K-Net Square (Moved)

油尖旺就算到左夜晚，依然人來人往，太子雖然就係佢地既附近，但係就相對少左份熱鬧。不過近年，其實太子都多左好多唔同類型既食肆，食得搵，其實呢到真係好多好野食。約左朋友係附近呢野，順便就係附近覓食。見到呢間野幾平，一人餐 只係$168，包餐湯、香煎厚切鵝肝多士、一款主菜同埋法國紅酒/Strongbow蘋果汽酒 (用餐時間內2小時無限添飲)。唔使諗，即入。雖然只係7點幾，但係個場都full full地，心諗唔係要等位既時候，點知侍應同我講邊。個場其實真係一眼望哂，我仲以別人洞天。原來佢係帶我行過幾個舖位既K-Net Square。餐湯係南瓜忌廉湯，好creamy，配埋一條長餅乾，不過條餅乾脆身會好食D。香煎厚切鵝肝多士超讚，好厚切，法包仔亦將多餘既油脂吸收左，食完成口油香味。點左5成熟既安格斯肉眼牛扒。上枱果陣俾佢既size吸引左，好大塊，不過當日我地點左5成熟，但唔知係侍應落錯單，定係廚師火喉過左龍，牛扒有D過熟，應該起碼有8成以上，所以牛扒既中間部份有D韌。但係其實佢塊既邊位係好嫩，如果下次火喉控制得好D，相信一定會再好食D。另外會有mustard提供，牛扒上枱果陣會跟埋，呢點要加分。另外朋友點左呢個香草燒鷄(半隻)，雖然只係得半隻，但係份量一D都唔細。偷食左2舊肉仔，燒得岩岩好，皮香肉嫩。我地2個食埋D薯蓉真係飽哂。雖然餐飲係無限任fill，不過飲完一杯都飽哂 XD…Read More

估唔到太子有間酒吧餐廳，食物唔錯，價錢又平，最重要係坐得舒服! 仲有電子飛鏢機同可以唱K! 仲有波睇! 的確係要推介下!我地每人叫左個1人套餐 ($168)，有厚切鵝肝多士、肉眼扒 / 燒雞 / 石班柳 / 菠菜蟹肉天使麵 (main course 4揀1)、仲可以無限添飲紅酒 / Strongbow 蘋果汽酒。忌廉南瓜湯，濃郁嘅南瓜香味，超creamy! 唔錯!House Red Wine 果香味較重，好適合女仔飲! 我地仲不停添飲添~鵝肝多士，都幾厚下，煎得超香!安格斯牛扒 (5成熟)，煎得剛剛好，又唔會韌，肉味都算香濃，可能係安格斯牛啦! 再加埋個燒汁! 一個字 正!!燒雞，都OK 大隻! 但味道麻麻!菠菜蟹肉天使麵，賣相吸引，好多蟹肉 (唔係蟹柳)，天使麵軟硬度適中!其實真係幾抵食! 連埋加一，每人都只係 $185。食物味道唔錯! Waiter 服務態度唔錯! 環境又舒服! 又無煙味! 仲可以無限添飲紅酒! 點可能唔再去!!…Read More

一向好鍾意幫趁屋企附近既餐廳，先前去過ksquare見唔錯，今日就碟賣心水，休息天約賣bibi去据扒。裝修好新淨，平時經過唔多人，感覺不喧嘩，見到宣傳價錢好平，確係把酒談心好去處。168dinner set黎講幾經濟實惠，重點係有酒任飲，我家粒bi因為要保護我，平時出去食飯就唔飲酒，但呢度有紅酒同汔酒任飲，頑皮既我要求下就少少地一齊飲左d...餐湯蘑菇忌廉湯加一條脆餅，熱辣辣上菜又幾快，不多的菇蓉卻香氣十足。份量恰好配上香草有點畫龍點睛。前菜一款鵝肝多煎得幾脆哎又夠厚身肥美，入面仲好滑，個心夠曬熱，做到入口即溶係唔錯，酒吧黎講好高分，而多士也脆，加賣洋蔥絲好甜美，食落平衡番無咁膩。主菜今晚木頭要了八安士既黑安格斯肉眼扒，賣相雖然不是好精美，但無將價就貨俾舊cheap扒你扮agus，好有肉味。而且我欣賞佢無過火，說好的五成真係五成，有肉汁無欺騙我感情囉。我就要了菠菜蟹肉天使面面量真材實料，但汁醬煮得幾好，能做到每根都掛汁。而蟹肉不多，菠菜亦無乜，但成個面都有好香蟹味呀，意粉煮得有嚼勁，唔係一patpat咁糊，味道較清淡。摸住酒杯底咁樣談心法，已係2月22既事了，醉翁之意不在酒，有清吧不吵的境，又有哥相陪，人生一樂也。哈。。。…Read More

