅豆餅。打開包裝後，見到個餅上面灑咗芝麻，外表幾吸引。### 食物評價不過，味道方面就令我有啲失望。紅豆餅非常甜，甜度過高，令我食得唔太舒服。內餡雖然有紅豆味，但整體口感唔夠均衡，實在唔係我心目中想要的。### 總結今次的體驗唔算滿意，期待下次可以試到真正的老婆餅！

7-6-2025（Sat）晏晝，同老公由尖沙咀特登嚟到呢間買開心果燒餅送禮自奉，我哋嚟到時都多人，但唔係大排長龍排到去地鐵站出口嗰隻，因為未夠鐘賣布丁包嘛。我入到去，原來舖頭好細，其實客人大多數都係行去同一方向買嘢後俾錢，自動排咗隊，我就裝唔到有開心果燒餅，就開口問店員有冇？佢答有，要幾多個？6個有盒。我答3個，佢就即喺佢面前，拎3個入咗袋嘅嘢俾我，哈哈，原來喺佢喥。然後我順勢向前行去俾錢，一邊睇重有咩包，被我見到個好特別，$18.00一個，好似叫粟米沙律酥皮脆筒，店員話好食。咁我就夾一個，排排吓隊，我又諗要多兩個開心果燒餅，於是同嗰個店員講，佢就拎埋俾我。到俾錢，收銀問我要唔要膠袋，$1.00個，要啦，TTL$69.00。之後我哋行咗一陣商場唞涼，然後至搭車送禮，一直拎住就一直嗅到佢哋嘅香味。同女友人WYP傾完偈，都已經7：20pm，要返屋企喇，返到屋企打開睇，漏咗綠色嘅開心果油喇，都係天氣嘅錯，我即刻食一個開心果燒餅先，一咬，薄糯米皮好味煙韌，餡料勁多，有花生，白芝麻同砂糖嘅脆甜，但好彩唔似民豐嘅開心果糯米糍咁多（食評係2024年7月1日提交嘅呢篇：https://www.open

每一个都好实在开心果馅饼 是之前没吃过的新品！🥠轻轻咬开，厚重丝滑又带着丰富开心果碎的内馅直接喷涌出来🌋，瞬间感受到开心果的浓醇，但整个吃完有点腻原味布丁包 🥚边吃边狂漏，每一口都可以一咬一吸，让丝滑的布丁和面包在口中碰撞融合，吃得挺爽我觉得好吃，爱甜的！大胆冲！

唔係第一次食，每次經過都會買一兩個食下。每次必食芋泥酥！唔會好甜，真係真材實料芋泥好多，好重芋頭味，個人喜好係略嫌椰汁味重咗啲。Bagel 就揀咗焙茶同黑芝麻味！啲餡係好足料，絕對夠食晒成個bagel，好鍾意佢黑芝麻味bagel本着麻糬一齊，夠晒煙靭。

布甸麵包每日下午4:30開始發售，數量有限售完即止。當日4:35到已經有人龍，買左4款口味一共81蚊，付款方式只限現金、八達通。⭐布甸麵包麵包外層偏硬，內裡較為鬆軟，口感煙韌。如果想切開同人share，建議雪凍啲，因為餡係室溫好快融，加上麵包有啲硬，比較難切，尤其係黑芝麻味，切嘅時候流曬出黎。天氣熱建議買完一係即刻食，一係帶保冷袋裝，拎返屋企即刻放雪櫃，啲餡融化會令麵包變淋，口感冇咁好。【黑芝麻】$23表面嗰層係牛奶，下層似芝麻醬，芝麻味好香好濃郁，同奶味好夾，而且唔會太甜，四款入面我自己最鐘意黑芝麻味。【抹茶紅豆麻薯】$23紅豆又甜又大粒，抹茶味濃郁微苦，中間包住軟糯嘅麻薯，口感層次豐富，甜同苦配搭冇咁膩【原味法式布甸】$15好香蛋味，口感嫩滑似吉士布丁，但偏甜【朱古力】$20第一層係幼滑嘅生朱古力，甜味突出，第二層係原味布甸。個人認為呢款係好味，但朱古力味太出，導致原味冇乜存在感，有少少可惜店鋪狹窄，入面塞滿曬人，出面又勁多人排隊，冇辦法慢慢睇慢慢揀，建議唔買布甸麵包嘅人避開呢段時間。

**🍮法式麵包布丁｜外脆內軟の幸福魔法**一上枱就俾佢金黃色嘅外表吸引住！面層烤到微微焦脆，撒上糖霜好似落雪咁靚～❄️ 切開入面係超軟嫩嘅布丁餡，用咗法國牛角包做底，吸滿蛋奶醬，每一啖都係外脆內軟嘅雙重享受！最正係甜度啱啱好～熱辣辣上枱，食完成個人都暖笠笠！☀️**💚開心果泡芙｜爆餡の綠色小精靈**呢個泡芙可愛到犯規！酥皮鬆化到一咬就碎滿枱～😝 入面嘅開心果奶油多到爆出嚟，用咗開心果打成，堅果香超濃郁！最驚喜係中間有層開心果醬，同面頭嘅開心果碎形成三重奏～仲有少少海鹽提味，甜中帶鹹，完全唔膩！影相打卡一流，綠色嘅奶油靚到似藝術品～🎨#手作麵包 #港式甜品 #少女食評 #隱世小店 #打卡必食

