11
1
0
Introduction
Jǐng, a sensory Chinese dining experience, unlocks a collection of delicacies that are nostalgic for the old, hungry for the new. It invites those daring enough to travel through time to indulge in an experience inspired by the forgotten tales, ancient inventions, and legendary figures. Transcending guests beyond the act of eating, the dining experience is currently by invitation only until further notice.
continue reading
Opening Hours
Today
12:00 - 15:00
19:00 - 22:00
Mon - Sun
12:00 - 15:00
19:00 - 22:00
Above information is for reference only. Please check details with the restaurant.
今次呢餐飯就勁囉！老婆大人帶咗我去太古廣場嗰間Auntie AYI入面嘅貴賓室，呢間神秘嘅貴賓室個名叫做䭘，讀書唔成嘅我真係見都未過呢隻字。 打開房門入面好似宇宙一樣咁靚，入邊得一張大枱只可以坐10個人，呢晚我哋10個老友記一齊食呢餐飯真係好開心。 坐低咗之後先有一杯花雕酒嘆吓，味道都好香醇好嘢嚟㗎！ 跟住就有把靚聲歡迎我哋然後就開始介紹我哋食嘅宋朝8味菜，除咗有把聲之外牆上面同埋枱面同時都會有投影，今日我哋食嘅傳統正菜就由佢哋介紹俾我哋。 第一味菜係開封府~山海兜，呢個菜嘅裝飾係用咗3D打印整咗個包青天像真係好鬼精美，至於個餸呢其實就係麵筋加埋一啲竹筍、鮮菇、龍蝦肉同埋帶子，一啖食落口好鬼煙靭加埋炒得夠香嘅菜同埋海鮮係好味嘅。 跟住落嚟呢個宋嫂魚羹就更加正斗，呢碗湯羹入面有筍、鮮菇同埋鮮魚，個湯底鮮甜好加埋有咬口嘅筍、冬菇勁好飲。 第三味係蟹釀橙好耐以前食過一次印象麻麻地！所以我都係叫朋友幫手食咗佢好啲，不過見到入邊有好多大閘蟹粉、大閘蟹肉，如果鍾意食大閘蟹應該會好鍾意呢個蟹釀橙。 嚟緊呢個係二十年陳花雕海上鮮，足足有兩斤半重嘅清蒸東星斑上枱嘅時候會淋啲湯落去，魚肉蒸得火候啱啱好加埋啲脆米、蓮子同埋薏米仲有啲花雕酒嘅香，味道真係好豐富魚痴一定like。 食到呢度原來仲有遊戲玩，侍應呢個時候遞上骨牌遊戲咭，我哋每人抽一隻之後計埋莊家侍應嗰隻牌，最大同最細嗰兩隻分別都可以有杯茅台，輸咗嗰個梗係要自隊啦！贏咗嗰個可以揀自己飲又可以俾人飲好過癮！最後我係要飲嘅大家估下我係贏定係輸家哈哈。 飲完茅台跟住嚟呢味菜係蘇軾慢煮東坡肉，濃油赤醬嘅味道梗係引死人啦，加埋件東坡肉煮得夠晒化配埋個口飯勁無敵啊。 