146
20
5
All Branches (2)
Telephone
61258419
Opening Hours
Today
12:00 - 21:00
Mon - Sun
12:00 - 21:00
Public Holiday
12:00 - 21:00
Payment Methods
AlipayHK Alipay Cash Octopus AE OpenRice Pay
Number of Seats
36
Other Info
Spot payment
Review (195)
Level4 2021-06-03
6333 views
舖頭十二點開門葵興站落左車搵搵下路去到嗰陣係搭四 唔近地鐵站 但喺正幾個巴士站旁有啲無奈嘅係。。 點解咁多人已經排緊隊。。。拎張飛 哇已經排緊第十四張二人枱。。因為張飛先望一望餐廳logo比較少見係以中文字設計 一個漢堡入面有個嘉都做到主打burger嘅形象個logo設計我比滿分( ´▽`)黎到嗰陣舖頭出面排左條L型隊㩒完飛我又跟住人排隊。。後來我先知㩒飛係堂食 排隊係外賣玻璃上面痴到張menu 反正都要等 咁就諗定食咩先 入到去就可以即刻嗌出面等非常之曬 所以見到好多人都會企近橋底 係就係廢氣多啲 但真係冇咁曬仲有少少風入到去 舖位非常細 四四方方一眼睇哂呢道係自助落單 就喺門口位置落完單就比錢 比完錢就有個圓形嘅野提你拎餐意外嘅係 咁細間舖 樓面企左四個人 頭頂有四部冷氣所以真係幾涼 落完單唔洗好耐就有得食我叫左個菠蘿雞堡好好嘅係佢雞豬牛係可以互換 所以就算唔食牛都有好多款burger可以食菠蘿都幾厚 不過應該都係罐頭菠蘿雞同菠蘿一樣厚 雞肉咬落好juicy 一啲都唔腥個honey mustard 都好足 所以成個包都唔會乾包都好軟熟 同少少熱 睇落去點都唔係砌定係好食嘅👍🏾辣蘑菇芝士牛堡 加芝士就咁睇落去係有兩款芝士睇落啲料好足 成個包係有高度( ´▽`)呢個包我冇份食 聽朋友講唔算好辣都係好食嘅 但就冇其他評價啦其實我地叫左好多野 但佢上枱方式全部都係用紙袋裝住的而且確咁樣係方便左邊行邊食 同省略到洗野嘅時間但堂食黎講就真係唔太環保至少芝士條 同雞塊 同 雞翼可以唔洗分三袋。。所以影相就唔會靚圖見到嘅粟米片雞塊係意外地好食食落係真係有粟米味唔係就咁普通炸雞我地都嗌套餐 基本套餐係加15蚊計返其實我個菠蘿堡跟餐只係48蚊而份量其實都真係夠多除左m記 都好難做到呢個價咁佢選擇比m記多好多嘅不過不過我地本住難得黎食就試吓 都冇為意原來所有小食都係炸物仲係全部supplier嗌貨現成嗰種所以絕對真係快餐 人手又多繁忙時間限坐40分鐘真係有基於出餐速度咁價錢又真係唔貴 唔係手工野 個價mark up 得合理咁小食係過下口癮 我地咩都嗌就誇張左 原味雞翼麻麻地 都係隨處可見嘅小食所以可以唔嗌首選係粟米片雞塊同蕃薯條芝士條就都係普通野 但平時冇食都可以嗌下但全部叫哂就變左炸物真係太多可能套餐跟沙律會比較易入口最後我地捚單166 但食剩左大量薯格薯條本住唔浪費嘅精神 係拎住個紙袋仔離開建議真係唔好眼闊肚窄 continue reading
(The above review is the personal opinion of a user which does not represent OpenRice's point of view.)
