J.S. FOODIES (港威商場)

今日嚟到呢間海港城嘅餐廳，雖然要排一陣隊，但係絕對值得，因為食物真係好食。我今次叫咗菠菜忌廉帶子意粉，意粉嘅口感滑順，煮得剛好，唔會過硬。菠菜忌廉汁味道都幾香，只不過如果啲忌廉汁可以再掛汁啲，會更添風味，讓味道更濃郁。除此之外，我哋仲order咗個原味疏乎厘，一如以往保持高水準，疏乎厘質地鬆軟，入口即化。蛋味非常之濃郁，搭配啲焦糖味嘅cream，唔會過甜，卻又帶來豐富嘅層次感，令整體味道更加出色。總體來講，今次嘅用餐體驗非常滿意，無論是意粉還是疏乎厘，都充分展現了新鮮食材用料，期待下次再來。…查看更多

呢間店行親過海運都會行過望到，今日終於有動力去一試。等位嘅人唔算太多，所以好快就有位。我哋點咗「牛油果芝士漢堡」同「明太子醬北海道三文魚籽意粉」。第一道上菜嘅係「明太子醬北海道三文魚籽意粉」，佢個明太子醬夠creamy，如果多啲明太子，相信效果會更好。三文魚籽嘅份量夠多，一啲都唔孤寒，意粉質感唔錯，我幾鍾意呢種意粉；跟住係另一個主角「牛油果芝士漢堡」，呢個絕對係驚喜，我以為佢係用牛油果醬，原來係真嘅牛油果🥑，仲有半個咁多。漢堡牛肉夠厚同juicy，牛肉味夠香。落單時店員問使唔使切開，呢一點好細心，亦好方便食，唔使自己切到變哂形。第一次食漢堡可以食得咁乾淨，邊食忍唔住不停點頭，我食過嘅漢堡唔算多，呢個暫時食過嘅第一名，而且係對得住呢個價，我覺得可以再食其他嘅菜式。…查看更多

前日同朋友一齊嗌咗個牛油果漢堡，個薯條正正常常，但係漢堡包入邊嘅牛扒勁鹹，鹹到我最後真係食唔到，唯有將中間嘅牛扒抽出出嚟食。原本睇Menu個樣以為會好好食，點知好普通。真係有啲失望。…查看更多

明太子醬北海道三文魚籽意粉賣相非常好，成個意粉都好creamy，啲明太子醬煮得恰到好處，與意大利粉非常配合。士多啤梨藍莓疏乎厘好靚，全部新鮮製作，食落入口即溶，配合新鮮的士多啤梨及藍莓別有一番風味。經典漢堡既漢堡排很多汁，與脆脆的漢堡包皮很夾。薯條炸得很脆卜卜，香口美味。呢間店經常排長龍，如果唔早啲去排隊，基本上都好難食得到。…查看更多

今次試左士多啤梨藍莓香蕉班戟～真係好好食阿班戟的外觀十分吸引，上面鋪滿了新鮮的士多啤梨和藍莓，果實鮮艷欲滴，散發著誘人的香氣。香蕉片的點綴不僅增加了視覺的層次感，還讓整道甜品看起來更加豐富。搭配上淋上的香草醬，整體色彩對比鮮明，令人忍不住想立刻動手品嚐。班戟的口感相當柔軟，輕輕一切便能感受到那種綿密的質地。每一口都能感受到班戟的鬆軟與水果的清甜，完美融合。士多啤梨的酸甜、藍莓的微酸，以及香蕉的天然甜味，三種水果交織在一起，真係好好食。…查看更多