快樂蜂 (軒尼詩道)

Open Now

Now Closed

呢間餐廳俾我嘅感覺喺姐姐聚會嘅地方，次次經過都好多姐姐所以冇入過去，但朋友話佢個炸雞幾好味，所以今次行過就入嚟試吓。叫咗個餐有兩件雞同薯條汽水。炸雞真係唔錯，個雞皮炸到好脆好香口，平平哋嘅熱氣之選👍

跟著香氣走進店堂，今次來到Jollibee，心情已經好興奮！今次點了經典的雞扒飯，同埋人氣炸雞，一嚟就覺得今日有滿滿的幸福感。炸雞炸得金黃酥脆，外層的皮脆得嚟唔棘手，咬落去感覺好滿足。雞肉本身juicy得滴水，真係啖啖肉，啖啖滑。🍗另一邊廂，雞扒飯的雞扒做得好有味道，醬汁香濃得黎唔膩口，飯粒都吸滿左醬汁，一嘴一嘴嘅幸福。加上嘅蘋果茶，甜甜地，酸酸地，清新提神，好啱來配重口味嘅食物。🍚🍹依家才發現，原來快餐都可以咁有質感，飽腹感優越。唔使排隊等，又可以食到咁滋味，真係食在平民，質在心中！下次一定要約埋三五知己，再嚟開心饗宴！💖

一直都想試下呢間Jollibee 快樂蜂，究竟菲律賓炸雞有幾好食呢，連美式快餐都可以甘拜下風！？我就叫咗個combo , “Yumburger - Champ” 祖樂堡，咁個餐有薯條、有杯汽水嘅。其實啲薯條就幾好食香脆唔油，外脆口、裡面就好軟淋淋，薯蓉好多、食落唔會粉。但係個祖樂堡就好麻麻個漢堡包由個麵包乾，生菜牛肉都乾，不幸因為無影到相，表達唔到咁到正題，佢哋個招牌炸雞。係好好味！又夠juicy. 記得要問佢拎肉汁去點啲炸雞。增強個香濃口味咁埋單就 $84 ，其實價錢係差唔多，但個burger 漢堡包真係唔好食。 記住 Jollibee 做炸雞幾好，但漢堡就麻麻

店名: 快樂蜂 Jollibee地址: 灣仔軒尼詩道310至312號地下環境: 4/5價錢:4/5味道: 4.5/5各區都有分店~今次就去左灣仔分店試下午茶餐😝TC1 一件樂脆雞及鮮忌廉通粉湯配汽水(細) +$4轉菠蘿汁佢件炸雞可以揀辣同唔辣，今次就揀左辣嘅食落仲係有少少熱，但除左個皮紅啲之外，就唔多覺有辣味了😅入面啲肉仲係熱同幾嫩口，值得一讚☺️😚個忌廉通粉湯入面通粉得幾粒，個湯又好稀，好似飲緊水咁，唔太推介🥹🥲佢跟餐會配一杯汽水，但汽水咁普通，平時M記KFC都有，於是加左4蚊轉菠蘿汁🤪大家亦都可以揀橙汁😗菠蘿汁飲落唔會話太甜，陣味亦都唔會話好假🥰但接近大半杯都係冰，下次都係叫少冰好啲🙁叫完少冰應該好味好多❤️

一諗起食炸雞，一定係食Jolibee！！仲記得以前Jolibee有好多工人姐姐喺入面！不過而家已經好多香港人都知道Jolibee好正！今日都入咗去食！！呢度嘅炸雞好簡單，就係肉汁好多啲雞肉好滑！有原味同埋辣味，冇其他花巧嘢，不過就已經好吸引好正啦！！真係一試就知道呢度嘅炸雞比出面嘅出色👍🏻👍🏻係鍾意食炸雞之選啦！！

