Video
4-min walk from Exit B2, Tsim Sha Tsui / East Tsim Sha Tsui MTR Station
continue reading
Telephone
23689993
66258082
Introduction
It features a Japanese wooden design and uses Japanese paper umbrellas to decorate the ceiling. It specializes in skewers that offer different meat items. Besides, you can enjoy teishoku at lunch time.
continue reading
Opening Hours
Today
18:00 - 00:00
Mon - Sun
18:00 - 00:00
Above information is for reference only. Please check details with the restaurant.
About Reward Scheme
今晚去咗厚福街呢間樓上居酒屋，打開餐牌見到勁多種類串燒選擇，眼花撩亂款款都想食，比較特別嘅串燒都有得食。仲有多款清酒飲，食串燒配美酒確實一流。•手抓餅海膽蝦卷呢個卷物好特別，用上台式蛋捲皮包住炸蝦，上面加上鮮甜海膽，口感不錯。•爖月三點招牌菜三點有月見和牛、免治吞拿魚他他、磯煮鮑魚。師傅已經將和牛調好味再撈勻蛋黃口感嫩滑；吞拿魚他他帶點微辣好開胃；鮑魚好入味，鮮嫩彈牙。呢度嘅串燒有好多款式，我哋點左提燈、牛舌、和牛脂、橫隔肌Set、雞皮、一夜乾阿波尾雞翼、廣島蠔 、和牛、雞腳筋、雞軟骨、日本青椒仔、燒芝士年糕….🍢🍡我比較鍾意嘅串燒🍢🍡•提燈-真係唔係經常食到嘅串燒之一，外形好像燈籠好有趣，而且口感好特別，一口咬下蛋汁即時爆發非常鮮味～•和牛脂-油脂豐富，口感鬆軟～•橫隔肌Set-性價比高，有齊四種口味蜜糖芥末、Wasabi、蒜香、菠菜，四種不同味道配搭，肉質相當軟嫩多汁～•和牛-厚切成一粒粒油脂豐富，肉質細膩～•雞腳筋-爽脆得來有咬口，推介必點之一•燒芝士年糕-外面金黃色，內裡柔軟軟綿綿，仲有流心芝士效果～最後叫埋甜品芝麻雪糕，好似食緊芝麻糊一樣好濃郁～餐廳晚市時段而家仲有八折優惠「星期五除外」另外晚上九點後宵夜時段，有多款串燒半價再加$98仲有半打啤酒🍺
continue reading
尖沙咀厚福街係美食天堂，今次我要力推呢間居酒屋‼️質素高、價錢合理、服務又好🙌🏻✨和牛蛋飯團必食‼️我本身已經係飯團控，但呢個和牛蛋飯團真係另一個境界☺️和牛肉質軟嫩，另外用上夢王蛋，蛋香極濃。配上帶有焦香嘅飯團，超好食🥹✨手抓餅海膽蝦卷 幾有創意嘅菜式。以手抓餅包住鮮味海膽同酥脆天婦羅蝦，味道不錯。✨爖月比翼雙飛 餐廳推介，打卡必備菜式。用草織般嘅籃盛載，火焰紙包住乳鴿，火槍一燒，乳鴿金金黃黃，皮脆肉嫩。✨橫隔肌set 牛尾濃郁，口感彈牙有嚼口。配以香蒜、蜜糖芥末、日本芥、菠菜汁。