揾個方便又靜的食肆真係好難, 仲要係任飲,仲有佳餚,又可唱K,又可掟鏢的新蒲點, K Net Square响太子很方便, 聽名已知可以唱K, 外面有露天坐位, 入面有好多卡位, 還有啲有partition, 多啲私人空間,場內仲有好多部電視同中間有部好大的Projection screen可睇波同唱K用入到去見到Menu, 有set dinner , 全部都劃一價錢, 每位$168，包晒餐湯、前菜、主菜，仲有係呢度賣點, 任飲兩小時的法國紅酒或Apple Cider，真係物超所值, 叫了個set - 香煎石班柳配牛油忌廉汁餐湯係忌廉粟米湯，好Creamy, 有香濃粟米香甜味, 不會太杰身, 剛好, 還配了一條長餅乾條。前菜係香煎厚切鵝肝多士，鵝肝啲香油流到香脆的多士面，配以有誠意的洋葱絲, 係用紅酒煮過的, 酸酸的配鵝肝不會太肥膩。再唻埋支任飲的Strong Bow Apple Cider, 清甜及清新的蘋果香味, 主菜係香煎石班柳配牛油忌廉汁, 魚扒好大塊, 肉質結實, 鮮甜, 配以露筍, 茄子, 及牛油忌廉汁, 好香滑, 食完當然要唱下K啦, 去中間的電腦Monitor touch screen選歌, 選完店員會給一張QR CODE開啟, 就可開始唱, 唱咗一陣, 又想試吓呢度個virgin colada ,好香椰子清香, 好飲喎。…Read More

今日一定要同大家介紹呢間又平又靚嘅西餐，仲要紅酒同汽酒任飲，每人都係百多元咋！呢間叫k net square，入去到較暗，有大大銀幕播住MV，型得嚟又好睇，我地嗌左兩份set，包湯，頭盤同主菜，湯係磨菇湯，好香濃好味，較楚身嘅，但都好滑。頭盤係鵝肚多士，好正丫！塊鵝肝好大舊，真係大舊到下面嘅法包仔都蓋吾住丫。好味，又煎得好香，如果愛食鵝肝嘅朋友一定好喜愛。主菜分別嗌左黑按格斯肉眼扒同香煎石班，先講牛扒，我要左五成熟，岩岩好，所以仲有肉汁，因為肉眼扒關係，肥瘦岩岩好，肉旁連住一點脂肪先最好食，哈哈！食左肥都吾理啦。香煎石班又係正，啖啖肉，外脆肉嫩丫，煎得好香，又好喜歡個白汁，好creamy同魚好甲，另外有好多薯容同吾同嘅瓜菜，中和返食肉獸嘅我。最正係可以任飲酒，有我近期都好喜歡嘅apple ciders，好味丫，不過太飽啦，因係飲左一支，真係吾錯，地方又大又舒服，價錢服務都好好，值得推介！…Read More

宜家想搵間正正經經的酒吧食下飯，飲下野都比較難，難得呢間仲可以唱K 咁過癮。今晚我地3個女仔一於黎試下。 主菜可以4選1，我揀左肉眼扒5成熟 先黎粟米蓉餐湯，粟米香濃又清新，飲多幾碗都仲得呀 頭盤有香煎厚切鵝肝多士，平時我唔「好」鵝肝，覺得有腥味，但今次食又無喎。外脆內軟，唔油膩，正。同食的洋䓤吸收晒煎鵝肝的精華，同樣美味。伴碟的沙律菜夠晒新鮮清新。 主菜的牛扒肉味香濃，肉質軟腍適中。薯蓉有濃濃的牛油香味，夠晒幼滑。 宜家仲有優惠，幫襯set dinner，仲可以免費高歌幾曲，最啱大膽又鍾意表現自己的朋友…Read More

