渣哥一九九六 (Closed)

要數嫩蛋，點名「渣哥」，當然唔係講辣魚蛋啦！係真真正正的炒雞蛋。我邊食緊「渣哥」腸粉，邊寫呢篇文。記得五年前「渣哥」在銅鑼灣開張，落去幫襯，並寫了一篇 blog 。現在從看，重溫了當年小環窩心的親身小故事，悸動仍在。五年後的今日，更加唔使我多敘述。呢排真係食多咗好多「渣哥」，鐵膽係「頭抽腸粉餐」包辣魚蛋、燒賣；有時夜晚會叫生菜魚肉、酸齋、辣牛筋丸等等回家加餸，相信同路人都食唔少。今次想推介下它們的早餐，早上11時之前供應，除了一般腸粉、炒麵之外，它的厚蛋治也是一絕。厚蛋三文治可配芝士、火腿、鹹牛肉，$28 送熱飲。有時我就會買一份，企喺度食完先搭車返工。「芝士厚蛋治」兩大件，麵包鬆軟，厚滑蛋實而不華，沒多花巧，吃得出是真材實料沒下奶油的堅 • 炒蛋。而且都是新鮮整起，芝士夾在中間呈現半熔狀態，食完好治癒！心地好，出品好食，價錢合理，雖然要排隊，我都會排，實在沒有不幫襯的理由。我寧願早10分鐘起床，去排隊買早餐，支持一下。相比起其它有良知香港人的付出，我這些簡直是微不足道。大家若有機會，一定要去一試他們的真功夫炒滑蛋。

🔸頭抽腸粉套餐 ($26)分數: (7.8/10)混醬最正🤤腸粉幾滑，腸粉唔會黐埋一舊一劈劈。咖喱魚蛋個醬好惹味，夠濃夠辣。燒賣稍遜，質感一般，太稔，會黐住其他。

魚蛋沒熟就賣，很硬，很難吃，反映了假裝聽不見。服務差至極，買了就上當。所賣的小食看上去很不新鮮，價格偏貴，吃完的拉圾也不讓回收，太差了吧！還開什麼舖？沒有服務可言，失望的體驗。希望好好檢討。

應該冇乜人唔識呢間掛😌 老老實實小食定價算中上，唔特別平，不過味道嚟講佢真係每款都唔錯🧐，完勝藍店鴻x堂嗰d麵粉燒賣😗⠀🧆 頭抽腸粉套餐 $26套裝有魚蛋、燒賣各四粒，再加幾條腸粉～ 魚蛋係彈牙，唔係一餅嘢的😌 燒賣咬開係透明燒賣(有冇人明😂😂)，最喜歡呢d燒賣😙😙😙 有d煙韌唔會成口粉😌 最後腸粉都好滑，但比起魚蛋燒賣就冇咁特別😝🥡 燒賣 $18/8pcs + 熱飲女仔嚟講都夠飽～ 男仔都未必😗 總括嚟講我見到會再食，但佢d分店真係冇一間近我🤧 開多幾間就好～

無想過渣哥會響東涌開小店，咁照顧東涌既居民，跟銅鑼燒樣都係小食店，食物都係同銅鑼灣分店差不多。買左一份三寶，裡面有蘿白、豬皮同魚蛋，如果有試過銅鑼灣渣哥既都知佢d魚蛋好好味，個汁調得好好唔係一味得個辣字，所以用黎煮豬皮好入味，order完見到女職員將豬皮放入外賣碗，成碗滿滿的鹵水雞脾，有少少少少靭，但基於份量（超巨型），滿意可接受

連放幾日假~又因為疫情有冇乜點出街咁耐， 索性出去行下山~行完東澳古道去東涌已經八點幾， 雖然都唔算好肚餓~因為中途有補給，但係都係想搵下嘢食~ 咁就梗係開app搵下啦要係東涌搵間啱心水啱信念嘅舖頭~ 最近最方便一定係渣哥， 雖然自己講過唔好再幫襯鐵路鋪頭， 但今日權宜行事~渣哥啲腸粉呀真係無令我失望~好滑，呢一間魚蛋嘅辣度仲非常之正~好啱我口味~雖然話行過路過先至會幫襯嘅機會都好少~ 不過無可否認渣哥係一個好嘅選擇

抄麵 唔用工具，戴著膠手套，直接用手抄，抄抄下，又做其他嘢，包外賣，用嚟用去都係同一隻手膠，之後又唔換新手膠！手膠本身已經唔衛生，根本唔適合直接掂食物，仲要唔換手套！D人態度又差，做到咁悔氣不如唔好做！下次唔會幫襯

今日有時間特登去到支持下，但真係一個客都無。嘢食講真一般，除非在屋企樓下方便就會特登去下。主力賣啲現成到處都可以食到的燒賣、魚蛋就無太大驚喜、真係難以長期幫襯⋯⋯

半年之前，在不少香港人心目中，「渣哥」可能只是某過氣港姐離開娛樂圈後洗盡鉛華開的一間普通不過的港式小食店，誰能料到，半年之後，在不少香港人心目中，「渣哥」竟成為了一個響噹噹的名字，讓不少真心熱愛香港的市民絡繹不絕地去支持它，懲罰它。這一天，兩夫妻決定離開鬧市，到香港後花園之一，充滿外國風情的愉景灣一行，呼吸一下清新的空氣，所以來到東涌，再轉車前往。來到東涌，肚子已在打鼓，見「渣哥」就在附近，正好吃個早餐，懲罰懲罰它。在這間外賣店點了一份「燒賣」（$18/連熱飲，凍飲+$3），一客「頭抽香滑腸粉」（$18/連熱飲，凍飲+$3），兩夫妻就在這間外賣店外開餐。「燒賣」共有八粒，口感挺佳，有彈性而不死實，下一點辣油，微微帶辣的味道，開胃好吃。「頭抽香滑腸粉」也不差，滑嘟嘟，白雪雪的腸粉，下了甜醬、麻醬與芝麻之後，熱呼呼的送進嘴巴，簡單而味美。兩夫妻這個早餐，付出的才不過四十一塊錢而已。經濟相宜，足可飽肚又好味道，偶爾來一次燒賣腸粉早餐，很好呢！「渣哥」大展拳腳的「大渣哥茶記」已在日前在九龍灣開業，雖然我還未前往光顧，不過我一定會去捧場的。「渣哥」，祝你生意興隆！