個人最喜愛香蒜汁。✨明太子燒饅頭 面層脆身，底層軟綿綿，帶有明太子鹹鹹香香，我非常喜歡☺️✨提燈/燒雞皮/雞腳筋呢幾款都係去日本居酒屋必食嘅串燒款式，質素很不錯，最喜歡雞腳筋🙌🏻✨蒲燒鰻魚鰻魚肉質酥軟甘香，醬汁甜度適中，帶有微微焦香味。✨牛沙瓜 隱藏菜式，第一次食，原來係牛嘅第四個位胃。肉質爽口帶點嚼口。✨日本粉絲海鮮鍋 最後來一鍋熱辣辣嘅粉絲鍋，好幸福☺️海鮮有帶子同蠔，仲有蔬菜同菇類，當然唔少得彈牙嘅日本粉絲。由即日起逢星期一至四晚，食物同Sake都有八折優惠😳（接近40款Sake選擇）啤酒仲有買一送一‼️
continue reading
🤗自己定時同朋友會去食日本串燒🥰而家朋友開的，約咗啲friend去食，嘩！超高質素！大力推吓間店🙌🏼座位非常舒適，地方夠大裝修靚，即叫即做！另外有自家調味醬，出邊買唔到嘅醬料勁香！點前菜食非常之好食！👍🏻🤤特別驚喜推介就係個廁所，裏面男女廁貼滿晒索男索女海報，非常之吸睛🤩如果要去參觀咗廁所先😂包你睇到哇哇哇😝😝😝🥃飲品多達20幾款，清酒多達40幾款！🍢串燒多達70幾款，另外仲有沙律/刺身/甜品！必定食飽肚😌🥰必叫優惠:🍶清酒八折，🍻啤酒買一送一🎉一至四晚市八折=========================🔸爖月比翼雙飛（乳鴿） $128🌟🌟🌟🌟打卡🈵送走一流👍🏻🔸三色甲羅燒 $128 🌟🌟🌟🌟🔸午魚一夜干 $268 🌟🌟🌟🌟🌟🈵燒嘅程度啱啱好唔會乾，送走一流必叫😍🔸鐵板和牛 $178 🌟🌟🌟🌟椰菜伴👍🏻🔸鐵板牛小排 $158 🌟🌟🌟🌟椰菜伴🔸味醂魚乾 $108 🌟🌟🌟🌟🌟🈵好Juicy🔸手揸餅海膽蝦卷 $148 🌟🌟🌟🌟🌟呢個好有風味，要趁熱食！👍🏻🔸牛舌 $58/串 🌟🌟🌟🌟🔸雞皮蝦卷 $58/串🌟🌟🌟🌟🌟🈵 脆卜卜🔸雞尾 $28/串 🌟🌟🌟🌟🔸雞翼 $38/串🌟🌟🌟🌟🌟🈵 could呢個係食串燒最好食嘅雞翼，叫咗兩轉🤗🔸日本黑豚 $45/串 🌟🌟🌟🌟🌟🈵日本豚肉又係必叫👍🏻🔸蘆筍豚肉卷 $40/串🌟🌟🌟🌟🌟🈵豚肉夾蘆筍☺️唔肥膩好食👌🏿🔸雞皮 $32/串🌟🌟🌟🌟🌟🈵去食串燒一定會食雞皮，又係送走一流🔸洋蔥 $20/串🌟🌟🌟🌟🌟🔸原條粟米 $48/條🌟🌟🌟🌟🌟🈵粟米米夠甜，乾身唔黐牙，燒得唔錯🤤🔸日本大蔥 $22/串🌟🌟🌟🌟🔸秋葵 $20/串🌟🌟🌟🌟🔸蒲燒鰻魚 $118🌟🌟🌟🌟🌟🈵鰻魚大條多汁🔸日式炒雜菜 $68🌟🌟🌟🌟🔸稻庭烏冬（雞湯） $88🌟🌟🌟🌟🌟🈵重點係個雞湯，要飲晒啲湯唔好嘥😘👍🏻好食🌟🌟🌟🌟🌟🈵推介指數🈵🈵🈵🈵🈵🚻獨立男女廁🚇尖沙咀地鐵站步行4分鐘到🪑目測坐位40以上
continue reading
今晚就去左一間位於尖沙咀厚福街嘅上樓居酒屋，一上到去就見到好多燈籠同好日本🇯🇵風既裝修！！ 環境又闊落！！ 連個廁所都好日本風架真係🤣🤣🤣 一打開meau就見到各式各樣唔同種類嘅串燒，真係花多眼亂唔知揀邊款好🤤🤤 而且仲會有好多款不同種類嘅清酒清酒，同朋友飲吓嘢一路傾一路食真係一流👍🏻👍🏻👍🏻爖月三點 呢款係呢間居酒屋嘅招牌菜，有月見和牛 、免治吞拿魚他他同埋機煮鮑魚。師傅一早已經和牛調味好，再將蛋黃撈勻，口感嫩滑！