渣哥一九九六 (Closed)

東涌嗰頭唔係翠華就係唐記呢啲藍店，諗住話幫襯下黃店，咁就去買渣哥啦。買左個腸粉餐，本身想叫佢比啲咖哩汁，點知口殘講左辣油辣醬，之後就同佢講唔好意思，我想要呢隻汁（手指咖喱汁）。之後佢就大力咁放枝辣椒漿喺枱，啤住我話話呢啲係咖哩汁啊！第1：我知係自己講錯，所以我都講唔好意思；第2：態度有必要咁差咩？最後一次，唔會再幫襯！希望你地真係唔愁無生意啦～我首選係幫襯黃店，但如果你持住自己係黃店，無左服務，咁不了👋👋

以前啱啱開嘅時候，腸粉燒賣真係幾好食，腸粉好軟熟，但係最近2次食真係又貴又難食，腸粉硬，燒賣淋，價錢一啲都唔平，所以以後都唔會再幫襯喇希望店主會留意返啲食物質素，有所改善啦

本人早上在店買炒麵早餐，我當時叫檸底，回到公司打開杯蓋，發現生銹檸檬，檸檬外面啡色 ，一點點 類似焦燶，嚴重懷疑可能掉過落地，真的很過份，希望您地有一個合適理由 ，本人在東涌上班 ，之前都有幫襯開 ，今次您們犯了一個低點錯誤

腸粉套餐都唔好食既見到人人都讚渣哥，諗住試下啦！貪心買左個套餐想試晒三樣。$26本身貴貴地（小弟家貧無計）但原來有野飲送，即刻覺得抵返。但食落去，腸粉其實ok既！偏幼身，但平心而論係滑既。米漿味唔太重。魚蛋並非我所好，唔識評論，感覺比較食硬，唔彈牙亦無味道。真正失望既係燒賣。我係好鍾意食燒賣既人。期望越大、失望越大。除左粒燒賣大之外，真係一啲都唔好食。醬汁比較好係真既，食完只有少少口渴，相對黎講係健康少少既。最後，不如杯野飲唔好送啦！袖子蜜同水無分別。減價比我算啦😂我諗我唔會食下次啦。試過一次就夠了

已經好耐好耐無飛過！想尋找旅行嘅感覺！小編今日坐機場巴士過嚟東涌行下去下市集玩下影下相！有間渣哥！曾經試過大渣哥大排檔，我相信水準都唔會差得去邊！果然無估錯，真係高水準！我叫咗咖喱魚蛋！咖喱魚蛋一定要配甜醬啦！咖喱又唔算好辣，但好有咖喱味！呢隻味道可以話買少見少，真係唔知邊度可以再搵到！魚蛋都算彈牙既！喺疫情下其實真係唔係好敢喺街頭都篤魚蛋食！不過突然好想食，咁就冇計啦！好彩地人流唔係太多，都可以嘅！仲配上一陣強風，食魚蛋都覺得有啲溫暖㗎！

之前我喺CityGate嗰邊返工，成日都食佢哋嘅蛋牛治，每一次食之前都會想影相放上嚟OpenRice，但係每一次都唔記得 ╮(╯▽╰)╭ 老人家冇辦法。 每次想放上嚟OpenRice，都係因為見佢哋份三文治勁大勁厚好amazing ( ´▽` )ﾉ 想同大家分享。 今日難得又食到，於是乎的起心肝寫吓食評。 呢份三文治，我覺得係抵嘅，$28，不過佢哋杯野真係好難飲，千祈唔好中伏。 我覺得唯一可以飲而唔加錢嘅(凍飲要加錢，支裝飲品都要加錢)，就係飲佢哋嘅熱柚子蜜(￣∇￣)。我試過飲佢哋嘅阿華田，淡如開水，其他人飲過奶茶，都話勁難飲！ 佢份蛋牛治即製嘅，熱辣辣。我呢張相睇落唔吸引，係因為我拎咗返公司先食，都有半個鐘，所以個外型好似爭少少。但佢啲蛋牛其實炒得好滑，唔會乾爭爭！ 所以，我一再encore

.📍渣哥 一九九六📍 #饅頭去東涌 #饅頭的港味道 #饅頭的掃街系列 #饅頭食麵包------------------------------1️⃣滑蛋鹹牛肉三文治 ($28)蛋牛治係小編嘅comfort food，原本見到價錢覺得有啲貴，但估唔到佢嘅蛋係咁厚，夾埋應該用咗至少4隻蛋😳，即刻抵返曬。鹹牛肉份量足夠，同炒蛋係絕配，炒蛋仲要係8成熟有漿😋，唔係靠落好多牛奶搞到佢太稀太水冇曬蛋味👍🏻，咬落口感蓬鬆，有勁香嘅蛋汁同少許食滑蛋嘅感覺，冇乜油膩感。麵包就普通嘉頓厚切方包，勝在唔會比啲饀整到太濕，如果係烘底嘅應該會更加好食🤔。整體味道比一般茶記出色，但就唔算話好出彩。因為小編本身對佢冇咩太大期望，所以都幾有驚喜，絕對夠飽，食完行山啱啱好。------------------------------◾包體：3.2/5◾內在餡料：4.1/5🔸整體評分：7.3/10🔸小編回頭率：6.5/10P.S.個餐包埋嘢飲，同埋係有兩份三文治架，小編剩係影咗一份。