繼續行軍打仗因為我哋要食呢味餸係岳飛將軍燻烤全鵝，呢隻煙燻鵝味道好鬼濃郁啱晒鍾意重口味嘅朋友，除咗鵝肉之外仲有埋內臟好似有鵝肝、鵝腸同埋鵝腎，夾埋個蝴蝶包一齊食可以解油膩又會飽肚啲。 講到飽肚呢一個禎州鰒魚油潑魚兒食埋就一定夠飽，個鮮魚麵好爽口好彈牙，加咗隻椒鹽鮑魚即刻矜貴咗唔少。 嚟到最後一味菜即係食甜品嘅時候！呢一個叫做酒香酥黃獨其實係芋蓉包住啲酒香朱古力，兩樣都係老婆大人最鍾意嘅佢梗係食得好開心啦！ 仲有一杯叫做送客湯原來入面有油甘草、蓮子同埋蜂蜜，飲落去有啲甘又有啲甜從來都未飲過呢個味真係好過癮。 呢個宋朝八個菜嘅晚餐盛惠每位$1299，每晚只做一場同埋最多都係做10個客，想食嘅唔該早啲訂位喇。
continue reading
穿越古今．宋朝飲食體驗～今晚黎到䭘，享受出色中菜之餘，仲親身體驗咗由多元感官主導既嶄新餐飲體驗，透過視覺、聽覺、味覺等穿越古今，了解多元而珍貴既中國典故、傳奇歷史人物，享受一次跨越時空既宋朝美食盛宴。聲音導航、三百六十度環迴屏幕，令食客享受佳餚同時好好細味菜式當中既文化與歷史，極具心思！Welcome drink為花雕酒，味道濃厚甘醇，好醒胃。山海兜包青天雕像好考工夫，欣賞師傅用心去做好每道菜式同時仔細考究背後歷史故事及文化！將麵筋炸至金黃香脆，內餡有時蔬、鮮菇、帶子及龍蝦肉，鮮味十足，趁熱食一啲都無油膩感！宋嫂魚蓉羹口感超豐富又足料既魚蓉羹有齊鮮菇絲、鮮魚肉絲、筍絲及芫茜，魚肉香甜幼滑好細嫩，魚蓉羹清香暖胃，入口鮮甜不膩，係一道老少咸宜既菜式。蟹釀橙面頭鋪滿大閘蟹蟹粉、花蟹蟹肉，賣相吸引且散發清新橙香，伴碟更有一塊香脆法包同食。大閘蟹蟹粉充滿油香、質感豐腴，鮮味十足；花蟹蟹肉鹹香鮮甜又彈牙～另可沾適量醋，更能帶出蟹釀橙既鮮味！二十年陳花雕海上鮮用上兩斤半重東星斑，以花雕酒清蒸，雪白魚肉爽嫩細膩，味道鮮美夾雜花雕酒香，好吃又醉人！加入有嚼勁脆米同清香蓮子，呢個組合配搭得剛好，出色！蘇軾慢煮東坡肉經典名菜東坡肉色澤紅亮，上枱時香氣滿溢，用上五花肉燉製而成，口感香滑不油膩，味道醇厚香甜，帶有花雕酒香，燉煮時間與調味均掌握得非常好！燻烤全鵝外皮酥脆，經長時間燻烤，將鵝肉鮮美完全鎖住，鵝肉肉質細緻有彈性，一啲都唔乾柴，食落仲有陣陣煙燻味，鵝味濃、油香肉汁豐盈。另配夾包，沾少量梅醬、檸檬皮，酸甜清新，別有一番風味！仲有薑葱炒鵝肝、鵝腎、鵝腸，汁香味濃，爽口有嚼勁，好邪惡！！禎州鰒魚油潑魚兒椒鹽酥脆大鮑魚煙韌彈牙，配自家製魚麵，爽滑鮮香。酒香酥黄獨，送客湯酥炸芋蓉包住流心朱古力，滿滿酒香，外脆內軟，甜度剛好。送客湯由甘草、蓮子、蜂蜜製成，清甜甘香，好解膩！
continue reading
🌟餐廳：📍地址：金鐘金鐘道88號太古廣場LG1樓002號舖wellwellwell💰價位：$801以上⏰營業時間：星期一至日12:00 - 15:00/19:00 - 22:00大家有冇諗過宋朝飲食文化係點既呢? 今晚有幸到䭘，一嚐多款精彩宋朝佳餚，盡享視覺、聽覺、味覺享受，穿越古今，來一場由多元感官主導既嶄新餐飲體驗！一打開門就見到360度環迴屏幕，配以席間聲音導航，透過美食帶大家回到宋朝，一邊享受美食，一邊了解其背後既故事同歷史，令人仿如親身遊歷宋朝。———————————————————🔹 Welcome drink奉上陳年花雕酒，酒香馥郁，甘香醇厚。