Joys Cafe (Closed)

是日同朋友係觀塘行工廈，行到咁上下跟住為左揾個地方好好坐低傾下偈，費事再出去其他地方揾野食，一上openrice就見到呢邊開左間新cafe，於是就揀去左果度開飯喇。一去到餐廳就見到好多冷凍櫃同埋好多蠔箱，店員同我介紹話餐廳係直接以批發價賣冷肉同蠔，餐廳仲可即場為食客烹調，真係令我超期待嘅感覺。好蠔套餐（B) (澳洲蠔，愛爾蘭蠔，法國大蠔，阿根廷野生刺身紅蝦，日本北海道刺身帶子)($188)愛爾蘭蠔愛爾蘭蠔係三種蠔中味道係最輕的，食落好creamy，果種淡淡嘅海水咸味，唔需要任何嘅調味都已經好令人滿足。法國大蠔法國大蠔入口令人感覺好滑身好夠鮮味，而份量真係十足架。澳洲蠔澳洲蠔 係三種蠔中味道係最重的，食落海水咸味都算幾重，唔需要任何嘅調味已經夠晒味。阿根廷野生刺身紅蝦阿根廷野生刺身紅蝦入口好鮮美，而且無咩沙，肉又夠晒份量，果陣鮮甜味令人難忘。日本北海道刺身帶子帶子比一般接觸到嘅大，入口感覺真係好鮮甜，而且加一點點豉油就鮮味更突出了。超值海鮮套餐（$78）(赤貝，日本北海道刺身帶子，阿根廷野生刺身紅蝦，澳洲蠔)呢個套餐真係好抵食，78蚊除左有頭先提過嘅日本北海道刺身帶子，阿根廷野生刺身紅蝦，澳洲蠔之外，仲要有埋赤貝。呢度嘅赤貝大大片，入口好有口感，鮮美十足。所以真係超級值得一食，餐廳仲要係全日供應，朋友淨係食左呢個都覺得好滿足自家製西蘭花湯西蘭花湯份量十足，入口鮮甜，因為餐廳係自家製，好細心咁自家打出黎嘅湯，令食客可以喝到濃郁又甜美嘅湯。頂級秘製雪花牛仔骨牛仔骨份量十足，肉質細嫩，牛肉味十足，咁足份量嘅牛仔骨都係比較小見，但係食落真係比其他餐廳整得更細嫩，擺盤仲要幾靚，非常值得一試。估唔到係觀塘工廈入面嘅cafe都幾唔錯，真係令人幾意外，可以以批發嘅價錢食新鮮生蠔同埋各種嘅凍肉，下次都要同其他人黎再試下先得。…Read More

一塊牛排要等57分鐘先上到塊排係暖既 薯條直頭係凍塊排仲要好鬼薄垃圾服務更加係差到冇朋友成場夾埋我 得三台客 咁樣做野真係好唔得真係好差！！！！！！！！！！！！！！！…Read More

由食物賣相味道，餐具佈置以至服務質素，都唔可以稱得上Cafe水準!廚房不勝負荷，樓面又唔配合。。正所謂冇咁大個頭咪戴咁大頂帽!喺觀塘呢個美食林立之地，相信呢間只屬茶記質素嘅cafe會好快滅絕。。…Read More

好地地行過呢間野見都幾多人。咁就入黎試下啦。点知整估自己一入黎睇完meal叫左3份西冷，1份魚柳，点知叫完得個等字。一等就1個鐘。都ok的，一落完單唔使10分鐘就有野飲飲，有湯飲但係之後就係想死的等待1個鐘之後西冷來了，点知硬到不個迠。超難食無可能會再去…Read More

今日經過見到$78海鮮拼盤，覺得好抵於是想去試下，但當時已經九點幾，其實間鋪差不多要關門，我地問下仲有無得食，老闆娘就好熱情咁招持我地。試左個海鮮拼盤，味道唔錯，所以再叫多2件帶子同赤貝，之後仲叫左份肉眼扒，七成熟，配埋薯條好好味！價錢適中，味道不錯，值得再試！…Read More

