205
6
2
Exit F1, Causeway Bay MTR Station continue reading
All Branches (2)
Telephone
28070103
52207007
Opening Hours
Today
12:00 - 15:00
18:00 - 23:00
Mon - Sun
12:00 - 15:00
18:00 - 23:00
Payment Method
Visa Master AE Cash UnionPay JCB
Number of Seats
35
Other Info
Wi-Fi
Alcoholic Drinks
May Bring Your Own Wine Details
Cake-cutting Details
Phone Reservation
10% Service Charge
Review (220)
靜待烤網預熱通紅,放上一塊雪花分明既厚切和牛,燒得滋滋作響,夾起油亮香氣四溢既牛扒輕點醬料放入口中...... 不得不承認東張西望既宣傳攻勢幾成功,我就係其中一個睇到流哂口水想去試試既觀眾,訂座都幾爆滿,最後星期日食早少少6點先有空位。日本產和牛上牛排肉 ($205)店員教路要將油脂最豐富既部分留返最後先燒,由淡味食到濃味,所以忍手唔燒最吸引既西冷住。 上牛排肉雪花紋幾靚,本來預期味道甘香,意外地牛油香味唔太突出,反而牛味幾濃、扎實有彈性,幾欣賞佢夠厚切有口感。日本產豚肉眼 ($98)豚肉已經用燒汁調味過,唔洗點醬都好夠味,算係嫩滑有肉鮮味,但未留下深刻印象。牛舌 ($108)薄切本來都冇咩期望,估唔到薄得黎都可以咁爽口彈牙,同樣唔洗點汁都好夠味,以此質素終於明白點解厚切版差不多貴個double,有機會都想試試。特上日本產和牛西冷 ($550)我最期待既畫面出現了! 和牛西冷既油脂分佈好靚,雪花同肉佔既比例近乎一比一,以熊熊烈火燒到表面焦香、牛油受熱流淌既景象實在太治癒,岩岩變色內裡仲係嫩紅就食得喇。  挑剔如我唔鐘意食瘦肉、亦唔鐘意成口油,好欣賞呢塊西冷肉汁豐盈、甘香幼嫩,近乎入口即溶。 靚既牛肉其實唔洗點調味,簡簡單單鹽同黑椒已經充分引出和牛既鮮甜甘香,感動到連肥膏都食埋。醬汁方面有日式燒汁同埋一小塊檸檬,雖然好味但個人覺得用係靚牛上有少少浪費,反而台面自取既鹽同黑椒就好百搭,同濃郁牛味相得益彰。 單點左幾款肉會放埋一齊上,另附彩椒、南瓜、冬菇同粟米等,全部都好新鮮清甜,如果份量加倍、減輕肉感就更佳。乳酸 ($58)可以自選加唔加酒,我健康人生唔加酒就覺得偏梳打水味淡左少少。日式燒烤基本上都係自助形式冇咩服務可言,但幾欣賞店員上菜時會大約介紹下和牛分類同埋燒肉次序,換左幾次網都好快手,有求必應。 燒肉最怕就係用餐後成身都好臭,但呢度抽風做得幾好,餐桌餐具都清潔得幾好唔會油膩,完全可以清爽地離場,值得一讚。 本來獲安排坐吧台位置有少少不悅,估唔到坐落都幾舒服,環境安靜可以傾到計,雖然食物份量唔多,但食食下都幾飽,心滿意足。 continue reading
(The above review is the personal opinion of an user which does not represent OpenRice's point of view.)
Level4 2018-12-05
1209 views
有客自遠方來,不亦樂乎!作為東道主,當然要安排美食,一盡地主之宜。和牛燒肉純是收藏食店之一,先來個午餐洗洗塵。純環境乾淨企理,感覺和式,地點就腳。牆上掛滿和牛簡介,邊食邊長知識 🎓今餐點了豪華燒肉二人餐 $420,除基本的沙律、前菜、日本米白飯及湯外,主要還有三款和牛、三款海鮮、雞肉、蔬菜。簡單又開胃的沙律,新鮮沙律菜加點彩椒,既艷麗又健康。日式秘制醬汁配豆腐,成為前菜一碟。豪華餐現身了,感覺高檔豐盛,不會失禮吧 😋😋。和牛vs海鮮,誰也搶不了誰的風采。明爐炭燒大蝦,看得見的美味 😍😍開邊去腸,食得放心。👍👍和牛牛排肉跟和牛上牛排肉,脂肪不算多,但分佈尚算平均,灑上點點黑椒吊味,令人期待。午餐始終有點時間局限,為省時,就一起來吧!大堆頭燒起來,太吸引了!😋😋帶子不宜直接放網上,建議連殼一起燒,更易控制火喉。鮮魷魚,輕輕燒一會,小心過火會韌。牛壼漬牛排,醃制過的牛肉,同樣軟腍,因醃制過,更加惹味,伴飯一流。和牛香軟腍滑,海鮮味美,還有醃制日式雞腿肉,全部均樣靚味佳,作為一個迎賓午膳,相當得體 🎉🎉 continue reading
(The above review is the personal opinion of an user which does not represent OpenRice's point of view.)
