八月花 (Home Square) (Closed)

一家七口訂位食晚飯。星期六，日晚市只有6點同8點兩段時間選擇。餐廳光猛舒適，枱與枱之間夠空間，適合家庭聚會。食物選擇多元化，但味道不過不失，未見驚喜。鹵豬腳。有6舊。豬毛未清曬，又唔夠入味。鹵豬粉腸(唔記得影相)。試咗一條，對佢無好感。茶燻鴨半隻。只跟4份層餅，唔夠要另叫。鴨好香，略嫌食得多會咸，送飯一流。燒味三拼。乳豬叉燒貴妃雞。中上水準。咸魚肉鬆生菜包。得4片生菜，半碟豆都唔夠包。有好香咸魚味。亞參咖哩龍躉球。龍躉球鮮味，配有其他蔬菜，不過真係太辣，唔啱小朋友或老人家食。海鮮炒鮮奶。入面有魚同帶子，夠味夠滑但比較油膩。魚湯鮮竹浸菜心。不過不失。蛋白岩米桶仔飯。一碗飯嘅份量。有白米，岩米，粟米，蛋白同薑絲。岩米彈牙唔硬，加咗薑絲令碗蒸飯加咗唔少分。另外叫咗白飯。出奇地好食。又香又軟綿綿，真係估佢唔到。總結係，想搵個舒適環境食個家常便飯，八月都可以叫做稱職。

食咗好多次美心嘅晚市都真係麻麻地, 今次屋企人話再試下沙田呢一間八月, 咁是但啦啱啱去完沙田就咁樣試下囉 , 去道其實佢有啲餐嘅, 初時諗住唔好煩就嗌餐啦, 因為有有啲半圍呀啫六個人嗰啲餐 , 咁最終呢我哋就選擇咗散嗌, 而埋單個價錢呢就平過喺半圍, 啲嘢食呢又多啲款式, 所以呢都冇揀錯散嗌嘅,半圍係好傳統有魚有拼盤嗰啲款式, 咁我哋嗌咗都幾多餸今次亦都食得飽, 平均唔係話好好味但係款款都食得入口 ,而賣相都ok嘅可以睇下啲相先。呢個賣相就差咗啲囉,得幾嚿苦瓜其實其他無野嘅位置可以求其擺啲嘢呀呢個羊架算係好味嘅六個大人一個細路仔 好似埋單二千蚊定係二千頭咁上下啦食得飽都算係咁嘅

星期六一行七人食晏，叫了一個套餐，三款點心加一個炒飯，食物水準真係一般，無論點心丶小菜都係麻麻，員工態度簡直不敢恭維，吾明呢個集團見到咁多劣評，都吾再培訓班員工！！！我們距離入座時間遲左五分鐘，個員工態度竟然係責怪式咁話已經幫我們下order叫甜品啦（套餐裡包括一款甜品），好像我們犯罪一般!!!吾明點解要顧客比錢睇佢地面色，真心講，價錢不係下價，食物水準一般，員工態度九流，以後一定吾會再去。真係連一粒星都比吾落手😠

沙田酒樓唔算少，但真係好食嘅都冇幾多間， 平時我地去開沙田美心皇宮飲茶，因為知佢每日都有十數名點心師傅係酒樓現做點心 (其他好多酒樓啲點心都係交嚟嘅) 。不過美心酒樓等位等得好誇張，而且好熱鬧，坐得唔算舒適。 所以我地有時都會稍移玉步去八月嘅，環境比較雅緻。不過唔知幾時開始，八月飲茶要限時，每枱90分鐘，即係食完就要走唔可以嘆。咁都唔緊要，自己屋企人去，都唔會磨好耐嘅，但呢次去，啲食物質素真係令人好失望，中伏了！我地其實都係點啲大路野，但唔知點解，啲點心上枱全部都係凍嘅，佢唔係推車仔， 係寫點心紙order的， 點解會係凍嘅呢？！而且味道都跟美心相差很遠，即係再差啲， 但明明八月應該係美心系中較為高檔架噃！😒呢個牛角穌係毀左容咁上枱的， 好可憐！類似芋角嘅更鵝，皮又乾餡又少。