依間渣哥係東涌開咗好一陣子我先有去食。主要原因因爲覺得佢真係一啲都唔平。我第一次食嘅就係因為佢出咗個咖哩撈烏冬，$36有交易，仲要有6個餸，好似幾抵食就買咗嚟試下。個撈烏冬$36蚊6餸有冬菇，生菜，魚蛋，豬皮，雞翼同蘿白，真係好抵食👍🏼。啲蘿白同豬皮超正，2個都好林。蘿白食過幾次都好甜，豬皮就好入味。啲咖喱汁係完全夠撈到條條烏冬都有。食個依個撈烏冬之後，就開始買下其他嘢食，豉油王炒麵份量夠，味都夠，叫埋餐$26蚊有多4粒燒賣魚蛋，都唔算貴。暫時試過咁多嘢都唔伏，間中食下都係幾唔錯嘅選擇。😋😋😋

雖然知道「渣哥」這間店，今天第一次嘗試叫左個「豉油皇炒面套裝$26」加$18樽仔咖啡收錢職員有禮貌的告訴我，炒面沒有菜ok嗎？🙈當然無問題⋯⋯炒面都有陣陣豉油味，喜出望外的燒賣好有咬口，魚蛋就一般啦（勝在有得辣唔辣）💖推介樽仔咖啡⋯本身只飲唔甜的美式⋯雖然都甜甜地，但咖啡味濃郁👍🏻👍🏻👍🏻

東涌可以話係其中一個香港嘅美食沙漠鄰近地鐵站附近只有東薈城同富東商場東薈城已經被大集團或連鎖食店佔據以普通商場就係一般領展嘅商店所以食品選擇一路都比較少都比較少人到東涌搵好嘢食咁今次到因為做嘢嘅問題入咗東涌不過逗留嘅時間比較短就冇喺呢邊食嘢係臨離開嘅時候，喺地鐵站附發現咗渣哥渣哥嘅定價比較中上隔離店甘啱係比較相宜嘅鴻福堂我見人流唔係好多，唔使排隊口痕痕，所以就叫咗一個腸粉套餐識落原來又幾有驚喜腸粉非常之滑，魚蛋燒賣彈牙魚蛋唔會似出面一啲鋪頭勁油總結：價錢稍貴，但味道一流Staff態度非常好笑容勁開心買到幾開心

10.10全民感謝日特意幫襯左渣哥哥，系有美食沙漠之稱既東涌想搵D小食黎食下其實渣哥哥絕對系數一數二之選。 🔷生菜魚肉 💰25 💙純支持店鋪 不設評分 魚肉份量都幾多下而且系「真」魚肉而吾系溝左好多其他野，order時如需要少麻油或胡椒粉既話要預先提出，但FC店員都會親口再問。碗生菜魚肉系即叫即整所以食落好熱，價錢偏貴但系系用左「真」魚肉而且份量又多，所以都接受到。 🔷渣哥招牌咖哩汁綜合撈烏冬 💰38 💙純支持店鋪 不設評分 (瑞士汁雞中翼/蠔油炆冬菇/蘿蔔/豬皮/魚蛋/生菜) 綜合果然系乜都有，差少少就當左佢系盆菜，個咖哩汁有少辣所以怕辣既族群可以轉瑞士汁，份量上其實可以當成晚餐，但由於無湯做底所以大胃王既食完可能會無食飽既實質感maybe。雞中翼同冬菇都炆到好淋好入味，亦留意到好似無得單買雞中翼＆冬菇。 . 🔷題外話 渣哥既購買過程系先order後聽number拎食物，兩者系分開，付款後都好快拎到食物，十分適合快食一族。

呢排經常放工買渣哥返屋企食，食過咁多燒賣，渣哥真係最好食！好有口感，我好鐘意呀！另外渣哥三寶都好好食，好大碗好入味同好足料！會經常幫襯👍🏻👍🏻有機會試晒其他食物！

為食花太郎 Fafafoodblog #fafafoodblog小食 #fafafoodblog東涌<支持下真香港人店>😃次次去到銅鑼灣渣哥都勁多人排隊 諗住支持下都唔得 因為本人住東涌 都係食番東涌店😂鋪頭10pm關門，9點幾時已經冇哂 生菜魚肉碗仔翅之類 得番腸粉 魚蛋燒賣 🍴渣哥三寶30 蚊😍每樣野都幾多 魚蛋彈牙程度一般🐟 我覺得麻麻 個人都係鍾意大粒 d ,豬皮好軟林🐷而且切得幼長身口感更好 呢個推介👍🏻 蘿蔔整得一樣淋 而且好 juicy平心而論比我想像中好 而且佢個咖喱汁 個甜度適中 帶少少辣椒碎 都幾入味🌶坦白講 渣哥平均味道係好過 average 少少， 價錢有 dd 貴， 但有時食野除左食味道 仲食人情味 . 嗰 d 冇良心垃圾鋪 盡量唔去🤷‍♂真香港人加油！Score 平均分 <7.1/10>Taste 味道：👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#渣哥一九九