津城 名廚點心 (Closed)

平時經過都無咩意慾入去幫襯，見間嘢話就嚟執就諗住試吓，食完先發覺太遲先發現呢間餐廳，整體感覺非常好。只係一入去坐低嗰陣，張檯上面有個神位喺度，擋住啲光，搞到有啲暗。茶方面就有菊潽同四季春揀，菊潽都唔錯，夏天好啱飲。我哋一行四人，諗住食得豐富啲，叫咗個炒飯同幾個點心，但點知樣樣都勁大份，最後都食唔曬。最推介係呢個蟹肉海鮮黃金炒飯，真係好好味，料足又大份，炒得非常香口。其次就係日月蝦餅，有啲薄餅feel但非常爽口彈牙，又係大大份。另外叫咗幾個點心，燒賣、牛肉……最特別係個排骨，仲有陳村粉墊底，其實就咁嗌一份已經等於一個飯嘅份量。食完真係覺得太遲先發現津城，埋單時同店員傾開，佢哋話老闆都有諗住喺南區附近搵位重開，希望真係開得返，到時一定會再去幫襯。

在網上外賣平台平台看到有津城 就提早一日下單外賣自取 但是到了當天叫工人姐姐到津城自取 卻告知工人姐姐無收過訂單 我打去餐廳詢問負責人用非常惡劣的態度告知我餐廳同網上外賣平台 已無再合作 同佢無關 話非常忙不要煩佢就cut我線 可以反映佢地對顧客嘅心態 疫情底下明白餐廳都不容易 如非如此態度令人不快也並不會花時間寫評論

津城 名廚點心 位於鴨脷洲海怡半島海怡西廣場地下G39A號舖 食完可以行下outlet開餐—————————🐷臘味糯米飯 - 細細碗成個飯面都滿晒櫻花蝦，臘腸臘肉蝦米落得好多，啖啖飯都會食到，飯軟糯唔過爛👍🏻—————————🐷陳年花雕小籠包 - 一籠3隻，真係有花雕味，皮簿多湯👍🏻👍🏻—————————🐷潮洲蒸粉果 - 滿晒餡，滿足👍🏻—————————🦐木魚絲百花釀茄子🍆 - 汁咸左少少，不過平時好吸油嘅茄子，呢到完全無成口油嘅感覺，加上彈牙蝦膠，非常正👍🏻—————————🐷雪山叉燒包 - 又係一碟3個， 熱焫焫食，麵包軟熟，叉燒餡咸咸甜甜，細細個啱啱好👍🏻👍🏻—————————芝士蘿蔔千絲酥 - 芝士蓋過蘿蔔味，個人喜歡無芝士—————————五柳脆雲吞 - 好懷舊，好好味，唔係好多酒樓有，炸脆雲吞沾上酸酸甜甜螢光橙色汁，又脆又開胃👍🏻👍🏻—————————家鄉咸水角 - 又係懷舊野，正常咸水角埋單$393

喺海怡呢個美食沙漠來講，津城算係一間比較得體好食嘅中菜裝修有格調，位置尚算寬敞難得假期就同屋企人落去飲茶，近近地點心質素又唔差但係今次有少少失望因為啲燒賣拎過嚟嘅時候發現唔熟啲蝦餃嘅皮又唔係煙韌好梅反而小籠包有驚喜，有少少酒味價錢如果對比可以來講算係性價比幾高但如果對比銅鑼灣或者其他出面嘅市區就爭啲整體體驗6/10

店鋪裝修以深色位置，有別於傳統點心舖的配色，給人一種時尚感，也顯示了這不是一間傳統店鋪。蟹皇湯蝦餃有濃濃的蟹味，鮮香逼人。也有大顆彈牙的蝦肉，用料足，吃一口很滿足。湯應該是味精湯，有點鹹。排骨蒸陳村粉，排骨外面掛的粉略厚，不過算是嫩且肉味足。陳村粉我吃的次數比較少，無法給出客觀評價，只能說粉比較厚，有一點嚼口，有點像散開的豬腸粉。醬油味道很好，總體來說肉香米香豆豉香醬油香融合的不錯。叉燒包味道很好，外面的包皮很鬆軟，叉燒醬不會過多，叉燒肉有嚼頭。XO醬蘿蔔糕很香口，表皮脆脆的，蘿蔔糕可以看到蘿蔔顆粒，味道很足，不過沒有蝦乾或其他海味，少少失望。蝦子腐皮卷很讓人失望。腐竹卷內有蝦餃有一點蘆筍胡蘿蔔，嚐不出鮮味。腐皮有一股油味，感覺不是很新鮮。外面有厚厚的芡粉，不明白這道菜為什麼要放這麼厚的芡粉。蝦子是鮮的，但是組合在一起吃不出鮮味，只覺得奇怪。網上很多人評價這家服務不行，我的體驗倒是很好，服務小哥很有人情味，阿姐也算熱情。總之這是一家可以一試的小店，尤其在海怡半島這種餐廳匱乏的地方。

