Jokbal Night Market & Muchung Gamjatang

中環最近新開咗間韓式餐廳，聽講名氣好大，booking 都幾 full，今日終於約到朋友去試吓虛實！餐廳位處繁華地段，入到去氣氛超級熱鬧，係嗰種好適合大擦一餐嘅正宗韓式 Vibe1️⃣ Half-Half Set (2ppl) $520(Jokbal Half Size + Gamjatang Half Size)呢個 Set 啱晒有選擇困難症嘅人，一次過滿足兩個願望！😍原味豬手（半份）： 呢個絕對係招牌！一上枱見到嗰種閃令令嘅光澤就知對路。份量好足，外皮充滿膠原蛋白，口感煙韌得嚟又有膠質感，肉質嫩滑入味。最正係用餐廳提供嘅紫蘇葉或者生菜包住食🥬，加埋不同醬料，即刻 Fresh 晒，完全唔覺膩。薯仔脊骨湯（半份）： 係一路用爐火煲住上嘅，滾住食特別暖胃🍲。入面啲薯仔煮到溶晒，令到個湯底更加濃郁，飲落好有飽足感。脊骨大大舊，而且係啖啖肉嗰隻，索晒湯汁精華，冬天飲呢個真係一流。2️⃣ Seafood and Kimchi Pancake $138(泡菜海鮮薄餅) 嘩！一上枱嚇親，超級巨型🍕！份量多到兩個人食都有啲勉強。個餅煎得好乾身，外表超脆口，咬落去卡滋卡滋聲。泡菜嘅味較得幾好，唔會太辣搶晒鏡，蘸少少特製醬油，更加帶出海鮮嘅鹹鮮香味，送酒一流。3️⃣ Fondue Sauce $80(芝士火鍋醬) 強烈建議大家一定要加呢個！🧀 真係全晚嘅「畫龍點睛」之作。下面有爐火一直烘住，保持住芝士熱溶拉絲嘅狀態。芝士乳香味十足，令到每樣食材都昇華咗，特別係攞嚟蘸豬手食，鹹香加奶香，嗰種邪惡感真係難以形容咁正！🤤4️⃣ Zero Coke @$20 食咗咁多重口味又邪惡嘅美食，最後叫返兩罐 Zero Coke 🥤，冰凍透心涼，順便減低少少罪惡感，為呢餐劃上完美句號。呢間餐廳地理位置方便，食物份量足料又高質，難怪新開張就咁好生意。如果你鍾意熱鬧嘅韓式氣氛，呢度真係值得一試！👍…查看更多

Jokbal 終於開到中環！聽講係韓國有幾百間分店，係國民豬手品牌之一！呢晚同朋友過黎試，有幾枱食客都係韓國人，連staff都係，認真地道呀！原味豬手 （半份）+ 薯仔脊骨湯（唔辣）$520第一次黎都係試classic set, 豬手以醬油滷汁烹煮，深色外皮軟糯有滿滿膠質，一啖夾雜軟嫩嘅瘦肉同入口即溶嘅肥肉🤤一定要配埋生菜/芝麻葉一齊食，芝麻葉帶薄荷香氣同微微嘅澀，化解豬手嘅油膩；至於薯仔脊骨湯，脊骨幾大舊都幾多肉，炆到幾稔，薯仔同菇索晒味，冬天飲好暖胃；雖然話呢個set 二人份但我覺得3-4人黎食，叫呢個加一兩個麵/煎餅都夠晒飽紫蘇油拌麵 $180呢個係豬手之後最出色嘅必食！麵質勁幼細滑嫩，紫蘇油比麻油更清爽，撈埋啲芝麻紫菜碎更香，豬肉片甚至比豬手更嫩，肥瘦均勻，同朋友係要爭食嘅程度😋😋😋海鮮韭菜煎餅 $138韭菜香濃，煎餅邊緣煎到焦脆，內裏軟糯，搭配魷魚等海鮮，不過就油咗啲韓式飯糰 $40將米飯拌入麻油、芝麻、海苔，再捏成球狀，啖啖軟熟油潤…查看更多