吞拿魚他他會有少少辣（唔食辣嘅朋友都可以食得到既😉 唔使擔心），至於鮑魚好新鮮同好入味，彈牙爽口👍🏻手抓餅海膽蝦卷用手抓餅嘅方式包住炸蝦同海膽，勁有創意嘅菜式！！味道唔錯橫隔肌set 呢個係我私心推介嘅set 😍😍 有三串唔同味道嘅橫橫隔肌串燒，分別係蜜糖芥辣、Wasabi同蒜香菠菜汁，三款味道都各有不同，雖然同樣都係橫隔肌，但係唔同味道就會有唔同嘅效果，真係好好食🤤🤤🤤爖月比翼雙飛 （乳鴿）呢款係餐廳推介必食嘅菜式！！用織籃盛載，再用火焰紙包住乳鴿，經過火槍一燒，衝擊視覺後乳鴿即時變得金黃，皮脆肉嫩！！我哋仲嗌咗好多唔同款式嘅串燒，有蝦夷蔥牛肉卷、本菇牛肉卷、雞皮、雞腎、柚子雞、芝士燒翠玉瓜、秋葵、等等； 仲叫左燒三文魚飯團同埋三文魚雞湯飯！！ 由即日起逢星期一至四晚，食物同sake都會有八折優惠，啤酒仲會有買一送一！！
continue reading
又係同三五知己食好西嘅時候，今次去到尖沙咀嘅日式串燒小店爖月，地點夠晒方便👍🏻入去見到充滿日本傳統色彩嘅裝修，部分枱做咗半開放式間隔，非常舒適🫶🏻打開menu就發現個難題。。。實在太多選擇😂😂😂，樣樣都好想食，而清酒嘅選擇更加係有接近50款咁多，另外亦有啤酒買一送一嘅優惠，啱晒鍾意飲酒嘅朋友。一行6人嗌咗勁多嘢食，以下係重點推介:爖月比翼雙飛（乳鴿）$128好強勁嘅氣勢🤩，點火嗰刻真係哇一聲😆，乳鴿皮脆肉嫩，食完真係齒頰留香午魚一夜干 $268外皮燒到脆卜卜，魚肉依然嫩滑，一絲絲嘅魚肉非常容易夾，好快就食淨啲骨😂三色甲羅燒 $128甲羅妃出動一定要試甲羅燒😍，呢度嘅甲羅燒仲加埋蟹籽同蟹柳，多重口感享受😋蒲燒鰻魚 $118濃濃嘅鰻魚汁包圍着每一嚿鰻魚，軟滑無骨，食唔停口🤭牛舌 $58厚燒牛舌最怕韌，但係呢度嘅牛舌非常爽口，就咁鹽燒已經好好食，芥末都唔使點😋鐵板和牛 $178/ 鐵板牛小排 $158切薄片以鐵板上枱，聽到吱吱聲已經好興奮，和牛口感較為腍身，牛小排牛味較濃，各有所愛🤭🤭日本黑豚 $45/ 盧筍豚肉卷 $40鍾意厚切嘅朋友可以試吓日本黑豚，火候啱啱好，有少少燶又唔會太乾身，鍾意薄切嘅可以試吓蘆筍豚肉卷，蘆筍咬落多汁無渣，又可解肉膩感🫶🏻🫶🏻其他串燒小食包括:🐔雞翼 $38🐔雞皮蝦卷$58🌽原條粟米$48🎋日本大葱 $44🫛秋葵 $40🧅洋蔥 $40🍜稻庭烏冬 $88🐟味淋魚乾 $108🍃日式炒什菜 $68🦐手揸餅海膽蝦卷 $148全部唔使點任何醬料已經好夠味、好好食，仲有太多嘢未食，而家星期一至四做緊8折優惠🎉，相信好快就去encore🥳#爖月串燒居酒屋 #爖月 #日式串燒 #尖沙咀 #厚福街 #尖沙咀美食#foodie #foodies #foodiehk #foodieshk#hkfoodie #hkfoodies #美食 #香港美食 #foodblogger #foodbloggers #foodieblogger #foodiebloggers #hkfoodieblogger #hkfoodiebloggers#taichifei #太子妃 #甜忌廉
continue reading