Jo Cafe

今次受朋友邀請，就佢o個區方便，去左柴灣食大餐，呢間佢平時食開，所以同個廚師都好熟，廚師一介紹有新鮮龍蝦，佢就叫埋我一齊試下，見係佢咋，唔係真係唔會走咁遠😂我地點左龍蝦拼凡立貝同埋龍蝦拼三文魚。食龍蝦之前有個頭盆，有大蝦沙律、湯同蒜蓉包，個包正呀，小朋友應該好鍾意食🤣。食到差唔多，個龍蝦就黎啦，賣相幾特別，所以忍唔住相機食先，三文魚嗰份擺左洋葱圈o係上面，好有特色。龍蝦好新鮮，焗到啱啱好，佢哋另外上左三款汁比我地，其實本身隻蝦已經夠味，不過再點少少汁都好味，個人比較鍾意牛肝菌汁。其實仲有個薯蓉o係底，超好食!! 食完先醒起無影相😑 廚師話係自己打自己整，唔係用機打😮 佩服呀!見到咁豐富，以為佢會落D味精去煮個，點知冇，食完唔口乾，抵讚~ 食完仲有飲品，叫咗即磨咖啡，唔同普通西餐廳，個咖啡味好香，唔落糖咁飲仲正☺️ 老闆仲特登請我地食生果😎 呢間隱世小店真係唔錯，幾有人情味，好似家庭小店咁，食物賣相同味道都一流，值得推介👍🏻👍🏻👍🏻…查看更多

o係柴灣地鐵站搭小巴去東區醫院探朋友既時候，見到有一間西餐廳o係高威商場，之前未見過，所以就諗住同朋友探完病次後去食大概7點半左右去到，坐底睇下餐牌，好多野揀可能個侍應見我地一頭霧水，就行埋黎問有咩幫到我地，使唔使推介下，見佢盛意拳拳，我地又無咩頭緒，就叫佢幫下手啦佢話呢度比較出名既係扒類，西冷牛扒最多人order，不過我地又唔想啖啖肉，佢就話咁牛仔骨啱唔啱，OK喎又，佢再問我地食唔食魚，食呀，好鍾意食添呀，咁佢話不如加氣石班柳好唔好，好呀，我就咁啦 朋友就話想食飯，咁個侍應就推介胡麻醬雞肉炒飯，或者帶子鮮蜆忌廉燴飯，朋友揀左後者我突然見到有酒擺出黎，就問佢呢度係咪有酒牌，佢話有，我地兩個探完病，聽到D壞消息要消化下決定飲返兩杯開左一支紅酒，飲左陣，就有野食啦，我個牛仔骨加石班柳拼盤好大份，仲有薯蓉，牛仔骨夠哂份量，已經開始擔心食唔哂朋友個飯賣相好靚，我都忍唔住叫佢唔好食住，比我影下先賣相好唔等於好食，所以即刻試下先，唔好講笑，個牛仔骨好入味好稔好好食，唔癡牙，都未夠，條魚你見佢咁普通，食落完全兩回事，魚肉彈牙，唔會係o個D稔哂既魚肉，煎到好香，我好鍾意食呢條魚，勝過牛仔骨朋友個飯都好香，粒粒飯都有忌廉，帶子爽口，蜆唔係呃人頹廢蜆，堅係鮮甜，不過佢有D後悔，因為佢食完我個牛仔骨同魚，佢話早知叫埋同一樣個侍應問我地啱唔啱食，我地話簡直食唔停啦人均消費：$250/人(已計紅酒兩支) 唔飲酒會平好多…查看更多

在抗疫期間 政府建議 無必要出街 多留在家中，由香港第一日有首宗本地個案開始到現在已經100多日，近日開始出現連續多日零個案，香港人在這些方面做得好，自己也感到倖運 身在香港♥️今次幫親Jo cafe 也做的很好，為客人量體溫，食物臺有透明膠版相隔，這些額外添加服務和設施大家都非常明白原意，令人都感到經營者有為這次抗疫表示行動，作為顧客也覺得安心♥️…查看更多

新冠肺炎疫情持續，因為唔想出街食早餐，所以嗌咗外賣，其實早幾年已經有網上點外賣經驗，當時仲未有app，不過講真呢2間網店，我覺得佢哋嘅外賣店舖唔算多，唯獨app比較多選擇，所以近期主打叫app，難得比我發現有間勁近屋企嘅Cafe，所以試一試，【但其實從來都無食過亦唔知有呢間舖喺附近】。首先我搜尋到呢間餐廳之後再上openrice睇相，見到賣相唔錯，起碼感覺唔係嗰d扮西式早餐嘅港式餐廳先吖！最後嗌咗2份早餐:【香草豬肉腸、煙肉、法國田園沙律配蒜蓉多士$55】，另加$10配多個麥皮，飲品:熱古法奶茶及鮮磨咖啡。食後感:豬肉腸ok，田園沙律雖然配千島醬但都唔錯，有開胃感覺飲品:奶茶一般，如果鍾情飲咖啡嘅人應該較易接受，因為似特濃咖啡嗰種，比較無咁甜整體感覺:呢個價錢食all day breakfast 都可以，最適合就係啱晒d懶人或者而家疫情唔想出街食嘢嘅人…查看更多

以往這區的早餐都以茶餐廳為主，但最近開了這間新Cafe，早餐、午餐、下午茶、晚餐都有，早餐有好多選擇蘑菇腸忌廉炒滑蛋配窩夫（$32），或配香草蒜蓉多士軟身窩夫有牛油味炒蛋夠滑豬骨濃湯天使麵配雞扒、太陽蛋 （$42）雞扒都幾諗喜歡這小店播放悠揚音樂，星期六上午來嘆個靚早餐都幾舒服😌…查看更多

同朋友去開柴灣經過呢間食西餐既小店就入去試下一入到去 店員老闆都好親切首先係頭盤 比一般茶餐廳精美好多蒜蓉包鬆脆 沙律醬係蜜糖芥末 蝦都好爽🤩個番茄湯味道濃郁 真材實料主菜 我叫左牛仔骨帆立貝配薯菜帆立貝煎得金黃香脆又唔會過熟 牛仔骨嫩 唔會過肥 薯蓉同菜份量多朋友叫左牛排帆立貝配薯菜牛排夠厚 有份量 比起其他餐廳有牛味 帆立貝一樣香脆😋整體黎講 差唔多既價錢高質過其他地方 睇得出有心思 店員又親切 如果去開柴灣會再去幫襯😌…查看更多