剛剛複診完👩🏻‍⚕️話手術幾成功,傷口復合得唔錯!一個月內只用蒸餾水洗眼,不能用水喉水,不能游水,不能用眼霜,不能做facial😑😑不過都預咗,忍一忍啦😊😊次次坐車經過嘉寶漢堡都超級多人,想同🤴🏻試好耐,今次時間尚早就去試一試佢係咪真係咁好食😋😋~~~黑松露芝士牛堡~~~真係超級驚喜,黑松露係鋪滿面,黑蚊蚊一片!店家真係超級大方😝😝,黑松露亦超級夠味,芝士呈現半溶狀態,漢堡好香牛味,肉質豐富😍😍高水準👍🏻👍🏻~~~蝦牛堡~~~用蝦肉做出嚟嘅漢堡,好香蝦味又唔腥,兩個漢堡包都有微烤,食落格外香口😙😙~~~原味/辣味雞翼~~~追加小食$10/2,原味雞翼煎得幾靚,但辣味雞翼略嫌鹹咗啲辣味係小辣!正常好味😄😄~~~薯條🍟/番薯條~~~薯條🍟就普通,但冇乜地方可以食到番薯條,外表好長、好橙,咬落偏硬脆!番薯味濃!🤴🏻就好鍾意❤️❤️我同🤴🏻都食得好開心🥰🥰 continue reading
(The above review is the personal opinion of a user which does not represent OpenRice's point of view.)
呢間個名聽左好耐,但尖沙咀同葵涌都唔係成日去,搵staycation嗰時見到葵涌呢邊平,又有嘉寶食所以就揀左😂 😂。雖然係星期六,但4點左右去都有人等緊,廢事排就外賣番去,唔洗10分鐘就有得拎👍🏻。🔅脆薯牛堡 ($35+ $15升級套餐)超級足料!薯角同塊牛一樣厚🤤,有埋番茄生菜好健康😎。但我最欣賞佢個醬好夾成個包,個包雖然厚但唔乾,烘過就好香。仲有值得一提既係佢既生菜唔係某快餐店嗰啲菜頭菜尾咁款,好爽口!🔅惹味辣醬蛋雞堡 ($35+ $15升級套餐+$4配番薯條)呢個不愧係叫惹味辣醬,成個包最出色就係個醬,真係好惹味🤤,連我本身食咩都鐘意走醬既人竟然咁鐘意隻醬就知有幾正😂,不過就唔係好feel到辣味😝。隻蛋煎到好香,可惜俾我揸住影相㩒爆左個蛋黃🤣。舊雞係好juicy好香,我鐘意佢唔係雞扒黎,食得好有口感。🔅炸燒賣 ($14)炸得層皮好脆但唔會乾柴柴,不過多左少少鹽,如果唔係就perfect。🔅番薯條 & 薯條番薯條偏軟身,同埋可能係加錢配,所以份量比薯條多。薯條係粗扁薯條,都好大路。💬$50蚊成個餐,個burger好有誠意,一路打都好想再食,男朋友即刻食完問我邊到仲有分店😂 😂。可惜葵涌呢間真係唔夠就腳,要食可能下次會試尖沙咀店😋。 continue reading
(The above review is the personal opinion of a user which does not represent OpenRice's point of view.)
落雨濕濕唔想食頹飯?不如gulu㩒張飛食呢間人氣#1嘅漢堡💛店啦,有雞牛豬,連羊都有,配菜除左薯條薯格沙律之外,仲有多人推介嘅炸燒賣,聽落係咪好特別呢😏雙層芝士牛堡$52🍔牛肉唔heavy,好juicy,加埋雙層芝士,口感好豐富,個包亦幾香脆升級套餐$15🍟🥤🍟外型係冰室茶記曲線形個種,但都算係炸得比一般冰室好食嘅 continue reading
(The above review is the personal opinion of a user which does not represent OpenRice's point of view.)
Level3 2021-08-25
0 views
每次去嘉寶都係食牛堡 今次試新野 估唔到有驚喜今次叫左個日式芥辣雞堡 因為高身紙盒關係 外賣拎到返屋企都仲好靚仔麵包有烘過 少少脆 有牛油香 生菜同蕃茄新鮮 出水情況唔算嚴重 芥辣醬份量剛剛好 有D攻鼻 重點係個雞肉漢堡一D都唔乾 夠厚有咬口 個人覺得仲出色過佢嘅牛堡 continue reading
(The above review is the personal opinion of a user which does not represent OpenRice's point of view.)