Joō de Rolls (Closed)

響尖沙咀食完飯睇完戲，意猶未盡，口痕痕想食甜品，本來貪就近打算去連鎖店雪糕，途中經過發現原來新開一間甜品店，以卡通片小甜甜的作者為主題，又見到甜品選擇好像不少，一於到店內來試一下。其實我出世後冇睇過小甜甜呢部卡通，不過知道小甜甜都曾經瘋魔一時，五十嵐優美子就係小甜甜嘅作者。呢間甜品店以西班牙churro為主，仲有少少鹹點小食選擇。餐牌都用上小甜甜為主題。仲有好多唔同嘅特色飲品。Churro就好似中國人嘅油炸鬼，將麵粉糰榨取之後加上糖粉，外層脆卜卜，甜甜地，好香口。旁邊嘅係香芋雪糕，十分驚喜！香芋味同埋奶味都好濃，雪糕夠滑，頗快溶掉。千萬不要只掛住拍照，要把握食用時間。另外呢一款用上雲呢拿軟雪糕配士多啤梨醬，雲呢拿雪糕奶味亦都好濃滑，但同樣很快溶掉。旁邊嘅churro上加上鮮忌廉及鮮果，識落冇咁dry ，又有另一番風味。巨峰提子梳打不太甜，有少少似威路士提子汁嘅味道，外型好特別，連杯邊都有少少棉花糖點綴。呢度甜品造型好夢幻，餐廳裝修亦都好有童話氣息，在此慢慢品嚐甜品都係一個唔錯嘅選擇。…Read More

70-80年代經典日本少女漫畫小甜甜，係好多香港人既童年回憶！粉紅色既靚靚服飾配合金黃色頭髮，真係好懷舊！位於尖沙咀區有一間日式Cafe，主打甜品西班牙油條。最近將Cafe打做成小甜甜主題期間限定，慶祝小甜甜漫畫家出道 50 週年。Café的裝修格局很雅緻，以灰藍、粉橙色和純白為主調，令人好舒服。迎合漫畫主題，有唔少小甜甜人物紙牌。期間限定主題餐廳特意以五十嵐老師筆下的經典漫畫人物為主題設計，並加入「花の季」主題。而全店佈置、主題餐牌及食品創作均由五十嵐優美子老師親自監督審批。Candy Churros Combo（$88），西班牙的香甜油條，表面灑上糖霜，咬入口感覺似甜甜圈，口感外脆內軟，黏上香濃的香芋味軟雪糕一齊食，貧血都即刻醒神曬。Fruit Churros Bar（$78），將原條Churros中間切開，加入白色鮮忌廉和時令鮮果，咬入口Cream細滑。水果一點都不太酸，配上香脆內軟的油條，黏上草莓醬的雲呢嗱雲糕，香甜的Churros帶有Creamy的味道，脾氣火爆的少女食咗後都會心情好些。Kyoho Special ($58)和Yellow Balloon（$68），左面果杯Kyoho Special採用日本提子做果汁，表面加些泡沫，杯外用少少棉花糖做點綴，飲這杯提子汁同時會食到好多提子啫喱，增添口感，這杯飲品提子味道好突出，感覺好Fresh。Yellow Balloon係一杯好濃濃的香蕉鮮榨果汁，甜度好少，鍾意少甜既愛香蕉的朋友可以試試。Fruit de Parfait ($88)，以當造季節的芒果和士多啤梨，與雲呢嗱軟雪糕層層交疊，配搭塗上士多啤梨朱古力醬的西班牙油條，食入口即時浮現好香濃的士多啤梨朱古力甜味，加上油條新鮮香炸出來冇耐，有些暖暖的，黏上軟雪糕一齊食，滋味可口甜美，少女的幸福指數會上升。…Read More