———————————————————🔹 開封府 - 山海兜包青天雕刻極具心思，可見師傅手工一流！炸得熱辣辣既香脆麵筋包裹著鮮菇、鮮香帶子、清爽竹筍及彈牙龍蝦肉，係一道流傳至民間既菜式，相當出色呢！———————————————————🔹 西湖初遇 - 宋嫂魚蓉羹是夜最愛既菜式！足料魚蓉羹用上鮮魚肉絲、鮮菇絲、筍絲等，再配以芫茜製成，口感超豐富！魚肉啖啖鮮甜香嫩，飲完好想再添多碗！———————————————————🔹 宋高宗 - 蟹釀橙以乾冰營造出煙霧效果，視覺效果一流！鮮橙包裹大閘蟹蟹粉、花蟹蟹肉及橙肉，蟹黃鮮香美味、蟹肉鮮甜彈牙，每啖都散發清迎橙香，夠哂特別！加丁點醋更能提鮮～附送香脆法包同食，令人一試難忘！———————————————————🔹 醉翁之意 - 二十年陳花雕海上鮮2斤半東星斑配以花雕酒、蓮子、脆米，濃濃花雕香，魚肉肥美鮮甜，脆米鬆脆有咬口，蓮子夠軟綿。———————————————————🔹 唇齒留香 - 蘇軾慢煮東坡肉一上枱大家都忍唔住嘩咗聲！東坡肉呈鮮紅酒亮色澤，香氣滿溢，仲附上迷你白飯。呢款蘇軾慢煮東坡肉同樣用上花雕酒同煮，東坡肉肥而不膩，肥肉入口即化，瘦肉瘦而不柴，散發淡淡花雕酒香，色、香、味俱全，送飯一流！———————————————————🔹 烽火連天 - 岳飛將軍燻烤全鵝皮脆肉嫩充滿陣陣煙燻香，鵝皮酥脆，鵝肉嫩滑入味唔乾身，鹹香適中，食落富油香，肉味濃，令人齒頰留香。伴碟仲有鵝肝、鵝腸、鵝腎，醬香味濃又爽口，相當出色！———————————————————🔹 魚魚得水 - 禎州鰒魚油潑魚兒自家製魚麵彈牙煙韌有嚼勁，配椒鹽鮑魚，惹味脆口又彈牙。———————————————————🔹詩朋酒友 - 酒香酥黄獨．送客湯咬開香脆軟綿芋頭蓉，流出酒香朱古力，外脆內軟～送客湯用上甘草、蓮子、蜂蜜沖泡，甘甜清香，解膩一流～———————————————————😋味道：4/5🏢環境：4/5💁🏻♀️服務：4/5💵價錢：4/5🤟🏻性價比：4/5———————————————————
continue reading
今晚黎到金鐘太古廣場既䭘，有野食有故事聽，而依家就正正係講返大家都比較熟悉既宋朝。而呢度中打係一路講返宋朝既故事，再配以聲畫講解每一道餸既意景，係真正視覺同味覺既享受。開封府 • 山海兜【海鲜 •時蔬•竹筍•鮮菇】釀有多樣食材既山海兜，精緻得來，亦有多樣口感，海鮮既鮮味，菜既爽脆，香菇軟腍，配合起來亦無破壞佢既和諧感宋嫂魚蓉羮【筍絲•鲜菇絲•鮮魚肉絲•芫茜】魚蓉羹材料滿滿，每一啖都係好鮮甜，連唔食芫茜既我都唔覺得難食，反而冇左芫茜味反而可能會唔夾宋高宗 • 蟹釀橙【大閘蟹粉 •大閘蟹肉 •鮮橙 •橙肉】我從來都冇諗過大閘蟹同橙一齊煮會夾，但事實係，大閘蟹粉太多會好滯，但連埋橙既citrus 係可以中和到果種油膩，處理得岩岩好二十年陳花雕海上鮮【海魚 •花雕酒 •蓮子 •薏米】清蒸既東星火喉控制得冇可挑剔，但最令人驚艷係佢個汁，唔係一般既蒸魚豉油，而係濃濃既花鵰酒既香味，配上脆米薏米同蓮子，豐富左口感之餘，不失魚既鮮甜蘇軾慢煮東坡肉【鮮腩肉 • 花雕酒 • 香料】講到宋朝，大家都一定會識既蘇東坡，講到東坡肉，大家一下就諗起肥豬肉，油膩，但事實係，全部人都係鐘意佢。