Video
6-min walk from Exit A2, Cheung Sha Wan MTR Station
continue reading
Introduction
The interior design of restaurant is comfortable and subdued. It offers the international cuisine, such as British and French. Pasta & Roasted Chicken in Creamy Pumpkin Sauce is one of the popular cuisines; half of the roasted chicken is served.
continue reading
Above information is for reference only. Please check details with the restaurant.
Recommended Dishes
Signature Dishes
今晚又黎SSP搵食，朋友介紹左呢間性價比奇高既餐廳，果然無介紹錯！呢度既Dinner Set 由$88去到$168都有，但$168竟然可以食到羊扒同西冷！我地點左兩個Set ，一份係威靈頓焗三文魚，一份係老闆強烈推介既羊扒。兩份set都無令到我失望，真係超有驚喜同好食！首先跟Set 有湯同前菜，兩樣都唔錯，前菜好特別係焗薯飯波波，口感食落又唔錯！然後到主菜威靈頓焗三文魚，份量適中，酥皮好脆，包住厚身三文魚扒，配埋秘製醬汁，好夾好好味！然後到羊扒，老細介紹時話唔會有羊穌味，食落果然真係無，份量有成四件扒，外脆內嫩又多汁，真係對得住$168呢個價位有突，好推薦試！最後想講下服務，一餐飯食得開唔開心服務都好大影響，餐廳所有員工都好有禮貌同介紹食物，感受到佢地用心經營，食得特別有愛同開心啊！
continue reading
公司附近開咗間新嘅餐廳，同事都講過幾次話想去試下，不過就次次都揀咗食其他菜式，所以遺忘咗佢。今日就終於輪到去試試，距離公司其實好近，行幾分鐘就到，以後都可以變飯堂之一啦。午市都有好多選擇，大約$48-$98一個餐，連湯及餐飲，真係抵食。我今朝食咗個大早餐，食lunch時間都未係好肚餓，叫得大份又食唔晒，做大嘥鬼，所以揀食沙律。鴨胸凱撒沙律味道正常，生菜好新鮮，無變黃出水，鴨胸無過鹹，合格有餘。加埋個餐湯及餐飲啱啱好，唔會過飽。見其他同事嘅餐都好好味咁，下次要食個扒餐，好大份呢~~
continue reading
嚟到深水埗，到食飯時間，唸住係西九龍中心求其食一餐就算，但係唔想咁悶，就搵啲新嘢嚟食。朋友就話想試呢間西餐廳。午市人均80蚊到，以食西餐嚟講價錢都唔錯嘅。我地一人叫咗一個餐可以share食。跟餐仲送餐湯及飲品。自家烤製玻璃乳豬配黃薑飯，唔知點解叫玻璃乳豬，係咪因為乳豬皮好似玻璃咁“令”呢？乳豬燒得幾好，唔會特別乾鞋，皮燒得好香脆，肉質嫩滑多汁，都唔錯。黑松露卡邦尼意粉：味道濃郁，好香黑松露味，配料有火腿同菇，仲加咗一啲類似青芽菜的蔬菜令到意粉帶有一點清新嘅味道。以咁嘅價錢嚟講，食物質素真係唔錯！
continue reading
大食妹今日又同朋友仔去深水埗覓食經過一間幾抵食嘅西餐 - k house, 就過咗去食<烤澳洲羊扒配薯菜>店員極力推介佢嘅澳洲羊扒, 可惜大食妹唔好羊肉, 就冇嗌啦~~反而喺朋友仔好奇, 嗌咗嚟食大食妹試咗兩啖, 羊肉騷味唔係好重, 肉質煙韌, 配上佢外圍裹住嘅麵包糠同 調味, 口感幾特別 如果覺得唔夠味道, 可以自行配上蜜糖芥末<英式什扒配薯菜>大食妹就嗌咗個英式雜扒配薯菜, 雜扒裏面有豬扒、雞扒、煙肉、腸仔等等, 最啱大食妹呢啲鍾意乜都鍾意食少少嘅女仔雖然唔係以鐵板上菜, 但佢嘅擺盤都相當唔錯<粟米蛋花湯>相比起主食, 大食妹認為佢嘅前菜同埋甜品都比較有特色 一嗌完嘢食之後, 侍應就會畀碗粟米蛋花湯你, 睇落去相當家常<單骨炸雞>然後蛋花湯配嘅竟然唔係餐包, 而係單骨炸雞, 呢點相當新奇<布朗尼配棉花糖>布朗尼嘅朱古力味唔係特別出眾, 但配上裹住椰絲嘅棉花糖, 睇落都幾靚
continue reading
跟同事逛完黃金商場又到晚飯時間，隨心走入一間西餐廳。L 選了一客寶雲酥烤澳洲羊架配薯菜，，外層脆脆，好吃好吃！外層麵包糠香脆均勻，肉味亦都濃。如果可以將焗的時間縮短小小內層肉質就更嫩。入口亦沒有羶的感覺， 可能因為加入了適量的香草蓋過羶味。雖然不沾任何醬汁都夠味，但伴碟的芥末醬是值得一讚的。通常是威靈頓是配牛肉，不吃牛肉的同事看到英式威靈頓酥皮是配焗三文魚即二話不說選這個。外層威靈頓酥皮鬆脆易切開亦不會碎散。包住的是菠菜蓉及厚肉到似午餐肉的三文魚。 喜歡較濃味的可以沾上伴碟的醬汁。餐廳勇於嘗試創作新菜色的風格於頭盤及餐湯展示，炸雀巢就是將炸腐豆卜表面加上蟹子，入口清新而且開胃。至於以香芋取代薯仔的忌廉湯口感沒有太厚的感覺。朱古力布朗尼底層為棉花糖椰絲餐廳以擲標為主題更有香港代表隊的簽名戰衣，足見店主對此運動的喜愛。
continue reading