突然想同fd飲下酒食下飯，知道k-net square有酒又有set dinner食，就黎hea下吹下水環境唔錯，有得睇波，掟鏢，重可以唱下k添，有得食又有得玩set dinner for one $168/person有魚、牛扒、雞同天使麵等等，如果加埋飯、pasta同dessert就更正最驚喜係有得無限添酒，正呀餐湯係忌廉蘑菇湯熱辣辣夠creamy, 唔錯前菜：香煎厚切鵝肝多士Foie Gras Toast鵝肝厚切真係好吸引煎得脆口又有油香多士都好脆，可以中和鵝肝既膩添鵝肝同多士中間夾住洋蔥酸酸甜甜，口感唔錯主菜：香煎石斑柳配牛油忌廉汁Pan-fried Garoupa with Butter Cream Sauce石斑柳幾脆，雖然有少少骨但係肉質嫩滑伴菜節瓜同茄子都有煎過，非常香口加埋蕃茄同豆令菜式好colourful薯蓉點上忌廉汁，味道香濃，食完之後都幾飽肚主菜：菠菜蟹肉天使麵 Crabmeat Angel hair with Spinach Cream Sauce好足料，蟹肉好大舊好多菠菜既味道唔算太突出但係天使麵煮得岩岩好，唔會太淋而且掛汁力強，充分帶出cream Sauce既香味Strongbow apple CiderFrench red wine…Read More

接朋友放工順便食埋飯，近近地揀了酒吧飲返杯，傾下偈先 :) 酒吧可以唱k 有一大個LED螢幕睇波，旁邊有一檯飛標機🎯， 直播足球賽⚽的話，氣氛應該非常好 飲品種類選擇多，原來仲有set dinner。雖然2人餐很吸引，但是怕眼寬肚窄，都係揀返1人1份套餐。$168有鵝肝，有main course, 仲有限時無限添飲指定紅酒或蘋果汽酒，看似抵喎，一於試下先!前菜鵝肝夠厚切，入口即溶，配上紅酒係perfect match 不食內臟的朋友就欣賞微酸的洋蔥絲配不太硬的多士。主菜我揀左香煎石斑柳配牛油忌廉汁。以茄子，節瓜片鋪面減少油膩感，石斑魚柳外層煎得香脆，內裡肉質嫩滑，配埋最底層忌廉味好creamy的薯溶食更美味 酒吧環境舒適乾淨，估唔除左飲酒外，仲有價廉物美的西餐食是一大驚喜 …Read More

太子呢排啲橫街窄巷開咗好多新嘅餐廳 放工同同事想搵個地方happy hour於是揀咗呢一間k-net square， 舖頭唔係好大 7,8張枱左右啦。 一入門口見到有啲客人喺度訂緊飛鏢 ， 有啲就喺度唱緊歌 ，其實呢一間餐係屬於半酒吧半餐廳形式， 感覺都幾relax。望下係個餐牌，對於我地一心諗住飲下酒，傾下偈，呢個168蚊一人餐， 真係啱曬，有個鵝肝多士肝有個main course，另外仲有 法國紅酒 ，蘋果有氣酒 ，冇酒精飲品，可 無限添飲 🍷 傻的嗎?😛平時去酒吧閒閒地飲杯house red加埋一都要6，70蚊一杯， 依家有埋晚餐不特止仲要 而家仲要無限添飲，堅抵。忌廉南瓜湯， 南瓜蓉磨得都幾幼滑， 口感幾creamy，唔錯😋佢哋杯house red 果酸味 比較重 ，味道都還可以鵝肝多士，份鵝肝都好大件吓， 煎 得好香脆，跟埋兩件多士， 夾埋一齊食就會冇咁嬲溜安格斯肉眼扒（8oz） 點了五成熟 剛剛好， 不會太韌，屬於薄身嘅一種牛扒， 牛香味還可以，配埋燒汁更可口…Read More

