J.S. FOODIES (又一城)

Open Now

Now Closed

這些菜品呈現了不同的風味和特色，讓人在用餐中獲得多樣的味覺體驗。西瓜冰特飲：這款特飲帶來了夏日清涼的感覺，西瓜的水分和甜度完美結合，是消暑的不二之選。這種飲品不僅能夠解渴，還能帶來愉悅的果香口感，非常適合在炎炎夏日享用。士多啤梨焦糖班戟：這道甜點結合了士多啤梨的酸甜和焦糖的濃郁，味道層次豐富。班戟的鬆軟質地讓人回味無窮，是一種美味的享受。這道菜品展現了對於不同口味的融合，讓人感受到甜品的獨特魅力。牛油果漢堡：這款漢堡給傳統食物帶來了創新，將牛油果的滑順和牛肉的嫩煎結合在一起，味道豐富而均衡。這道菜品的獨特性在於它的組合，給人一種新鮮的感受，展示了料理的多樣可能性。海膽刺身意粉：這是一道豪華的海鮮料理，將新鮮的海膽與意粉相結合。雖然海膽的特殊風味可能需要一些食客適應，但它帶來了獨特的味道和質感。這道菜品展現了高級海鮮的精緻，適合追求獨特體驗的食客。綜合來看，這些菜品呈現了不同的風味和創意，讓人在用餐中能夠享受到多樣的美食饗宴。

呢間fast food cafe 食過第二次了， 其實係好食不過客人流量好多， 所以有啲難坐得好耐～ Lunch set 揀左 咖喱吉列豬扒飯， 豬扒炸得剛剛好， 配hot green tea 🍵 latte 杯野好好味❤️❤️❤️❤️ 再配疏乎厘，好好食😭😭😭😭入口即溶，又多士多啤梨🍓人均要150hkd#尖沙咀好西#尖沙咀好去處#尖沙咀打卡#尖沙咀cafe#尖沙咀美食#尖沙咀#海港城#hkig#hkfoodie#hkfoodblogger#hkfoodblog#hkfood#hkfoodstagram#hkfoodlover#hkcafe

Since my friend and I were still hungry after our ramen, we went to to JS foodies and luckily we were still able to walk-in straight away. We ordered one savory and one souffle pancake.For drinks, we had their summer smoothies. Both were not too sweet. I preferred the pineapple ginger more as the ginger flavor was quite prominent. There was also plenty of aloe vera in the watermelon drink so both were quite good.The savory pancake was already quite aromatic when served.They served maple syrup on

IT隔離嘅餐廳，主打pancake，係正地下IT左邊，午餐時候都幾多人。叫咗個牛柳咖喱飯，雖然係medium 但係啲牛好韌，食落好硬。飯同咖哩都唔算熱，呢個價錢呢個質素係失望。當時有士多啤梨季節限定pancake，中規中矩，冇咩特別唔會再嚟食。

朋友介紹話好食，咁我就一早去搵位試好嘢先😋😋😋Burger係除咗海南雞之外，我嘅其中一個至愛🍔🍔🍔賣相好吸引，厚切嘅牛肉，再加上成個擺盤都好靚，我覺得好好食😋厚切薯條都係我另一至愛🤩🤩🤩見到個杯mojito幾靚叫咗試下😋由於我一個人去食，佢就安排咗靠玻璃窗嘅吧枱位，都好嘅可以望吓出邊啲人行嚟行去😂😂😂整體我覺得好好食，係等位勁多人，同埋唔係坐得太耐啦🙃價錢都係中上，一個人大概食咗二百幾蚊偶爾對自己好啲，就食吓先😀

📍J.S. FOODIES🇭🇰 九龍塘達之路80號又一城LG2樓LG2-30號舖i.t blue block係又一城覓食 揾左一間唔係有好多分店嘅🤣環境都幾舒服 職員會成日斟水 好好服務限時兩小時 都有排傾👍🏼😋 印度烤雞班戟 $139揀咗鹹班戟🤣 都幾好食稍嫌佢唔夠印度風味🤣🤣唔算好濃香料但都好食！啲雞好嫩滑個班戟都好鬆化 配咖喱汁好食隔離仲有啲沙律 好特別有西柚😋 酸忌廉黑松露薯條 $69薯條份量都幾多！同埋佢酸忌廉同黑松露醬都好多！唔怕唔夠分👍🏼好食但如果可以再脆啲就好了

2個人坐低落單叫咗4樣野， burger 一個，兒童餐一份，飲品一杯，甜品pancake 一份落單時侍應冇特別問到甜品係咪「後上」，我地都冇特別為意，到burger 上枱之後我地先醒起，都諗住甜品有雪糕後上應該係common sense 啦...點知我地未食到一半，只係啱啱開始食咗幾啖，碟甜品就到咗！！！我地2個人都呆咗，張枱冇咩位，個侍應都照搬開d碟搵位照擺碟甜品上枱...我地都呆咗一陣先反應到... 點食？？？ 食熱野先？雪糕又會溶晒...食甜品先？ 熱野凍咗又唔好食...搵侍應黎睇下可唔可以入返去雪雪櫃等陣先再食啦...點知佢話pancake 係即整溫暖溫暖既，唔可以入返去雪櫃架喇...就擺返低碟野係枱...結果我地係一邊食甜品一邊食burger...仲要好快咁食... 成件事好痴線，4百幾蚊食餐飯，唔expect 要食到咁趕咁唔開心...😭😭😭野食係幾好食，但夾埋一齊食就超唔好食...

