15
9
1
Above information is for reference only. Please check details with the restaurant.
嘉嘉好宴會廳 Joy and Harmory Banquet📍 元朗西菁街10號好順泰大廈1樓2號舖是日屋企無食水供應,於是全家總動員落咗元朗搵食,因為周圍都好多人,好多餐廳都排晒長龍,我個鍾意食中菜嘅老豆就話去酒樓食啦,又坐得舒服啲,於是就嚟咗嘉嘉好食啦。 💰$68七味蒜香九肚魚 🐟已經勁耐無食過九肚魚喇,嚟過元朗都知大排檔必食椒鹽九肚魚!呢間酒樓唔用椒鹽,選擇用七味粉撈炸蒜做調味,九肚魚嘅脆醬好香脆,每嚿都有返咁上下份量。佢嘅魚處理得唔錯,裏面嘅軟骨都可以食埋,魚肉好滑,點埋喼汁就一流啦! 💰$98雪餅千島蝦球 🍤呢個菜式好搞鬼,以為係咩雪餅啦,點知上到嚟真係旺旺雪餅,我同屋企人都嘩咗一聲。唔好睇佢個樣咁搞笑啊,其實味道好好㗎,尤其係佢個千島蝦球,蝦肉好爽,千島醬鹹鹹甜甜咁,好開胃。佢每一嚿蝦頭上面都放咗一粒提子乾,成個combo睇落好怪、好似伏,但係真係唔錯㗎,如果價錢平返少少應該會有多啲人食。
continue reading
週末元朗區間間酒樓都好多人,見依間相對唔係等好耐,一於試下。坐低之後好快落左單,同男朋友傾下計玩下電話 點知成廿幾分鐘乜野食都未有😩 以為成張單漏左 追下先慢慢上枱叉燒酥 賣相不錯幾大件 但一咬落去凍既,明明都係煮好曬夾比我姐?點解要等咁耐😩 諗唔明味道方面其實OK 但凍左 無左香口感覺煎牛肉餅 依個終於係熱既 似係煎既牛肉球🤣 不錯 幾好食 👍🏻特價既乳鴿 尺寸超迷你 不過食落又幾有鴿香,每人半隻都夠過下口癮~福建炒飯 味道不錯 咸淡適中 飽肚之選雜菜煲好有誠意,菜既種類好多 有埋金菇,蝦乾同埋魷魚等等都不少 仲有粉絲索湯,清淡得黎都有鮮味👍🏻埋單每人120,小小貴啦
continue reading
6月9日午市時分,小弟到該店午膳,目測全場入坐率不到30%,共有十多名員工只在行行企企輕鬆吹水,有的還拉低口罩,舉手約25分鐘仍未有人前來協助。小弟乜都冇食就決定離開,失望到極
continue reading
其實好少幫襯嘉嘉好外賣,我哋大多數都係幫襯佢隔離嘅牡丹金閣,點知嗰日好夜唔想叫家姐煮飯,於是乎就買外賣返屋企。 本來係想食雙餸飯,點知去到我哋又改變主意。家姐想食燒味飯,而我就俾佢啱啱拎上枱嘅焗豬扒飯吸引。 焗豬扒飯跟一個汽水$35,雖然話就話係啱啱焗起,而我返屋企嘅路程只係5分鐘,點知拎到返去啲飯已經係暖嘅,不過啲豬扒好入味,我覺得OK。 反而我家姐嘅燒腩仔飯完全唔掂,啲燒腩仔硬崩崩不特止,仲要仲要冇俾豉油或者醬汁,乾爭爭(攪到我家姐自己加豉油),啲飯完全係凍嘅,好後悔! 不過價錢嚟講咁真係平到飛起,燒腩仔飯$26,我個焗豬扒飯加嘢飲$35。其實我之前食過佢哋嘅外賣蒸飯係OK㗎,下次外賣,應該幫襯佢哋嘅蒸飯就好了。
continue reading
今早同家人去飲茶,叫左6個點心!其中一樣係鹹水角,食到第二啖時,我咬到粒硬物!連我屋企人都聽到好大聲。我一睇疑似係石頭。然後有位著白色恤衫既服務員黎到。同佢講有石頭,佢就話幫我取消!我再問佢你可唔可以叫經理或者負責人黎?佢話呢到無負責人,經理比人炒左!問我咁你想點?當場燥左,真係好不負責任,態度極差!然後叫左個知客黎,知客了解左話會搵負責人黎。等左廿分鐘都係無人黎。我只好影相向食環投訴!
continue reading