迎‧潮 (Closed)

大陸人好多 好多人抽煙 地下好污糟 廁所臭味樓面態度超差 食物太難食 起菜快 食到好似趕你是蛋黃鮑魚勁難食 ！！一張套餐都有伏 問清楚先！香港人最好唔好去食啦！！經理得一個 但做唔到野！香港人加油

我舊老闆退休 🥳🥳又再一次見證識人好過識字 😅再加上佢本身人緣好啦👍🏻朋友同同事紛紛同佢慶祝！結果喺呢度擺咗四圍賀一賀佢。好似擺咗一次小型嘅婚宴，由出面個reception位，蒞臨嘅賓客留名，仲有回禮小禮物添 🥰當然負責安排呢個party係應記一功，仲要呢個場嘅食物質素唔差呀嘛！最記得佢嘅炸蟹鉗同出邊一般嘅有幾唔同。出面果d死實實咁，呢度加左西芹粒粒增加口感。另外就係佢既燉湯，好清好舒服😌！比起出邊嗰d咩羹呀咩燕窩魚翅好好多。另外一個印象深刻係甜品紅豆沙芝麻湯圓 ，紅豆沙真係起晒沙㗎，再加埋兩粒芝麻湯圓，平時酒樓嗰啲食咗一啖就食到啦，呢度成碗食晒 ，而且所有菜式嘅份量都好足，根本就食唔晒！大家過咗一個好開心嘅晚上，好似一大班朋友聚會咁🥳🥳😭😭

三月頭，朋友攪左場百日宴，講我場去飲。朋友大宴親朋，擺左十七圍枱。好熱鬧既氣氛。加上酒樓方便仲安排左好多裝飾，好可愛。去得飲點會少得乳豬吖，宜呢個乳豬個皮翠卜卜，好香口。一食再食，同埋佢唔係好多油。炸蟹鉗都好香口。唔會成咀油。加上啲EE服務態度好好，會問你要唔要野飲，蛋糕等等

是晚和他的家人共度晚餐，閒話家常。先來一碟清蒸老虎斑（$78），魚肉夠滑，算鮮美，最緊要男人滿意。再來一碟海鮮，蒜蓉粉絲蒸聖子皇（$98），頗大條，清蒸才真正測試到鮮味。不過有蒜蓉粉絲，都好少何會失手。粉絲亦有吸到鮮味，可以接受。薏米杞子浸准山（$60），浸得幾淋，這道清淡一點，准山是比較健康食物，不錯。再來一道肉，士多啤梨沙拉骨（$60），這個價錢算是不錯，士多啤梨是伴菜，沙拉骨炒得不錯，配白飯最適合不過。還有甜品贈送:-D

好朋友家住旺角，趁住新春期間，相約敘舊一番，所以遷就朋友，就在旺角這繁華地相見 !旺旺旺。。。得很，果然是旺角! 加上是星期五的晚上，各個餐廳門口，四處都是人龍，朋友話去開呢間酒楼喝下午茶，甘就去試下晚飯啦!雖然坐在廳房內，但聲音仍極嘈吵，沒法子，無奈地拉近我們的距離，坐近1點細細私語吧!坦白說，食物質素只是一般，但在中式酒樓，加插泰式食物，這也算是一個賣點，清邁生菜包也味道中規中矩的，算合格呢!這個份量是頗多的，足夠我們倆位女仕，但茨汁太濃，而藥材未夠火喉，只是平平之作。

星期六同屋企人食飯，外婆喜歡食中菜，經朋友介紹選左呢間，首先講下服務先，真係超級好，反應好快，一洗以前中菜酒樓服務差既印象，呢個真係要讚一下。馬上就講下嘢食，燒鵝熱辣辣冇得頂，d皮燒得超正！仲有炒蟹都非常有鍋氣。仲有魚 雞 等其他菜就冇影了，總體黎講食物屬中上水平，環境唔太吵，下個月生日飯會再黎。

平時食開嘅早餐都係去茶餐室食碗粉麵再加杯咖啡為主，因為食得較為方便一落單𨍭頭就食得唔駛等，所以比較小去飲茶食下點心，除非假期先至可以去飲茶慢慢品嚐美味點心，啱啱上星期又去咗旺角睇早埸戲趁又未夠鐘，最啱去酒樓飲吓早茶，近近地就去咗呢間點幾款點心再飲番啖茶先至完美，先有我至愛鳯爪，入囗爽滑味香濃再來有山竹牛肉，食到牛肉嘅嫩滑又啖啖肉，唔少得食番碟叉燒腸粉，食到腸粉軟滑叉燒粒香甜最後食埋粒燒賣用料十足，真係一啖都食唔晒佢又咁快食完豐富早餐。

同舊同事聚舊，呢餐食物OK，最好味係蝦餃及蘿蔔糕，環境舒服，緊要係所有職員十分好，態度好又熱心幫忙，由入口接待員至開茶嘅姨姨，送点心嘅大妈，尤其幫我地埋单那位姐姐，有禮笑容滿臉食了不少点心，每人一百，抵

