Jika Udon (Closed)

自家烏冬真係成六，七年無食過。仲記得上當年hit 過一排，不過烏冬其實唔夠彈牙同一般般。今日咁啱經過，見無人又好肚餓就入去食。不過我同朋友最後都無叫到烏冬😂我叫左個海鰻玉子丼（$75), set lunch 有小食同湯。小食都有幾款揀，炸雞，沙律，芝士竹輪卷等等。粟米沙律同湯都ok啦,合格。海鰻玉子丼，鰻魚份量都唔少有成四塊，味道唔錯幾嫩滑。不過個飯真係太多同偏淋左啲。但加埋啲燒汁甜甜地其實都幾好。蛋不算流心，但帶點半生熟，好味的。朋友就食左溫泉玉子咖哩牛舌飯（$70),佢話唔係好辣，都唔錯啵。我就偷食左啖炸雞，好味喎。皮薄雞嫩，唔會乾炸得啱啱好，點埋個沙律醬幾開胃。其實都唔係好差，下次挑戰下烏冬先…查看更多

其實食過幾次一都ok.今日叫左個海鮮鍋(之前食過2次覺得好食) 首次 明明係有隻生蛋分開上 有個侍應話已經係入面 係咁搞一d蛋白都冇 之後佢就俾返我！然後食個烏冬 湯底勁淡 烏冬面質勁林 軟林林 一夾起就散！叫個類似經理既黎 就用幾廿個藉口 算唔換 不過一定唔會再去食…查看更多

曾經滄海難為水，除卻巫山不是雲，這兩句詩的意思是: 看見滄海以後，其他的溪流湖泊都相形見絀。就好比吃過一樣超級好吃的東西之後，再吃其他山珍海味，都覺得索然無味。套落到自家烏冬，卻是一悲劇: 嘗過以前的自家烏冬，再吃現在的自家烏冬，總心想點解會差甘遠，由天堂跌落地獄?似乎，冇得解只係前幾日唔死心再去試多次，又係令人失望。今次，叫左個淜蛋牛肉飯。照道理，都算係正常菜式，大概都估到咩味，但食落總覺得啲味道好奇怪，而且飯好硬，令簡單好味既飯都可以整得唔好味，係出事。以前彈牙既烏冬，濃郁既湯底，新鮮香口的炸雜菜餅，如今身在何方?唔知，但可能以後都唔會幫襯.…查看更多

今日行mikiki商場見肚餓就入左自家烏冬食lunch，嗌左個蕃茄牛肉烏冬，黎到賣相好好，點知超難食，烏冬超淋一d質感都無，基本上係最廉價既烏冬，湯底淡而無味！46蚊碗烏冬不算貴都嚴比多！完全不值得！以為自家烏冬 烏冬係最好食原來係最難食！服務一般！叫兩三次寫野都無人應！真係無下次！…查看更多

好多年前我曾經經常幫襯“自家烏冬”，仲每次一定叫豬軟骨清湯底烏冬，而且一定飲哂個木魚湯底。後嚟日本海嘯佢由日本麵粉換咗加拿大，麵質即時由彈得嚟有麵粉香變成過實冇味，我就好少再幫襯。仲未病好都係食粉麵。仍然叫豬軟骨，不過要豬骨湯底冇咁寡口。豬軟骨仍然係我最鍾意嘅味道，帶甜嘅鹹，肉質易咬開，不過今次冇半溶啫喱膠質。烏冬麵質夠彈冇過實，豬骨湯底就冇過鹹又唔算肥，不過飲落我算得似搵豬骨濃縮湯底開唔似煲出嚟。但五十幾蚊已比其他用店用啲冇質感嘅烏冬好好多。…查看更多

同屋企人黎左mikiki, 行下行下就揀左lunch食自家烏冬天婦羅烏冬 - 天婦羅炸得幾好, 個麵粉皮唔係太厚, 烏冬幾爽口牛肉飯 - 牛肉加埋啲蔥幾香, OK仲有一煲唔知咩烏冬, 不過無影相, 屋企人話幾好味三個人埋單大約$200, 可以再黎既…查看更多

日式咖哩漢堡飯, 基本上係不能入口的, 味道係自己買平價日式咖哩包加飯的淡化味精版, 漢堡超級迷你，而且肉質低劣.自家烏冬硬而不彈, 基本上係小學雞整的程度, 味道係自己買最平個牌子的烏冬加味精湯同埋廉價材料, 成本三蚊.什菜蝦餅, 蝦呢? 味道零分. 服務一般, 味道很差, 價錢偏貴, 完全不值得. 這樣的質素，食材在哭了. 廚師的悲哀.…查看更多

lunch 周圍都冇位. 呢度竟然冇人等, 於是同同事入去食~都幾貴~一個set 要成$60 以上, 不過就有一個主菜加小食, 再有野飲時間關係, 叫左個日式咖哩漢堡飯等左4個字先有得食~黎到..野食同相真係完全2 回事. 相中多汁, 飯都有一定既份量而實物...只得少少汁, 而且顏色, 味道都好似係外面超市買既盒裝咖哩.漢堡好細塊, 食完成碟飯都好似冇食過一樣飯又煮得硬.....一個set, 冇野飲, 差唔多成$50..以後唔會黎食...…查看更多

