Video
Exit B1, Tsim Sha Tsui / East Tsim Sha Tsui MTR Station, Exit N5, Tsim Sha Tsui / East Tsim Sha Tsui MTR Station
continue reading
Telephone
61680788
Payment Methods
Above information is for reference only. Please check details with the restaurant.
以前（當時連小洪賓都未聽過）去開將軍澳分店，果邊設計、空間感一流，食物水準唔錯，性價比高。當時，午餐包湯/沙律，餐飲可選奶啡，有造型、大大杯，食完飽足又滿足。今日放假，為求新鮮感，就去咗尖沙咀分店。5月份午餐由$98起，只得主菜+餐飲，小食/甜品可額外加錢。意大利憤怒大通粉配意瓜：$108；午市餐牌上有幾款素食選擇，呢個睇落最純粹（冇芝士），適合素食人士；上檯時，通粉冒煙，非常熱，絕對唔能夠即時擺入口。由人手落單到上菜，極速完成：落單後1-2分鐘有飲品，~5分鐘有埋主菜，估計好大機會係預製+微波爐翻熱，一諗到可能係咁就相當失望。味道方面，茄醬的味道非常好，餐牌寫係「（漚（熬）煮3個鐘蕃茄汁，辛辣）」，佢的質地濃稠，適合用嚟掛汁，辣度夠，味道濃郁，相當惹味；散筆的係大通粉，煮/翻熱過籠，幾乎每粒都未篤已散或一叉即散，莫講話al dente，佢的水準甚至比普通西餐的出品更低，嘥咗個茄醬；意大利青瓜切到好細粒，水份重，冇乜味，只係點綴Latte：檯上有牌仔寫「餐飲咖啡可免費升級意大利Caffe Carraro coffee」，落單時，侍應反轉牌仔話是日咖啡係左面的「Honduras」，呢個時候睇見幅圖，先知原來Caffe Carraro coffee係膠囊咖啡，唔係咖啡豆，有少少失望，但都點咗latte試下；咖啡嚟到，細杯，冇拉花，顏色係淺米色，咖啡味唔重，似飲緊帶薄弱咖啡味的牛奶Tiramisu：望落大杯過latte；質地可以，𢳂落層次分明，手指餅冇浸到淋曬，甜度啱香港人，亦食到有些少酒味，不過，甜品的味道好單薄/單調，冇層次，當食到酒同cream cheese的味道時，哪怕唔係食家都食得出食材質素較低，只有表面的味道，唔會想追住食整體用餐經驗：呢度無論上菜速度、味道同服務都猶如快餐，飲品落單冇耐就送上，令餐廳免卻斟茶遞水；食物應該係翻熱食品，pasta肢離破碎，咖啡稀，tiramisu味道單一，以上總總都令人幾失望。講番呢次的特別體驗。當食物送上時，因為太燙口，只好慢慢食，等佢放涼。望望下突然發現點解冇意大利青瓜既？仔細睇，係成碟都冇。問侍應，佢同另一位職員（應該負責廚房）聯繫後，話落漏咗，幫我重新整過。新上果碟多咗意瓜粒，食物同樣燙口。再隔一陣，侍應送上tiramisu，話因為落漏材料而請我食。原本因為餐廳的食物質素，我同個菜名一樣都幾「憤怒」，不過，侍應同職員好有禮，加上免費甜品，點都緩和咗負面情緒。呢間餐廳最好的地方係（1）環境；（2）職員的態度（服務一般，主要因為得1個侍應睇曬成個場）；至於食物，光顧前要做定期望管理。最近睇過小洪賓的片。當遇到劣食時，小洪賓會爆粗，而佢亦曾經以意大利人身分，評價香港的意大利菜。與其周圍覓食，小洪賓不妨先踩場試下自己名下的分店，用食客的角度，發掘餐廳更多可以進步的空間！
continue reading