今晚放左工同個朋友係太子行左陣街，見大南街個邊多左幾間餐廳，就諗住行過去睇下有咩好食。見到有Café，有邊爐，有酒吧，望左幾望後我地決定去試下個間叫K Net square既酒吧。我記得我係旺角都有見過ga，不過一路都冇機會試，但今次見佢個set dinner又好似好吸引又唔太貴，咁就去試下啦。佢個set dinner$168有湯，有鵝肝多士，再加4選1既main course，同埋2小時任飲既紅酒或者汽酒。個人黎講$168有得2小時任飲，已經覺得好抵，仲要佢有野食。個湯唔夠熱，仲有唔係太飲得出係咩，鵝肝多士，佢個塊鵝肝好厚，煎得又夠香，如果個多士可以脆D就仲好啦。不過塊鵝肝真係好正，回味呀!Main course 既選擇有牛、雞、魚同埋意粉，我要左個香煎石斑柳配牛油忌廉汁，個魚同個汁都好滑，下面仲有薯蓉，夠晒飽肚。飲品方面我叫左Apple Cider，佢個賣相一流，而且仲有得re-fill真係不得了呀。呢間酒吧應該唔係開左好耐，所以人唔多。坐得好舒服。…Read More

歐洲國家盃進行中, 同一大班朋友落BAR睇波是常識吧, 估唔到依間酒吧除左有HAPPY HOUR外, 仲有得食晚餐, 一於試下先 一般酒吧格局, 設有大電視及電子擲飛標機, 另設有卡啦OK, 可以讓你一展歌喉 講返晚餐先, 見餐牌提供一人餐 ($168), 包是日餐湯, 香煎厚切鵝肝多士, 主菜一款及精選法國紅酒/非酒類飲品(無限任飲2個鐘) 都幾吸引喎, 一於點呢個餐, 先點左Lemon Squash 同 Orange Squash解一下暑氣, 味道調教得幾好, 一飲感覺幾refreshing 餐湯係南瓜忌廉湯, 味道比較淡口 之後送上香煎厚切鵝肝多士, 鵝肝果然係厚切, 一咬入口就滿口油香, 喜歡食鵝肝既朋友一定夠晒滿足感 主菜: 黑安格斯肉眼牛扒 (七成熟), 份量有8安士, 肉質算Juicy, 配以香滑薯蓉, 食晒都幾飽肚 另一款主菜 : 香草燒鷄(半隻), 上枱時已經聞到好香, 燒得皮香肉嫩, 雖然份量係半隻但都幾多肉, 食埋個薯蓉亦都飽肚 話明係2個鐘任飲非酒精類飲品, 飲多兩杯已經抵晒, 食物味道OK, 侍應服務態度OK, 下次要去飲野開餐兼睇波就知去邊到啦 …Read More

最近咁多場波睇，當然想搵番間餐廳可以舒舒服服飲下食下睇波啦。最近行街經過太子，發現一間尼間餐廳很底食！價錢$ 168/位食物包括: 前菜-鵝肝多士😍主菜-安格斯肉眼牛扒 or 烤雞 or 石班 or 蟹肉天使麵😍飲料: 紅酒 -無限refill😍見咁正，就入去試下啦，坐底後，感覺環境幾舒服，整潔乾淨也具有空間感。厚切鵝肝，口感香軟鬆綿，入口即溶。加上紅酒，直程是享受😎安格斯肉眼牛扒，份量適宜，厚切得讓人滿足。外觀格紋焦痕，口感煙靭，可能我叫左7成熟，下次應該叫5成熟就應該好。 …Read More