第一次黎食，海鮮拼盤$78好抵食，送埋野飲，d刺身同埋生蠔好新鮮，蜜糖雞翼好香好入味，牛扒都好好味，d菜式幾有心思！新開張，值得推薦！服務態度非常好，下次一定會再來！…Read More

路過呢間Joy's cafe見到有9蚊一隻生蠔就膽粗粗入去試下 叫左4款共8隻淡味蠔每人四隻(有平有貴)味道都合格有餘但係成間餐廳既運作同系統就認真麻麻閒日8點幾時分只有6台客 廳面唔大 行四步都行晒樓面1個 蠔吧1個兼任樓面 開蠔1個 廚師2個都可以完全唔跟次序出餐除左蠔仲點左兩個set dinner (包湯 主菜 野飲)一份西冷 一份牛仔骨 侍應完全唔記得問牛扒既成數 配菜有兩款 佢都完全唔記得左問要揀邊樣 跟住仲離譜蠔未上竟然先上湯 我即刻叫個侍應收返d湯等上完蠔先再上湯蠔上得有d倉猝 蠔上面有唔少蠔殻同海草係上面格黎有一台 直頭食哂晚餐都仲未上蠔雖然味道合格 但又有殻同海草 有一隻大蠔個肚又𠝹爛左 蠔本身唔使煮 淨係開殻都搞成咁 晚餐 主菜廚師手藝更加差得出奇湯就都唔多講啦 飲落去都知道係用粉開主菜西冷搭一份薯條和沙律做配菜沙律係雜菜水果 有提子 新鮮菠蘿 但完全唔比油醋落雜菜到 我以為自己係牛食緊草同乾哽無分別薯條係粗薯條無乜特別牛扒5成的確做到 裡面依然粉嫩但擺入口十分費勁先咬得開亦食唔出有比鹽同胡椒醃過 因為雪味蓋過一切 最好笑個廚師完全無封邊 一上塊扒成隻碟血水淋淋 一睇就知道佢好趕時間竟然收$158 完全浪費左d食材同畜牧業養牛既人既心血另一主菜牛仔骨收$138 一睇就睇得出似係佳寶凍櫃入面既肉 同埋佢係一塊切開三片 薄得可憐食落去無肉質 更加唔好話落過d咩調未料落去 因為我只係食到雪味 同樣隻碟好似西冷果邊既情況一樣 濕漉漉！Set dinner包餐飲 凍飲竟然加$5 工廈唔係以平租平價主打嫁咩我見佢店名叫Joy's cafe即管試下佢杯house coffee毫無懸念 經歷左一晚難堪嘅晚餐 咖啡都保持呢間餐廳一貫風格我以為飲緊水 差過茶餐廳 咁都居然夠膽擺「cafe」落餐廳名全間餐廳由招呼人客落單一塌糊塗 上菜冷熱盤不分次序食材質素低下廚師手勢亦欠俸 未能將食材挽救 竟然都落咁進取既定價 簡直混帳呢篇係我第一次既食評當初冇諗過要寫評論所以冇影齊相好既餐廳有麝自然香但差既餐廳一定要有人出黎警醒大家大家千其唔好以為喺得工廈就一定係隱世美食呢間餐廳浪費左個工廈單位浪費左畜牧業人士既心血浪費左種菜農夫心機我雖然同呢間餐廳無仇恨無怨 但我決唔能夠等呢班人 以為開間餐廳 求其煮啲野食出尼 就可以賺到錢 煮野食 廚師嘅熱誠 一絲我都睇唔出 呢種舖頭 完全冇資格叫做餐廳 大家如果見字 就切勿以身試伏受害者 一個都嫌多…Read More

