Video
5-min walk from Exit P1, Tsim Sha Tsui / East Tsim Sha Tsui MTR Station
continue reading
Introduction
Jade Terrace Restaurant serves an extensive selection of dim sum specialities and exquisite Cantonese Dishes. The additional luxious private function rooms within the eatery provide you a delicate and relaxing atmosphere.
continue reading
Opening Hours
Mon - Sun
11:00 - 23:00
Above information is for reference only. Please check details with the restaurant.
Signature Dishes
Review (24)
9月尾訂了4圍台，午餐飲茶，已提早半個月支付訂金1000元.當日，家人負責落單，每台按各親戚朋友口味點選不同點心炒粉麵飯. 等了45分鐘，只有大概1/3食物來到. 家人十分肚餓，向樓面姐姐查問，得到答覆是：會陸續有來. 再過了半小時，仍然只來了幾樣食物. 家人按耐不住，向經理查問. 經理大駕來到，樓面姐姐緊張起來，連忙解釋情況. 原來，樓面姐姐冇理會我們不同台叫不同食物，總知一次過入單，食物就random放在不同台. 而且，我們和經理check完之後，發現漏了一半的單冇入到. 我們極速再加單，但好多親戚已離座回酒店休息，唯有之後打包拎給他們.埋單計數. 酒樓亦唔記得扣返我們預繳的訂金. 當然，我們也有責任，趕忙中沒有留意.極其無奈的一餐！親戚來自世界不同地方，難得相聚，想食香港地道點心，以為聚德軒招牌不錯，且高級粵菜，但經驗上卻是實在失望！沒有下次！
continue reading
喺尖東隨便行，突然被呢間嘅特價小菜吸引咗入去。心想特價菜通常都是只可以叫一款，其他食品要叫返正價。點知八卦問清楚，原來所有特價菜都可以一齊叫! 先嚟砂鍋魚翅煲$68再嚟清蒸海斑$68最後係當紅炸子雞$68本身已經好飽，但係見到啲糖水只係$9。唔食好似好對唔住自己。最後都係忍唔到口叫咗個蛋白杏仁茶
continue reading
斟茶遞水 免問 叫餸寫紙 當聽唔到 服務態度超差 部長大面 帶頭吾作用 企檯 左邊叫就轉行去右邊 今時今日香港仲可以咁 唔怪得 香港競爭力排名 一路跌 食譜十年如一日 煮法無創意 只顧自己方便 不理會食客情況
continue reading
3人家庭晚餐。首先個葁味道普通，但好彩沒🦀腥味。前菜既肴肉不夠凍，但都不錯。木耳同蛋炸蕃薯都幾好，不太油。滾象x邦，因為我滾得太耐，老左d哈哈，鮑魚同鵝掌又幾好，夠林同入味，食得好快。焗葡汁鏍好食，可能我本身幾鐘意葡汁啦。蝦同帶子飯無咩特別，但好在唔油。木耳糖水唔甜，岩岩好
continue reading
中學年代，總會因成績關係，轉往唔同嘅班別，嗰時所讀嘅中學，精英班唔喺A班，而喺E班。隨着轉入唔同嘅班別，認識到唔同嘅同學組合，今晚一同飯聚嘅舊同學，算喺保持聯絡得最密嘅一組，不過，對上一次嘅聚會已經喺2014年年初晌德福金滿庭嘅事 ，今晚嚟到尖沙咀聚德軒，又再讓我哋班老嘢大話當年。因為好幾位舊同學已為人家長，亦有帶啲小朋友出嚟一齊食飯，所以，我都專登安排得食早啲，6:30pm入席，未夠7:00pm就有得食 。故此，早段酒家未喺好多客，上菜亦都較快手，而我哋仲被安排坐近窗一角，感覺更輕鬆。揀聚德軒因為佢同德興喺同集團，其實佢本身個價位比德興貴少少，但卻喺有提供德興啲平價全包宴，就好似最近推廣嘅「翠樂宴」，星期一至四定價每席$1,660、半席$830，而星期五、六、日及假期為每席$1,990、半席$995，包晒茶芥、加一、啤酒兩枝（一枝啤酒換兩罐汽水）、橙汁兩渣，非常抵食 。 全豬全體賀喜慶 首道菜式喺乳豬全體，睇身形就知喺細細隻無超齡嘅乳豬仔，燒得皮脆肉香，皮下脂肪極少，卻仍帶有油香，正喎。 彩虹蚌仁響螺片 果然夠彩虹喎，有三色椒、翠玉瓜等蔬果，感覺好夏日，而蚌片及螺片都爆得爽口，幾好食！ 菌皇乾燒紅海蝦 啲紅海蝦一來夠大隻，二來乾燒後排列整齊，令賣相好睇又夠睇頭，仲鎅埋背方便食，唯可喺肉質一般，又唔算霉，但唔夠爽；紅海蝦之下墊有好多雜菌及蜜糖豆，炒得惹味。 松露鳳凰黃金卷 舊同學話食落無松露味，根本就喺一般海鮮卷，但我話我食嗰件又唔喺喎，有點點松露味，又有雞肉，條黃金卷炸得脆口。原來再問問大家，真喺有啲喺松露鳳凰， 但有啲唔喺，搏大霧搵咗少少笨。 竹笙花膠蟹肉翅 成為無翅之徒後都好耐無食過翅，當然喺講真魚翅嗰啲啦，但今晚依個可以安心食，因為喺無魚翅入饌，只有 竹笙、花膠、蟹肉，仲有唔少蟹肉添。 福綠鮑魚菰玉掌 唔知大家識唔識分鵝掌定鴨腳，小弟就唔多識分嘞（估計都喺視乎其大細），不過，大多數酒樓做依道菜都唔會太差，啲鵝掌炆得夠腍，啲茨汁唔好搞到好似膠水已收貨。至於配菜嘅鮑魚菰軟腍，個茨汁夠晒香濃，算交足功課。 清蒸游水海石斑 條斑都幾大條，睇落三斤有多，食魚就最好清蒸，因為條魚嘅質素好唔好一食就知。一拆開條魚起肉，無黐骨，入口嫩滑鮮甜，證明蒸得啱啱好。 當紅脆皮一品雞 正所謂花無百日紅，依隻一品雞就只有一剎那當紅，轉眼被剿滅入晒我哋個胃度，哈哈。隻雞個外皮炸得非常之香脆，入口一啲都唔油，雞肉亦比預期嫩滑，抵佢當紅踲。 錦繡烏冬 唔知個烏冬錦繡晌乜嘢，有啲銀芽、韮王，可以講得喺豉油皇烏冬，幸而炒得都唔差，醬油沾勻每條烏冬。 蓮茸壽桃 個套餐當普通飯又得，當壽宴賀一賀都得，因為，臨尾有一籠壽包。包身軟綿綿，啲蓮茸清甜軟滑，最啱食喺無過甜嘅弊病。 時令水果 只喺得碟橙，感覺欠啲誠意啫，多一、兩款生果就唔會有種好虎頭蛇尾嘅感覺喇！一坐就坐咗3個鐘，席間話題總講不開往事，講吓講吓，原來部份同學嘅老公都喺晌石硤尾讀書（我哋本身就喺晌石硤尾大），雖然以前未有機會撞到，有緣嘅自然一線牽 。
continue reading