38
2
1
Exit A3 , Sha Tin MTR Station continue reading
Telephone
26943939
Introduction
Surrounded by sleek modern and east-meets-west interiors, Jade Pavilion showcases a series of contemporary Chinese specialties, exquisite Dim Sum and authentic Chiu Chow delicacies using only the finest ingredients with an innovative twist. continue reading
Opening Hours
Today
11:00 - 22:00
Mon - Fri
12:00 - 22:00
Sat - Sun
11:00 - 22:00
Public Holiday
11:00 - 22:00
Public Holiday Eve
11:00 - 22:00
Payment Methods
Visa Cash AE
Other Info
Online Reservation
Wi-Fi
Alcoholic Drinks
May Bring Your Own Wine
Cake-cutting
Reward Dining Points
Delivery
10% Service Charge
TV Broadcast
About Reward Scheme
Review (69)
作為酒店外賣第四彈,選來了位於沙田帝都酒店玉庭中菜廳,前身是自己非常喜歡的   City Art,就算換上新裝,年前照顧母親的外傭回鄉,都曾在餐廳設宴送行。遇上有朋友到訪,就算是要自己拎,問題都不大,加上係eshop購買,更可享8折優惠 (相關連結)。潮州滷水拼盤 ($308) 有滷水鵝、腩肉、豬大賜及紅腸,滷水味好香,色澤不會太深黝,又不會死咸,豬腸炆得好稔,整體水準不錯。瑤柱菜膽燉花膠湯 ($832/4碗) 自己係屋企真係無試過燉湯,因為實在好花時間,雖然是外賣,但包得緊密,一點湯水都無滲漏,呷一口,鮮甜到一個點,原來除了花膠外,更加入響螺及雞肉,難怪。海參珍菌紅燒豆腐 ($258) 海參份量超多又大條,扣得入味,滑嘟嘟的,就算無牙都食到,換上了大碟,賣相一點都不吃虧,玻璃芡薄薄一層,絕不過份,值得一讚。黑蒜生炆龍躉背鰭 ($348) 足足有四大塊,肥大肉厚,又少碎骨,絕對可以六位享用,龍躉先炸後扣,骨膠原都跑出來了,帶點黏嘴的感覺,口感豐腴,好啱自己口味,其實伴杯啤酒更一流。陳皮柚子豚肉骨 ($208) 肉質幾鬆軟,柚子汁令豚肉不會太油膩,淡淡的陳皮香,有錦上添花的感覺,用來伴飯恰好。欖香肉崧四季豆 ($188) 四季豆煮得夠稔身,肉碎份量多,又係好啱送飯的菜色。香菇甜豆炒鮮淮山 ($188) 清清地,點都要來碟菜蔬,油份不多,口感清爽。鮑魚雞粒炒飯 ($268) 單尾份量足夠六位用,鮑魚粒下得重手,飯粒炒得乾身,粒顆分明,油份輕盈,超正。都是那一句,遇上喜慶事,又或者想食得好少少,酒店外賣未嘗不是一個好選擇,如果住係附近就更方便。因為可以送上門,其實未嘗不是一個好選擇。P.S : 凡購買任何外送美食滿HK$1,000或以上,可享免費送遞服務 (只限大圍、沙田、火炭及大埔區內之單一地址);未滿HK$1,000之訂單不設送遞服務。 continue reading
(The above review is the personal opinion of a user which does not represent OpenRice's point of view.)
Level2 2020-05-07
695 views
疫情期間,一直在家抗疫。「餓茶」一輪,終於可以好好地嘆茶。父母與我,一行三人,坐在獨立的卡位內,舒適寬敞,加上光源充足,感覺特別良好。鐵觀音,茶香,入口感覺......「柔」「滑」,自然多喝幾口。蝦餃、春卷,蝦夠爽及彈牙,加上適量的竹筍,好味!😋雞包仔,那淡淡中芹,久違的味道。今天,特別一讚的是那咸肉粽,連我這個不好粽的人,也印象深刻,值得推薦!😊👍🏻總結而言,8款點心,8折後,覺得物有所值。😊 continue reading
(The above review is the personal opinion of a user which does not represent OpenRice's point of view.)