一同4人去觀塘揾cafe 途經駱駝漆見有呢間joys cafe就上左去，惡夢開始。茶餐廳嘅裝修，dinner set係simply life嘅價錢，諗住食完有排坐，貴少少冇所謂啦。一問之下仲有2個lunch set可以揀，我地就order左:朋友a: 安格斯西冷牛扒配湯(dinner set B, $158)朋友b: 黑毛豬扒配湯 (dinner set E, $118)朋友c同我: 紅酒茄醬會牛肋條飯 (lunch set 4. $55)個侍應話兩個dinner set要等25mins，我地冇問題吹住水先。原句呢說話嘅潛台詞係lunch set唔止等25mins.....等緊上餐之際，隔離枱對情侶面有難色，之後個男嘅大叫左句: 「等左成個鐘頭都仲未食得 個湯咸到完全飲唔到你過嚟飲下！」之後野都未食就埋單走左。等左半個鐘後，朋友b個餐到，油浸黑毛豬排配薯條......仲要得啲膠刀膠叉45 mins 後，朋友a個餐到，得黑椒味完全切唔開嘅牛排，仲要送多條頭髮。同時間同我地講兩個lunch set無飯，X你咩，你出年先講呀不如。唉 最後我地轉左意粉。60mins後，朋友c同我個意粉到。佢夠膽死一個用碟裝，一個用紙兜裝。啲牛肋條扮明就係牛腩，仲要凍嘅，勁多油但無味嘅。我地一路食一路X喂大佬你係新開張嫁，做好少準備得唔得呀，餐具用即棄嘅，上菜用紙兜你都做得出，唔使旨意有回頭客。PS. 朋友a杯凍檸茶附送小昆蟲，雖然平時都見唔少，但就有錦上添花嘅效果😊呢間野破左我老處，為左佢第一次寫食評，希望唔好再有人中招。…Read More

Joys b $188餐加 加拿大海膽 $138 加酒 $30 加紫菜$4...咁就$360食到一肚氣……事緣2個人無聊行下就見到佢，見$188 6隻蠔又蝦又帶子仲酒就想試。去到見到3個人煮野食，洗碗同收銀比野食待應，我係度叫吾該冇人應，之後煮野食哥哥話等下，又冇再理我，我又叫，佢先話原來有個係度找蠔的女人係叫野食同收銀，咁之後我話要個 $188b餐……她首先又話有得選蠔又冇問(南非，澳洲，法國，紐西蘭選任選一款），我話我問咩白酒，一句話普通野加$50就有靚點（$298)，我話吾要又吾找錢，一張一張錢比我（好後悔比左500蚊佢）…一係話$40……我吾肯，又話$30…叫我吾好同人講就拿我50蚊走再找錢比我，係度講好抵家。。。我問都未問男人要吾要加錢就咁拿走叫我係度等。再者因為男人鐘意食海膽咁寫住$128加拿大海膽就叫一個啦，點知話堂食加$10……玩野咩，一間cafe明明坐係度食個雪櫃又話外賣先係果個價，咁你又吾寫清楚都算，問有冇芥末豉油紫菜又話有，之後野食到黎我米話紫菜呢？？要收$4……搞錯呀…又係你講玩野咩，算，冇謂計…最後黎一包得5片韓國包裝咸味紫菜，咁最後梗係吾放啦，幸好海膽味道吾錯又份量多。桌得幾桌人吾多（我黎果陣大約有2-3桌客，食午餐），都搞左好耐先有得食……帶子係大隻但冇味，蝦仲凍，海膽最正常，白酒都吾知係米比靚酒我……最激係蠔搞錯…黎到見住7隻（心諗吾通咁好送隻比我，因餐只有6隻）但佢口話8隻（好奇怪），之後點知話我地套餐得6隻就係我碟拿一隻比人，咁好心就吾好放係我隻碟度啦（間舖又吾係超大，行果幾步路，洗吾洗放係我度。。一係你自己拿多隻細碟啦）。蠔又薄身（圖都見薄都爆）又吾creamy....蠔大細所有差不多6隻一樣，口感一樣，待應起碼黎到講下邊隻蠔打邊隻都好呀…一句冇既（邊隻打邊隻都吾知）…最後自己都吾知食左咩…蠔十分普通酒黎到啦。。其實講真我吾知係米堅貴左羅杯白酒（以佢咁亂都吾知自己點做野），同其實我都吾知道平貴係邊個國家出，樽都冇個比人睇，餐牌又吾寫，貴左人地吾要又海鮮價由50減到30蚊都得。咁就食左$360……我激氣下次去第二間買外賣公園食都好過佢，最慘係隔離桌原來等左成個鐘先有蠔食（個情侶男勁嬲想退錢咁，一路聽住我地講間餐廳）……吾會有下次佢的唯一好係午餐好平，不過你預起碼等15分鐘先見到。…Read More