中環一向美食多羅羅，今次黎左呢間韓國🇰🇷人主理嘅餐廳，而光顧的客人都是韓國人為主～先黎一份前菜：韭菜、泡菜、粟米沙律而且仲可以refill的～味道好地道的韓式style!SS1 Half-Half Set (2ppl)Jokbal Half Size + Gamjatang Half Size豬手、薯仔脊骨湯店員建議可以用紫蘇葉、生菜🥬包裹著豬手一起吃甚至蘸上一些蒜蓉汁，吃下去更有提鮮作用而就咁食豬🐽手亦都可以，吸收豬手的骨膠原精髓～脊骨好大舊，入面仲藏有少量骨髓及豬肉湯🍲點了微辣，吃下去刺激味蕾，尤其開胃薯仔🥔一開始會比較硬身，所以記住要煲淋啲～而最吸引人之處是職員會不斷refill湯底所以適合中意飲辣湯嘅朋友～Seafood and Chive Pancake海鮮韭菜煎餅除左size非常大份之外，仲煎得非常香脆，放上韭菜、魷魚、蝦粒一起煎口感非常豐富！Sweet rice punch甜米露喝下去有粒粒的米🍚香味，而且甜度剛剛好！絕對係食韓國菜必點飲品之一！…查看更多

英國朋友回港探親，時間緊逼又好掛住韓國野食，難得抽到時間食個飯見個面，就搵到呢間主打韓式豬手嘅餐廳。位置好方便再直落下一場~餐廳嘅環境好有韓式風格，整潔明亮，位置空間感十足。一坐底就聽到"golden"，我個韓風friend立刻忘我地跟唱。本身上網search呢間出名食豬手，朋友好眼利發現餐廳每一張枱都內置左電磁爐，就決定黎個“半半”--原味豬手配薯仔脊骨湯。韓國餐廳傳統文化，落完單之後先上前菜，泡菜同韭菜好好味。豬手首先到，望到豐美油亮嘅切片豬手，打哂鼓嘅我地二話不說馬上開動。Q彈嘅皮加上軟嫰嘅肉，配合濃厚嘅油香同埋淡淡的芝麻香味，韓風fd大讚正宗好味。我就覺得配合埋佢嘅醬油包生菜，在濃郁香味之上加一點清爽，更加岩我胃口。薯仔脊骨湯好靚仔，就算係半份都堆到滿滿。排骨非常嫰滑，充滿湯汁精華。為左滿足韓風friend嘅韓胃，sidedish絕不能少。呢個海鮮泡菜煎餅非常有驚喜，外圍煎到極致香脆，海鮮量足，食得非常過癮，點少少醬汁一齊食，香味同層次進一步提升。紫蘇油拌麵嘅紫蘇香氣十足，加埋炸蒜脆卜卜，口感豐富，豬肉切片比豬手更加軟嫰。建議要充分混合一齊食，入口各種香氣平衡地衝擊味蕾。韓式飯團望落好似平平無奇，食左第一啖之後先發現到驚喜，紫菜、芝麻、蟹籽、麻油，看似普通嘅材料，配合起黎非常好食，非常有韓國風味。當晚有幾枱客人都係講韓文，呢個就係地道嘅保證。…查看更多

韓國過江龍 超受歡迎嘅傳統韓國菜嚟咗香港 星期一晚食飯全場爆滿 基本上九成嘅客人都係韓國人 就知道口味有幾正宗啦🥹好味到食到停唔到🥢前菜食韓國嘢最基本就係有大量免費前菜 呢度唔單止有傳統嘅韓國泡菜 仲有佢哋自家製嘅韓國小菜 有一款非常特別嘅粟米沙律好正 🥢SS1 half half set $520呢到有好多唔同嘅Combo set 啱晒小鳥胃但係想試多啲嘢嘅人呢個set包咗半隻豬手 同埋招牌辣薯仔牛脊骨湯豬手超入味 肉質彈牙 豬皮非常軟囉 加埋傳統食法嘅紫蘇葉 超正呀薯仔牛脊骨湯勁大煲 我諗起碼都要三個人share 入邊有幾大舊牛脊骨 啲肉煲到好腍 輕輕一擦就甩出嚟 超有牛味 個湯辣辣地好惹味 入邊仲有好多唔同嘅配菜 推薦一大班朋友嚟試呀👍🏻👍🏻🥢醬油蟹兩隻 $380醬油蟹，超新鮮 隻隻都爆曬膏 肉質晶瑩剔透 睇得見嘅新鮮 而且醬油調味啱啱好唔會太鹹唔會太淡 撈埋飯一齊食唔經唔覺就食幾碗🥢韓國飯團(4舊) $40呢個韓國飯團其實就係撈咗紫菜同埋韓國醬油嘅飯團 用嚟配醬油蟹食真係一流 醬油嘅香味配搭紫菜飯一齊 忍唔住食吓食吓就好快食晒見到呢度日日座無虛席 如果想試嘅記得要book位 要排隊就冇晒興致啦🤣📍Jokbal Night Market & Muchung Gamjatang (中環)🔍中環蘇豪卑利街38號中發大廈地下C號舖…查看更多