平時好少食中餐,呢間係少有覺得好味嘅中餐廳😋呢個椰皇燉鮑魚花膠湯,味道清甜,好濃椰香味🥥鮑魚口感好彈牙,花膠都好厚肉👍🏻好好飲脆皮千層糯米豬🐷都係玉庭其中一道招牌菜~燒豬食得多,配上芝麻糯米同麵包係第一次食。上層皮脆肉嫩,下層香軟煙韌,口感豐富,又充滿麻香!很好的配搭!芙蓉金沙龍蝦球🦞本身好鍾意食鹹蛋黃🥚今次主角由蝦變龍蝦就更好味😍特別欣賞呢道菜無一般嘅油膩感~最後呢道菜唔記得左個名😂蕃茄盛載嘅係蟹肉蛋白,不過我覺得個帶子反而係重點😂成餐都好好味😋 continue reading
(The above review is the personal opinion of a user which does not represent OpenRice's point of view.)
沙田帝都酒店中菜廳「玉庭」剛推出了一個名為「海皇盛薈」的套餐,無論四位、六位還是十二位用都可以,價錢便宜得令人難以置信。四人套餐星期一至四原價$1,288,推廣價只收$988,星期五至日及公眾假期原價$1,488,推廣價$1,088;六人套餐星期一至四原價$2,088,推廣價只收$1,388,星期五至日及公眾假期原價$2,488,推廣價$1,488;十二人套餐星期一至四原價$3,388,推廣價只收$2.388,星期五至日及公眾假期原價$3,988,推廣價$2,688,以酒店級中菜餐廳的派頭,雅致體面的環境,優質的酒店級服務,加上豐富又好味道的菜式,性價比滿分,絕對物超所值。雖然這套餐需要另收茶芥、餐前小食和以原價計算的加一服務費,這夜我與多位朋友一起品嚐過這「海皇盛薈」套餐之後,大家都異口同聲,一致同意超值、好味、抵食。「海龍薈生蝦」擺盤漂亮,大隻新鮮彈牙海蝦,蘸以薑蔥豉油,為這晚餐帶來一個好開始。「金鈎椰菜苗爆鮮鮑魚」把原隻鮮鮑魚以爆炒方式烹調,口感爽彈,濃郁惹味。「花膠雞茸雪燕羹」集合了花膠、雞茸與雪燕等材料,調成一道味美怡人,在家裡不會烹調,口感味道俱佳,只在高級中餐廳才能喝到的湯羹。「香酥薯蓉鱈場蟹腳」以炸得酥香的薯蓉把肉質幼細的鱈場蟹腳肉埋藏在裡面,吃時薯蓉與蟹腳肉混合在一起,是吃自助餐常見的凍食鱈場蟹腳肉以外的另一新體驗。「海參扣原條龍躉」我就最喜歡了。足有兩三斤重的大沙巴龍躉,蒸得剛熟,我固然喜歡,難得作為龍躉配角的幼條海參、肉絲與冬菇絲也十分之多,讓我更感得其所哉,頻頻下箸。「瑤柱扒皇帝苗」中青綠爽嫩的皇帝苗被大量的瑤柱覆蓋,濃味的茨汁配以爽甜的青菜,不錯,不錯!「豉蒜波士頓龍蝦配香煎新竹米粉」既名貴又惹味,龍蝦肉甜,新竹米粉經煎香後,半硬半軟的,沾上濃郁的豉蒜汁,同樣美味。這套餐沒有飯麵,但有爽滑可口的「高湯鳳城水餃」代之。對已吃得甚飽的我來說,這安排實在不錯。最後的甜品是有合桃綴於面上的「滋味合桃酥」,香甜酥脆的合桃酥,我很久沒吃過了,這晚與它再遇,倍覺欣喜,不禁吃了兩件才捧腹回家。這超值套餐,有龍蝦、有鮑魚、有龍躉、有海蝦、有鱈場蟹腳、有花膠、有海參、有有瑤柱,全部都是海鮮,而且各款菜式水準平均,味道挺好,供應期由1月30日起至2月29日止,想吃的話便要把握時機了。 continue reading
(The above review is the personal opinion of a user which does not represent OpenRice's point of view.)