魚蛋定燒賣🍢 唔知大家係邊一派呢小孩子先至做選擇🤪 dpz全部都要👅頭抽腸粉套餐 $26套餐有腸粉🥢魚肉燒賣同魚蛋各4粒🤤啱晒貪心嘅dpz 一次滿足三個願望🧞‍♂️落單時店員好細心問魚蛋要辣定唔辣💁🏻‍♀️dpz揀咗辣魚蛋🌶魚蛋食落微辣😛食咗兩粒就忍唔住要飲水🥵😂(指標☃️dpz食開五小辣🔥)細細粒食落爽口彈牙🥢一啖一粒好過癮😋魚肉燒賣望落大大粒🤩一粒分兩啖食好滿足☺️☺️冇腥味又彈牙😋不過要吹凍啲食♨️🤣dpz唔係燒賣迷但絕對會回購渣哥嘅燒賣🤩💛腸粉比較幼 但份量十足滿滿一盒🤩食落滑溜⛷夾埋醬汁一流🤤醬油頭抽食完冇口渴感覺👍🏻東涌分店嘅渣哥係地鐵站A出口左轉就見到🤩好期待下次再食🤤

•渣哥一九九六東涌難得搵到既良心店👍🏽👍🏽👏🏽👏🏽😌😌💛💛💛💛💛·～～～～～～～～·1️⃣渣哥三寶($30)＊渣哥三寶有豬皮、蘿蔔同魚蛋，裝到滿一滿好滿足😍😍蘿蔔係最底，蘿蔔就咁用清水馺，無浸住汁，係中間落豬皮時有汁流落底，蘿蔔根位比較多，但都好腍👍🏽👍🏽👍🏽😋😋😋＊豬皮係中間，極之入味，份量都好多😆😆😆＊魚旦係最面，有6粒，係普通魚蛋，唔係陳皮魚蛋嗰隻，辣魚蛋又唔係好辣個種，入口好適合😋😋😋(score: 4/5)•·-評分👑賣相：✨✨✨✨✨味道：👅👅👅👅👅價錢：💰💰💰💰推介：⭐️⭐️⭐⭐⭐(5分滿分)~~~~~~~~~~

係東涌返工，成日都唔知食咩好，好彩地鐵站有間渣哥。佢既早餐算幾抵，我分別試過佢既燒賣、魚蛋、腸粉同蛋治。燒賣跟餐份量唔係好多，好似有8粒，都係魚肉燒賣黎，煮得幾淋。魚蛋夠彈牙同咖喱汁好入味。腸粉我鐘意跟佢standard既汁同醬，樣樣都落啲夠惹味，同腸粉唔會太厚身。個蛋治份量真心多，公司啲男同事食完都話好飽，佢既蛋好滑，炒得好好味，個包烘過，脆脆的，好鐘意。可惜佢係一間外賣早餐店冇得坐低慢慢食，好多人都係旁邊既ramp度食埋先走，熱食真係好味過買返公司食！

武漢肺炎搞到大家冇得去旅行，d年假都唔知要嚟做乜。。。 所以我地而家會放平日去郊遊， 因為weekend實在有太多人出去避武漢肺炎，搞到d郊區旺過旺角，我地冇理由同人迫架嘛， weekday咪少d人囉~呢日響東涌集合，早咗少少到，搵嘢食先~ 食飽先上路 見到有渣哥， 咁就唔駛諗啦， 睇嚟睇去， 成個東涌都冇乜嘢食嘅， 住呢邊真係幾慘。。。。 佢原來有早餐set, 送嘢飲， 我叫咗頭抽腸粉套餐， 26 蚊連嘢飲， 都幾ok, 佢個腸粉都幾好食，又多醬， 一d都唔孤寒，仲有幾粒魚蛋同燒賣，食到我超飽，真係幾大份，好抵食 仲要呢邊冇乜嘢食， 真係清泉呀

這年，我來東涌的日子應是過往的總和，皆因東涌是幾個離島熱點的出發點。而我每次來東涌，幾乎都會吃渣哥。當天我和朋友約了去大澳，我早到而且未吃早餐。由東涌到大澳要一小時，但我們會在那裏吃很多東西，於是我少少地選了渣哥三寶。渣哥三寶有很多蘿蔔、豬皮和魚蛋。咖喱味突出而辣，就是那種港式的辣。蘿蔔很甜，有一點解辣的功用。豬皮和魚蛋是咖喱的絕配，只是豬皮有點豬毛。整碗渣哥很大碗，建議兩個人一起吃更好，這些小吃就是要跟別人分享吧。

呢幾日去開東涌上堂，呢頭黃店嘅選擇唔多，所以幾日lunch都食渣哥。我覺得佢個咖喱三寶同埋兩溝都好好食，個兩溝入面有勁多魚肉，食極都有😍加埋樽裝奶茶，啱啱好😊

最近有堂食限制， 晚餐最方便就是經過地鐵站買這個街頭小食。這家渣哥的炒麵做得不錯， 簡單的豉油王炒麵配咖哩汁， 很惹味。 唯一是他味精多了一點。 魚蛋不是爽口彈牙的哪一款， 比較軟淋淋的。燒賣是典型香港的魚肉燒賣， 內裏軟淋淋，熱辣辣， 再配上辣油， 十足香港風味。

渣哥嘅早餐真係好抵食，份蛋治好厚，基本上食半份已經夠飽，今次叫左咸牛肉蛋治，牛肉味同蛋味混合得岩岩好，牛肉唔會搶左蛋味，雞蛋都好滑，重有少少蛋醬，真係抵食早餐之選！