每份雞都新鮮熱辣，味道唔會太濃恰到好處，食落仲嫩口多汁，啲皮絕對無得輸，啖啖肉之餘，仲係卜卜脆，不過代價就會油膩啲喇！如果想要濃味啲，可以配埋佢哋嘅Gravy醬汁，一樣無得彈！

yesterday night I bought and take away my dinner, the staff manner is so bad............ just ask you have glove or not, then answer me " No, that is all" Seriously ? rude and impolite. The rice also taste bad, no sauce, hard and lack of mushroom. omg..... really , never go back anymore

開咗咁耐，而加先第1次食。喺餐廳食burger，仲要灣仔，不輪檔仔還是正式餐廳，有埋薯條飲品，百幾蚊走唔甩。Jollibee呢個價錢滿足我食burger+薯條+炸雞嘅癮食到我好開心，質素當然不能同百幾蚊果啲比，但我覺得唔差喎。個包我試雙層牛肉，好軟熟，鬆鬆軟軟，單叫$25，配埋餐先30幾蚊，呢個價錢呢個質素我唔上嚟讚吓佢過意唔去；好過死人麥當勞啲死人包好似比人踩咗腳咁扁晒。jollibee 嘅包的的骰骰，仲好，我可以試埋炸雞。炸雞我無點個醬，我覺得唔夾，而且唔點醬都好食，都juicy，軟滑。薯條係幼切，夠脆，不太多鹽，可惜唔係原切薯條。都係果句，呢個價錢，ok！burger set 轉black coffee $36單點1件炸雞 $17

Jollibee 一直俾人嘅感覺都係姐姐的集中地，好少人會去食，但係鍾意食肉醬意粉同炸雞嘅我就俾佢一個組合嘅套餐吸引咗，走咗去試，結果一試就愛上了。本來去連鎖快餐店都唔會有太大嘅期望，佢正常質素都覺得唔錯，但佢嘅炸雞又真係幾出色，個皮會脆，炸雞好有肉汁， 真係Juicy既，雖然佢個肉醬意粉係一般貨色，應該係話少少蕃茄醬再加幾粒腸仔，腸仔咬落去嗰個感覺就差d，但蕃茄醬都ok。整體來講咁嘅價錢都叫做中上，如果月尾想食炸雞同肉醬意粉嘅話，都真係會再返嚟，有時同朋友喺度坐耐啲都冇人講你走，因為都幾多位（當然我係指平日夜晚啦）。今次加咗個炸雞條，個雞條都有啲鞋，麻麻哋，都係食返我既至愛就可以。🍴 Jollibee🚗 地址：灣仔軒尼詩道310至312號地下—————————— （滿分為5分）抵食指數：🌟🌟🌟Encore指數：🌟🌟🌟

炸雞界嘅精英，贏其他連鎖店一條街。我真係好鐘意食炸雞，同埋個人生得黑，成日比人覺得係東南亞人LMAO。 所以jolibee就係我既家鄉菜啦。我覺得jolibee係所有炸雞快餐入面最好食，每次都係熱啦啦，超級多肉汁，炸皮同其他快餐店既口感唔一樣，仲配咗一個特別既gravy。餐可以揀薯條，白飯，意粉，食過佢地既意粉都唔差。星期日就會有好多姐姐黎幫襯，搵位都唔係咁容易，但因為真係好好食，所有間唔中就會走去叫翻個雞食下。

辣雞兩件配蘑菇飯套餐   47元   3/5分1. 蘑菇飯是垃圾!垃圾!垃圾!蘑菇汁已經一早N年前倒入飯中乾到想死,飯就難食到嘔,0分~!2. 辣雞只可以都辣或都不辣,有點不近人情。味道可以夠熱,相比KFC我覺得不分勝負。3. 無糖百事可樂有溝水,都係咁啦~......4. 價錢正常啦~5. 環境就比其他快餐店差一點點,覺得燈光不夠已經好耐無食M記或KFC,今晚突如其來想食炸雞,所以就試下香港的JOLIBEEE,整體黎講都可以一試,不算太差太好。