Me and my friend were about to go home but something caught my eyes and that was "candy candy". I used to watch this cartoon when I was young. We went to have a look at the menu and I suggested to have some dessert before we go home. We were lucky to have a table straight away, the place was beautifully displayed with "candy candy"'s picture. Me and my friend both ordered a drink and a dessert. I got the Lavender tea, it was presented nicely and smell so good. The tea itself had very mild flavour but after mixing it well with the lime, it was very tasty. My friend's "Yellow balloon" was a mango smoothie, it was sweet with some mango crumbs. After awhile later, the fruit churros bar arrived. It was presented on a wooden plate and looked amazing. The churros bar were crispy and crunchy. It tasted very good with the strawberries and mangoes. The ice cream was sweet and smooth. Fruit de parfait took quite a long time to make but it was worth waiting for. The churros bar was covered with strawberry chocolate and candies. The strawberry chocolate sauce was yummy and matched so well with the churros bar! Again, the ice cream was sweet and smooth. There were also lots of strawberries and mangoes at the bottom. …Read More

同小學老師約會，我講嘅約會梗係聚舊啦，老師咁鍾意小甜甜，我一於帶佢去尋找小甜甜的故事，老師和小甜甜咁甜，一定要食甜嘢，但我明明知道間嘢嘅鹹食好味啲，算啦老師話事。第一個係 Fruit de Parfait 水果芭菲， 佢嘅水果係得士多啤梨同芒果， 贏在水果夠新鮮同埋夠甜，如果唔係就大件事。第二係Candy Churros Combo 肉桂餅乾配香芋雪糕， 呢個同個名就大出入， 但係個肉桂餅都幾好食，不過就覺得佢油膩啲，但係個香芋雪糕充滿雀巢嘅感覺，冇得輸。再黎Fruit Churros Bar 雜果餅乾跟雪糕， 明明同肉桂餅乾係同一樣嘢，只不過冇咗玉桂粉，無驚喜。最後到野飲，Yellow Balloon 芒果沙冰同Kyoho Special 巨峰提子特飲， 芒果沙冰都係用芒果就開成，不過勝在冇一粒粒冰粒。至於巨峰提子特飲，我就覺得有驚喜，提子梳打水，最驚喜唔係杯嘢飲，而係杯嘢飲嘅週邊。包咗啲好似糖粒嘅東西揸上手好得意，不過記得要洗手。見到老師搵到咁多少甜甜嘅回憶我真係為佢好高興。…Read More

之前經過呢間店，一直比佢哋裝修吸引，好想來一試。好姊妹今日終於陪左我來一圓心願。一入門就見到盡頭有一個好靚的掛畫。而旁邊亦有唔少插畫。我哋好好彩坐到吧枱位置。一坐低即刻比呢啲小擺設吸引，係咪好熟口面呢？童年回憶即刻返晒黎，呢件衫仔係細個玩換衫公仔常常會見到的配件。一見到呢條裙，我同朋友即刻雞啄唔斷講起童年往事。齋睇已經令我哋好興奮，但都要食嘢的。呢度的食物以甜品為主，切合返主題麻！甜品當中佢哋主打Churros，即係西班牙油炸鬼。我地點左兩杯嘢飲同兩款甜品。我嗰杯係薰衣草凍飲，薰衣草乾好襯呢條紫色裙。賣相確係一流，杯面仲有少少棉花糖配襯。朋友的芒果奶昔相對較為沉實，但味道就好好飲好Fresh。呢個Churros同我哋平時食開的有少少唔一樣，比較長。我鍾意佢的質感偏鬆脆，而且亦唔算非常之甜。旁邊嗰杯香芋雪糕又係令我哋童年回憶湧現的元素。呢個芭菲杯好夠特色，首先有兩種生果，雪糕忌廉等等都配合得唔錯。以呢個Churros佢冇加上砂糖，反而係加左一層士多啤梨味的朱古力醬，係比較新穎的食法。而我哋都好滿意。…Read More