是晚本打算跟男友吃炸物，但又怕影響下星期跑步比賽還是留待比賽過後吧! 這晚還是吃清淡一點和吸收多點澱粉質為賽事做好準備想起很久沒有到mikiki吃自家烏冬了:)咋咋臨在尖沙咀乘車去可能有食家提出疑問，何解不在尖沙咀就地解決呢？曾光顧數間自家烏冬的分店，總覺得mikiki的水準比其他分店來得穩定而且環境寧靜。:)這晚8點多來到，餐廳太約坐滿了8成客人。餐廳能安排了四人卡位給我們。一坐下，急不及待看餐牌，似乎比以前多了選擇，看得我眼花撩亂。看到有個一人套餐很吸引，有主食、小食和飲品，都只是六十多元左右。嗯…..免得吃不完浪費，我點了一個清湯烏冬配漢堡男友則點了一個一人套餐，要牛肉咖哩烏冬配雞軟骨餃子。飲品只有數款，看到有個朱古力五穀頗吸引，就來一個吧！另外追加了一個海老沙律。海老沙律最先來到，以二十五元來說其實非常抵食。有蛋，薯仔，切碎的甘筍和粟米。蝦嚴格來說，只有兩隻。只是在中間開了一刀，再攤成四份。:(不過不打緊，細心的廚師把蝦挑了腸。以二十五元在那裏找？蝦雖然沒什麼鮮味，但至少沒有霉。另外，沙律夠凍而且把薯仔攪拌得均勻，沙律面上的車厘茄亦非常甜 總括而言，沙律比較黏身，沒有出水，整體不俗。:)這時侍應端上小食雞軟骨餃子。嗯…金黃色的長形餃子，隱約看到裏面包住的豬肉雞軟骨。外形淘氣可愛。一咬下去，包炸得非常薄脆，而且裏面的豬肉雞軟骨份量不少。每一啖嘴裏都傳出卡卡聲。配合大白菜。味道恰當而且有咬口。唯一不足的是，餃子比較油膩，夾起時還有油滴在隔油紙。:(此時侍應端上男友order的牛肉咖哩烏冬。一大個湯碗，裏面的烏冬牛肉份量充足。雖則是咖哩，但咖哩油卻不多。而且咖哩味不太重。非常配合我倆口味。嘗了一口烏冬，質感不錯，非常彈牙煙韌，很有嚼勁。即使吃到尾，烏冬仍充滿咬口。牛肉沒什麼挑剔，以這個價錢，仍有十塊八塊的牛肉。每塊牛肉的脂肪不多，適合我們這些經常嚷住減肥的女生。廚師在時間方面控制得剛剛好，牛肉沒有出現過熟。亦嘗出沒有用上鬆肉粉。牛肉吸了咖哩湯底的味道，配合每一口的烏冬，每一口亦刺激舌頭分泌更多的唾液，這個配合簡直美妙。另外，湯底濃度適中，沒有太稀太杰，皆因上次吃的時候，湯底就像麻醬般成糊狀，使人胃口大減。這時，我的漢堡烏冬端上了。清湯底的烏冬配合著在鐵板上仍傳出「滋滋」的漢堡。先呷了一個清湯，說實說，非常非常的淡。甚至比雞湯的味道還是淡。不過不打緊，我就是喜歡這個清湯底。每次我最期待的就是湯內的兩塊白蘿白，份量剛好，而且軟硬適中。先夾了一小口的漢堡往嘴裏送。漢堡的熱力迅速傳到舌頭上，本能反應下，一小口的漢堡已掉了烏冬裏。漢堡吃得出是自家製，而且廚房巧妙地把漢堡煎到七成熟左右，使漢堡仍保留大量肉汁。雖然漢堡沒有騷味，而且口感還可以。至少漢堡沒有一夾即碎。但牛的鮮味就欠奉了。另外雖然燒汁的味道略為甜了少許，但整體以這個價錢，實屬不俗。假若可以多加數塊磨菇的話，就perfect了。最後端上的是朱古力五穀，看到餐牌寫住分別有:玄米粒，純麥片，小麥胚芽，黃豆以及原粒燕麥。當初還擔心會非常滯，誰知端上的時候是分開了。侍應用一個小瓶裝起五穀，客人可按照自己的心水自行添加。此舉非常細心。呷了一口朱古力，甜度適中，香濃的朱古力使人渾身溫暖起來。朱古力的質感不俗，非常香滑。本以為自家烏冬出產的朱古力只是普通貨色，誰知跟連鎖咖啡店的味道都是差無幾。不用加錢就能嘗到一杯媲美連鎖咖啡店的朱古力，太好了。我喜歡一啖吃著脆卜卜的五殼豆，一啖呷著熱朱古力。這使人感到甜蜜的感覺。今晚的晚餐合計只是一百五十元，這只是剛剛等於一個最便宜的炸物餐。以一百五十元，兩人可以享受寧靜的環境，一頓溫暖的晚餐。真的，這餐帶給我幸福的感覺。原來，平野都有好野。真的不可以用錢去衡量幸福的感覺。:)…查看更多

