Video
Above information is for reference only. Please check details with the restaurant.
Signature Dishes
嗰日唔知做咩咁黑仔, 食完飯諗住係尖東搵西式甜品. 估唔到嗰日行左幾間唔係收左就裝修緊. 行下行下見到Jasper! 之前我係西貢食過一次, 嗰次因為太飽, 雖然見到個frd食個ultimate chocolate既時候覺得好吸引, 不過嗰次真係飽到少少都食唔落所以諗住留番下次. 今日經過即刻推左我班frd入去試~~~ 4個人3個甜品外加一人一杯drink~~~ 仲有得可以揀坐係室外, 啱晒我哋幾個係室內食飯會超嘈既人~~~Banoffi Cake ($55): 呢個好好味. 佢有花生醬同香蕉, pie底! 所有pie底既野我都會加分! 而且佢個pie底幾好食喎. 整個cake黎講唔會太甜, 花生醬同香蕉呢個配搭好襯. 好味!Malteser Cheesecake ($55): 麥提莎芝士蛋糕, 芝士蛋糕為偏實既口感. 不過麥提莎既味道可能經過焗之後唔濃, 之係食佢個口感. Ultimate Chocolate ($55): 最期待亦都係最失望. 我個朋友已經同我講過話尖沙咀既同西貢既係無得比. 不過我諗住唔會差太遠, 同埋實在係印象深刻所以我都係冒險一點. 面頭原來應該bowine既用左兩舊乾巴巴既pre-make bowine代替. 另外, 裏面既雪糕既口感都唔似係雪糕... 反而有d似cream... 飲品我哋叫左3款cocktail: Daiquiri ($65), Pina Colada ($65) 同埋 Sangria GLS ($65). 酒既份量都幾高下, 不過一d都唔難入口, 我哋開頭都諗住係果汁多過酒精, 飲完成杯之後d酒先開始發出黎. 不過我覺得daiquiri最好飲.
continue reading
七月下旬‧晴 跟本地另一飲食網站高層的一次會面，想找個輕鬆一點的地方，坐下傾談，就來了這裡。 周六的下午，人客非常的少，而不知是不是如此，侍應的反應也都慢了一點，揚手一段時間也找不到有人來的。 三個人，要了三款食物來分吃，但卻三款的水準也不太令人滿意。蘑菇芝士crepe的蘑菇芝士原來只是醬而非蘑菇加芝士，crepe硬硬的，厚厚的，一點不好吃；牛肉比得包以為也是不易失敗的一環嗎，牛肉粗嚡之餘，比得包也是乾硬的，吃了一口也不想再碰了；All Day Breakfast夠大路了吧？也是一樣的一無是處，麵包硬，煎蛋及腸也乾乾的，連中間的一堆茄汁豆也不好吃，搞什麼？ 最後的一杯espresso，苦而不香，只是提神飲料。 由朋友埋了單，希望傾了的是對大家也有用的發展方向，先說聲謝。
continue reading
同男友周圍搵地方食brunch 搵到呢間唔知係今日天氣悶熱定點 入到去間餐廳都係悶熱的枱布有好多漬叫左3樣野- jaspas museli ~$70一大碟museli送上枱 waitress行緊過黎果陣以為佢拎住碟risotto上面有少少雜果 下面一大堆museli正常食museli係連hone/milk/yoghurt咁食 但佢地竟然就咁一碟俾我地好似俾雀仔食果d food咁 叫個waitress過黎問佢有無yoghurt 佢地竟然好驚訝咁周圍問其他同事.............基本上食museli唔會乾哽係常識 佢地仲要係一間打開門做生意既餐廳! 等呢碟乾糧黎 等左15mins 等佢周圍問yoghurt又等多5mins... oh god- chicken sandwich $85 (男友叫 我無試過)- mushroom crepe $75呢碟幾好 d菇炒得好香最搞笑係... 話要2杯凍水佢就拎2支已經開左既mineral water黎.... """已經開左""" 講乜都無用 最後埋單連加一 ~$320
continue reading
與友在附近吃完晚飯, 還有嘢傾, 友人提議吃甜品, 行兩步 (是日大風, 都唔易的!) 過來。坐了在外邊有打著陽傘的位置。 (但明明今日打風喎咩事呢?)友想吃有朱古力的甜品, 所以就沒點我想吃的 Pavlova (不過我見有位外籍女士點了來吃, 都好大件的), 要了Chocolate Pudding ($55 + 10%) 二人分享。明明我們二人來到, 一坐低外籍侍應只放下一杯凍水, 雖然係唔收錢啫都唔駛咁慳呀?! 我們落了柯打之後, 他們居然毫無意識再多給我們一杯水, 直到上菜了我們再要求才有。餐牌上寫明要等 20 分鐘, 咪傾住等啦。感覺上, 這個甜品應該是心太軟來的, 伴以雲呢拿雪糕球、士多啤梨醬和蜜糖, 都是心太軟的標準配備。一切開, 預期中的流心效果是 沒~有~ 的! 就這樣一團半固體的朱古力在中間, 至多面上也有一點點朱古力汁罷了。味道嘛, 也算是幾有朱古力味的 (如果連朱古力味都沒有的話, 都幾弊)。和著雪糕一起吃, 也很難有難吃的道理。最最教人氣頂的是, 都不知這裡的侍應是不是嫌我們幫襯得少, 還是患了「選擇性視野狹窄症」, 連我們要埋單, 向著他們狂揮手都可以沒有人來的! 我們笑說, 其實我們就這樣走了去該不會有人發現啊! 這似乎不只是我們獨有問題, 他們 serve 旁邊一大桌人都是每做一個 task 就走一轉, 初時還以為他們要兼顧室內的桌子, 太忙所以見不到我們, 原來那邊是另有侍應負責的, 而且我們在外面最多也只有三桌客人而已。原來他們這「絕技」早已練到爐火純青喇。真是幾好味都無用, 不給一個喊臉實在是氣難下。
continue reading
Fri night 7點幾去到, 越坐越熱,後期仲要攞個menu當扇用… waiter話個商場慳電,9點開始較細冷氣, 10:30全關, 嗰晚三十幾度,間野仲開咗十幾把大布傘, 空氣根本就唔流通,唔怪得之fri nite都唔full啦…. 野食overall 都係唔合格:Snack combo: 一大堆炸野,普通Tandori chicken pizza:不知所謂! 無味! 史上最難食pizzaMushroom pizza: 普通Angus Beef burger: 肉好嚡,好乾, 得個大字, 伴菜既薯條都好食過佢, 6個人食一個burger都剩半個, 反而薯條清晒Carbonara: 今晚唯一有印象既食物, 不太淋,味ok, 但個汁如果可以再杰d仲好Mango / Strawberry smoothies: 飲嗰個話唔得Banoffi pie: 見呢度人人都讚呢個dessert, 即使所有野都強差人意,都試埋先走,點知… 個餅底好厚/極硬, 唔知係咪加咗拖肥所以搞成咁,全枱無人敢試個餅底,我平時好鐘意食餅底,但咬咗一啖都忍唔住要放棄,好奇怪… 旁邊嗰球icecream應該係dairy farm貨色
continue reading