Level4 2020-02-12
3504 views
來過玉庭都有兩次,一路都覺得呢度幾值得推薦,當中有幾個菜式,做得出色。餐廳價錢唔算貴一路都知,上月底朋友P先生係Facebook post左佢同人farewell 食左個好抵食嘅餐,又蝦又蟹又花膠又龍躉,好似好精彩咁,八卦下問一問,知道價錢後先發覺呢個餐真係好值得試下,於是月初疫情尚未咁厲害的時候就過左去食。呢個餐名叫海皇盛薈,以幾個名貴菜式如龍躉、龍蝦和鮑魚等做主角,全部都分量十足。而且唔一定要好多人先食到,你可以四位,六位或者十二位來吃,越多人價錢相對越平。雖然好多人話唔好出街食飯,不過呢到都有不少私人房提供,有必要時,來試試也不錯,個promotion menu 做到月尾。第一個相對最普通,海龍薈生蝦,當然我如果話俾你有幾驚為天人,你都覺得純粹講笑,不過蝦夠新鮮彈牙,就已經好好,點下個豉油汁,已經係最好美味。金釣椰菜苗爆鮮鮑魚就真心要讚,炒得出色,搶鏡嘅椰菜苗係勁好食,完全係無諗過咁出色。兩個前戲後,當然要飲湯,吃一圍一圍菜好多時都喜歡食翅,不過依家都係流行吃燕窩,花膠雞茸雪燕羹的甜美,有養顏滋潤嘅效果,又有名貴嘅貴氣,而且雪燕毫不吝嗇,這個相信無人會不愛。鱈場蟹係近呢幾個月嘅主角,餐廳好多主題呢排以佢做主角,不過相對呢個菜式個人就普通,可能我不喜歡煎炸野吧,香酥薯蓉鱈場蟹腳是做得不錯,只不能口味上我不好,蟹腳好大條啖啖係肉,只不過我覺得如果用蛋白清蒸,個人會較欣賞。勁有氣勢嘅海參扣原條龍躉,如果四人來,當然冇相片呢條咁大條,當晚我人數頗多,但呢條龍躉認真份量十足,仲要加上大量名貴海參在底,可以想像整個口感令人會心滿意足,最重要佢汁同條魚扣得好夾。另一主角係豉蒜波士頓龍蝦配香煎新竹米粉,通常配蟶子的米粉底今日好得叫人魂牽夢繫,龍蝦的味道當然不錯,大隻新鮮而且處理得宜,不過卻是配角更搶眼,豉蒜同炒加上米粉的彈牙,令這個菜式個個都讚。吃左都唔知幾多海鮮後,來個瑤柱扒皇帝苗,皇帝苗嫩綠鮮甜,加上瑤柱點綴,那有不好的理由。不過,其中一位朋友還未試過呢度嘅鴨,既然一場來到當然要單點一隻,多種不同食法各適其適,之前介紹過也不再多談。平時的單尾可能都會炒飯炒麵炒粉,不過呢個餐可能剛剛有個香煎新竹米粉做底,因此尾聲有個新意思,高湯鳳城水餃,每粒都很飽滿。甜品簡單點,滋味合桃酥,相對我無咁喜歡,個人覺得有個糖水,感覺會更美妙。記得,越多人食,每位價錢越平,如果近來係屋企食得太悶,就來試一下。可惜遇上近來武漢肺炎的事件,如果唔係呢個咁平嘅餐我好相信一定好爆,而家趁大家都未必有意欲出去食飯嘅時候,係冇理由日日屈係屋企嘅情況下,真心推薦俾大家試下。玉庭  沙田白鶴汀街8號帝都酒店1-2樓 continue reading
(The above review is the personal opinion of a user which does not represent OpenRice's point of view.)