上菜時仲會配上白飯，完全係毫無抵抗力，因為東坡肉係入口即溶，醬汁微甜，送飯一流岳飛將軍燻烤全鵝【鹅•鵝肝 • 鵝腸•鵝腎】烤全鵝係連埋內臟，有邊個又會諗到，鵝肝鵝腸鵝腎。鵝肉油脂豐腴，好香口，碟底仲有鵝肝，鵝腸，鵝腎，份量十足之餘，全部都經過精心烹調，爆過，連埋蝴蝶包一齊食就fit 晒禎州鰒魚油潑魚兒【鮑魚•鮮魚麵】椒鹽鮑魚炸得黎又香又有少少辣，配上煙煙韌韌既魚麵，我個人就比較鐘意重口味既鮑魚，好惹味。酒香酥黃獨 • 送客湯【芋蓉•酒香朱古力•甘草，蓮子•蜂蜜】去到最後既送客湯，先飲凍茶，由甘草，蓮子同蜂蜜沖製而成，另外係芋蓉包裹住酒香朱古力做甜品
continue reading
如果有睇開我寫嘢嘅朋友，都知道之前我去咗金鐘太古廣場嘅 wellwellwell食晚餐🍴，最近發現原來呢個地方仲有個充滿神秘感非常特別嘅中菜體驗👤餐廳叫「䭘」，印象中係初次認識「䭘」呢個字，意思正正係既有有得食又有景睇🏞️，係一個餐廳自己研發既字，但餐廳後來發現原來呢個字好耐好耐已經有⏳，係飽滿既意思。除咗係一個私隱度極高嘅包廂之外🍽️，仲要係矜貴既每晚只限一席🕺🏻透過360度環迴屏幕既視覺、味覺、聽覺，帶客人飛越時空， 返到宋朝，品嚐傳統手工菜， 細味宋朝流傳落嚟嘅味道😋 ️🔸「開封府· 山海兜」係以大公無私既包大人為靈感，小兜內嘅材料有鮮菇🍄、竹筍、時蔬、龍蝦肉等等，味道鮮味清清，碟上以3D雕琢嘅芋頭包大人確係極為精緻。️🔸相傳宋高宗遊西湖食到「宋嫂魚蓉羹」🐟讚不絕口，自此呢度就成為杭州名菜。魚羹係用咗筍絲、鮮菇絲、鮮魚肉絲、芫荽炮製而成，先將鮮魚開邊後清蒸，再將鮮魚肉與配料放係高湯煮滾。 鮮魚肉鮮香誘人，相當喜歡呢個魚羹～️🔸傳說宋朝明將設宴招待宋高宗，「宋高宗·蟹釀橙」🦀🍊呢度菜式，正正係其中一道高宗激賞嘅菜式，成為南宋嘅宮廷菜，橙肉可以帶出蟹肉嘅鮮甜，而呢度菜講求烹調嘅手藝，橙中見到絲絲嘅蟹肉，更加係不惜工本。️🔸唐宋朝詩人都鍾意飲酒🍶，而呢度「二十年陳花雕海上鮮」係以酒入饌，帶出食材嘅靈魂，魚肉紮實飽滿，脆米更加係畫龍點睛👁️️🔸蘇軾又名蘇東坡，除咗係宋代大文豪，更加係一位美食家，精心鑽研左紅燒肉嘅最佳煮法🐖，每到新年，佢就就會將百姓送來嘅拜年豬肉切成小方塊炆到香酥軟爛再分俾百姓，期後就成為咗今日既「蘇軾慢煮東坡肉」喇，油而不膩，滿滿嘅骨膠原，齒甲留香，個人認為係全晚做得最好既一道菜！ ️🔸岳飛精忠報國，佢嘅戰績令外敵聞風喪膽🗡️ ❕大半生處身風煙四起既戰場，呢道「岳飛將軍燻烤全鵝」正正係為岳飛將軍致敬，吃得出有一分獨有既焦香。️🔸宋朝嘅鮑魚係鹹魚嘅意思，而真正名貴鮑魚係叫鰒魚； 油潑兒係宋朝係鮮魚麵嘅意思🍜，以鮑魚配搭鮮魚麵亦即係呢道「禎州鰒魚油潑兒」，一口鮑魚外酥內軟，加入醬油蔥花🫙，層次非常豐富。️🔸「酒香酥黃獨· 送客湯」係表達送客嘅心意👋🏻，有令宴會更加圓滿既意思。改良自宋朝甜品，䭘嘅做法係將芋頭蓉加入酒香朱古力🍫，炸至酥脆；送客湯就係以甘草，蓮子，蜂蜜沖泡🍯，清香解膩，圓滿落幕。價錢上係每位$1,299/ 8道菜，從各種細節，可見呢個懷古嘗新宋朝盛宴絕對一絲不苟，有如一個欣賞藝術品嘅晚上🎨
continue reading