中午再去譽港灣揾食、今次我去咗自家烏冬開餐，又試試這間日式烏冬有多好味:)我跟友人分別叫上雞絲掛烏冬(冷食)/玉子海鰻定食/拖肥珍珠奶茶/同龍蝦沙律蛋燒..先講雞絲掛烏冬(冷食)，真真真好凍、好似剛從冰柜取出一樣麻醤计好夠都算得合格，麵質粗粗un un,(但全冇套餐飲品，單叫$38.大元)另一款玉子海鰻定食,有湯不過咸,又有小菜(不過係韓式泡菜，怪怪地...成為$45.)致於個拖肥珍珠奶茶,反而幾好,特惠$14.另再叫上一道龍蝦沙律蛋燒..呢個就騙咗我少少,一心以為蛋燒，即係蛋做底,一口咬上原來係小小粒硬豆腐,上面個龍蝦沙律就溝咗少少介辣幾特別,但不是我杯茶:(多謝又$28.)全程連加一約$140.可有回頭之念,未...必..有...!…查看更多

最近比較喜歡遊歷此在新蒲崗的大型商場，因為也許是新開的緣故，特別有一種比別人早點知道此處開了什麽新店的感覺。這次去光顧的是自家烏冬，有一點覺得奇怪的是或許商場的建築師想搞露天茶座式的食店，不過不知道是否後來有所改變，所以您在商場內不能找到她的入口，要走到外面）即使越秀廣場對面）才可以找到她的正門。店子不大，不過入面裝修的那個像大花盆的木條裝飾令您感覺店子很大。剛剛那天下雨，所以人客在門外等候叫位相當狼狽。等了15分鐘，終於有枱了，算是不錯的了，很多人客不耐煩已經離開了。餐牌選擇也不多，只是烏冬為主打，另外還有一些小吃而已。我們之前試過一些手打烏冬的專門店，愛上了那種彈牙式烏冬的感覺，希望她們也能夠提供相類似的食品，結果沒有太過令我們失望，無論是肥牛肉或是豬軟骨也好，味道合格，沒有驚喜。但是烏冬的確符合我們所謂的彈牙的要求，吃起來份外欣喜，雖然份量是小了一點，不知道未來能否提供“加底”的服務？而湯底是番茄也是我們所喜愛的一種，吃完也沒有口乾的感覺，證明不是那種味精合成湯底。由於是新店，所以大部份侍應也是帶著一股良好的服務態度，無論是添水或是落單也是合符“快而正確”的水平。我們未來一定會多點來光顧！…查看更多

Mikiki分店未開果陣 我表姐成日專登出去TST分店食 直到Mikiki開左 佢地又差不多每個星期都食咁我見佢地成日食 咁啱又搵佢地食LUNCH咪去試下有幾好味囉去到門口有成堆人排隊 間野又已經滿晒人 我表姐叫左個冷烏冬 (雖然我唔係食家 但試問一個好味又彈牙嘅烏冬又點會睇落係起角架呢)但係去度又無理由唔叫野食咁肉酸 就叫左 全店最平$20冷烏冬一咬落去....... 真係硬而不彈 總之唔會再幫襯我諗極都唔明 點解咁嘅質感可以吸引到咁多人排隊食 唔知係我唔識食定係咩啦 我覺得吉之島一盒盒果啲冷烏冬絶對好味過佢囉…查看更多

新開的MIKIKI商場, 吸引我星期日去探望, 而目的地係自家烏冬開在商場外圍, 無須入商場就去到, 入座率不低, 坐滿了客人試試他們的冷烏冬, 跟一份好像巨無霸一樣大的炸什菜蝦餅, 五十多塊的價錢不算好貴第一個問題係因為個什菜蝦餅有四吋厚, 四吋闊, 用筷子又夾不開, 有點老鼠拉, 不知點算好, 結果係: "咬", 食得好狼狽...烏冬比較靭, 有咬不開的感覺, 不過個冷麵汁味道卻不錯第一次試食, 感覺麻麻而已, 但勝在不貴…查看更多