之前聽朋友講話津城d點心唔錯，呢日去開鴨利洲，咁就去試吓😋 間餐廳嘅裝修都幾有風格同stylish。因為好肚餓嘅關係，我哋叫咗成枱都係🤣🤣我地叫咗鴛鴦燒賣皇丶蝦餃丶山竹牛肉球丶車打蝦多士丶芥末煙三文魚春卷丶火鴨腐皮卷丶五柳脆雲吞丶生煎花姿餅丶鹽焗雞丶石鍋薑蔥桶蠔丶椒鹽鮮魷丶豉油皇乳鴿丶黑芝麻豆醬脆筒。而甜品我哋就叫咗流心紅豆抹茶包丶椰皇西米焗布甸丶椰皇鮮奶蛋白燉桃膠。真係好豐富丶好飽🤣🤣🤣總括嚟講佢啲煎炸點心好好味😋，其他點心就不過不失。而甜品都唔錯，個抹茶包超軟熟！椰皇鮮奶蛋白燉桃膠好多料，食完覺得好補骨膠原🤣🤣🤣

之前聽人講話呢間服務態度差，但今次體驗覺得算係唔錯，加上食物質素都算出色，對得住個價錢。車打蝦多士蝦滑好足料，夠晒厚，加上個皮炸得啱啱好又脆又熱，加埋芝士真係一流

都係果句，喺海怡半島呢一個美食沙漠，呢一間茶樓，叫做有啲特色。算係新派嘅中餐，唔會好似啲老土茶樓一樣，千篇一律。嘢食來講，第一次食就幾有新意。最大問題係，如果真係要成日嚟食。咁啲嘢食又，好似唔值得經常返單。嘢食水準，真係算唔差！價錢當然要支持返個食物質素。呢一區嘅顧客，食得起。最大問題，可能因為係商場鋪。亦唔會話特別抌錢做裝修。環境同冷氣果方面，硬係覺得好似唔係好穩定。嚟過呢一度好幾次，個冷氣都偏向好大風，凍。所以啲嘢食，就算好好鑊氣，一出嚟，唔使一陣，都真係已經吹凍晒。同埋可能啲光線真係太暗。如果出邊一啲餐廳咁暗嘅，亦都會有相關射燈，射向張枱。呢度取而代之嘅係，冷氣射住個額頭。

曾經幫襯呢度好多次，一直都覺得啲野食唔錯，雪山叉燒包仲係必點的。直到最近訂枱，有啲唔愉快既事。難得我地約好同事打算一齊再食番呢間。限聚原因，都問一下可唔可以安排比我地三張枱安排坐埋一齊，員工答咗盡量安排。1）按時間我地一夠鐘就答車過去，未到1點，打黎問我地到未，其實我地訂咗枱一點😅2）去到，等等咗十分鐘未有枱。員工叫我地坐住先 兩人枱。😅 其實一坐就開始食，又點會再轉枱。眼見卡位三連枱食完又再傾偈，我明白啲員工唔會幫我地安排到連枱了😅3） 到埋單時，再問一下，打黎訂枱時都會盡量安排，但黎到又叫我地坐住先😅 得到回應，太多客人，我地安排唔到。「咁訂枱時可以直接講唔會😅」

呢間餐廳裝潢唔錯，偏暗咗啲，出品幾好，衞生環境一般，服務態度好差，侍應聲大無禮貌，沒入座就察覺椅子上有飯粒，竟然講「你自己換張櫈咪得囉」，漏咗單叫佢過來舉咗手廿分鐘都沒過來，因為這樣先叫負責人埋來，更搞笑哋負責人更係一副唔懮做嘅樣，難以理解，就呢種服務免費都唔會再幫襯

能在這裡吃到高水平的點心！ 不用去大酒店了！ 驚喜找到這點，要堅持信念，過了疫情可能很難找到位置！ 三星期來了三次， 蝦餃，羅米飯必試，最回味杏仁茶，還沒有試晚飯，過了限聚一定再來！ 阿女最喜歡綠茶流心包。

環境幾好，stylish 一啲，燈光較暗，有別於傳統酒樓。點心水準也不錯，即叫即做，新鮮上枱。雪山叉燒包和咸水角也是熱呼呼端上。還有傳統的菊普。當然，一分錢一分貨啦，論性價比是值得的！

這間餐廳供客人選擇喝的茶，員工會簡單介紹不同茶的名稱及味道，選了的四季春的味道不錯，而且會用熱水壺作器皿，也避免茶葉浸太久變濃的情況。值得推介的是XO醬蘿蔔糕，每一件都大小相稱，炸得金黃色的，味道很好，賣相吸引。

曾光顧多次，食物質素不錯，但店中一位店長，態度令人好不舒服，在餐廳內用餐，說話態度對客，及自己職員囂張，不可一世，當面指責店員，在餐廳內製造嘈音，寧靜的店內，增添污氣，請正視那位女店長

星期日晚去幫襯呢間新開張幾個月嘅點心店。一坐低見到張點心紙就俾佢「茶位」個價錢嚇一嚇，要$16/位，仲要唔係開一壺茶俾你，要每次叫侍應斟!食物味道尚可，但以呢個價錢嚟講就唔太值。至於服務，有個女經理態度正面，不過有個比較後生嘅男侍應(冇名牌，只見左手戴銀鈪) 幫我斟茶時，d滾水濺到我電話，我即刻伸手打算拎走我電話，但我隻手都被濺到。我同個男侍應講：「你d水彈到我呀」 佢話：「小心」 我心諗：咩事呀？ 你要講小心，就應該喺斟水之前講，再唔係就拎起隻杯斟，更加唔應該倒水咁倒轉個壺，搞到d水周圍彈。依家彈到人，係咪要講對唔住/唔好意思呢？ 真係O晒嘴如果間餐廳係想行高檔路線，收咁嘅價錢，麻煩都培訓下d同事