位於尖沙咀的Joō de Rolls ，是一間主打Churros的少女系餐廳。今天相約姐姐來到吃晚餐預祝生日。餐廳最近Crossover小甜甜主題，吸引不少姨姨和少女光顧呢。Omurice Fried Cheese Chicken $78只在中午和晚餐時份供應的炸雞蛋包飯，也是小甜甜主題菜式之一。蛋包飯造成小甜甜的樣子，大大的眼晴是糖紙，蛋包質感滑溜，厚稠順口，配以紅菜頭製成的忌廉醬汁，很少女的感覺呢。內裡的米飯以醬油，腸仔炒成，惹味煙靭哦。Candy Churros Combo$88淺紫色的雪糕，少女風很濃呢。新口味雪糕是香芋味道，芋頭味特出，很香很濃，奶滑充足，令人食不停口阿。肉桂Churros是我最推介的口味，外層撒滿肉桂粉和砂糖，香氣四溢，沙沙口感，更具層次哦。Fruit de Parfait$88超美的芭菲，少女心即時爆發。草莓朱古力Churros整條插在芭菲上，極具氣派。Churros香脆，內裡煙靭，朱古力脆皮令口感層次更佳。雲尼拿雪糕質素奶滑，內裡有燕麥粒，草莓片，桃粒等水果，甜品胃大滿足。Fruit Churros Bar with icecream$78賣相討好的另一主打甜品，這款Churros較為脆卜卜，夾著稠身綿密的厚忌廉，草莓，芒果，藍莓，色彩繽紛，令人興奮。雲尼拉雪糕並不馬虎，吱上草莓醬，香甜迷人。服務員服務好好，特別是經理哥哥，有善可親呢…Read More

呢間店名好特別，吾知點讀🙈😂 只知係主要食西班牙油條！😍 聽見都興奮！事關小妹對西班牙油條係一食難忘！係非常香脆的！😋餐廳今期與日本著名漫畫家五十男優美子cross over ! 加入了漫畫佈置、擺設及食物上既點綴，鍾意呢個動畫既日本迷又點可以錯過呢🙆🏻我同朋友分別叫左Fruit de Parfait $88，生果夠新鮮，雪糕似食緊新地，好食既😂Candy Churros Combo $88 西班牙油條沾了士多啤梨醬，更加美味，又吾會太甜wo, 影相又靚💕 雪糕奶味濃郁，同埋好滑呀！仲加埋雜果，更為豐富👍🏼 加上漫畫小牌子，好符合個主題，吸睛程度提升！Fruit Churros Bar $78，西班牙油條非常脆身！上面應該加上了玉桂粉，令churros更香、更好味。飲品就叫左Yellow Balloon $68，呢個係芒果沙冰，味道濃郁，好smooth, 反而冇咩冰感，相對上飲落冇咁凍，同埋伴杯既綿花糖裝飾真係好有心思☺️ 另外叫左Kyoho Special $58，係巨豐提子梳打，提子味都好濃郁，又吾會話太甜，好清爽，同Churros 幾夾。…Read More

餐廳位置雖略敗，但有驚喜。主食種類較少，但對有選擇困難症的我卻恰到好處。我們2人各點了1個晚餐，一個為番茄肉丸蛋包飯，另一個則是咖哩漢堡蛋包飯。蛋包飯蛋皮較薄，煎得剛好。肉丸有肉汁，不會太乾。配以和風炒飯，但飯可再乾身一點。而咖哩漢堡蛋包飯則較軟，但咖哩汁不錯，飯則可再乾身點。雖然主食較平凡，但甜品有驚喜。雪糕滑，而當中的「冬甩」因剛炸好，外脆內軟，也不太膩，屬佳作。雪糕奶味香濃且幼滑，但因「冬甩」的熱力而變溶化快。總括而言，食物份量充足，味道不錯。而服務方面，店員友善但出菜稍慢。…Read More