Jollibee係我心目中其中一間喜愛既炸雞快餐店，但由於疫情關係都已經有一段長時間無幫襯，因為我個人覺得炸雞要堂食即叫即食先係最好食，外賣始終會因為倒汗水等因素令到炸雞變得無咁香脆可口。Jollibee雖然比另外兩間龍頭快餐店貴，但食物質素相比起之下出色得多。正所謂一分錢一分貨，為左對自己好d，有時候真係要花多少少錢😝 N1a - 意粉配兩件炸雞，汽水 $54 今日客人都算多，但只係等左５分鐘就已經可以取餐，效率好快。影完張靚相就正式開餐。意粉好好味，大量芝士配上茄汁腸仔味道好夾，不過意粉就有d淋同埋份量少，要扣少少分。到主角炸雞，一如以往咁熱辣辣，食落去外皮香脆得黎雞肉又嫩滑，配上蘑菇汁一齊食就更加惹味，不過今次炸雞size有d細，食落唔係好夠喉，下次要叫2個餐食先得😂

打8號颱風的下午來到這家店沒有什麼人，這是我第一次來快樂蜂吃快餐。這家店是菲律賓有名的快餐店，地位等於美國的麥當勞。在菲律賓快樂蜂的生意絕對比麥當勞好。這餐廳有兩層，員工都是菲律賓人居多。週末的時候幾乎全部菲傭都會在這裏吃飯。但今天下層基本上沒有一個人。點了意粉套餐加兩塊辣雞+可樂共54元。說實話，炸雞的味道不如肯德基或麥當勞。炸雞太乾身而且不juicy，不過有蘑菇醬沾上沒有那麼上火。意粉味道一般，在菲律賓這套餐應該最多只約20元。在香港差不多要貴三倍價錢實在不化算。而且味道真一般。

久違了同屋企人食飯，雖然限聚但都要食飯架！唔比堂食放工嗱嗱臨去買外賣🥡返屋企加餸！屋企人食乜都冇乜所謂，雖然想買韓式炸雞，不過公司附近就有間快樂蜂，又平又好味！所以都係決定買快樂蜂，最緊要快靚正！話說返屋企搭𨋢時，撞倒鄰居，問我快樂蜂邊度買！佢話好香喎！🤣🤣 外賣仔都覺得好香！🍗今次買左個歡樂筒 $90 /6 件，辣同唔辣各一筒🍗 共$180炸雞當然係呢度嘅首選，酥炸嘅外表同嫩滑嘅雞肉，大人同細路都覺得好正，啖啖肉！雖然炸嘢有油走唔甩，不過油度可以接受！第一次食辣味唔錯，香辣唔算辛辣！提一提佢個汁，真係好味撈飯一流！

夏日炎炎，行到攰都想坐一陣休息下，快樂蜂就係面前入去休息下，食下野補充下能量先得。真係完美配搭，每次來到都會食佢地甜甜酸酸既意粉，重點係...抵食呀！來到Summer，快樂蜂都新加入了快樂一夏飲品：咸檸七、熱情雜果梳打、士多啤梨雜果梳打，睇到都即是想飲，解解暑。灣仔分店更設有地庫，唔怕去到無位坐啦。N1a - 意粉配2件樂脆雞Jollibee既炸雞保持一貫水準色澤金黃，肉質嫩滑；肉醬意粉香甜美味，更有一種幼時童真的美妙感覺。咸檸七特飲炎炎夏日當然要飲咸檸七，以咸檸檬加上七喜，味道甜中有咸，當中更有幾分清爽，咸甜交雜，刺激味蕾的感覺，真的非常適合夏天飲用。後來發現快樂蜂原來還有另一推介 - 朱古力脆脆新地，又點可以錯過。朱古力脆脆新地中，以雪糕加上KitKat朱古力碎碎及朱古力醬，再插上一整條朱古力威化，賣相十足。新地上加入了粒粒朱古力碎，吃起來香滑甜美，鬆脆有咬口，口感更豐富，真是炎炎夏日的消暑之選。