Level4 2018-11-25
750 views
呢排做到死死吓,又係時候食餐好嘅奬賞吓自己。今晚揀咗銅鑼灣嘅《和牛燒肉·純》餐廳設計好有日本居酒屋feel, 座上客也有不少日本人,真係有D置身喺日本嘅感覺,所以我先嗌杯日本梅酒,呷一口,等自己完全投入日劇《XX的美食家》嗰種feel,咁就食得份外美味。今晚揀咗四款燒肉,慢慢燒,慢慢歎。 特選日本產和牛西冷,色澤嫩紅,雪花紋細密均匀,一睇就想像到入口即溶嘅感覺,燒起來肉香撲鼻,一啖一口,滋味無窮。日本產和牛上牛排肉,肉質細腻,肉味濃郁,比較有咬口,截然不同嘅美味享受。再來嘅係日本產豚腩肉,呢個係個人喜好,每次燒肉都要點一份腩肉,一層肥一層瘦,口感特別豐富。最後烤嘅係壺漬牛排,因為牛排經過特製醬汁醃漬,所以要留待最後先燒。薄薄一片牛排,滿滿醬汁滋味,令人回味無窮。做人要對自己好少少,得閒揀餐好嘅嚟食,咁先至有quality of life㗎嘛! continue reading
(The above review is the personal opinion of an user which does not represent OpenRice's point of view.)
Level4 2018-11-24
1194 views
家人生日,呢日特意揀咗呢間位於銅鑼灣亨利中心15樓嘅《和牛燒肉·純》同佢慶祝。🎉🎉餐廳裝修充滿日本風味,除咗一般嘅餐枱外,仲設有吧枱。本餐牌圖文並茂。揀咗幾款和牛同豚腩肉,侍應將幾款燒肉一齊上枱。嘩!準備展開今次和牛之旅!特選日本產和牛西冷 - 油花分佈既豐富又平均,配上粉嫩嘅紅色,賣相實在吸引。牛味濃郁,口感肉質細緻柔軟,有種入口即化嘅感覺,牛香同油香充滿口腔,令人印象難忘日本產和牛上牛排肉 - 牛味濃郁,油花分佈平均,口感爽嫩彈牙,Yummy!日本産豚腩肉 - 豚腩肉肥瘦參半,充滿豚肉嘅鮮甜味,燒好之後,十分香口好食。壺漬牛排 - 侍應推介餐牌上邊仲未有嘅新出菜式,咁就一於叫嚟試下啦,薄切嘅牛扒大大塊咁預先以醬计漬喺壺入面。味道牛味香濃,口感略爽中略帶少少咬口,絕對係一個唔錯嘅選擇!梅酒 - 味道略帶酸甜,酒精濃度唔高,好適合我。巨峰燒酎 - 燒酎味唔太濃, 巨峰味香甜好飲!呢餐對我哋呢幾個牛魔王真係食得非常滿足! continue reading
(The above review is the personal opinion of an user which does not represent OpenRice's point of view.)
Level4 2018-11-21
884 views
今晚相約阿媽食晚飯,同佢去食和牛晚餐。早早就訂了6點,都好full喔!這間日式情調的餐廳,入去感覺好正,好似去咗日本咁坐位有bar枱及長方正方枱,坐椅舒服,設計用日式風格感覺!服務好好,細心介紹又幫客人開爐、收碟!殷勤服務大師傅預備食材中....好專心喔!餐牌設計好精美,D相又靚,未食已經好吸引了,細節都做得咁好,更期待晚餐的來臨我們點了和牛及豚腩肉,上枱好吸引!擺放如藝術品好吸引!原來是用山形牛(以優質米及自然水作飼料及飲用水,所以牛肉的質素好上盛)難怪咁好靚的肉色及紋理!特上日本產和牛肉眼扒肉眼是最高級的部分,適度的脂肪及平均分配的肥瘦部分,肉質細嫩,是最美味的一部分。高質素的日本山形牛肉眼,好軟腍,嚐到入口化開的感覺!師傅只用少少海鹽及胡椒就可,食到肉的原汁原味(日本產和牛三角牛排肉) 上肩的三角肉,包含了肩腹部份切成三角形,含最高的雪花,原來是燒肉的特選牛!不膩的脂肪含量,油量較少,厚厚和牛却嫩滑軟熟得不得了,燒好的牛唔會太油但口感好腍好滑又香(日本產和牛上牛排肉)上牛排肉脂肪油份較多,肉質香嫩,好滑好美味!燒烤後滲出油脂好香,以此油脂作燒蔬菜菇類一流(日本產豚腩肉)一卷卷的豚腩肉配上師傅秘製燒汁,排成一卷卷,但打開是薄薄豚腩肉!好易燒好易熟,燒出油脂,豚肉味好濃郁、有豐富口感,香脆可口,原來山形阿信豬都好優質健康,因為飼養過程嚴格,所以特別美味,而且不飽和脂肪更能預防動脈硬化燒肉放在網邊,火路好夠熱,可以好快鎖住肉汁,一片片好吸引的和牛!服務員提醒我們記得不要一次過放太多,否則好難控制、容易燒過了燒蔬菜好細心地提供一些蔬菜伴上,有粟米、冬菇、南瓜、紅黃椒,好新鮮甜美又健康配搭飲品選了潤喉微甜的柚子蜜及消膩去油的熱烏龍茶,好適合配燒肉的飲品! continue reading
(The above review is the personal opinion of an user which does not represent OpenRice's point of view.)