最愛五十嵐優美子老師創造的小甜甜漫畫，為慶祝老師出道五十週年，首次以小甜甜做主題，當然要朝聖餐廳不算大，平日關係(有梳化位座)，門口有小甜甜纸板，牆上有小甜甜的手繪畫(好靚呀~…小甜甜)，每枱有2支印有小甜甜的纸棒，插於玫瑰花中央，好童話~Lavender tea $48杯外有绵花糖包住杯身，內有朵紫色小花，襯托薰衣草的主題，飲品棒印上小甜甜的樣子，好靚(外觀100分)味道~薰衣草味道極濃，名字有誤導成份(似薰衣草水，不是Lavender tea)不愛薰衣草的人，未必接受到(因為味道超濃烈)sweet churros Tapas$108制作花時間(起碼3O分鐘)源自西班牙的肉桂條，改成冬甩圈形狀，好可愛 芒果，藍苺，檸檬吉士醬，士多啤梨味芒果味芒果肉新鲜(甜)cream好滑好企身玉桂圈，好香脆(即做)內裡煙韌，有口感檸檬吉士好清新的味道，吉士好香滑士多啤梨好甜藍莓新鲜即做花時間，所以churros好香脆食用米纸，印上小甜甜的樣子(最後不捨地~食左落肚)p.s.(小甜甜主題)今年8月13日至9月3O日供應~個人感受:全因為小甜甜而到店朝聖，味道環境不錯，服務員態度差別大，全店只有某2位侍應親切d，反觀其他在場同事，只顧(飲食記者個範圍)，如果這情况出現日資餐廳，實在好失望。視而不見的態度，再回頭率 =零…Read More

Shopping 完，兩個靚女想揾個地方Hea 下，尤其炎炎夏日……一定要有冷氣啊:)行到The One, 沒有特别目的……見到這店子佈置得簡潔又舒服咁就入去試試。打開menu見到餐牌主打係甜品……有一些飯類，hot dog, All day breakfast我叫了Iced green tea with Jasmine,友人叫Iced Camomile Surprise.凍茶到la...... 睇到都覺得透心涼:)我杯茶面有點點花粒……茶不甜……有茶香……倾下，飲下……發覺左右隔離靓女们都吃甜品……又靓，又吸引……雖然我們要keep fit最終都order 了一份Matcha Churros.Churros 全都是即叫即做……人稱鬼佬油條配以紅豆蓉，雪糕一併吃Churros 分四小份……形狀似蝴蝶兩份係綠茶味，另兩份有糖放在面非常鬆跪夏日炎炎……這甜品真不錯，加上美麗賣相，原全適合自拍的你…Read More

今日同朋友去左the one 食野 見呢間好多人排就走左入去試下叫左個creme brûlée with churros 佢個冰好有焦糖味d冰又好綿身好易入口，好好食，都幾重焦糖 個churros係肉桂味，好脆啊 ，沾埋個刨冰食幾特別Strawberry Shaved Ice Cake🍓入面係冰，出面係cream，mix埋黎食好正，入而仲有d係士多啤梨肉，酸酸甜甜，正d忌廉又好滑，甘樣撈埋黎食真係第一次 又幾特別仲叫左杯matcha smoothie 綠茶好濃啊，吾會話好甜好溜nice…Read More

服務員態度差，上菜慢，尤其是上甜品。成間舖成6個staff, serve 3張枱都做到唔想做咁。成日個manager就同啲waitress 係度傾計。上一個甜品至少要十分鐘。:(…Read More

自從去完西班牙旅行之後，已經好一陣子沒有吃過churro，記得我在西班牙旅遊嘅時候，Churro 一般都會配搭熱朱古力，有時都會配一杯咖啡伴食。 難得放半天與友人來個下午茶，就決定去試一試尖沙咀嘅Joō de Rolls。裝修簡潔明亮，大玻璃將自然光滲進點來，感覺悠閑舒適。churro又叫[西班牙油炸鬼]哈哈但其實外表、口味同油炸鬼係天淵之別。churro係以麵粉搓成生麵糰，通過特製的花邊擠筒（叫做churrera）擠出來，形成帶有花紋的彎彎長條狀，經油炸至金黃色，再灑上砂糖當作甜食。有些churro呈長條狀，有些做成一朵花形，然後落鑊油炸。立體造型餐牌已經好可愛，但選擇不算太多，有鹹甜之分。喜歡鹹點的可以選擇all day breakfast 配churro， 甜的相對選擇較多。由於首次試這間店舖的關係，我和友人選擇了一個較為穩陣嘅strawberry churro。賣相:四條churro 砌成一朵花，中間放上了一個豐盈嘅忌廉，忌廉上還有新鮮士多啤梨生果片和淋上士多啤梨果醬，配上新鮮嘅薄荷葉作點綴，這個顏色和賣相絕對200%吸引。味道:churro炸得脆口，不算太油，咬落又有少少煙韌，用日本麵粉整成粉糰，即叫即炸。飲品爆谷芝士乳酪奶昔！popcorn唔脆，但幼滑yogurt奶昔唔錯。整體感覺味道不過不失。不過性價比不算太高啊。試一次就夠了…Read More