成日去沙田宜家買野都必定經過，成日都想食，今晚終於嚟食慶祝生日晚飯，期待我們一行9人點了4人餐，再散叫了一些餸菜*頭盤是燒味拼盤，燒餓軟淋，味道好*黑松露素羹，黑松露香氣撲鼻，配上素菜絲材料，口感豐富*炸腐皮卷，香脆鬆化，味道一般*鮮蝦4角豆，第一次食呢個蔬菜，外型起角似仙人掌但爽爽地又幾好食*跟餐有個湯，唔記得咩名，清清地，都幾好飲*煙薰鴨，有半隻/1隻，我們點了一隻，有啲似片皮鴨，但多了煙薰味，呢個推介，必食*豆腐，蒸魚，普通小菜，冇乜特別*蟲草花浸菜苗，呢個好食，菜苗冇渣，清新*安格斯牛肉炒飯，用鐵煲上，夠熱，炒得乾身夠香，都係必食*蛋散，配上碟旁甜甜地的糖絲，Good為呢餐晚餐劃上完美句號，想食咗好耐的八月，冇令我失望，呢餐生日飯好愉快，滿意

閒日想在沙田找人不多又好食的中餐是難過登天的,但若不介意行出市中心的話,八月就是最隹選擇,尤其是二時後就已開始下午茶時段。 下午茶點心選擇雖不多,但價錢却超值及味道有水準。我ㄧ直找不到好味的蘿蔔糕及芋頭糕它都有,煎得還頗香。還有我的至愛芋角,師傅在上面放上小小裝飾,特别引人。要ㄧ提就是甜品芝麻卷的味道也不錯。唯ㄧ美中不足就是冇得訂位,但so far 都比市中心容易,每次很快就有位。值得ㄧ試。

完全不知所謂，上網攞飛過咗八張飛話冇得補飛， 我真係第一次聽， 冇飛攞唔緊要唔好黑我面， 個知客完全冇表情態度差， 唔好講話要食好唔好食呀！你呢個態度已經等執笠，D嘢又唔好食， 冇下次

呢間食店環境裝修不俗，都好多人等位，我見到其他人用 apps 訂枱都得，勝在限制每枱用餐時間係90分鐘，所以翻枱都算快。每位茶$13，茶味不錯，值前菜：木耳，酸菜，花生，毛豆，好開胃，$12，絕對係抵。冬菇雞肉餃子配上陳醋，必食，皮滑，肉汁夠，食材比例適中，真係可以食到好多隻。四寶雞扎入面真係魚肚唔係豬皮，係冬菇唔係芋頭式豬肚，真係抵。荷葉飯好香，好味，飯質軟硬適中，略嫌份量太少。食到懷舊味道嘅芝麻卷，好開心。

位於沙田市中心廣場旁的Home Square 內的八月，屬於美心集團，跟女朋友家人一起在此品嚐美食，內尺寸不大，枱與枱之間很貼近，真的充份利用環境的長闊深，好野！也反映香港食市租金昂貴及要多些枱充斥著，方便翻枱，以賺取更多利潤。好！一行四人坐下，餐牌好似一本文青必看的書，一打開，發現菜式也與其他中菜館不一樣，有其風格，刻意又自然地走高檔路線！以下的菜式會嘗試一一品評，好！Are you ready ?1.脆茶燻鸭半隻跟層餅: 鴨有燻味，用層餅(即飽皮)夾著來吃，拌著特選醬，口感豐富又變幻無窮，有80分！2.松露煎比目魚伴岩米: 比目魚鮮甜，下層以岩米襯托，一啖魚一啖飯，立即送你上天堂！3.洛神花黑豚肉: 師傅調校的酸甜醬，黑豚肉有半肥瘦底，一入口，地搖山動，不能回頭了！4.湯浸南瓜花翠苗: 最怕吃到翠苗苦，幸好這個苗又嫩又有青葱味，湯也吸盡它們的精粹，75分！5. 薑茶湯丸: 不夠薑，茶也偏少甜，芝麻湯丸咬出細芝麻，好心機，吃埋甜品，人生真的飛出無限宇宙！好多人也說: "人生有知己，生命有美食"感謝五月帶我來到八月，值得推介！