平時食開尖沙咀分店，第一次食九龍塘。餐廳11:30開，我哋11:15去到已經好多人等緊位，好彩都可以第一輪入到。入到去，店員即刻準備 high chair知道pancake要等得耐，所以去到即刻叫。依然沒有失望，好食過好多間同類型嘅pancake店每次嚟都一定要叫嘅黑松露薯條，炸得好脆，最鍾意佢連埋薯仔皮，感覺好似真薯條😝食嘢期間，店員都不斷好勤力咁浸水、執枱，服務唔錯。係一間性價比非常之高嘅餐廳，難怪成日都排長龍

唔係繁忙時間,平日四點零嚟既. 我地落單時叫咗三樣野食(risotto, pancake, fries) 加兩杯飲品. 好肯定侍應有聽到,因為我話要soufflé pancake 個陣佢仲答我話要等20分鐘, 我地仲話ok 呀. 點知30分鐘過去, 只有risotto 同兩杯飲品到左, 一查單先發現個侍應完全無落到另外兩樣野. 同番其中一個侍應講,佢話要再等20分鐘, 所以就算啦唔食喇. Risotto 個飯有啲軟, 但味道正常. 大家話好食嘅pancake 我地又試唔到. 希望佢地啲服務質素可以改善下.

係又一城行街，路過見到呢間JS Food睇到menu比佢d甜品吸引住，之後再睇睇d意粉又好似好正環境又唔錯，決定入去試一試點知兩個女仔眼寬肚窄，意粉份量都好多又叫左pancake🤣最後食到勁爆好意外，每樣都唔差，可以推薦比大家試試

琴晚同太太過嚟又一城見到間餐廳冇咩人排隊就試下，味道都算幾好。Pancake有蛋味都幾鬆軟。不過今日帶齊一家大細六位再嚟過感受就好差，明明冇咩人，但係等咗半個鐘都入唔到。兩位嗰啲就一路好快。其實入邊大把位，但係同waiter講完都冇提供任何解釋或者幫助，真係冇咩服務我試咗撳兩位嘅飛，差唔多5分鐘就到。呢個安排真係好唔合理，兩位嘅平均5至10分鐘，6位嘅等咗40分鐘都入唔到。大人小朋友都頂唔住肚餓。唯有去第度搵食。

要一次過滿足到pasta, pancake & coffee三個願望, 我地揀咗近近地的呢度​三文魚籽意粉日式的意粉style, 偏向多汁instead of掛汁三文魚籽的份量都ok多~classic burger冇乜太大的驚喜, 不過burger塊肉都算juice唔會太乾值得一提係waitree的細心位, 佢見我地2個人就主動問我地要唔要cut開burgerGreen tea latte個拉花幾有趣, 睇得出barista的心機Soufflé Pancake水準保持得幾好, pancake夠soft, 又唔會係唔熟的水汪汪

上星期日紅雨日食限定藍色梳乎里班戟 ——天氣勁差唯有點到點地鐵去又一城行下街食下野連遮都唔駛拎. 去JS foodie 試左呢個限定嘅pancake #奇蹟之薄荷朱古力班戟. 賣相相當精美嘩嘩聲非常打卡dable. 據說係以72% 朱古力配上新鮮藍莓製成果醬加上薄荷朱古力雪糕並以薄荷忌廉點綴. 口感清新味道都幾特別可以一試，不過如果唔係薄荷控可能會麻麻地因為個薄荷味會太出完全蓋過其他. 但係幾刺激清新嘅，如果平日下午返工tea 就非常提神. #原味班戟一貫出色夠曬鬆軟入口即溶冇其他野更可以細味到本身日本雞蛋奶油嘅味道. 簡簡單單已經係好幸福的感覺！

嚟到又一城，見到呢間時裝店內面嘅J.S. foodies，就嚟試吓。聽聞佢係日本過江龍，用上日本嘅食材，叫咗個士多啤梨pancake，pancake非常好食，有蛋香之餘，仲好鬆軟，入口即化，加上新鮮生果同埋唔太甜嘅cream，食得好滿足。之後仲叫咗個松露吉列牛扒漢堡，好似係限定食物，亦係十分好食，牛扒五成熟，內裡仲好嫩，有肉汁，包皮用牛油烘過，好香，再加埋濃濃嘅磨菇，整個配搭都好夾，好好味。兩樣嘢埋單三百頭，可以接受，不過就因為有人排隊，員工成日埋嚟執碟，有少少催客成份。

今次去咗間又一城最出名嘅多人排隊食嘅舖頭度食疏乎厘嘅舖頭，叫咗個宇治綠茶雪糕疏乎厘，海膽卡邦尼意粉，北海道帶子忌廉意粉，棉花糖凍朱古力特飲，熱鮮奶，同埋一個原味薯條。去到有10個八個排緊隊，今次我哋攞咗飛唔夠5分鐘就叫咗我哋入去，可能因為前面嗰啲都係兩個人，我哋係五個人坐大枱嘅關係，所以可以入先，講返啲嘢食…….佢上菜嘅速度非常之快，海膽卡邦尼意粉個海膽汁非常之濃厚，帶子忌廉意粉粒帶子大過粒牛眼🤣。個疏乎厘簡直係非常之Juice。有好濃厚嘅蛋香味，整體來講，係非常之好食