今晚帶了位 "波友" 到太子 K-Net Square 食飯和參與一下睇波⚽️樂趣、更可以玩一下飛鏢🎯！餐廳內除了入門後的 LED 超大電視之处，在四處牆邊上，也掛滿了電視，可算是全方位、任何角度都能看到精球賽🤗 而已音響效果勁正，有如置身現場一樣！我們都點一份 Set Dinner ($168/位)，店員提醒這套餐包括了兩個小時內，任飲法國紅酒或蘋果汽酒🍷🍹 當然唔使講野、馬上各一杯，唔該曬😘例牌菜先來一碗粟米忌廉湯，這個湯又幾好味，不會「杰」撻撻、夠熱，唔錯！再來一份香煎厚切鵝肝多士，嫩香味鮮鵝肝配上爽脆多士，入口時真係帶出了不同的口感！黑安格斯肉眼牛扒 (六成熟）🍴富有牛味，肥瘦剛剛恰配，而已份量也足夠！更配上了香滑薯蓉、沙律菜，滿足、滿足.. 食飽飽剛好開波時間，兄弟們飲酒睇波⚽️🏆🍷🍺😍🤒…Read More

約老友去油尖旺食飯最方便，而且呢間K-Net Square仲有得唱K飲酒，實在係一流選擇。去到餐廳，見到佢地做緊個特惠晚餐，每位$168，有齊餐湯、小食、主菜，而最重要既係，可以兩小時內無限添飲法國紅酒或蘋果汽酒，乜都抵番晒，就試呢個啦。餐湯係忌廉粟米湯，略帶甜味，濃稠適中，唔會話太杰太creamy，夾埋麵包條食，第一印象唔錯。前菜係香煎厚切鵝肝多士，鵝肝外層煎得香脆，入面仍然保持嫰滑；鵝肝之下係用紅酒煮過既洋葱絲，略帶酸味，好醒胃；再夾埋底層既香脆多士，三者配合得天衣無縫。主菜我揀左烤美國香草半雞，師傅真係做得好好，面層係芝士香草，鹹香惹味，入面既雞肉肉質軟嫰，尤其雞胸都好軟熟，啖啖肉，令人印象難忘。Strongbow apple cider係任飲既，甜甜酸酸，非常易入口，飲完一杯又一杯，爽呀！…Read More

聽朋友介紹我黎呢間酒吧食晚餐，佢話抵到爆燈wor，開頭我都半信半疑，但見佢咁highly recommend，就同老公黎試下都無仿既 :)一去到門口見到係好傳統酒吧隔局，一開始我都好驚會臭煙味，但入到去又完全無wor 有大大部電視睇波，或者你夠自信可以上台唱歌架，呢間酒吧有k-net system, 好多歌都有得唱，唔岩唱歌掟標都都得 我張枱對住bartender調酒的，裝修幾有格調Dinner set ($168)$168 有湯，有鵝肝多士做頭盤，加個主菜，再加任飲紅酒/ Strongbow Apple Cider/ 無酒精飲品，抵到呢 是日餐湯係雜菜湯，料夠多，味道適中無過鹹香煎厚切鵝肝多士塊鵝肝真係夠晒厚切，但略嫌唔夠香，多士好脆，呢個價錢俾到呢種質素實在物超所值菠菜蟹肉天使麵好多蟹肉，個汁好creamy，但唔係好食到菠菜，天使麵軟硬度適中，好味道 黑安格斯肉眼牛扒（8oz)一上我同我老公嘩一聲，有無咁大塊呀 我地叫左medium，好多時d餐廳都會煮得過熟，一切開，佢又真係俾到medium我wor 肉質好淋，肉味唔算好重，燒汁亦做到畫龍點睛之效Pussy Fruit由於我咳到嘔，乜都唔飲得，嘥晒個任飲 老公就渣車只可以飲無酒精飲品，揀左呢杯由紅糖水、奶、菠蘿汁整成既特飲，我少少咁試左一啖仔，一d都唔甜，唔錯老實講，開頭見到呢個價錢仲要酒吧，我真係好擔心個質素，如果唔係朋友介紹我諗我都唔會試，但試過之後我真心覺得呢間野係十分值得推介！$168，其實係出面飲杯cocktail都$100啦，呢度仲要任飲紅酒/ cider/ non-alcohol，仲要食物質素一d都唔差，如果好飲酒又好睇波既朋友仔，黎呢度就真係抵到爛啦 …Read More