其實都唔只一次黎呢間飲下午茶，黎呢度主要有兩個原因，賣個關子，容後再分享……兩點左右黎攞位，由於平日關係，唔洗等就入到去，坐低仲未揀好食咩，先黎個餐前小食，(由於太餓，食左一輪先記得影)，講返個小食，唔知係咪太餓，都幾好食……呢個就係我飲親茶都揀佢既其中之一個原因啦，酒樓開茶一般都係香片觀音普洱等，而呢間就可以加錢叫佢一糸列既花茶（$34），而我就最喜歡佢呢隻人參烏龍茶，喜歡佢飲落口之後個種回甘味，齒頰留香呢四個字絕對可以用黎形容佢。去飲茶都必選既食物--蝦餃，我認為佢係衡量間酒樓整點心好唔好食既一大指標，呢間既蝦餃（$36）老實講就做得一般啦，未做到咬開會有肉汁會噴出黎個隻，不過都不過不失啦北菇牛肉球（$24），呢間既牛肉球除左係傳統既山竹牛肉外，佢加左件菇上去，加強番個咬口，又令個感覺冇咁肥，都幾好。煎蘿蔔糕（$10.8），呢個係特價小食，黎得飲下午茶就叫一碟試試，味道方面呢我就覺得一般啦，我 嫌佢整得太散，蘿蔔冇整到好分明個種，可能個人口味問題啦…煎蛋牛肉煲仔飯（$28），呢個又係特價食物，叫佢純粹諗住填飽個肚，又諗住睇下呢間d煲仔飯做成點，都係正常啦，唔算難食又唔算好好食咁，當

之前試過街坊式的酒樓，肚子填飽了，但嚐不到精美的感覺，總有點失落感！今天特意找一所茶具雅緻，環境雅潔的酒家，一嚐揉合傳統及新派的點心滋味。這裡茶具按茶樓名字而特別設計，瓷器輕巧，只是我們3:00進入，正是下午茶時段，卻獲告知3:30last order, 4:00完場（哈哈！果然4時正關燈，很絕！蝦餃一籠是4粒的（我急不及待吃了一粒才想起拍照😝）。蝦很爽，有鮮味，只是蝦餃皮略嫌厚了。腸粉裹著的是脆脆威化包著的鮮蝦，入口有軟、脆、爽的多種口感。外加芫荽，倍增美味，賣相亦佳：）有蘿蔔絲的口感及清甜，加上些許胡椒粉更美味。難得的是不覺有味精，只嫌臘味味不足，蔥似蒸後外加，味道未足以滲入糕內。精美紅泥小窩內熱騰騰的上桌，糯米煮的恰好，不軟也不硬，飯不太油，內有切粒臘味，若加上蔥粒、花生將更美妙。

高級裝修，餐具精緻， 服務體貼，出品細心，價錢公道重陽去寶福拜祭完，揾最近酒樓同家人飲茶， 就選中呢間美x集團行高級路線酒樓。門面同裝修一睇就知高級， 非同小可。點心出品好細心， 蝦餃同出面唔同， 細心到怕客人食得急會比肉汁灼傷，所以d皮未夾已爛， 等d汁流走晒先； 素粉果都係，皮薄， 一夾就爛...........總之就樣樣都100分， 無得頂

晚飯，限時1.5小時, 佢地既服務態度其實普通普通之中既普通，因為有d好既拉平衡左，有人好有人差，食物個樣就幾精緻既，份量夠少但還可以，環境其實都唔錯，如果可以換左d服態差既就好d

今年中秋節，母親大人話唔起屋企煮飯，所以就一早book定枱同屋企人食中菜啦！今次仲要預早落訂先可以留枱！做節當然冇左平時的餐牌，預左要食套餐！簡左$888的4人套餐，看似十分豐富！首先上的係燒味拼盤～分別有叉燒，沙律菜同海蜇！叉燒好鬆軟同入味賣相亦唔錯！這是海皇羹～分別食到蝦、帶子同魚肉，花膠就相對較少啦！唔少得的蒸魚～好鮮甜，唔會過老！翡翠扒海參～好肉厚，充滿骨膠原的感覺中秋梗係要食湯圓啦，湯底夠哂薑但唔套甜！小朋友未必太鍾意啦！

啲野食 唔講以為放左好耐！大家想食差既食物可以黎呢度一試Book枱後 會無間斷地打俾你好煩，都唔知驚無生意定咩！大家諗清諗楚先好去啦我相都費事影，一句到尾美心既 好極有限！