就算未食過呢間，都一定聽過老細個大名🤣 (記得佢話五行缺“濕”所以改呢個名，笑咗勁耐😂) 總結一下pizza嘅質地，煙韌麥香重，就算批邊睇落乾，但食落鬆軟，而且越咬越香😚勁鍾意! ✿ 藍芝士蘋果薄餅 $198必食!!所謂嘅腳臭味，其實放心係講笑only，實際上勁好食😭❤️ 加埋蘋果片、蜜糖，成個組合係香甜上癮，大家搶住食(>ω<) ✿ 泰式蝦度假風情 $188fusion口味，冬陰功醬微辣開胃😋蝦肉新鮮彈牙如果加啲檸檬葉/皮，應該更正👅 ✿ 松露油牛肝菌小菇意大利飯配極難搵意大利煙燻鵝胸肉 $168講到咁難搵，就試試佢🤣幾特別，介乎parma ham & carpaccio 之間嘅感覺😳飯入面啖啖都係菇! 飯粒creamy柔軟個人口味鍾意硬身啲嘅飯粒，不過朋友們都鍾意軟身，呢個啱佢哋🤣 尖沙咀分店環境坐得好舒服，服務不錯如果pizza有細size揀/雙拼就好，今次得3個人，試唔到太多，唯有下次再嚟😝🍴加一服務費：✔️
continue reading
這間餐廳以其獨特的Pizza和新潮的裝飾吸引了眾多年輕食客，絕對係打卡熱點！真• 菠蘿薄餅 $178 菠蘿嘅甜味同香脆嘅薄餅底完美結合，口感豐富，重點是用上了圓形片裝菠蘿，全港獨家。招香辣海鮮意粉 $158 海鮮新鮮到爆，辣味適中，搭配意粉嘅口感，係一個令人難以抗拒嘅選擇，食完保證回味無窮👍🏻水牛芝士配豐富水果 $148 獨特嘅水牛芝士，加上時令水果，味道清新，個人覺得必試！一口咬落去，感覺真係好幸福！Tiramisu $68 甜品部分更不能錯過，呢個Tiramisu滑順又香濃，完美結束一餐，令人意猶未盡！
continue reading
呢間意大利人開嘅餐廳，原來已經做咗14年🤯平時食開港島兩間分店相繼結業，搞到153追到佢嚟尖沙咀🫡尖沙咀新店融合復古與現代元素，型格得嚟又幾chill，仲有bar枱可以嘆返杯🍸💬 菜式短評：❝ 藍芝士蘋果薄餅餐廳招牌藍芝士蘋果pizza, 鹹鹹甜甜幾特別😋 Pizza係薄批底，批邊就厚身煙靭幾好食🫶🏻❝ 「醜小鴨」蟹肉大通粉聽聞老闆（意大利人）個老婆（香港人）鍾意食蟹肉蒸蛋，於是就啟發咗老公做呢道菜🤣🤣 蟹肉比得幾足，醬汁幾creamy, rigatoni大通粉仲有得免費轉做bucatini空心意粉（香港比較少見），口感彈牙仲幾掛汁✨❝ 香烤黑椒雞翼（五隻）雞翼肉質幾嫩同juicy, 黑椒味唔會太辣，啱做小食同朋友share👍🏻❝ Tiramisu（原名：又係自己整嘅好驕傲自豪嘅tiramisu重出江湖）意大利經典甜品tiramisu, 餐廳就話要將家鄉美食做到最好，一於就試試佢🤣Tiramisu食落層次分明，咖啡微苦同甜味平衡剛好，而且帶少許酒香，不錯不錯😛❝ Panna Cotta（原名：自己整意式奶凍）又係餐廳自家出品誠意之作，完全符合香港人對甜品最高評價 —— 唔會太甜🤪今次食嘅醬汁係熱情果味，酸甜味道配淡淡奶香嘅panna cotta都幾夾！我哋仲咗嗌咗三杯嘢飲，記得7:30pm前落單有happy hour 85折優惠🤪！❝ Adult Milk Tea❝ Mademoiselle Pistacchio❝ Jacomax Sunrise (mocktail)
continue reading
食物非常好吃，特別是 Blue Cheese Apple Pizza, 芝士和蘋果的配搭10分奇妙 , 喜歡芝士的人要試吓 和 辣肉腸pizza也非常好吃。服務當然好！價錢也合理! Mussels 很滑 ， 不喜歡酒香的人可以轉用蕃茄味道 ，如能配搭兩塊多士更佳Paraham 味道適中, 鹹香味濃 , 配搭甜甜哈密瓜，簡直是美味的配搭! 薯條即叫即炸，所以大快朵頤!意大利芝士蛋糕作為甜品, 手指餅在入邊還有一點香脆 , 作為完美的終結 , 那不是天上的神安排的嗎？
continue reading