昨天路經油麻地嘉多娜餅店，想起佢哋超多芝士嘅芝士方包，就走入店幫襯，平時D包放在枱上係有切件的，但當天不見以為售罄，跟住問店員，佢哋話放在上格紙袋那些，但打開一看是沒有切件的，便問店員可否幫忙切件，店員一口拒絕話無得切，後來諗下自家食無所謂啦，跟住走去比錢，先知而家價錢係$29，佢哋在不知不覺間居然由$26跳到$29，雖然味道仍能保持，但店員嘅服務和麵包嘅性價比當堂跌 watt，相信會持續幫襯嘅機率會減低

終於食到嘉多娜的開心果燒餅，唔算難買，只要提早少少或夾啱時間。買咗冇即時食，喺第二日乾煎再食，不過燒餅仲保持到濕潤。開心果燒餅：$10；饀多，似湯丸餡，入面應該夾咗砂糖同花生/芝麻等食材，味道唔係純正的開心果味；燒餅的外皮煙韌，雖然隔咗1日，但口感仍軟糯；以$10嚟講，質素完全達標，但對開心果控而言，如果唔係特別鍾情燒餅，可能會略嫌油膩，而燒餅的開心果成分亦未必能夠滿足開心果迷，佢實在只有少少開心果味架咋~對非中式糕點愛好者嚟講，呢個燒餅係試1次唔後悔，但試多次就冇必要的糕餅。

油麻地地鐵站A2 出口直行，見到有人排隊；我作為得閒既香港人，見到有人排隊，抱住唔好執輸心態，就去排。排咗10分鐘左右，就輪到我。除咗想食開心果之外，其實唔知呢間舖頭買乜。輪到我，開心果類，舖頭只有開心果麻糬售賣，同埋只可以買set，一set有三舊,分別喺係原味、開心果及朱古力味。開心果麻糬有開心果味，叫做幾難得，出面好多開心果嘢都冇開心果味。但係都係原味好食啲。一set三件麻糬，$35一set，細細件，切開兩件都有啲難度，由於流心，會流出嚟。詳見圖。建議一個人食晒成舊，唔好搵刀切。另外，排隊可以買到原味或紅豆抹茶味嘅布甸麵包，但由於我嘅目標係開心果，所以我冇買到。布甸麵包就大嚿過麻糬一半到，建議可以兩個人分享食。

今日去買咗心心念念嘅開心果燒餅，好嘅地方係佢唔係好甜，但係開心果味唔係超級出，第一口係有嘅，但係之後就好一般，而且餡都好難見到，你唔會好似紅豆蓉咁可以見到好多，所以就好淡，冇咩味，但燒餅個皮都可以唔錯！要排隊就真係唔係太值得！

今日響油麻地附近覺得有啲肚餓，經過經過加多娜又去試下。當日約下午四點半，難得冇人頭湧湧排隊，我就試咗一個芋頭酥和咖啡鬆餅。芋頭酥＄12： 唔好睇佢細細個，餡料充足，酥皮非常鬆脆，芋頭味濃又不太甜，非常美味。 咖啡鬆餅＄10： 未食已經聞到濃濃嘅咖啡味， 亦都見有好多朱古力碎粒響餅面，鬆餅較乾身，外皮有少少硬，但內裏鬆軟，咖啡及朱古力味非常之濃，喜歡咖啡的人不要錯過。仲有個小插曲，我通知店員想要芋頭酥，其實盤內仍有六七個，但係佢話入去麵包房攞啲剛焗出嚟更新鮮嘅，非常窩心，店員服務態度好好。

噚日（10-2-2025 Mon）晏晝，女同事PM突然送嚟一盒兩個開心果嘅甜品，我睇睇，係喜多娜嘅產品，PM話喺油麻分店地買。返到屋企食完晚飯同生果後，抖一陣就同老公一人一個食喇，佢都好大個，我哋開動喇。一叉落去，已經睇到開心果忌廉餡，可想而知，佢個皮好薄。一食，開心果味好濃，唔甜同超滑，泡芙皮已經唔脆係正常。我覺得開心果餡唔夠甜就唔係咁好食，同埋做細個少少都好夠，不過我欣賞佢咁大個又爆晒餡嘅誠意。價錢：睇第二啲食評，知道賣$25.00一個。而我上次幫趁佐敦店流心布丁泡芙嘅食評係喺2022年6月12日刊登嘅呢篇：https://www.openrice.com/zh/hongkong/review/yeah-%E6%99%82%E9%96%93%E5%95%B1%E5%95%B1%E5%A5%BD-e4430510

芝士包$20/3個油麻地地鐵站一出就係嘅麵包舖，今次試左佢個芝士包，雖然係細細個，迷你包，但真係好好味,超creamy!麵包好鬆軟！我一個人好快食晒3個😂哩個包值得一試！