新年快樂呀！難得家人健健康康，齊齊整整，呢個亦係難得嘅組合，有時健康唔係必然，能同枱互相笑下，可以享受快樂時光，無嘢比呢個更重要。我地有7個人，叫到成枱菜。一字叉燒（$68），有個火叫做座熱，叉燒本身半肥瘦，燶咗小小。係好味嘅，不過咸咗小小。蛋包蝦球（$108），蛋係炒得幾滑，估佢唔到嘅係蝦球係大蝦，爽口。花雕酒雞翼（$42），都有好幾隻（快手食咗），難得入面唔多血，平時食醉雞翼入面好易好紅，夠酒味，浸得幾好，肉夠滑，不錯。腰果雙葱牛柳粒（$118），終於有番個似樣啲嘅牛柳粒，唔靭口。不過有啲格格不入，可以炒耐啲會好，菜就清啲。花膠海味什菜煲（$90），煮得夠淋，有魷魚，花膠都大大舊，夠入味，不過粉絲少咗。有家人喜歡蒸魚，無魚不歡，明爐珍珠躉（$168），本身佢有個爐坐熱，不過初初唔work，店員話係咁。後尾有個senior過黎見到無反應，即刻走去換番個爐。條魚還好，肉真係少啲，連食得咸嘅家人都話個汁好咸，確實係咸咗啲。梅菜蒸芥蘭（$70），正常，不錯。今日酒樓真係少人，得10枱人，部長送甜品俾我地，好味！！咁樣都係每人百幾元，完全係抵食，但食物質素可以再好啲。

呢餐唔講得笑，個舊同事榮休呀，咁多年老死緊係要黎捧下場啦，當年真係共赴患難絕望裡緊握你手架開席前影嘅，都SET得幾挸喎呢個舊同事人面都算勁啦，包左個房，開餐時仲座無虛席添呀，一個字勁菜式都唔少貴野架，嘩又有碧綠蚌片桂花蚌，又有釀蟹鉗桂花蚌同埋蟹，都食得出係好檔野，口感一流，味道鮮美當然我最愛都係清蒸珍珠躉，魚肉夠嫩滑，仲有當紅脆皮雞外脆內軟又係正飄香荷葉飯都真係幾香，飯又口感軟腍今餐係好味，祝福個同事退休後都生活美滿

呢日係親戚嘅60 歲大壽，咁大件事，梗係要成個family一齊慶祝下啦，主人家都揾埋D親戚朋友一齊食，場面都幾震撼開之席前有麻雀局，岩晒長輩們一齊聚下過下手癮～我都好想打不過邊夠D長輩黎呀入席後有得任飲汽水同埋啤酒。酒樓環境唔錯。當晚我地係包廳，夾埋有6席。呢餐個菜單都好豐富，樣樣都係貴野完全係豪氣嘅表現：富貴大紅袍碧綠蚌片桂花蚌百花釀蟹鉗玉環瑤柱脯竹笙海皇翅鮑魚菇扣玉掌清蒸珍珠躉當紅脆皮雞飄香荷葉飯壽桃冰花燉雪燕因為咁多長輩係度，我就唔方便係咁攞部手機出黎係咁影相啦，廢事咁失禮。當中我最鐘意食嘅就係當紅脆皮雞。其實咁多種肉之中我最鐘意嘅就係雞。而呢隻脆皮雞外脆內軟，又好入味，果然貴野都真係有好野鮑魚菇扣玉掌，鮑魚菇口感彈牙可口又鮮味，搞到食完仲好想再食，可惜數量唔多，唯有停手飄香荷葉飯，個人幾鐘意食荷葉飯，但因為佢永遠都係後期先會上枱，前面D餸太豐富，大家已經會食飽晒，所以通常剩返好多，今次都唔例外。今次個荷葉飯都高質，味道幾香，清清地唔會太油。外賣走都唔錯～今餐菜式味道好，包廳都安排得舒適，雖然價錢都幾貴不過係特別日子，都值得嘅。

今日咁啱嚟開雅蘭，想食吓點心就試吓呢間啦！燒賣味道唔錯，最重要係唔會有太多肥豬肉係𥚃面對呢碟餃子有D失望，除咗涼瓜同芝蔴奶皇，根本食唔出有乜分別D蠔都幾大隻，唔係蠔仔啦！第一次食蠔仔粥俾埋candle 保溫，值得一讚煎得唔錯皮薄，加咗舊西蘭花點綴下都幾好

今晚同一班媽媽同bb去食，一開始食酸辣青瓜同鳳爪，好正，之後叫左蝦，蟹，龍蝦伊面，燒雞，炸蠔，乳豬炒飯，第一次食乳豬有炒飯底，好新奇，比佢賣相吸引住，真係真心好味，乳豬好脆好新鮮，炒飯好香，值得推介！

叫一個小菜要等成一個鐘，問人點食啊！無服務，想落單等成十分鐘，咁到無所謂，我叫咩無咩！仲辛苦過係大排檔食。個菜到咗，仲叫我食埋去啦，我已經等左四十五分鐘已經講取消啦，啲侍應聽唔到嫁，最重要係個場唔係爆既，下次到唔會再泥

星期六日的放假日子，總喜歡和媽媽到旺角閒逛，只愛吃中菜的媽媽經常建議到雅蘭中心的稻香吃點心，價錢的確十分實惠。早前看到稻香的宣傳廣告，每個分店都有指定的$25菜式來慶祝25週年，剛巧我們在旺角找尋吃晚飯的地方，於是立即想到可以去稻香吃特價小菜。雅蘭中心的稻香有兩層，3樓是稻香，4樓是迎潮。因為3樓爆滿的關係，於是便上到4樓，原來環境更加舒適。迎潮的裝潢雅緻，感覺舒服。因為時間尚早，我們可以挑選旁邊較靜的位置就座。因為不是十分餓的關係，我們只點了兩款小菜：<潮式梅膏骨 $25>身為潮州人的我，曾經在汕頭一嚐梅膏骨後便沒機會再嘗試。想不到今次遇上稻香特價優惠，真的讓我們喜出望外。梅膏骨色澤紅潤亮澤，醬汁濃郁，味道酸酸甜甜，令人十分開胃，是下飯的好菜式！排骨肉質嫩滑入味，物超所值。