尖沙咀嘅糖水都試過晒今次就諗住去the one呢間餐廳入邊好似都會有鹹食同埋甜食，今次就決定食佢嘅甜食啦。上網睇咗餐牌見到玉桂條嘅出現即刻心心眼。細個已經好鍾意周圍食，玉桂條係其中一樣我好鍾意食嘅甜品。餐廳嘅裝修都幾別緻，而且好舒服仲有好多影相嘅位置啱晒女仔一大班嚟嘅。我地點左幾款甜食同埋嘢飲。Churros Combo ($78)首先每人一杯雪糕同埋一條鬼佬油炸鬼。肉桂嘅味道好香，雪糕都好綿滑甜度啱啱好，雖然有冷氣但係雪糕都用得好快，所以真係要快手啲食。Crème brûlée shaved ice w/ Churros跟住我哋就食佢嘅刨冰，會有少少焦糖嘅味道上面亦都會有cream ，味道啱啱好唔會太甜。而旁邊都有一條鬼佬油炸鬼。Ice cake見到呢個蛋糕真係以為係真實嘅蛋糕點知入邊原來刨冰，真係好過癮生日來呢度切蛋糕都好正。我哋揀咗士多啤梨嘅味道食物都非常新鮮配買冰涼嘅感覺夏天最岩Bagel $78裏面有煙三文魚，洋蔥牛油果芝士，同埋少少醬汁都幾清新而且包嘅質感啱啱好唔會話太硬。飲品方面我哋就揀咗抹茶latte，甜度適中，上面會有cream而且都幾飲。Honey Lemon Shakerato 甜味再加埋咖啡味非常之突出鍾意飲咖啡嘅人但係又唔想成口都苦味嘅話可以試吓呢個。 …Read More

刨冰食過，西班牙油炸鬼Churros都食過，但將兩者mix & match就真有點匪夷所思，今日經過The One4樓的Joo De Rolls不用等位，當然要趁機一試！  店面不大，座位延伸至店外行人扶手對出空間，相對闊落但要接收不少行人的「注目禮」XD  除了簡餐，Joo De Rolls還推出了以夏祭為名的甜品系列  挑戰冰品前先點一客Bagel墊墊胃，Bagel裡夾著牛油果、洋蔥、生菜、煙三文魚，再配酸酸的醬汁，相當清新開胃。 夏祭系列的Honey Lemon Shakerato 賣相尤如cocktail，還沒喝就先聞到清新檸香，入口先嚐到陣陣酸甜，過後才是咖啡的苦澀，味道極為特別。  大大碟Mango shaved ice cake，外觀與芒果蛋糕無異，切開方知裡面全是大顆粒的刨冰。面層的芒果非常新鮮而且粒粒香甜，刨冰加入了芒果汁入口冰爽清甜，配鮮忌廉吃味道毫無違和感。  Crème brulee shaved ice with churros 本以為焦糖醬會偏甜但原來與刨冰一起吃正好，刨冰刨得極幼細，口感似冰沙與芒果刨冰蛋糕完全不同。新鮮炸起的Churros外脆內軟熱騰騰，吃時沾上幼滑鮮忌廉和沙冰口感味道最好！ 吃了這麼多冰品，最後點一杯Matcha Latte作結吧。 Matcha Latte入口先是抹茶的甘，然後才是奶香，溫溫熱熱的喝罷整個人都暖起來了。 甜品不論賣相味道都很出色，地理位置又方便，與朋友相約逛街吹水自拍呃like絕對一流~！XD…Read More