Junior 18 (Closed)

西班牙橡棵黑毛豬 4oz $78 呢個可以揀飯/意粉/薯菜 而且送埋餐湯同野飲 呢個價錢黎講真係好抵🤣 而橡棵黑毛豬食落好濃豬味 肉質仲要好淋 食落都好juicy 雖然塊黑毛豬比較細 但少食多滋味 呢個真係好出色 推介🤤評分: 10/10🌟溫泉蛋煙三文魚扁意粉 $68本身係想叫蜆肉意粉 但呢個都同樣吸引就叫咗黎試 意粉賣相就冇乜特別 有三塊煙三文魚同一隻溫泉蛋on top 啲蛋汁撈埋意粉食更有層次 而且好掛汁 食落少creamy 整體黎講都算唔錯🥰評分: 8/10🌟———————————————————————Junior 18 (元朗)元朗俊賢坊18號權益大樓地下4號舖…查看更多

老實講 如果見到門面係吸引唔到行入去所以今次係同事介紹 我地專登去試唔試由自可一試成日都掛住佢舊黑毛豬扒🥺🥺大廚竟然可以令黑毛豬煮到牛扒咁嘅質感係會有少少紅可以叫煮師煮熟少少但我個人就喜歡8成熟到口感一流另外雞扒亦好正 好大塊好似個碟咁大塊但就唔係成日有貨順帶一提佢地嘅意粉都好好食！係蒜茸牛油炒 彈口之餘唔會太油膩真係好用心製作仲有嘅就係佢地嘅凍朱古力好濃好濃 對朱古力有興趣嘅你地應該會鐘意！最後，重點係！ 咁好食嘅野只係68一個餐！元朗嘅價錢食到中環嘅級數！點可能唔推介比大家！今次影咗少少相下次補多幾張先…查看更多

元朗一向出名多嘢食，喺呢區食飯好易有選擇困難症，但有一間舖頭我哋成日都會去食， 就係Junior 18 雖然佢嘅舖頭門面唔係太起眼，裝修都比較普通，其實佢嘅嘢食真係好味又抵食！我哋第一次食完就一試難忘黑毛豬係我其中一樣最鍾意叫嘅菜式，LUNCH 佢通常有穀飼（$68）同橡果（$78）兩種。今次LUNCH 叫咗橡果黑毛豬， 連埋薯菜，湯(或沙律)同飲品都只係78蚊， 仲要唔使加一!是日餐湯係南瓜湯，啲材料打到好幼細，再加埋少少黑椒， 真係又香又creamy。黑毛豬煎到外脆內軟，上面有黑椒同鹽吊味，勁好食！配菜薯仔外面脆卜卜裡面熱辣辣啖啖薯仔肉， 好食到停唔到口！最後餐飲叫咗凍檸茶，凍飲仲唔使加錢。咁樣成個餐都只係78蚊咋，自己買塊扒返嚟都幾廿蚊仲要唔識煎到咁好食啦。另外，鋪頭招呼亦都好好，店員有禮貌， 另外望到廚師們煮食個樣好認真，似係對出品好有要求。  可能佢門面唔係太起眼啦，位置都唔算係好熱鬧嘅街，通常都唔使等，希望多啲人知道呢間餐廳，可以欣賞呢度嘅 美食啦。…查看更多

價錢與質量相稱的食店。牛有牛味有牛肉汁，豬有豬味有豬肉汁，只靠海鹽和黑椒吊味，1!配菜新鮮，店主誠意耐心介紹，不介意我們在門外左問右問。可單點或套餐，沒有加一收費。…查看更多

原本同朋友去食開的西餐廳冇開，就求其搵咗一間走入去試。見到鋪頭細細位置唔多咁就入去試吓。一坐低服務員好熱情咁為我地介紹當日有乜嘢推介。聽服務員推介之後我哋就點左一個二人餐試佢哋嘅穀飼豬同埋蒜香意粉。餐湯仲要每日不同我哋嗰日飲嘅就係青豆湯味道非常特別又好飲，怕草青味嘅就可以加少少胡椒劈咗浸青味。上菜速度都好快，飲完餐湯隔一陣就會想沙律。意粉同豬扒差唔多係同時間一齊上。叫完餐飲跟住仲會上埋甜品好細心嘅安排。仲唔會趕你走。…查看更多